Доење во јавност

Само да кажам дека ја извртувате темата како ви одговара.

Па дајте бре луѓе, одиш на гости и мајката си ја вади градата и си го дои детето пред 10 тина луѓе(гости)?!? Што, нема друга соба каде тоа може да се направи, а никој да не види и да не чуе? Тоа беше поентата, а не да расправаме криви дрини. И зборете што сакате и колку сакате, ама непријатно е за сите отстрана.
И не зборуваме овде за доење на пракинг во кола(зошто гледам дека ги извртувате работите). Зборуваме за доење во јавност, пред други луѓе. Имав јас колешка која не живееше во Скопје а имаше бебенце што го доеше и на секое полагање со сопругот го носеа и бебето на факултет. Ама никогаш не сум ја видела како го дои бебето. Да, го доеше и детето не беше гладно, ама го доеше во кола на паркинг далеку од очите на другите, а не во сред амфитеатар или во бифе.

 

Да нема забуни, во оваа категорија јас сум модератор, и јас ги избришав мислењата кои немаа врска со темата, туку беа препукувања, а ги оставив тие што имаа поврзаност со темата.

Ако мислите дека има уште мислења кои треба да се избришат и средат, слободно пријавете или пишете ми лп, и ќе ги средам. За тоа и постои таква можност на форумов, за секој да има можност да придонесе да биде подобар. Може да се случило да е избришано и некое мислење кое можеби и не требало, особено што имаше многу оф-топик мислења. Ако е така, се извинувам, иако се трудев да ја средам темата колку што можам.

Ве молам придржувајте се кон темата, и без навреди. Има различни начини да се каже своето мислење, а тоа може да се направи и без навреди. Кој сака да се препукува, може тоа да го направи по ЛП. Тука не е место за тоа.

 

Искрено, тргнувајќи од самата од мене, иако важам за отворена особа со широки сфаќања, и како една мама, би доела во јавност, ама малку настрана од очите на јавноста. Во кафич да-ама би се затскрила во ќоше отколку да се распостелам колку што сум долга и широка. Во парк да-клупи затскриени колку да сакаш плус марама ете ти. Колку и да сум со широки сфаќања би сакала да си се трнам на страна чисто да имам комфор и целосна слобода додека дојам.
Да се разбериме, не е чинот бебето кога цица непријатно , грозно или чувај боже да има сексуална конотација-всушност градите за тоа ни ги дала мајка природа-да доиме. Моментот околу кој настанаа забуни (бидејќи и оние за и против изумија да се до изјаснат)е ПРИНОСОТ НА ГРАДАТА до малото. Нема шанси убаво да ја апне ако убаво не ја извадиш. Е тој миг е оној кобниот за да се дојде до жешки дебати за и против доење во јавност. Излези си со бебуш, прошетај си, ако му се јаде за 5 мин нема да е проблем некое местенце така не толку у очи да паѓа да се најде, оди си надој си немај главоболија и ѕверења од оние на кои им пречи. И најтрагично е што сите феминки и феминовци сте во право со своите мислења, само кога не се доизјаснуваме сите ете ти забуни и вадење од контекст. Немам против КУЛТУРНО, ПРИКЛАДНО доење во јавност, чисто ради кулура дека местото се вика кафич или ресторан а не дојачница. И да не ми биде извадено од контекст, повторно го потенцирам болдираниов дел. Не знам баш како се снаоѓате вие, ама ваму бар скоро секое ќоше е прикладно за поинтимно доење.
Лично и кај свеки да сум каде си сме исто како дома, би заминала во друга соба да дојам здравје боже, од колку да голтнам срам и да го правам тоа пред свекор ми или девер ми на пр.
Пријатно доење, каде сакате , кога сакате, само со усул лично заради вас, а не за некој друг кој рекол како рекол.

 

Јас веќе кажав дека не сум за доење во јавност, туку за затскриено доење.

Ама зошто? Затоа ште денес сегде е: секс, секс, секс, секс.
Се вришти од секс!!!

Секое разголување, секое најобично дејство асоцира на секс. Срам ти е да се слечеш, а луѓето пак како невидени зјапаат и тако даље.

Порано кога нашите мајки не` доеле, нашите баби нив, имале бабачко големи гради, за разлика од нас. И оп си ваделе града секаде, како најнормална работа да е. Нацицај си го бебето и чао, пријатно.

Никој не те гледал накриво, не ти зјапал во машала големите гради. Луѓето не биле гадливи. Како можат навечер кога излегуваат да се пијанчат и повраќаат, да одат 15 годишни со растресени газови и испрчени цицки, да пцујат и се понашаат неморално, а ОД ТОА ДА НЕ ВИ СЕ ЗГРОЗИ????

Ама на истите ќе им се згрози ако некоја мајка си го нахрани бебенцето, што е најнормална работа.

Да се разбереме, немаат сите коли за да влезат в кола, а во туѓа куќа понекогаш е незгодно да бараш да одиш во друга просторија освен во дневната во која те сместиле.

 

искрено не е баш убаво..
има една моја роднина она и надвор и внатре да се наојга ке ја извади градата и во уста на бебето и сите ја гледат мене тоа не ми е ок..
па има постари лујге и тоа машки ај мозеби пред зенски мозеби ај али пред машки...
па и да нема веке каде да си во моментот па завртисе на страна а не како ништо да не правиш само извадија и во уста според мене не е добро така..алис екој за себе си знае//
ако не им смета нив тоа е нивна работа...

 

Доењето е многу важно за секое бебенце.Јас моите ги доев до 6 месеци иако сакав и повеќе ама едноставно снемав млеко.Да не бидам офф во темава.Значи никогаш не сум доела пред други луѓе.Ако сум била дома се повлекував во друга соба,ако сме на прошетка во кола или на клупа некаде настрана,ако сме на гости секогаш барав некое затскриено место.Доењето само по себе е убаво ,ама за другите не претставува убава глетка.Имав една роднина и од неа ми се смачи иако тогаш бев дете,и си ветив ако бидам мајка никогаш нема да дозволам други да ме гледаат како дојам.Таа ја откриваше градата ,тие набрекнати,млекото капе..а можам да замислам како би било тоа во јавност.Значи доење да ама не по цена сите да ме видат дека дојам и како.Секогаш може да се најде некое место да се тргнеш на страна и да си го нахраниш бебушот.Вадење на цицка пред очите на другите ме исполнува со ужас.

 

Еве реална мајка која не рипа одма само колку да го оправда своето мајчинско однесување под изговор бебето ми е гладно морам да го надојам па макар и пред луге насобрани околу мене ,и сигурно нема да си го оставам малото гладно да плаче само затоа што на вас ви е непријатно да гледате бебе како цица. Верувам женава не е помалце мајка од вас само затоа што има ваков став и не изрипа одма да го брани мајчинското право на доење .

 

Нема потреба од изговори,ни од оправдувања,таман работа.темава не се вика доење пред други луѓе или насобрени маси,туку доење во јавност, јавност= се надвор од домот, значи мајката погоре,како и сите што беа ЗА во темава,би доела скриено,немаше ниедна што рече ќе си ги ставам прво на маса пред сите, па ќе дојам.сигурна сум дека нема мајка што не би нашла начин да го нахрани бебето ако не може баш во моментот

 

Луѓево и на насловна почнаа со доење, а не па ..

 

Според мене тоа е најприродна работа која треба да се цени.
Меѓутоа, доста често забележувам, слушам и читам негативни коментари од други луѓе, пред се жени, девојки кои не се мајки - дека не било пристојно да се дои на јавно место.
Има мајки кои бебињата си ги дојат и 2 годинки, зарем додека го дои мајката бебчето ке седи дома заробена? Сега се прашувам, дали на нив им пречи чинот на доење или градата на мајката која не се ни гледа (бидејќи не верувам дека има жени кои од нигде никаде на јавно место видно ќе ја извадат градата и ќе му дадат на бебето да цица)?

Ако мора мајката да излезе и на непланирани да се задржи како да не го дои? Дали вие сте се сретнале со вакви конзервативни размислувања, па дури и гадливост? Јас тоа не можам да го сфатам, особено не, кога потекнува од жени. Не сме сите исти, точно е, некои навистина од срам не можат да дојат на јавно место, ама мислам дека не е во ред некој што не поминал низ тоа искуство да осудува.

 

Пред 4 години на одмор случајно ме однесе еден ден патот кон струга чисто да прошетаме . На плажата под чадор воопшто не настрана од другите луѓе ( јас поминував покрај тој чадор ) една жена си го доеше детенцето кое имаше околу 7-8 месеци барем по изглед . Беше прекрасна глетка не секси туку нежна навистина преубава особено кога во очите и на двајцата се гледаше големо задоволство . апсолутно не ми смета кој каде го дои своето дете , зашто поприродна и поубава работа нема . Дали јас би имала храброст да дојам во јавност сеуште не знам каде и да е за 4-5 месеци ќе видам како ќе биде

 

Пред еден месец по жештиниве гужва во градски автобус огромна, една жена седнала на седиштето одма до вратата за излез и си го доеше детето. Многу незгодно им падна на лугето околу а беше стварно неубава глетка. Сум за доење во јавност, ама не баш на сред гужва.

 

Мислам дека е сосема во ред да се дои дете на јавно место, и во тоа нема ништо сексуално иако машкиве како што ги дал господ се палат на се и сешто. И немислам дека е нешто лошо и непристојно и дека има рска со егзибиционизам што не е исклучено, сепак мислам дека тоа треба да се прави во исклучителни случаеви и доколку детет е навистина гладно а има уште долг пат до дома.
Јас лично не сум доела вво јавност бидејќи ми било срам а и немало толку голема потреба за тоа.

 

Јас сум доела на јавно место, само подзаскриено. Не можеш да го оставиш детето не јадено, а не шини ни па да не излезеш од дома додека да почне со готвена храна.

 

Вчера враќајки се од одмор застанавме да се одмориме во друг град и во сендвичара го доев моето 4 мес. бебе. Воопшто не ми беше незгодно, седнав на стол во еден ќош свртена со грб, се покрив со едно тенко ќебенце и си го нахранив. Што требаше да направам, да го оставам да плаче или да одам во кола на температура над 35 да го хранам. И за среќа што го нахранив, зошто кога излеговме надвор што да видиме, гумата на автомобилот издишана пукната и ајде на бензинска, па барај вулканизер итн, итн.

 

Искрено мене не ми смета доењето во јавност.Кога детето плаче и му се јади мајката ќе го остави гладно?Секако дека мајката би се покрила и задскриено би го направила тоа,па и да не е така не е некој злочин.Тоа е најприродно нешто и е најубава глетка од која што извираат нежноста,љубовта и вниманието.Глетка која што во мене буди многу убави емоции.Тоа е сосема природна работа и не гледам тука ништо гадно или неубаво.

 

Летоска на плажа видов мајка со поголемко дете кое на секои 5 минути наместо по вода, доаѓаше кај мајката, го тргаше сам горниот дел за да цица и се враќаше да си игра.
Искрено таа глетка не ме воодушеви. Доење во јавност подразбира мало бебе, кое е гладно во моментот и го држиш во прегратка и можеш да се покриеш со марама или нешто слично.Ова беше некаде 2 години, цицаше стоејќи, дете што само оди, трча до вода за да наполни кофички и си игра, дури и разбира прашања, носеше купачиња без пеленка. Тоа дете само знае да си земе и да пие од шишенце и да побара се што треба, воопшто не беше симпатично за гледање, ниту пак беше дискретно.
Така што и самото доење во јавност си има свој рок кога изгледа нормално и кога пара очи како неубаво.
Доење во јавност Да ама дискретно, не мора да паѓа во очи на секој минувач и да се внимава на реалната возраст и потреба на детето.

 

Кога би била мајка, дефинитивно не би ја изложувала цицката на сечии погледи. Разбирам, мало дете е, неможе да трпи ама затскриј се, млеко од дома земи или нешто слично.
Досега во јавност не сум видела, ама еднаш една комшивка, си ја извади цицката пред нас, а полна соба луѓе. И си прави муабет, си седи, не се ни потруди да се покрие малце од малце.
А додека, една моја снаа, си го одведе детето понастрана, се заврте со грб, на никому не беше непријатно. Ни нејзе и на мажот и, ни нам, што е многу попристојно.
Поврзаноста меѓу мајката и детето е огромна, нераскинлива, тој чин е возвишен, да го нахраниш своето малечко, ама сепак треба да се има во предвид дека пред луѓе е стварно непријатно, некој намерно ќе гледа, а некој и да не сака да гледа по автоматизам ќе му летаат очите.

 

кај нас тоа е страмно менталитетот ни -0
и јас да видам во јавност незнам што ќе помислам
ама се тоа е природна појава и во другите земји е нормално
мајка му дава на бебето да јади
нема ништо лошо во тоа
ама ние балканците ако видииме така ова не е нормална ќе речиме.