Леле која од која поубава. Ептен ми се допаднаа. Ти посакувам да продадеш што повеќе и да продолжиш со ова, стварно се совршени. Ако може некако да добиеме линкче од продавницата би било супер. Фаворит ми е 3.
За ова се согласувам. Многу ретко се наоѓаат честитки на македонски јазик, така да ова би било полн погодок
Ги продавам и во странство и затоа не се на македонски, повеќето честитки кои ги купуваме во МК реално и не се на наш јазик, посебно за родендени и сл.
Се` Ве разбирам. Но, да се занемарува мајчиниот јазик и да му се дава предност на туѓ јазик, тоа е менталитет на колонизиран народ. Извинете, не сакам да Ве навредам ни Вас, а најмалку Вашиот труд. Го ценам трудот! Ама едноставно ми смета. Кога ќе видам натпис на англиски, се чувствувам како некое Угандче, кое и ден денеска го тепаат в училиште ако проговори на својот мајчин јазик.
Секоја чест и наклон до земја Прво, затоа што во денешно време сите се во трка со времето и им се битни само материјалните работи, ретко се среќава некој да направи нешто само затоа што му ја полни душата, браво и секоја чест стварно. Второ, затоа што скоро со секое мислење ми имаш оставено некаков впечаток, читам и сум као кој го напишал ова, го гледам твоето име и до сега имам заклучено дека си многу емотивна и добра личност. За честиткиве немам коментар, која од која поубава и баш ме враќаат во времето кога бев дете како се пречекуваа новогодишните празници и будат во мене некоја носталгија. Ти посакувам само успеси а за тоа што неколку членки погоре коментираа за јазикот на кој се напишани, членката живееше во странство па можеби сака да бидат соодветни и за таму. Заборавив да допишам, мои фаворити се 1 и 2
Браво секоја чест Која од која поубава.Ме врати во детството кога едвај чекав да добијам и да пратам честитка.Тешко е да се одлучи ,но сепак под бр.1
Јас се те разбирам исто така, и би сакала да бидат и на мк ама едноставно времето не ми дозволува да правам дупла работа со тоа што би имало едни наменето за тука едни за странство, жалам што е така ама едноставно бизнисот ми налага. Преку вебсајтот продавам и уметнички дела низ цел свет, со дропшипинг е и ми е примарен извор на приходи и мора и ова да биде соодветно за таму. А точно е дека многу малце се посветуваме на мајчин јазик, ама на крај краева кога мојата земја не ми понудела многу шанси за успех, не се осеќам воопшто како менталитетот да ми е погрешен, кога неаме подобри опции за развивање бизнис во земјава, мора да се снаоѓаме. Ама ете да излезам во пресрет ако на добитниците им смета јазикот ќе ги сменам нивните дизајни и ќе напишам среќни празници
Преубави се, браво. Се сеќавам дека како дете, ѕиркав во сандаче за да видам дали имам добиено честитка. Ги чувам сите кои ги имам добиено, преку 500 сигурно имам, ќе ги побарам баш деновиве, ќе ја фотнам колекцијата и ќе ставам тука фотче во соодветна тема. Ти посакувам да продадеш што е можно повеќе.
Браво за идејатa! Божиќ и Нова Година е еден од најомилените празнични периоди на секого, исполнети со убава и пријатна хармонија кој секој со нетрпение очекува што поскоро да ја почуствува вистински Божиќната магија која ни доаѓа! Мој фаворит е бр.1
Ти посакувам многу, многу успех и сакам да ми чуваш на лето ќе си ја подигнам Да се одбере една од оваја убавина е навистина тешко.
Браво за креативноста и идејата да се вратат новогодишните честитки во мода! Совршен подарок за најубавиот период од годината. Мој фаворит бр.3
