Мене и така ми е страв, и на страна ми е страв. Денес не ми повратил млаз, зошто го тргам од града на 15 мин. го кревам, па одмараме и после некое времр пак, многу се прецицува и е лакомо, и морам вака сега за сега, пробај ако сакаш.
Да не влеговте во 4.скок? Тој е еден од најтешките за цицање, баш така како што го опушуваш со пиштење и туркање. Јас дури и станата низ соба шетав и ја доев ќерка ми, поинаку не фаќаше. Ако си полни пелени не би требало да те загрижува повраќањето. Колку време стагнираше со килажа? Ако често си го мерела да знаеш дека на доење секоја недела не може исто да качи. Може пример неделава да качи само 100 грама, а наредната 300грама. Пробај прво успивај го па дај му да цица, тоа упали кај мене.
Не знам кога е четвртиот скок. Плачеше за силиконската брадавица најверојатно. Месечно во третиот месец само 700г доби. Причината мислам беше вакцини грчеви и одвикнување од силиконската. Нема шанси да заспие ако е гладна. Само што ќе ја дигнам се разбудува. Почна навечер да спие повеќе и да ми прескокнува подои. Навечер е многу тешка за будење. Патент на уста има. Вечерва беше точно 5кг
Секако дека може да се одржи лактација, има многу мајки кои ги хранат децата строго со измолзено мајчино млеко (од многу причини). Многу е важно само како ја користиш пумпата, како оди измолзувањето.. дали инките ти се коректни за големината на твојата брадавица... дали правиш масажа на градите пред доење, дали домолзуваш рачно после доење, кој интензитет на пумпата го имаш, каков вид на пумпа, и со која фреквенција отстрануваш млеко. Така да... има повеќе фактори и околу измолзувањето, и ако ги задоволиш сите, и со измолзување можеш да зголемиш количина без проблем. Особено ако стимулациите ти се преку измолзување. Многу некако самоуверено настапуваат и патронажната и педијатарот. Оти таква гаранција никој не може да ти даде. Многу често гледам бебиња кои ако се хранат со шише и те како одбиваат града, или и да прифаќаат, нема ефективен трансфер на млеко. Ама и јас не можам да ти гарантирам дека ќе се одбие, затоа што има и бебиња кои супер цицаат и од шише и од града. Но, ризикот постои, и не може никој да ти гарантира дека го нема. Јас би те советувала сѐ што даваш да биде директ на града давање, затоа што така бебето добива екстра, истовремено стимулира кај тебе, и истовремено се учи добро да цица. Тој начин ти нуди најголеми шанси да успее доењето. Со тие стимулации ќе се подобри лактацијата, и после према напредокот сѐ што треба да направиш е градациски да намалуваш од екстерното дохранување. Значи полека, полека, намалуваш додека воопшто не завршите без никакво дохранување на града. Бебето тоа нема воопшто да го осети, а вие ќе сте на ексклузивно доење. Ако бебето е на ексклузивно доење, и додека си се молзела си цицало најнормално, количината си е таман. Затоа што во овој период бебето си има направено производство кое што него му одговара, т.е. градите се полнат према неговите потреби. Ако сакаш нешто екстра, тоа се собира од претходниот ден на неколку наврати. Значи не е дека немаш млеко, не е дека млекото ти се намалува, едноставно тоа знали дека имате воспоставено супер лактација. И тие 50 се доказ дека градите секогаш имаат нешто плус, за секој случај, во случај да сака бебето да си мезне уште малце. Јас со првото си зедов, оти со царски ми беше малку тешко да ја местам поинаку. Со второто си купив уште во бременост, и те како ми помогна при крај на бременост, само на перницата спиев. Двете деца ги доев до годинка на перница. За мене беше супер практично, рацете ми беа слободни, особено ако заспиеа на мене... ама дали е потребно - зависи од жена до жена. Има жени кои никогаш не купиле перница и супер им било. Така да.. најважно е да видиш во која позиција ви е најкомотно доењето, да пробаш со перници дома што ги имаш, и ако си најдеш позиција во која со перници ти е поудобно, може вреди да си купиш перница за доење. Но, ако доењето оди во други позиции без перници и е удобно за мајката и за бебето, нема потреба. Патем, за сите што пишавте за капки за нос, и спреј за грло... имам јас ставано и ангал за грлото и капки за нос. Сепак, тоа е локална употреба, од што имам читано кај Dr.Newman локална употреба тешко да има некаков ефект врз млекото. Мислам не можам да гарантирам, си споделувам само мое искуство. Секако дека други варијанти се подобри - спреј аквамарис, солена вода, т.е. физиолошки раствор, инхалација со физиолошки, но, кај мене тоа немаше ефект. Буквално не можев да дишам...
Прво фала за одговорот. Моето дете моментално цица и од шише и цуцла и од града влече се повеќе. На мајчино од града, измолзено, аптамил се пие во моментот. Не знам колку е добро вака да се жонглира и до кога ќе тераме вака. Ја гледам неа и годи, секој ден мислам дека расти. Пумпам со електрична пумпа, kika boo serenty, на левел 2 па левел 3 од 8 можни. Пумпам на 6 часа (знам дека треба почесто, се трудам) и во еден ден вадам околу 200мл. Приметувам разлика во количина откога ја ставам почесто на града. Кај мене проблемот е што она само што почна да става на килажа, сега тежи 2.510гр. и само преку шише сум сигурна дека ја испила потребната количина за да напредува, моментално на тоа сум сконцентрирана. Еве од сабајле, станувам со полни гради и давам да цица, цицаше од двете гради се на се некои 10,15 мин активно, ја слушав дека голта, после на брзина се одмолзив уште 50 и и го нудев, не сакаше, после 1ч пробав и испи 30мл. Некако ризик ми е да ја оставам од града само, барем 3, 3.500 да качи полабава ќе сум. Како ти се чини мојата рутина?
Дали е нормално бебе во вториот месец да цица многу помалку за разлика од првиот месец, во смисла, сега е 6 недели, и започна да цица на 3 часа, а првиот месец цицаше на 2 часа. Сега за 10мин до 15мин максимум веќе е нацицано, а првиот месец седеше по пола час на цице, можеби сега цица поинтензивно и повеќе влече? Се мислам дали цица доволно,...Инаку сега кога цица, цица некаде од 5мин до 10минути, прекинува во еден момент и почнува да ја набљудува околината, врти со очињата и несака да продолжи да цица...да не е некој скок во развој тоа, или сега започнува да гледа поубаво па тоа му го одзема вниманието?
да, имаат повеќе сила да влечат и поефективно цицаат. исто така е нормално тоа што разгледуваат наоколу, видот им е разбистрен и ги интересира околината. јас повторно нудам цицка сѐ додека не почне да ми бега со главата или да се мршти и тогаш знам дека ѝ е доста. некои подои ни траат по 10 минути, некои над 1 саат. најдолгиот е пред ноќно спиење и после тој се комира по 8-9-10 саати. а сабајлето кога ќе стане најкратко цица.
Па не е лошо 700 грама, ќерка ми исто по толку качуваше првите 3 месеци. 4 скок почнува на крај на 3, почеток на 4ти месец. Ако нека спие навечер, остави ја. Ако е гладна сама ќе се разбуди. Еден педијатар на емисиине 0+ на телма кажа дека кога ќе направат 5кг веќе можат да почнат по цела ноќ да преспиваат. Не се сеќавам кој педијатар беше ама ми остана овој податок го запомнив.
Јас се нервирав да не и е малку јадење и некако малку ми креваше на килажа. Педијатарот ми рече по 25г да биде денот минимум. Деновиве сме на преглед па ќе видам како ни иде. Каетана некни ми објасна повише (благодарам) и ми дојде душа. Иначе најмногу што спијала се 3/4 часа, а после пак си се буди на неполни 2 часа. Сега ги чеша непцата и многу се нервира. И со тоа имаме плачки. Ставаме генгигел и као поарно е 5мин. Ти благодарам на одговорот Имам една табела за скок во развој ама некако нејасна ми е
Како нова на форумот пред се да ви се заблагодарам на сите позитивни мамички со позитивен став кон доењето кои успеавте да ми помогнете, читајќи ве вас продолжив со ексклузивно доење на моето бебе. Па вака, решив и јас да ја раскажам мојата приказна и се надевам дека и јас ќе помогнам некому како што вие ми помогнавте мене. Мајка сум на прво дете, породена со итен царски, иако од бременост со мал ризик завршив на бременост со висок ризик, подготвена за природно раѓање со 2 часа давање напон за излегување на бебе... Но тоа во друга тема После царскиот рез предходно со 40 часа неспиени, останав сама со моето новороденче, прикачена за кревет со бебе кое не сака да спие и постојано плаче, немав сила но некако издржав да не спијам уште наредни 4 дена (се за нашите ангелчиња) ,за доењето бев помогната од бабицата и советувана да го ставам бебето се повеќе на града, првото млеко колострум ми беше неколку дена, мислам дека млекото ми дојде после 4-5 дена(градите ми беа постојано меки) , првите 3 дена дома сама со сопругот без фамилија за помош (не сме во МК) ми беа страшни, бебе плачеше постојано (може беа грчеви, близина, плач за спиење) јас како и секоја мајка бев загрижена дека немам доволно млеко затоа плаче, тоа плаче плачев и јас совладана од хормоните, маж ми ми рече да пробаме со 30 мл адаптирано, бебе некако го испи од шише и заспа, мене душа ме болеше дека неможам да ја дојам но продолжив да го ставам на града на секои 15 мин па макар и на секои 5 мин, бебе буквално спиеше по цел ден на града(цел први месец) , верувале или не градите ми беа само еден ден тврди (тој ден кога ми надојде млекото) затоа мислев дека немам доволно, пробав еднаш да измолзам со пумпа и извадив само 50 мл, не продолжив да се пумпам бидејќи бабиците ми рекоа најдобар стимулатор е самото бебе а и самата да не се разочарувам кога нема да извадам , постојано бев исплашена дали бебето внесува доволно но после прочитани многу од советите на форумов продолжив цврсто и исклучиво само на доење, купив вага за да го мерувам напредувањето и да бидам спокојна, бебе качуваше по 1,5кг месечно (моментално сме 2 месеци и 10 дена), градиве се наполнуваат само ако бебе се успие едно 4 часа (што до сега се случило 2 пати) и тогаш ги осеќам потврди, но колку и да се меки кога и да притиснам шприцнува млеко, така да за сите нови мамички полните и тврди гради не се единствен показател за имање на млеко, секоја жена е различна секој организам е различен затоа верувајте во својот мајчински инстинкт следете полни пелени и качување на грамажа бебе може да плаче за прегратка, за спиење знам дека е тешко на самиот почеток но верувајте се ќе си дојде на свој ред.
2++ е ќерка ми, дури и ми спиеше на градата, постојано сакаше да цица. Сеа 2 дена вреска не сака да цица, станувам ја носам низ соба, клекнувам чуда правам за да почне да цица, додека фати пупката во уста после си шмука. Се мислам од вакцината од понеделникот да не и е.
Можо е после вакцина цели се пореметуваат и ред се.ќе се подоправи за една недела ако не влезе во скок.
Што вика другарка ми ( нејзиното годинка е ) кога ја прашав дали следи скоковите, вика на почетокот да после се откажав, па моето секако цела година како во скок да е. И кај нас така ќе излезе.
Исто и јас со големата, какви скокови таа се си плакаше.Па почнаа заби од 6 месеци секој месец .Се си велев заб е.Напорни се ама тоа така до 3 и пол години после е за нијанса полесно.
Затоа сакам и второ за година, 2 додека и ова е мало и двете одеднаш, па здравјр после 5/6 години да сум малце раат . Ама велат колку погочеми деца, толку поголеми нервози.
Скроз те разбирам, и навистина е многу важно за да крене на тежина. Муабетот ми беше погоре (околу сугестијата што ти ја дадов) е да дохрануваш, само директно на града. И така можеш да знаеш точно колку имаш дадено екстра, додека бебето поминува време на града, истовремено и стимулира кај тебе млеко, и намалуваш ризик од одбивање. Ама ако гледаш дека успешно се прешалтува, тогаш ок. Работата е само за да се оствари транзиција само на града, ќе треба до тогаш да работиш на одржување и / или зголемување на лактацијата. Од таму е секогаш советот да се дава пред сѐ молзено млеко, (секако колку се може, не е муабетот по секоја цена)... ------ Инаку дечки, ќе си земам за право да бидам мааалку нескромна, ама да си кажам дека курсот за доење што го спремив е во тек со првата група, и досега сум многу задоволна и среќна со исходот, а се надевам и оние кои што го следат (ќе видиме на крај). Не ми е поентата рекламација, поентата ми е стигне ова инфо до некој, кому овој податок би му бил од корист. Завршувам со себепофалба, иако повеќе би било ова себеафирмација...))
Ве болат ли градите меѓу подои, бебето цица на 3 саати, ама 1 саат по цицање мене веќе почнуваат да ме болат и тоа како пецкање, жежење дури неподносливо е
