Инспирирана од натписи по разни магазини се одлучив на една ваква тема . Спојлер Цитирам " Според резултатите од истражувањето на порталот "My Celebrity Fashion", направено над две илјади вработени жени постари од 25 години, поголемиот дел од жените повеќе би сакале да бидат домаќинки, отколку да градат успешна кариера.Исто така, повеќе од половина од испитаните жени изјавиле дека сакале да бидат домаќинки, напоменувајќи дека градењето на кариера е стресна и напорна работа.Повеќе од половина, односно 57% од испитаничките изјавиле дека би сакале многу поопуштен начин на живот. Меѓутоа, 74% од жените признале дека имаат притисок од жените во поблиската околина, кои што им сугерираат дека мораат да бидат многу понезависни во животот. Резултатите од истото истражување покажале и дека 78% од жените би се согласиле да бидат финансиски зависни од својот партнер, односно од својот сопруг. " Што мислите вие форумџики? Има ли вистина во ова? Дали вие повеќе би сакале да седите дома и да се грижите за семејството и домот, а притоа сопругот да ве издржава или и покрај грижата околу домот сепак да градите успешна кариера?