Донираме средства за оние на кои им се потребни

Да надополнам. Утре некаде пред 2 часот да се најдеме некаде со некои велешки форумџики за да собереме се што има, па потоа да и ги предадеме средствата на Кукличка да ги однесе. Кој сака нека пише тука или нека ме контактира по ЛП.

 

за сите девојки што ќе бидат дел од првата форумска донација.

 

помагајте секогаш и не се прашувајте дали треба или како ќе ве сватат..верувајте тие се сваќаат подобро од нас зошто се борат за гол живот буткајќи ги количките со пластика...јас давам секој ден или им купувам по нешто за јадење па тоа им го давам...посебно на децата..така ќе знам дека е за нив..и да, тие се радуваат и на играчки ,вистински им се радуваат па деца се нели..и така и на мене поарно ми доаѓа бидејќи за момент заборавам дека тоа е толку недостоинствено и страшно и дека за жал сме сите соучесници во таа неправда...до еден...

 

Ова денес се појави на фб,се повикуваат хумани луѓе доколку можат да помогнат.

 

Јас сум оваа крвна група ама давав пред точно 1 месец крв ( на 14ти мај) и сега не смеам
За облека немам зошто ја давам на комшиче едно, немаат многу средства па им помагаме некако
а за кукли, плишани мечиња имам еден куп, кажете ми само каде кога ќе ви ги дадам без проблем!

 

Дечки, денес бев во Велес да ја однесам донацијата, и иако досега сум посетувала сиромашни семејства, денес буквално останав без зборови.
На врвот на еден рид, семејството живееше во трошна куќичка, без струја, без вода, без канализација и веце... Беа 6 дечиња, неизбањати, испрљани, а родителите беа истрошени и изморени луѓе..
Децата се стрчаа до пакетот , и ги извадија сите чоколади и смоки, а мајката се израдува на оризот и брашното. Им однесов цел пакет со храна, (МајГрл благодарам) , многу облека, шампони и сапуни.
Многу потресна слика, и искрено ми е мило што ова се организираше и најискрено се надевам дека во иднина ке има многу повеќе донации од повеќе формуџики...

За семејствово во Велес, доколку некој сака да донира, а не успеа да го направи тоа до сега, нека отиде во Црвен Крст Велес, и нека каже дека ова е донација за семејството од ридот со 6 деца.. Тие ќе ја однесат дефинитивно~ Прекрасни се дечките

 

Леле жалните Можам да замислам како радосно им светкале очињата на дечињата... Срциња...

 

KuklickaSk мило ми е што успешно завршила првата акција организирана на фемина,и секако многу убаво од тебе за твоето не себично залагање како и на mygirl.Се радувам за дечињата што за момент биле среќни.
Се надевам и јас дека во иднина ќе има и други успешни акции.
Јас сум од источна Македонија па затоа неможев да се вклучам во оваа хуманитарна акција.За секоја наредна која ќе биде блиску до мене ќе се залагам колку што е во моја можност да помогнам.

 

И заложба на Оффи секако

Инаку, еве еден предизвик за Прилепчани .. Ако ви треба помош за организација контактирајте ме.. Исто така, знам дека е малку незгодно да се сретнеш со луѓе кои пишуваат на форумот а се од истиот град, и затоа можеби не се вклучуваат многу девојки, она што би можеле да го направите е да оденесете сите оделно на едно семејство што имате, и така нема да се сретнете, а ќе помогнете заеднички

Солзи, мизерија и беда. Јадат еднаш во денот, носат само стари алишта кои некој им ги подарил, никогаш не купиле нови. Немаат ниту сопствен стан, живеат под кирија за која немаат ниту пари редовно да ја плаќаат.

Четири членото семејство Ангелески од Прилеп живее во вистинска сиромаштија.

Нелита Ангелеска е невработена, а Тони со неколку болести не е работоспособен, живеат само со 6.000 денари месечно постојана парична помош.

„Дечињата се навикнаа на ваков тежок живот, тие си бараат сакаат млеко, чокаладо, кога имам им купувам, кога немам нема, од нашето делиме, еднаш во денот јадиме само тие да имаат“, низ солзи раскажува Нелита Ангелеска.

„Ова сето што го гледате во станот ни е дадено од роднини и пријатели, и масата и столиците и каучот, тоа што не го користат ни го даваат, ние лично немаме ништо наше“, вели со болка Тони Ангелески.

Немаат пари ниту за соодветна хигиена, прашакот за перење и сапунот им се луксуз, се плашат дека децата ќе се разболат од таквите услови. Заборавиле кога последен пат зготвиле нешто на кујнскиот шпорет, а во фрижидерот наместо храна претежно има лекови за нивната болна ќерка.

„Кога имаше една година ќерка ми доби грчеви, од тогаш се искомплицираа сите работи, доби и преплет на цревата, сега каде? Дали по неа да трчаме, дали по нас, пари немаме за ништо“, вели Тони Ангелeски.

„Сакам државата да ми обезбеди постојан работен однос некаде за да можам да ги прехранам децата. Како и сите и јас сакам моите деца да имаат еден пристоен живот, едно пристојно детство“, повторно низ солзи кажува Нелита Ангелеска.

Бараат државата или хумани луѓе да им помогнат бидејќи велат повеќе не се издржува вака. Се плашат најмногу од зимата бидејќи ќе немаат пари да ги платат сметките за струја.

Телефон за контакт со семејството Ангелески:

070 - 499 - 876

e-mail: pomoszanelitaitoni@yahoo.com

http://www.a1.com.mk/vesti/default.aspx?VestID=129136

 

Девојки можам и јас да помогнам. Само мене не ме води патот накај прилеп. Но може да ги пуштам работите по автобус па некоја феминка да ги пречека. Кукличка колкавки се децата? Да знам кој број алешта да им пуштам.

 

Девојки Штипјанки. Јас го исконтактирав одговорниот од Црвен Крст - Штип за донирање облека. Ми рече дека еднаш месечно им носеле на пријавените семејства облека. Па доколку сакате да донирате можете да ја однесете облеката тие ќе им ја предадат. Јас ќе носам оваа недела, па ако има некој заинтересиран може да однесе. Ќе израдувате многу семејства.

 

Драги хуманисти !!!
СЕ БАРА КРВНА ГРУПА Б НЕГАТИВ КОНТАКТ 077732342
БЛАГОДАРАИМЕ ОДНАПРЕД!
рашири глас!!!!! нека се јави и помогни секој што може...

 

секој кој може да донира крв ги замолувам да се јават на бројот за контакти...

 

18 годишно девојче од Кавадарци се бори за живот во моментов, инаку боледува од леукемија. Итно е потребна крвна група А-(негатив).Ве молам доколку сакате да помогнете, одете до државна да дарувате крв или јавете се на бројов 078 401 542 за информации. И бидете хумани, споделете го ова, се работи за човечки живот.

 

crazylady се извинувам ама малку е касно за твојот пост.

 

зошто касно? Јас сум позитивна група ама ме интересира зошто е касно?

 

девојчето не е веќе меѓу нас јас не знаев дека е болно девојчето, воопшто не ми изгледаше за така ја знаев онака само на изглед! Почивај во мир

иначе што треба да направам за да донирам облека во црвен крст?? има некој процес или дирекно можам??

 

И ние знаевме дека е крај, дека се излечи, но се се случи наеднаш.

Оди дирекно во Црвен Крст центарот во твојот град и остави ја облеката

 

за првата хуманитарна акција, штета што не бев дел од истата
инаку сите стари парчиња облека ги собирам во кеси и ги носам во Соборниот Храм, а на лугето што просат, не е важно дали се Македонци, Роми, или некоја друга националност,дечиња или возрасни им давам колку имам(10, 20,50 или по некоја ситна паричка зависи колку пари носам со мене)

инаку завчера со другарка ми кога бев на кафе, ми се доблизи едно девојче и ме праша дали имам да и дадам 10 денари за лебче,веднаш и дадов без размислување, и мислам дека бев единствена од цел кафич, па си добив надимак Мајка Тереза-сакам да помагам на оние кои немаат, колку мозам секако

 

Дали ќе можи да објавуваме и на профилите од фејс од постовите што се бара дарување на крв,можеби така ќе помогниме?