Здраво мајки, имам проблем со едната града, постојано е тврда и преполна со млеко, дури и по 15-20мин цицање речиси воопшто не омекнува, ( кога ја дојам малата на таа града често се засркнува или бљуцнува што не е случај со другата града ), пред секој подој се мијам со жешка вода и ставам топли облоги бидејќи на почетокот ми се правеа и грутки сега барем до тоа немам мака, пробав сега и со лист од зелка немаше некое подобрувње, додека другата града пак е значително помека, дури и кога цица на таа помеката од другата истекува млеко и по 20- 30мл ( го чувам шишенцето под града ). На почетокот гледав на двете дојки да давам да цица подеднакво, но сега малце повеќе и давам да цица на таа што е преполна бидејќи ме боли, не знам како да постапам, доколку се измолзувам да не почни уште повеќе млеко да надоаѓа, дали некоја членка имала таков или сличен проблем, и мислења совети ваши како да постапувам, инаку бебуш е нецели 3 недели.
ќе ти се среди лактацијата уште е многу рано. мене двете ми се преполнуваа и мислев нема да има крај ама има. пази се само да не фатиш мастит и одмолзувај колку да ти олесни, јас секогаш давам на таа града што ја осеќам пополна. еве ми го бебето ми е три месеци веќе и можам да кажам дека ми е средена лактацијата, имам млеко ама не се преполнувам, меки ми се и не се измолзувам. најдобриот совет ти е да си дадеш време и да се пазиш од мастит, ја не правев ништо се одмолзував само и само се среди со тек на време. со лесно мајка
За дане си направиш проблем одмолзувај колку да ти олесни на градата. Уште е многу рано за да се среди лактацијата. Исто бев со многу повеќе млеко на десната града, а бебе имаше период не сакаше воопшто да ја фати, само навечер, преку ден цел ден на лева, па така полека се изедначија. Со тек на време ќе си фатите ред и ќе има млеко колку што му е потребно на бебето
Веќе ти одговориле, само да додадам одмолзи ја малце градата оној прв силен млаз па дај му да цица. Штом се засркнува тоа е од што е преполна и силен е првиот млаз и шприца. И кај мене додека цица од едната града истекува млеко од другата независно која е па ја ставам тетра пред да ја дојам а сме веќе 4месеца. Полесно е со тетра под маицата ја ставаш пред подој ја вадиш после подој наместо да држиш шишенце ќе си го држиш бебето и место да гледаш во шишето ќе си гледаш во бебушот. Исто утре ќе треба да излезете надвор тоа што шпица млеко да не ти биде пречка. Среќно мајка
Девојки здраво. Бебето е 2,5 недели. До пред неколку дена имав многу млеко, дури и истекуваше. Од вчера наваму многу е намалено. Бебе е гладно, го ставам на града, но после тоа е нервозно и додавам ад да се смири. Пред неколку дена имав стресен период, претпоставувам од тоа се намалило. Пијам чај за доилки, течности. Дали некоја имала сличен случај и дали има надеж дека ќе ми надојде пак млеко?
Не значи дека исти совети треба да примениш како јас, ама да споделам па можеш да побараш и по интернет. Јас пиев лецитин поголема доза на почеток па после намалив, немој на своја рака нормално. И гледам ставаш топли облоги, мислам дека тие ти стимулираат повеќе млеко. Да, пред подој измасирај истуширај со топла вода да се опуштат каналите ако има потреба ама облоги топли не. А после секој подој обавезно ставав ладни облоги, зелка, грашак замрзнат на крај и перничиња си купив, ама ладно да држи, тоа ми олеснуваше да не дојде до воспаление. Ова за да не фатиш мастит, јас до кај месец ипол два терав така. За засркнувањето еве и после 3 месеци исто е, не како на почеток ама пак се засркнува и пак шприца млеко и се помирив, барем не се измолзувам и не ставам ладни облоги сега. Кога доиш од другата града стално ќе тече млеко, ако не сакаш да го фрлаш има собирачи на млеко со вакумче, јас од алиекспрес нарачав, ако не ти се чека земи од Лансинох. Молзи се до олеснување, не претерувај пошто и тоа ќе ти стимулира лактација, ако те боли и е тврда одмолзи малку. Иначе едната ми остана мене поголема, тоа е мора една да е јача. Едит: Во полу лежечка позиција доев и ми помагаше да не се засркнува и да не плука.
Мамо дајте некој трик нешто, за прифакање на шише? Ништо живо не сака шише, со секакви цуцли го пробав. Бебчо е скоро 5 месеци, а некогаш имам потреба од АД (кога излегувам, или осеќам дека уште му се јади, а веќе исцицал се) ама со шишево шо правиме? Нит чајче, нит вода, нит молзено, нит АД... Значи шишево е проблем
2 месеци, секој ден пробував со ќерка ми, никако не го прифати. Се откажав и земав чашка со клунче. Не дека нешто многу ја сака и нејзе ама ко што ја глода и капнува водичка, па се тешам. И јас требаше АД да и давам, никако не прифати, ни АД, ни шише. Ќе почнете кај и да е кашички, ќе надополнува со храна ако е гладен.
Во зегин има едни baby nova ако ти се пробува уште, не се скапи. Мене ми ги кажаа ама не ги пробав, ми е страв да не се одбие пошто сме пред 4ти скок.
И моето беше вака, никако не сакаше од шише. На крај прифати од шише на чико, со цуцла налик на градата. Моето идеше заедно со пумпата, ама ги има по аптеките и посебно.
Имам Томи Типи и тоа е исто како Чико, ама џабе. Незнае да цуца. И цуцла едвај ми прифати, само од каучук, дека помека. Да пробам да најдам шише со каучук цуцла
Женски, можно е да снемува млеко? Мислам да се намалува количински? Бебе редовно дои и се тоа ама не ми се полнат градите баш како порано, па се мислам да не ми снемува?
Колку месеци сте? Истото го мислам и јас. Ние сме мали, 3 недели. Бебе цица само од десната града, левата ја измолзувам ама некако денес слабо од неа.
