Јас од секогаш сум мислела дека дете што има заби со кои може да јаде се што има на нормален ручек нема потреба да биде доено. Сега еве имам бебе, 4 месеца, доењето е речиси без никакви проблеми (со исклучок на денови кога се живо и смета), и веќе почнавме со кашички. Планот е кога ќе почнам на работа (на 10ипол месеци) да биде максимум на едно цицање пред спиење. Дека има еден куп бенефити од мајчино млеко, има. Ама дека се значителни кога 90% од исхраната на детето е цврста храна, баш и не верувам. Многу подобро е на 1 година (кога најчесто веќе имаат повеќе заби) да има разноврсна исхрана со месо, овошја, свеж зеленчук и слично отколку да цица повеќе пати во денот. Или ако заспива само со цицање, што значи дека е зависно од мама. И мислам дека најлошиот аспект од долго цицање е кога деца (не бебиња) сеуште стануваат 2-3 пати во текот на ноќта за цицање, ако воопшто се нарекува тоа цицање кога ќе шмукнат два пати колку да се рече, бидејќи воопшто не стануваат од глад. Можеби ова не е случајот со многу мајки кои дојат до 2-3 години, ама знам повеќе такви примери. Ај што мајката не спиела цела ноќ 3 години (!), ама детето исто така. Во период од животот кога сонот им е витален за правилен развој, не спиеле повеќе од 4 часа наеднаш. Се на се, сум против доење со години. Првата година секако, после тоа можеби уште 6 месеца ако детето малку доцни со никнување на заби. Штом може да џвака парче месо, нема потреба да цица. Мислам дека после тоа е повеќе желба на мајката отколку потреба на детето.
Значи после годинка, подобро е шише битолско млеко од тетрапак, отколу мајчино??? Оти нели мајчиното млеко не е потребно, нема корист, само навика е...90% ќе ги одбијат, ама ќе дадат друго млеко. Јас барем кога сметав дека е доста млеко, ја одбив, ама млеко во шише не дадов.
Секоја мајка за себе и за своето си знае најдобро. Лично, сметам дека има поврзаност меѓу доењето и здравјето на бебето во моментот и понатамошниот негов развој. Сепак контактот со најразлични бактерии и вируси ретко кој го оставил здрав, тика доењето не го ставам во 1 ред, повеќе би дала акцент на привремена изолација, поголема хигиена на рацете. Малце повеќе се занемарува емоционалниот момент тука во доењето. Исто битен дел од здравјето. Сигурност, среќа, исполнетост е цицето на мама. Јас дојам година и пол, и уште ќе дојам. А сите ми викаат доста е, ајде прекинете, ама јас не ги ни слушам.
Млеко во шише е и АД. После годинка и да не пие млеко ништо страшно. Не знам оти превртувате зборови ама никој не напиша да пие битолско подобро отколку да цица.
16 месеци сме и уште доиме.. Не планирам уште да го одбијам, сакам уште малце да уживам во тие најмили очиња кои ме гледаат кога цица
Не дека мајчиното млеко не е ок, туку самиот момент на доење, т.е. цицањето на детето е проблем. Срамота било на година и пол, две уште да цица. Такви коментари сум добивала секогаш кога малата ќе ми побара цице
Знам... Малку заостанат народ е македончето, не му се секирај како ти е убаво така прави си @duffi, многу се пронајде, незнам што скокаш. Значи не знам кој што коментираше претходно, јас коментирав за тоа дека мајчиното млеко после година било непотребно, вода било, се расипувало и сл. Да одбиеш дете оти мислиш дека млекото ти е вода, а да дадеш тетрапак или ад е смешно. Ако некоја мајка нејќе да дои после година оти и е глупо, тоа е веќњ друго.
