Домашна библиотека

Книги на мама,мои книги,лектири,енциклопедии и шо уште не.. Најубавиот дел од мојата соба дефинитивно

 

Домашната библиотека ми ги содржи сите дела од Толстој,Достоевски,Гогољ и кој уште не.Не се нафаќам да ги читам бидејќи се на хрватски и српски па вака прашина си собираат.

 

Имам и ја обожавам, иако е скромна.
Оваа во детскава што ми е брои околу 20тина книги, повеќе од пола се мои (што многу ме радува), останатите се од тато или брат ми. Стиловите и писателите варираат многу; Зафон, Фицџералд, Мураками и Андреевски се само неколку од оние што ми ја красат собава. Имам и неколку лектири што си ги сакам и поезија, а во другата соба кај книгите од тато гордо стои колекција на дела од Толстој, се истакнува меѓу останатите. Можеби ќе си ја префрлам кај мене. Тој има големка колекција на книги за самопомош, станување подобар и сл. и до некаде криво ми е што не ми се допаѓаат таквите, иначе ќе имав life supply на книги.

Не се трудам премногу да ја проширам, сепак повеќе сакам да ја прочитам позајмена од некаде а потоа ако ми се допадне - да си ја купам, иако имам неколку што би сакала одма да си ги купам.
Економист од мали нозе, тоа е.

 

Многу сакам да читам книги и имам домашна библиотека. Позајмувам книги но сепак повеќе сакам кога ја имам книгата дома за да си ја препрочитам а плус во библиотекиве ги нема сите книги што јас ги сакам.

 

Кога живеев со моите, имавме огромна библиотека. Огромна.
И мајка ми и татко ми се љубители на пишаниот збор, а кога и ќерка им е фанатик за книги... Па, да речеме дека резултираше со библиотека од минимум 4000 книги.
И секое едно книжуле го имав прочитано, од корица до корица, освен нели стручните кои и онака не се многу.

До некаде 15-тата година обожавав да купувам книги, постојано ама потоа немавме каде да ги носиме, не сакав да стојат во подрум зошто сум верувајте, емоционално поврзана со нив и не сакам да страдаат . Добив забрана да купувам постојано книги, но парите од ужинката ги штедев и пак си купував.

Сега е поинаку од кога живеам сама, ама дом без библиотека и милениче не е дом па за еве за околу три и пол месеци успеав да соберам шеесетина. And still counting...

 

Еден ден би сакала да имам библиотека во чиј склоп ќе направам удобно катче за читање.
Фотелја ставена во ќош врз која ќе ставам една столна ламба, за дење ноќе да можам да читам

Каква соба орман, јас да имам вишок соба би ја претворила во нешто вакво!

 

Не е баш "библиотека" зошто книгите ги собира во една кутија ама ако продолжам вака (по 3-4 нови книги годишно) за брзо време ќе си имам многу повеќе



Не се гледа баш најдобро, овие се книгите -

Spoiler

- "Надарени" 1-6 од Мерилин Кеј
- "Роза за Балерината" од Лурлин МекДениел
- "Крадци и проститутки" од Рута Шепетис
- "Продадена" од Петриша МекКормик
- "Светот не е фабрика за исполнување желби" (The Fault In Our Stars) од Џон Грин
- "Исчезната без трага" Шеви Стивенс
- "Перфектна Хемија" од Симон Елкелс
- "Скриена во Најмрачниот Агол" од Елизабет Хејнс
- "Рајот може да почека" од Кели Тејлор

Само Скриена во најмрачниот агол и Исчезната без трага ги немам прочитано (си ги оставам за во кризно време ) а другите сите се предобри и ги препорачувам

 

Навиката за читање и љубовта кон пишаниот збор ми ја пренесе мајка ми.
И јас собирав пари од секоја ужинка за да купам нова книга, посебно во средно школо. Тие книги ми се особено драги. Дома кај моите имаме библиотека со стотина изданија, повеќето на мајка ми, која кога се преселила во Македонија место да понесе облека, понела книги.

Јас имам своја скромна библотека со околу 70тина наслови.
Се трудам да не ја проширувам, бидејќи нема да живееме долго каде што сме сега, а никако нема да можам да ги земам сите со мене, но тешко оди воздржувањето. Полесно би се откажала од нов пар обувки или чанта.

Сакам необични приказни, кои откако ќе ги прочитам, ќе се чувствувам ем убаво, ем како нешто да ми недостасува. Ми го разубавуваат животот, дефинитивно.

 

И јас имам домашна библиотека, ен којзнае каква, има таму од се по нешто. Понекогаш препрочитувам некои книги, но во последно време не ја надополнувам бидејќи од библиотека земам книги за читање.

 

Имам своја домашна библиотека, но сум во процес на нејзино проширување.Не ми е мала, ама сепак не е лошо уште некоја книга да се вметне таму
Имам колекција од Толстој, сестрите Бронте, Сидни Шелдон, Славко Јаневски.Секако, и од други македонски писатели (Петре Андреевски,Блаже Конески,..) Од се’ по нешто, домашни и странски.Историски, енциклопедиски, биографски, научни и практични, математички..

Spoiler

Само најмногу ми е жал што позајмив една книга за која претходно бев кажала дека не ми е вратена, конечно си ја добив назад.А, кога дојде да ја отворам што да видам.Сите страни одлепени, внатре за никаде.Значи не се лутам толку за ништо друго колку за книгите.Сакам да позајмувам книги, да се прочита и ќе ми се врати.Нема да се изеде.Но, очигледно некои не знаат да внимаваат малку повеќе.
Значи кога се позајмува книга се знае, ќе си ја чуваш како очите.Сега за другите незнам, зма кај мене е така.Сепак не е сеедно истата книга повторно да се купи, таа ми беше подарок и посебна е за мене.Со купувањето на истата нема чувството да е истото она како првиот впечаток.Јас се извинувам ако малку забегав од темава

 

Имам домашна библиотека но не сум ги броела книгите колку ги имам. Сакам да купувам, најчесто непланирано е тоа Ќе појдам некаде, ќе видам книги, најнормално дека ќе појдам до нив да ги разгледам и некоја ќе ми се допадне и ја купувам.

 

Сакам да си направиме муабет: Како ги редите книгите? По азбучен ред, автор, жанр? Јас ги подредувам по жанр и по автор. Трилери на едно место, после нив следува делот на љубовни и романси, па психологија, духовна литература, детски книги, книги на српски јазик... И секако, од Тес Геритсен заедно на едно место, од Мисо... итн. За азбучен ред не обрнувам внимание. Ми стојат на полици, вкупно дома имам 6 полици книги.

 

Мене ми беа по жанр и автор наредени, но како што купувам многу книги и како што вадам да читам така ги мешам, треба сериозно да му седнам и да ги прередам. Само книгите од Book of the month ми се сите заедно на едно место.
Темата е за домашна библиотека, не е лошо да ставиме и по некоја слика, моите иако не се нај средени ко ќе имам време ќе ги сликам и ќе ставам слика.

 

Мене некои ми се по жанр, некои така комбинирани. А од исти автори ми се заедно комбинирани.
Немам многу на македонски, тие се само на една полица.
Ги немам изброено последно време колку се собрани.


@ane.bella чекам слика

Spoiler: Мојата библиотека

 

@Skyfall пре убава и средена библиотека, Браво
Ај ќе ставам и јас слика само за разлика од твојата мојава е бучкуруш ама пак и таква многу си ја сакам

 

Имам доста. Ги добивав како ученичка оти земав награди по натпревари. На еден ми дадоа дури 20 книги како награда, па едвај ги донесов дома. По кутии ми се сега поради некои реновирања, а кога беа на полица ми одземаа време, ги бришев редовно, не сакав да имаат прав. Инаку, дел донирав. Ако некој имате вишок, и не ви требаат, не ги фрлајте. Пред извесно време имаше повик на социјални мрежи да се донира за библиотеката во Делчево, оти биле слаби со домашни автори. Можете во коверт да ставите, да го сецнете ковертот на ќоше со ножички (за да ви се види дека е книга), одите во пошта, кажувате дека праќате книга и како таква ви ја тарифираат пратката, и ќе ве чини 8 или 10 денари. Па ако сите им донираме по една книга од нашите домашни библиотеки, делчевци нема да имаат криза за домашни автори. Ете како можеме да направиме нешто паметно за општо добро, без многу мака. Еден нес кај мене во градов е 70 денари, а јас со тие пари можам книгите од дома да ги пратам во неколку различни библиотеки. Зошто да ми фаќаат прашина, кога можат да циркулираат меѓу народот?

 

Немам премногу книги во домашната библиотека, но со времето ја збогатувам.
Чувам и лектири, книги што сум ги читала и што сум ги сакала кога сум била дете. Освен белетристика, имам и енциклопедии, речници, лексикони како и стручна литература.

 

Мојата домашна библиотека

 

Многу сакам домашна библиотека баш како на членките погоре, купував книги до пред три години.
Мојата скромна и сиромашна библиотека со најшетаните книги, каде и да сум се селела со мене ги земав

 

Да спаѓам во таа група.Ги сакам книгите ама не читам често.