Да ти кажам не знам колкаво ти е бебчето ама во почетокот некои бебиња по малку цицаат и заспиваат или се уморуваат, ама после еден месец работите ќе се сменат и ќе цица повеќе ќе видиш. За електрична пумпа не знам што да ти кажам бидејќи јас имам искуство само со рачна, а ја земав да се молзам само на почетокот и да потикнам лактација за повеќе млеко и сега ептен ретко ја користам, само кога треба некаде да отидам некаде на кратко па да има млеко, а ти ако планираш редовно да се измолзуваш земи електрична, бидејќи искрено рачно да се измолзуваш е малку напорно. Јас имам на Томи Типи и во ред е, врши работа, а знам дека има на Томи Типи и електрична. И штом имаш млеко јас би ти советувала да не даваш Хумана, туку твое млеко во шишенце додека не фати убаво па после само да си доиш. Нема ништо подобро од твоето млеко за бебето и кога веќе го имаш давај го па макар и во шише. Да знаеш мајчиното млеко на собна температура издржува саат време, во фрижидер 24 саати, а замрзнато 6 месеци, веќе стоплено млеко од фрижидер не можеш да го враќаш пак во фрижидер, замрзнато млеко па стоплено можеш да го измешаш со друго млеко само ако е свежо или исто стоплено во тој момент. И кога се молзиш со електрична пумпица не е препорачливо подолго од 15 минути за да не ги разраниш градите и брадавиците, бидејќи 2 мин. молзење со електрична пумпица ти заменува 15 мин. со рачна. И види пробај повеќе начини на доење, во легната положба, па во прегратка, па нишкај го бебушот и може ќе фати во некоја ако му ја погодиш. И јас на почетокот доев само во легната положба, а сега не сака така, ќе цицне малку и кенка и знам дека сака во друга, па станувам го зимам во прегратка и така одма фаќа, а кога треба да заспие само го нишкам нежно горе доле и заспива така на цицка. Кога се молзиш притисни ја градата убаво да излезе млекото и тоа убаво од сите страни и пробај наименично да се молзиш, првин едната па другата града и додека се молзиш пиј природна вода. И биди упорна и ќе видиш после некое време ќе си фатиш ред и ќе си уживате со бебушка.
Ме интересира дали знае некоја од вас колкава е хранливата вредност на мајчиното млеко 15 месеци по породувањето. Јас мака си мачам со ќерка ми, има денови кога буквално не сака вистинска храна да стави во уста а би цицала нон стоп. Ако види некое животинско царство или наполитанка на маса тогаш не е проблем да ја изеде а телешко месо и брокула или што и да е нешто корисно треба рововска борба да водам. Прашањето ми е, има ли шанси да е најадена само од мајчино млеко?
Јас мислам дека има хранлива вредност се додека има и млеко, порано пред 100 години кога ги доеле до 4-5 години си растеле најнормално децата значи има и хранлива вредност а си биле и најадени децата. Јас моево го доев до пред еден месец, го одбив пред да дознам дека сум бремена со второ (значи митот додека доиш не можеш да останеш бремена не е точен ) ама кај син ми последните неколку месеци беше повеќе навика навечер да заспие него потреба. За јадење моево си јаде скоро се, гурманче е, ретко одбива некоја храна ама моево е нонстоп со на брат ми децата ги гледа нив и сака да биде како нив па многу работи мислам дека ми се олеснети токму заради нив, пробај кога има други малку поголеми деца околу нејзе да ја храниш можеби ќе сака да ги имитира и да јадат заедно, мора да се учи да јаде и храна а не само млеко.
јас мислам дека хранливоста зависи од мајката. имам слушнато дека мајчиното е хранливо и ги задоволува потребите на бебето 6 или 7 месеци. ама незнам колку е точно бидејќи има многу случаеви кога децата се дојат до 1 па и до 2.
женски , додека доите немојте да им давате млеко вештачко , поготово ако имате млеко бебето ке се засити и со тоа. а и зашто мора да се измолзувате со пумпи? и мене ми беше страв да не немам млеко да не не е доволно но гледам дека детето си спие мирно не плаче не се буни така знаев дека имам млеко и дека се е во ред.нешто поубаво од мајчиното млеко нема. колку повеке доите млекото ке се создава и повеќе , лесно е со цуцла ајде влечи (цуцлата можеби е слична но не и иста како брадавицата од мајката) ама кога го ставаш на града треба малку да се помачи бебето , и нормално е во првите 2 месеца да спие цело време ама наутро и ке го будите , секои 2 часа нека цица , задоволно бебе ако е нацицано не плаче да знаете. бидете само упорни , немора одма вештачко да се дава (сега ако некоја мајка нема млеко или ако не напредува бебето , а педијатар рекол така тогаш секако дека мора нешто да јаде нели) но вие што имате млеко потрудете се , бидете упорни , хранете се добро , пијте течности , NIKAKO не се откажувајте , на почетокот е тешко имам поминато низ тоа , но да знаете дека ниедно вештачко млеко неможе да го замени млекото од мајката.
ние имаме 17 дена, и верувајте ги пробавме сите можни позиции, дури и два пати бев кај докторката за да ми помогни да фати, ама ова моево несака инает невиден е наеднаш ке промрда со главчето ке шмукне неколку пати и тоа е се. се надевам дека со тек на време ке фати и ке почне да си цица. а дохрана морам да му давам, заради тоа што за две недели не беше воопшто напреднато, кутрото било прегладнето, заради тоа што не цица... забележувам од 20 минути минимум на града тоа шмука 5 минути а другите така си дреми, или плачи а јас имам млеко, прво го ставам да цицни додека сака, па потоа му давам хумана, по препорака на докторката, и на крај мама се молзи
пробај во мојата позиција оти син ми само во една позиција цица може и твоето бебе ке сака така главата стави и во делот од раката кај што ти се свиткува, значи внатрешната страна на лактот, и рачето што му паѓа од твојата страна пукни му го кај тебе во делот под пазувите, фактички во шуплината помеѓу твојата рака и телото, и бебето ке го позавртиш на кај градата, а со другата рака помеѓу показалецот и средниот прст ке ја фатиш градата и ке ја држиш да не мрда и ке му ја ставиш во устата и додека цица држи му ја да не му мрда а бебето само да влече, мене така ми успеа, пробај може и тебе така ке ти успее доењето.
Јас доев само во легната положба. Малиот ќе го легнев на кревет, јас до него и му буткав градата во уста до последен ден се така цицаше... Љубица, пробувајте различни положби, залажувај го со цуцла за да ја засмука градата. Јас немав проблем со тоа, уште првиот ден почна да си влече како што треба, можеби некоја што поминала низ нешто слично ќе ти даде подобар совет.
Полза од доењето: http://tvoebebe.com/BEBE/doenje.php ПОЛЗА ОД ДОЕЊЕТО ЗА БЕБЕТО Одлуката дали ќе го доите Вашето бебе не е одлука на животен стил, туку одлука на здравствен избор. Постојат многу причини за да го доите Вашето бебе. Доењето е нешто што нема да можете да го замените со ништо друго. Ползата од доењето е многукратна, а последиците од не доењето може да бидат долготрајни. Еве зошто е потребно доењето: Мајчиното млеко ги има токму оние состојки, кои му се потребни на бебето во дадениот перод. Составот на млекото на мајката не е постојано ист. Како расте бебето, така млекото се прилагодува на неговите потреби. Доење Мајчиното млеко е незаменливо за бебето Кога бебето ќе се роди, првото млеко или колострумот (првото жолтеникаво млеко кое почнува да се лачи уште во текот на брменоста) ги содржи сите потребни материи, кои ќе му овозможат оптимален почеток во животот. Колострумот заради својата вредност, уште е наречен течно злато. Богат е не само со неопходните хранливи материи, туку и со антитела – кои ќе го заштитат Вашето бебе од многу болести и инфекции. Вашето млеко е убедливо најдобриот избор за Вашето бебе. Кравјото млеко е добро за телињата, но не и за Вашето бебе. Вештачките формули се подобар избор од кравјото млеко, но многу се разликуваат од мајчиното млеко. Разликата е во тоа што имаат недостаток од над стотина различни видови хранливи материи и антитела во споредба со млекото од мајката. Еве некои причини зошто е добро да го доите Вашето бебе: Кравјото млеко и вештачките формули се многу потешки за обработка во стомакот на бебето, отколку мајчиното млеко. Мајчиното млеко го содржи точно идеалниот сооднос на масти, шеќери, протеини, витамини и др., кои му се потребни на бебето во секоја фаза на неговиот развој. Како што минува времето, млекото се менува за повторно да ги задоволува потребите на бебето во тој период. Преку млекото од мајката, бебето прима антитела – клетки кои се борат против опасните бактерии и вируси. Всушност телото на мајката ствара антитела на секоја болест која ќе се појави во околината. Така бебето е постојано заштитено. При доењето бебето треба да употреби повеќе напор за да го извлече млекото од градата отколку од шишето, па самото тоа придонесува за подобар развој на мускулите на вилицата. Освен тоа што мајчиното млеко е најдобрата храна за Вашето дете, доењето помага и за да се развие поблизок однос помеѓу мајката и бебето. Доењето претставува продолжување на близината, што ја имале додека бебето било во утробата на мајката. Бебето ја чувствува кожата, топлината, мирисот на мајката и тоа му дава чувство на сигурност и безбедност. Во едно испитување, кога во креветчињата на бебињата (стари само една недела) ќе било ставено крпче натопено со млеко од неговата мајка, бебето секогаш се вртело на таа страна. Исто така е покажано дека мајките кои ги дојат своите бебиња, полесно се зближуваат нив и полесно и побрзо научуваат да ги разбираат потребите на своето бебе. Утврдено е дека предвремено родените, доени бебиња, подобро напредуваат од оние кои се хранети со вештачко млеко. Покажано дека децата кои се доени имаат повисок коефициент на интелигенција. Со многубројни истражувања е дојдено до заклучок дека бебињата кои се доени, имаат намален ризик од следните заболувања: Синдром на ненадејна смрт кај новороденчињата Инфекција на увото Стомачни вируси Астма Инфекција на долните респираторни патишта Стафилококни инфекции. Пролив Воспаленија на цревата Дебелина покасно во животот Висок крвен притисок покасно во животот Дијабетис тип 1 Алергии Детска леукемија и др. ПОЛЗА ОД ДОЕЊЕТО ЗА МАЈКАТА Докажано е дека при доењето, освен бебињата и нивните мајки имаат намален ризик од некои заболувања. Меѓу нив се: Дијабетес тип 2 Рак на дојките Рак на јајници Постпородилна депресија Остеопороза Со доењето се ослободува и хормонот окситоцин, а тој прави матката повторно да се врати во првобината состојба. Доколку доите тоа ќе се случи побрзо. Освен здравствената полза од доењето, во голема мера ќе ви биде олеснето и хранењето на Вашето бебе: Ќе го избегнете постојаното миење и стерилизирање на шишињата и приготвување на вештачкото млеко. Ќе со избегнете станувањето во текот на ноќта за да го направите сето тоа. Ќе може побрзо да го задоволите гладот на бебето. Ќе заштедите пари за вештачките замени на млеко. Побрзо ќе ги загубите килограмите добиени во текот на бременоста. Со доењето се трошат околу 500 калории дневно. За да го доите детето ќе мора да завземете удобна и опуштена положба, па тоа ќе би овозможи да си го приуштите толку потребниот одмор. Доколку мајката го дои детето барем 6 месеци, статистички е докажано дека помалку ќе отсуствува од работа заради покасно боледување кај детето.
Ние почнавме да напредуваме со цицањето фала богу, сега пола оброк е со цицање и пола со моето измолзено млеко, вкупно по оброк пиеме 100 мл мајчино млеко. Пумпата ми заврши работа за сите пари, бидејќи ми ги разработи градите да имам млеко во секое време, плус наместо вештачка храна му давам од моето, измолзено еден час пред да цица. http://doktori.mk/element/view/4f9d6b20 ... cino-mleko Еве еден сајт каде што пишува дека измолзено млеко може да си стои и до 4 саати на собна температура ако веднаш да му го дадеш или 4 дена во фрижидер со едно подгревање. Јас се молзам пред да стане и му го давам тазе после саат до два, млекото е на собна температура и не морам да го греам, идеална дохрана за бебиња што не цицаат убаво.Исто така минатата недела додека сеуште течеше колострумот и млекото имаше жолта боја, го извлеков максимумот со пумпата за моето бебе, што само тешко дека ќе го извадеше, а да не зборам дека овие 4 дена не му давам вештачко млеко, туку само цицање и моето измолзено. Така што помеѓу пумпа и вештачко млеко, нема споредба.Колку што видов Адаптимилот е 900 денари, со 3 кутии вештачка храна, ќе си купиш електрична пумпа и ќе му даваш свое млеко.
Факт е дека нема ништо подобро и поздраво од мајчиното млеко Плус немате потреба од миење флаши , навечер станување и правење млеко вака во секое време си има топло млеко за бебето А и не трошите пари за ад млека Јас имав пумпа купено која и не многу ја употребив , дали 3 пати да се измолзам од што ми најдојде премногу млеко . Доењето бара упорност , не е секогаш лесно . Јас првите месеци немав мака воопшто , малово цицаше , спиеше . Мераци
90% од случаевите што ги познавам јас се мачат со доењето (на почеток) сите имам различна граница на изрджливост јас првата недела поминав низ пекол во 7-8 дена јас дали имав 12часа спано...пекол и решив со ад да продолжам, и синми најаден и јас понервозна... ама не мора да значи дека сите го поминале и ќе го поминат истото. признава чуството е прекрасно кога доиш. ама јас и со ад не дозволував никој друк освен мене да му дава. и да негде беше пак само нас двајца,,мама-бебуш,,
Мене на упатството за употреба на рачната пумпица ми пишуваше поинаку ама баш пребарав сега на интернет и еве ви линк за трајноста на мајчиното млеко и да може да трае до 6 часа на собна темепратуа, 6 дена во фрижидер и 6 месеци замрзнато. Еве го линкот од Томи Типи од кај што ми е пумпицата: http://www.tommeetippee.co.uk/support/e ... east-milk/
Од сопствено искуство сега можам да се надополнам, дека не само јадењето има врска за тоа дали ќе имаш млеко. Еве јас јадев, пиев чаеви но, 2пати имав поголем стрес, нервоза и тоа беше клучно за количината на млекото. Искрено незнам како скроз не ми престана, но тоа е. Се намали и тоа ептен многу. Сега има млеко само за еден оброк дневно, и за преку ноќ. Но ги разделувам на 12ч разлика за да може да се насобере. Уфф колку ми е сега криво, а кога ќе ми текне колку млеко имав, неделно не поминував без 2пати да се измолзам за да не си направм проблем. Затоа идни мамички, ако сакате да имате млеко немојте за ништо да се нервирате, понекогаш изгледа невозможно , но пробајте да сте што по смирени.
Меу а да почнеш да се измолзуваш малку по малку и ќе видиш ќе се зголеми количината на млеко па да си го раниш со твое млекце. Штом имаш млеко колку толку добро е. Јас имам братучетка што има три деца и за второто кога го доеше на 4 месеци почина татко и и од стрес снема млеко, па мораше со ад млеко да продолжи. Јас читав и искрено не ми се веруваше дека мајките што посвојуваат деца можат да дојат, но со специјална програма, постојана употреба на пумпици и потикнување на лактација, многу упорност и можат да добијат млеко. Инаку сега ја отворив книгата „What to expect the first year“ напишана од три доктори и пишува за мајчиното млеко дека свежо млеко треба да се искористи во период од 30 мин., а во стерилен сад ако се стави по молзењето најмногу до 6 часа, во фрижидер во период од 48 часа, а во замрзнувач во период од 3 месеци, а на температура од 0 степени до 6 месеци. Еднаш ставено во фрижидер па стоплено пак може да стои до 30 мин. и пак потоа може да се стави во фрижидер, но да се искористи во период од 3 часа. И еднаш одмрзнато млеко не може пак да се замрзнува. А остатоците од млекото по хранење да се фрлат. И пред секое измолзување да се пијат течности, една цела чаша, а најдобро е топол напиток (ако е чај да биде без кофеин)
Lele luge denes sum tolku srekna sto konecno pocna moeto bebe da si pie od moeto majcino mleko i toa blagodarenie na elektricnata pumpa na Medela, znaci jas sum prezadovolna i ja preporacuvam na site mamicki koi maka si macat so doenje. Denes mu dadov 2 obroka od po 100 ml od moeto mleko i se nadevam da go isfrlime od upotreba Ad mlekoto. Od denes pocnav so izmolzuvanje i sum prezadovolna kolku mnogu vlece i sega barem si znam kolku tocno mleko imam i kolku ml pie bebeto za obrok. P.S. Se izvinuvam na latinicata ama od mob pisuvam i nemam mak poddrska
Женски, ние веќе 10дена не се доиме, јас примав и лекарства некои, па поради тоа не и давав ни тие 5-6капки да ги цица. Е сега се јавив кај гинекологот ми кажа да не се измолзувам(се измолзував преку ден, имаше на 10тина пати млаз и после ни капка не потекуваше), туку да земам Бромергон. Постепено ќе ја зголемувам дозата, а ќе ги пијам 15дена. Дали имате искуство со апчињава??? ДАјте ми совет, ми кажаа ад внимавам зошто притисокот многу паѓал. Ич не ми се пие да пијам ачиња, а незнам дали би застанало млекото само. Вака градите ми се меки и немам никакви проблеми, а ниту пак изгледа како да имам млеко во нив.
Јас ти препорачувам да не пиеш никакви апчиња, а поготово тие Бромероген или како се викаат, читав многу негативни искуства за нив и многу нус појави предизвикуваат , а и кажуваш самата дека градите ти се меки и немаш многу млеко, апчиња пијат тие кои имаат многу млеко и за да не се стврднуват градите кои можат да доведат и до маститис па затоа ги пијат.....и јас деновиве размислував на тоа највеќе ми е да не фатам маститис не дај Боже у пуста гора нека е ( шо викаше баба ми бог да ја прости) затоа што и јас дојам, немам којзнае колку млеко ни јас, 2,3 оброка собирам се на се од моето млеко на бебчо мој и си мислам и ајс кога ќе дојде денот да престанам да дојам, да го одбијам што да правам........ П.С. За оваа дилема ќе ни помогне Коритсаки најмногу, ако го прочита ова, таа го има поминато овој период па да не посоветува малку
Meu ако нема ни капка не пиј нема потреба може дел ќе се врати понатаму мада тешко ако прекинеш со лекарствата поради кои не си доела и ако по не кое чудо се вратат тир 5-6 капки можеш да и ги дадеш повторно . Е сегаи јас да си ја кажам приказната се доевме до 32 вториот ден точно почнавме во облница со 1 капка и дојдовмедома до 3 млаза десно и 1 млазче лево . Некаде третата недела детето почна да одбива да цица од за мене не познати причини и се молевме и некако идеше ѕака се до 32 вториот ден кога потполно се одби .за да дојдам до тие 3 млаза секојдневно пиев чај -3-4 шољи хип натал 2 литри боза 3-4 тањири супа 1 чаша пиво и плус мн вода сок исл и плус јадење 3 оброци дневно .За неспиење не сакам да праам муабет , и нормално подршката од сите мајки тетки стрини и педијатри со нивните совети кои поттикнуваа се поголема нервоза . Сега кога ќе се свртам наназад не можам д аси поверувам како и стручни лица ми велеа ставај ја на 2-3 саати да се подсобере не порано Ад секогаш после доење КАКВА ГРЕШКА секогаш ќе ми биде жал што не ја послушав другарка ми која ми велеше ако нејке покрај што ќе измолзуваш ставај ја упорно нее битно колку ќе влече 3пати ок и тоа е ќар ставај секогаш когаможеш не битно дали ќе има млеко или не дали бара или ја начекаш ли во полусон ставај не послушав и мн ми е криво не викам дека ситуацијата ќе се подобреше но човек никогаш не знаеа особено кога не пробал . Кога одбиваше да цица се измолзував со пумпа идобивав едвам 8 мл од две гради може пумпата не вадеше доволно зашто ќерками кога ќе исцицаше иповратеше како поише да имаше и нормално млекото тргна да се намалува исчезна за точно 10тина дена . Верувале или не месец дена потоа иако цел месец беше на шише побара да цица не ми се веруваше но веќе немаше ништо оттогаш еднаш во денот е на града иако е празна шмука од желба на празно некоја минутаили две ико ќе осети нема ништо пуштаи вика
и јас сум за да не ги пиеш ако ти се меки градите и ако немаш мака. јас ги пиев тие ама мене ми беа камен градите и покрај молзење и тоа што син ми не цицаше подоите на болниша неколку дена ни бае по 0 или 10мг и почнав и големи трески да имам и ги зедов.вие не се доите неколку дена и организмот веќе не ти лачи така да мислам дека нема да имаш мака.
