Водата е поврзана со цврстата храна како што ми кажа мене педијатар. Па со тоа, може и од 4 да почне да дава некој ако почне со дохрана од тогаш. Инаку, нема потреба од вода претходно
Избегнувај само тоа што тебе ти ствара нелагодност, зошто ако тебе ти прави, многу е веројатно дека и на бебе ќе му прави. Јас на пример не јадам грав, зелка и боранија, зошто од нив имам секогаш мака. Инаку, можеш се’ да си јадеш, но умерено, бидејќи бебето преку млекото првенствено ги добива нутриентите, не толку “тегобите” од храната, така да се изразам
Јас сега се хранам ајде да речам здраво, со тоа што го имам исфрлено зеленчукот што мене ми ствара гасови како зелка, брокули и сл. Се друго е готвено. Во принцип нешто како за скриен шеќер во бременост само не толку строго,повеќе сум на протеини и здрави масти.
Ние ја носиме малава кај педијатар кој е меѓу најдобрите во Ск според педијатри и задоволни пациенти. Ние сме само на доење, ми рече ако и даваш водичка зовриена до 5 месеци, после 5 давај и таква каква ти што пиеш. Во Австрија кај што е родив, зачудувачки ме погледнаа кога им кажав дека чајче не и имам даено (3 недели беше) дека од 1 недела смеело доколку има грчеви.. е сега мојава што не сака шише е прича за себе. Крај краева ние како сме пораднале? Со грав од 7 месеци со запршка, кравјо млеко ( не дека е во ред ама ете пораднати сме живи,здрави и прави), сега ако слушаш уште на година немаат пробано се од храна. Изборот е сепак на мајката кога, што и како ќе му дава на бебе да пие или јаде.
А бе вие се си знаете, кога недај боже ќе умре некое бебе може ќе си го ставите прстот на глава и ќе подразмислите колку сте несериозни и неодговорни. Ние како сме пораснале со запршки, со мед на цуцлата, со вода, со перници завиени во кебиња, недај боже некогаш да следите промена, не, не, седете со размислувањата од баба и прабаба, јас имам роднина која и умре ќерката бебе од 4 месеци и таа така размислуваше ко тебе, нас како не израснале што ни фали, па оди прашај ја сега што и фали. Ако не му се случило на твоето не значи дека е безбедно. Ама секој си знае за себе, ти си одговорна за твоето бебе, па прави што сакаш. Пак ќе речам, педијатар ми рече, овој ми рече оној ми рече, за мене не значи ништо, пошо и јас ти кажувам дека од доктор сум слушнала давање вода на бебе помало од 6 месеци не. Читај студии има по интернет достапни за секого, зошто не се дава вода. Како што кажа некој погоре, ако почнеш од 5 месеци со дохрана, тогаш вода и сосем малку, повеќе млеко пошо водата е поврзана со храна. А не вода, чаеви, ако не и еден цитрон исцеди му на два месеци. Изборот не е на мајката, пошо да земеш да прочиташ какви размислувања имаат некои, коса ќе ти се крене. Има јасни правила за некои работи и не смее никој да одстапува од нив и да си има избор како сака.
Пошо толку многу си упатена сигурна си слушнала за СИДС, недај боже на никого, па ни на душман. Ненадејно починување кое уште доктори не можат точно да кажат што предизвикува бебињата да заборават да дишат, има повеќе теории ама ни една не е со согурност точна. Ама дека од вода некое бебе умрело ајде убедиме. За претоплување, ќебиња и тие работи е друга тема кај што сум против туткање на бебе. Не ги мешај бабите, прабабите во овие работи.
Кажав 16 пати наназад, давање вода на бебе може да му поремети електролитен баланс, да му падне нивото на натриум и да добие напад и може да предизвика смрт. Бебе нема способност да "преработува" вода, а нема способност, знаеш зошто, затоа што нема потреба, и во најжешки денови на лето се дава исклучиво млеко, затоа млекото прво е поразредено за да се задоволи жед па потоа ида погусто млеко за да се задоволи глад. И не, не зборам за 1 литар вода. Ама давај му слободно ако не ти е страв.
Олабави малку. Дај ми линк од релевантен извор каде се вели дека починало бебе од 10 20 мл вода дневно. Вода која е соодветна за бебиња затоа што СЗО спомнува загадена вода.
И јас сум против давање на вода но моето бебе не кака по 10 дена и педијатар ме посоветува до 50мл дневно може со цел да се разреди млекото иначе на чепчиња ја навикнав.. и има ефект. Порано давале на бебиња мајка ми дури лута што не и давам но секоја мајка прави како мисли и не треба да судиме.
Добредојде мајка За капсулчето, нема врска кога го даваш, битно да го испие. Јас давам секогаш сабајле, пред да цица
Аааа честиткиии, јас не знаев не сум видела , да сте живи и здрави и големи да растете Патем не е битно кога, кога е буден тогаш
Здраво мајки, ќерка ми е 19 месеци не ја дојам од 8 месеци несакаше никако да цица а еве ден денес кога ќе ги притиснам брадавиците тече млеко, дали е тоа нормално или треба нешто дс земам.. Инаку немам мака ни болка ни тежина ништооо...
Зачнавте многу теми. Ќе пробам да бидам кратка и се надевам информативна. Вода не се дава. Тоа е официјална препорака. Пишано е погоре зошто. Се согласувам дека 20 мл дневно не можат многу да влијаат, но, внимавајте. Кај новороденчиња 20 мл е голема количина. Желудникот има место за 20-30 мл во првите денови од животот на бебето. И најважно - ако знаете дека ништо не менуваат, не ја гледам потребата да ги дадете. Ниту ќе "згасат жед"… ниту ќе имаат некаква функција. Ако сакате да ги замолчите домашните што ви се качуваат на глава, ок. Но, јас би одбрала друг начин на замолчување. За тоа како нас нѐ гледале, и официјални совети од педијатри, не би коментирала многу. Се давало и вода со капки лимон, цуцла во мед и сл. Е сега смртта од ботулизам била ретка, ама кога виделе дека е ризик - рекле големо НЕ за медот кај бебиња пред година, ако не и две. Исто е за водата. Спомнавте СИДС. Единствено нешто што би го спомнала тука е дека честото доење и будење навечер е огромна превентива за СИДС. Да не се разбереме погрешно. Ако бебето преспива и напредува добро, ок е. Ама намерно намалување и укинување на ноќни подои кога бебето се буди и ги бара, што значи од некаква причина му требаат... Едноставно нема логика. Затоа сум против тие совети од педијатри дека ние треба да наметнуваме ритам на бебето што тоа да прави. Значи... Моето мислење е многу едноставно - раѓаме бебе. Тоа бебе има потреби. Тоа бебе е толку кревко и ново, беспомошно, што му требаме за да постои во светот. Во многу форми и варијанти. Во форма на јадење, во форма на топлина, на адаптација надвор од матката, во форма на утеха и прегратка за да може психички и физички да напредува. Кога ќе можеме да разговараме, тогаш ќе му објасниме како треба да спие цела ноќ и сл. До тогаш обврска ни е да му одговориме на неговите потреби. Затоа не верувам секогаш слепо кога некој ќе ми каже дека "педијатар така ми препорача". Безобразно од моја страна, ама така е. И затоа изјави од типот педијатар рече дека може дохрана од 4 месеци не се во ред. Затоа што секое бебе е различно. Некое бебе е спремно од 5 месеци да се дохранува, некое од 7. (Не верувам дека ниту едно бебе е спремно да се дохранува од 4 месеци). Има мајки што дохрануваат и од 3 месеци. И "ништо не им е на децата". Дај Боже никогаш ништо да не им е на децата. И овој муабет е токму за тука. Бидејќи го засега доењето. Дохранување на бебе кое што не е спремно да се дохранува делува негативно на напредокот на бебето (настрана од негативниот ефект врз цревата и бактериите во нив како и ризикот од појава на алергиски реакции како резултат на неспремност на дигестивниот систем да обработи храна). Спремно бебе (друга тема се знаците на спремност) ја зема дохраната како екстра на она што го цица. Неспремно бебе менува подој со кашичка. Памтете - јаболко никогаш нема да е покалорично од мајчино млеко. И памтете - секое бебе е свое и не мора да влегува во статистичкиот куп од бебиња. Гледајте го вашето бебе. Читајте, интересирате се, одлучете на база на ваше истражување. Не на база на тоа што рекла комшиката. И жалам што сум повторно директна, но не, не се согласувам дека секоја мајка знае што е најдобро за нејзиното бебе. Тоа е толку егоцентрично видување за себе. Затоа сме тука, да разговараме и да разменуваме искуства. Добар родител е тој кој сто пати ќе се праша дали е ок сето ова што го правам. А не тој кој толку суетно слепо верува дека е.
Навечер колку пати му дававте/давате на бебе да цица? Некогаш преку ден цица почесто како и пред спиење и навечер спие помирно, па се случува два пати само да закемка. Не знам дали почесто да го будам...
Ако си напредува убаво, не го буди. Штом си спие, најадено е. Ако мочка и кака редовно, само ќе си се буди кога ќе е гладно. Малава моја само еднаш цица ноќе, т.е. сабајле околу 5, и си продолжува да спие. Легнува во 21 најкасно и спие до 8-9 сабајле со едно цицање, а преку ден на 2-3 часа цица.
