Ајде да го погледнеме проблемов од перспектива на старите лица. Кој од овие два договора им обезбедува поголема сигурност на старите дека до крајот на животот ќе бидат чувани од своите деца и нема да бидат избркани од дома. Да не заборавиме дека пола од старите ке станат сенилни и уплашени да се влечат по судови и да докажуваат дека не се чувани од своите деца ( раскинување на договор за дар). Очекувам правниците да не советуваат
доживотна издршка или подарок Договорот за доживотна издршка им обезбедува поголема сигурност на старите лица, но овој договор е товарен и после нивната смрт ги оптеретува децата да плаќаат данок кој инаку не би го плаќале бидејќи се законски наследници од прв наследен ред. Токму поради тоа во повеќето случаи кога станува збор за родители и деца се прават договори за поклон. Во договорот за поклон може да се нагласи дека поклонодавателот има право на службеност на имотот кој го поклонува и од истиот не може да биде избркан се до неговата смрт. Оваа одредба(која многу често се додава во договорите за подарок) ги заштитува старите лица да не бидат избркани од имотот и да живеат таму дури се живи, но оваа одредба не ги обврзува децата да се грижат за родителите, да ги чуваат и негуваат(како што е случај со договорот за доживотна издршка). Освен овие две опции, исто така треба да се земе во предвид и тестаментот, бидејќи тука нема даноци кои ќе ги оптоварат наследниците, а поволност е и тоа што до смртта на оставителот имотот се води на негово име и тој може да го промени тестаментот во било кое време.
