Домашни сендвичи

Ако има ваква тема..се знае. Поттикната од мојот нескротлив апетит се решив да отворам тема каде што ќе пишуваме кои ни се најомилени сендвичи, како ги приготвуваме, дали ги јадеме со додатоци како помфрит, чипс итн. , омилен пијалок за со сендвичи..

И исто така, кои намирници ги јадете САМО во сендвич?

Еве јас пример, омилен сендвич ми е со тонус леб, намачкан со сенф/мајонез, кулен, парче зелена салата, маслинки исецкани, домат, кашкавал некој лесен и од страна си земам феферонки. За пиење најчесто вода, порано пиев газирано ама одвикнав. Да напоменам, доматот го јадам исклучиво само во сендвичи или пици, во салата никако.

 

Мене омилениот сендвич ми се состои од: печеница/врат/филе и кајмак/павлака/зденка, додека го јадам најчесто пијам вода, јогурт или Цедевита. Друг вид на сендвич што го обожавам содржи стек, помфрит, кечап, мајонез, сенф, и додека го јадам најчесто пијам газирано. Со сендвичите јадам и салата (домат, краставица, брокула, карфиол, грашок, пченка, зелка, марула, морков, цвекло, пиперка, ...). А мислам дека не постојат намирници што ги јадам само во сендвич или салата, а не ги јадам посебно, затоа што кога готвам не вклучувам намирници што не ги јадам.

 

За сендвич, мај рулс:
-обавезно квалитетно лепче
-обавезно премачкано со путер
-обавезно марула
Се другото ми е по желба и зависно што имам дома.

 

Ретко јадам сендвичи. Ги сакам со шунка, кашкавал, домат и краставица.

 

Обичен сендвич со шунка/салама зависи и домат и краставица

 

Клуб леб премачкан со неутрален намаз, додадено исецкана маслинка (за да е солено) пршута , кашкавал и свежа краставица. Пресечено на пола во форма на триаголници.
Друг мастрав-намаз Маза со маслинки и пиперка, марула, пршута дупла доза.
Друг мастрав- фета сирење, кулен дупла доза, марула и лажица павлака (да не е суво)
Друг мастрав- 2 лаж павлака измешано со 1 лажица мајонез и мала лажичка вода од маслинки, премачкано на клуб леб, мартадела дупла доза и марула.
Има куп ама доволно е сега за сега.

 

Лебчето да е премачкано со зденка или некој намаз, зависно што имам дома.
Лист марула или домат, краставица со кулен и кашкавал. Некогаш може и чајна.

 

Јас си имам два вида, солени и благи. И почесто сакам да ги ставам на тост, поретко јадам ладни сендвичи.

Прво за лебот, најмногу сакам бел леб и таков и најчесто јадам, понекогаш јадам и `ржан за промена, и тој не е лош.

За солените, најчесто ги премачкувам со маргарин или путер, но ако не го ставам на тост може да помине и без тоа. Задолжителни додатоци ми се кашкавал (преферирам топен на тост, најдобро нешто), секакви видови на сирење (во последно време го обожавам биеното, ептен тврдо и солено, прекрасно), кулен, чајна, шунка, свински врат, пршут, пилешка салама. Обавезно додавам сецкан домат, рендан морков, кисели краставички, па кечап, мајонез или сенф. На крај додавам некој лут зачин.

За благите користам крем (може Нутела или оригиналниот Еурокрем), путер од кикиритки, сецкана банана, понекогаш додавам и цимет или јаткасти плодови (внатре во сендвичот ги ставам, чудно знам)

Втората блага комбинација ми е со маргарин или путер, мармалад и шеќер во прав.

 

Кај ја видов темава, ми се пријаде

Р'жан леб премачкан со хумус, некој намаз или кечап, марула, домати, кромид, кисели краставички и плескавица од тиквици.

Р'жан леб со tomato chutney, во тостер. На страна зеленчук и црн чај.

Спојлер

За вечера ќе биде тост и чај, осеќам.

 

Омилен сендвич:
обавезно салата(било домати,краставици,марула...или се заедно),пилешко или мелено месо,кашкавал(и не мора,повеќе во тост сакам),павлака намачкана на двете страни и секако лебот да е вкусен,понекогаш и помфрит сакам.Кечап и мајонез мразам
Пијалок со сендвичот кока кола без размислување,предобро одговара.

 

Бриош леб. Павлака. Марула. Домат. Краставица. Млечен кашкавал.

Едно време секој ден јадев.

 

Омилен ми е со црн леб намачкан со павлака, парче шунка, парче патлиџан и краставица, обична или кисела. Пијам со овој јогурт или поретко сок.

А од благи - црн леб намачкан со мед, парчиња банана, цимет и малку кокос. Со овој млеко пијам.

 

Обожавам ладни сендвичи.
Дома најчесто правам со тонус леб, печеница, пршута или пилешки гради со домат, краставица и зелена салата. Лебот обавезно тостиран, кога е тонус. Понекогаш додавам и сирење или абц крем сир.

 

Ајде и јас да кажам за благ сендвич, бидејќи кажав само за солени, а повеќе сум по благото.
Најчесто се состои од крем/мед/мармалад/џем и некое овошје како банана,јагода,... Додека го јадам во комбинација пијам вода, млеко или Цедевита. Некогаш додавам и јаткасти плодови како ореви,лешници,бадеми,...
И гледам дека сум заборавила за првиот солен сендвич да допишам дека некогаш во него додавам сирење и кашкавал.

 

Обожавам сендвичи и секогаш кога јадам си купувам од тие лепчињата што се за сендвичи.
Ги сакам премачакани со путер, им ставам листови марула, кашкавал, шунка, печурки, буковец, кечап и мајонез, а посебно помфрит.

 

Мојот последен сендвич:
Лепче премачкано со путер (ама богато), потоа премачкано со 2 зденки, една горе, една долу и на средина кашкавал. Истото на фолија го потпеков малку на шпоретот на дрва од двете страни и така внатре состојките малку се стопија и споија.
Многу вкусно беше.