Што мислите за Дон Кихот? Дали ја имате прочитано оваа книга? Дали во себе гледате дел од Дон Кихот ..Дали вие имате нешто за кое се борите,покрај се ?
Една од моите омилени книги. Ја читав на српски, а сега кога конечно излезе македонското двотомно издание, чекам погоден момент за да го купам и да ја читам пак. Со прекрасен раскажувачки стил, Сервантес го истражува човештвото: доброто, лошото, радоста, тагата, идеалите, слабоста и силата, лудоста и мудроста... и многу хумор. Го наоѓам во себе Дон Кихот кога сакам да го сменам светот, да ги исправам неправдите, да ги заштитам слабите. Разликата е во тоа што тој се наоружал и ја следел својата цел, а ние модерните Кихотовци си дебатираме од сигурноста на нашиот дом. Тој можеби на крајот завршува неславно, но патувањето е поважно од крајната дестинација. Неспорно - едно од најубавите литературни дела некогаш напишани.
Книгата дефинитивно е ремек дело, иако тоа не го мислев тогаш кога ми беше задолжителна за во училиште.Штознам можеби тогаш не сум го согледала вистинското значење,ја гледав само хумуристичнта страна на главниот лик,всушност мислев колку тој бил глупав и луд.Токму така прво ја согледуваме глупоста на Дон Кихот а потоа сваќаме дека тој воопшто не е глупав.ТОј само сака да го постигне тоа што го замислил,да си го оствари сонот,што секако е храбар чекор земајќи во предвид околностите во кои се наоќал и мислењето на другите луѓе.Мислам дека токму во тој дел се пронаоѓаме сите.Кога самите пред себе ќе си поставеме некоја задача,цел и се стремиме кон нејзино остварување можеби во очите на другите луѓе изгледаме будали,но подоцна таа прва претстава се покажува како погрешна.Секако дека вреди да се прочита ова дело,мислам дека неможе да се остане рамнодушен.
И јас ја имам читано ми беше дело во училиште. Не ми остави богзнај каков впечаток, едноставно не ми се баш допаѓаат такви авантуристички книги...
И јас ја имам прочитано. Интересна , дури и смешна ми беше А на прашањето дали во себе гледам дел од Дон Кихот, да гледам, ама дел (инает, истрајност и подготвеност за некоја будалија некогаш )
Дон Кихот бил едно лудо и откачено чиче кое поради недостиг на забава во животот тргнал во витешки походи Книгата е нели задолжителна лектира, како што знаете и најверојатно, штом е задолжително, има нешто вредно во неа. Како ептен примерна ученичка ја прочитав, и не ме фасцинираше баш-баш. Дури кога дојде време да ја работиме на час не се сеќавав на некои делови од книгата која ја прочитав еден месец пред тоа. Ја прочитав затоа што МОРАВ. Во себе не гледам ништо Дон Кихотовско. Е сега, си се филмам некогаш така дека сум нешто поразлично од она што всушност сум, но никогаш не ми се случило од преголема конзумација на нешта од сличен карактер да се поистоветам до коска со таквиот карактер и да терам кај што не ме собира. За борење, се борам, да. Се борам за опстанок, да имам јадење, да имам чисти гаќи додека другите ми се сушат на жица и да имам луѓе околу мене кои ќе ми создаваат пријатни бранови во секојдневието.
Што повеќе да кажам кога Ливинг кажала се И мене ми е едно од омилените дела, и некако и јас се соживувам со ликот на Дон Кихот- неговите потези, борбата со ветерници, и мислам дека освен хуморот кој е првичното нешто што се гледа кога се чита книгата, сепак има една голема метафора позади него, една порака која ни кажува за нечии идеали, навидум смешни, со со оправдана цел. Јас така ја читав, така ја сфатив и можеби затоа се соживеав со неа .
Книгава искрено ми беше глупа. Што се однесува до Дон Кихот како лик, мислам дека постои нешто Донкихотско во мене-Авантуристички дух и памет кој никаде не води.
Значи да си признаам ја немам прочитано книгата,значи имам слушано многу добри критики за нејзе,не сум имала некоја многу голема желба да ја прочитам,но еве претпоставувам дека би ми ја препорачале ,па затоа ќе ја земам и ќе ја прчитам
Мене многу ми се допадна книгава....Можеби затоа што сакам авантуристички книги кои покрај тоа што се забавни лесно и брзо се читаат... А што е до прашањето да, мислам дека сум помалку или повеќе Дон Кихот..Единствено треба правилно да си го најдеме Санчо Панса за да не прати во сите будалаштини кои ќе ни паднат на памет
Не сум по книгите, која да ја почнам ја оставам макар и на интернет да е. Ама оваа супер е. На половина сум стасана и сега за сега ми се допаѓа.
Мене книгава не ми се допадна. Ја прочитав пред неколку години и ја читав насила некако иако на моменти во некои сиуации се препознавав во особините на Дон...
А може ли некој да ми даде линк од книгава да ја симнам, на српски или македосники.Ја обработувам во среда а во гратска во Куманово, ја нема веќе.Исто и во школска.Издадени се сите..Па би ве замолила ако знаете каде да ја симнам дајте линк.Фала однапред
На прв поглед книгава изгледа состем глупава. Исто како и Дон Кихот. Читаш и си велиш "Леле, кој лудак" . Ама не! Ако малку се продлабочиме и навлеземе во самата содржина и читаме меѓу редови, всушност ќе дојдиме до заклучок дека делово е генијално. И самиот лик ни дава поттик да не се грижиме за тоа што ќе рече овој или оној. Битно е ние да сме задоволони! Моментално ја читам, за денес ми е за обработка.
Tрагикомичниот дон кихот,кој се бори со стадо овци замислувајќи ја војска малку повеќе се изнасмејав на лудориите кои ги прави.Cанчо легенда жива само гајле му е да се најаде за другото уво не го боли ја читав затоаа што ми беше за обработка инаку не сум баш љубител на вакви дела.
Дон Кихот? Леле каква смеа пробуди тој лик во мене...дома си ја имам книгата,а и лектира ми беше минатата година :geek: