Многу земји последнава деценија донесоа закони за легално доделување на државјанства на странци по разни основи (на пр. потекло, инвестирање, брак и тн.) доколку легално се исполнат одредени барања а без притоа да бараат откажување од претходното државјанство. Такви се на пр. Канада, Грција, Хрватска, Србија, Италија, Романија, Франција, Шведска, Унгарија и тн. За среќа Република Македонија во своите закони го дозволува повеќекратното државјанство, но со образложение дека македонските државјани кои имаат и едно или повеќе странски државјанства, на територијата на РМ државата ги третира исклучиво како свои државјани. На пр. ако имате американски и македонски пасош, додека сте во Македонија немате право да барате правна помош од американската амбасада и тн. На темава можеме да дискутираме и да се информираме за: - странските државјанства, - за предностите и недостатоците на двојното (повеќекратното) државјанство, - обврските и правата кои произлегуваат од тоа, - кои земји дозволуваат а кои забрануваат двојно државјанство, - начинот на добивање, - евентуални интересни пријатни или непријатни случки со патувањето со повеќе пасоши (на пр. без визи) и тн. Значи идејата ми е темата да биде поширока, да опфати најразлични земји и аспекти. п.с. поимот „државјанство„ не треба да се меша со „национална/етничка припадност„. На пр. македонците во австралија можат да бидат австралијански државјани, но етнички гледано тие се македонци. п.п.с. Ве молам доколку имате прашања и мислења конкретно само во врска со бугарското државјанство, тоа да не го изнесувате во оваа тема туку во темата предвидена за тоа: „Бугарски пасоши„.
Ете Snow-Queen ако имаш и српски пасош можеш да патуваш без виза во Русија до 1 месец, а во Кина и Монголија доколку одиш од деловни причини исто така не ти треба виза. Од друга страна до вчера со српски пасош не можеше да појдеш без виза во Јапонија додека со македонски можеше без проблем уште пред 15 години безвизно во земјата на изгрејсонцето. Дел од граѓаните во Македонија кои можат да докажат потекло од Србија (на пр. родители, баба или дедо) имаат право да бараат српско државјанство кое почнувајќи од летото 2012 е бесплатно - претходно чинеше 200 евра - ова инаку важи за жителите на сите држави кои се граничат со Србија (Албанија, Црна Гора, Македонија, Бугарија, Романија, Хрватска). Повеќе информации на линков. . Дали има некој информација власите имаат ли право на романско државјанство? (тнр.cetățeniei-четацениeј) - со оглед на тоа што Романија (неоправдано) ги смета власите за романци. Знам дека Романија речиси на пола Молдавија и подели романски пасоши, па мислев ако им дале нив, можеби и на другите би им дале.
Кога сум била мала додека сме живееле тука, сум имала македонско и српско, но сега имам германско, морав да се откажам од двете бидејќи Германците не дозволуваат двојно.. :/
Јас сега засега имам само македонско , едно државјанство , но за едно 7 год би требало грчко да земам , па изгледа ке треба да се откажам од македонското
Грција дозволува повеќекратно државјанство, така да нема да мораш да се откажуваш од македонското. Воедно, колку што ми е познато децата и внуците на оние од Егејска Македонија имаат право да бараат грчко државјанство (не зборам за имоти!) врз основа на „грчко„ потекло, и тоа по повластени услови: без такса, незадолжително познавање на грчки, не мора постојан престој и тн. Повеќе информации тука. А грчкиов пасош како сликовница е http://www.youtube.com/watch?v=gnAxxatmmko
Кратко интервју на Институтот за канадско државјанство со 2 жени, едната од нив има тројно државјанство (хонгконгшко, австралијанско и канадско) а другата двојно - македонско и канадско. http://www.youtube.com/watch?v=aJ9TP2iOybc
Не познавам Власи кои земале романско државјанство. Имам тетин што поминал 10 години во студии во Романија, на основ дека е влав добил стипендија и стана доктор на науки на букурешки универзитет. Знам дека власите имаат доста поволности во Романија (многу мои братучеди студирале и работеле во Романија), но мислам дека би требало да покажат некој доказ за потекло од таму за да добијат државјанство (мое мислење е ова, не знам дали е така). Јас иначе си имам само македонско државјанство, и би земала друго само ако планирам да живеам во таа држава, која и да е. А бидејќи немам некои желби да ја напуштам Македонија, тешко тоа да се случи.
Да, сега засега Р.Германија не дозволува двојно државјанство. Доколку некој има 2 или повеќе државјанства може да ги задржи најдоцна додека не наполни возраст од 23 год. Но исклучок од тоа правило се децата чии родители се германци. Исклучок се и швајцарските државјани. По ова прашање се водат повремени дебати во германското општество како што може да се види од краткава репортажа на Дојче Веле (DW): http://www.youtube.com/watch?v=ibJGzVNIw_0 А интересно е што право на германско државјанство имаат и сите оние кои за време на националсоцијализмот(нацистичка Германија) државјанството им било одземено и биле протерани. Ова право се пренесува и на нивните деца и внуци.
Имам едно прашање, сакам на ќерка ми да и извадам македонско државјанство, татко и е грк а јас сум македонка, па ме интересирз кои документи треба да ги поднесам и каде, и дали е потребен некој документ и од таткото ?
Во подрачната единица на МВР (на пр. Скопје во зградата на МТВ) ќе биде потребно да се достави барање-формулар (се подига на шалтер) за впишување во книга на државјани на РМ. Лична карта или пасош, изв.од мат.кн.на родени, можно е да бараат изв.од мат. кн. на венчани, согласност на родителот кој не е државјанин на РМ. Се плаќа такса 20+80ЕУР во пошта или банка. Доколку документите се на странски јазик, потребно е да бидат преведени на македонски јазик од овластен судски преведувач. Процедурата трае најмногу до 6-7 месеци. Откако ќе се добие државјанството, доколку сакате, имате право да поднесете барање за македонски пасош. Можно е да побараат и други документи. Повеќе информации: http://www.mvr.gov.mk/DesktopDefault.aspx?tabindex=0&tabid=432 http://www.uslugi.gov.mk/UslugaDetali.aspx?UslugaID=3FB49FA3D009405DAE77C9FF2102CE3E Доколку живеете во Грција потребно е да се обратите до: Канцеларија за врски на Република Македонија во Атина: Papadiamanti 4, P. Psychico, 154 52 Athens ++ 30 210 67 49 585 ++ 30 210 67 49 548 ++ 30 210 67 49 572 athens@mfa.gov.mk http://www.missions.gov.mk/athens или доколку ви е поблиску во: Канцеларија за конзуларни, економски и трговски работи на Република Македонија во Солун: Tsimiski 43, 54623 Thessaloniki ++ 30 2310 277 347 ++ 30 2310 278 598 solun@mfa.gov.mk
Благодарам многу сега би сакала да ги спремам документите' па во зима ке почнам со сите процедури само се надевам да прифатат согласност напишан на хартија од мм бидејки нема шанса наскоро да дојде во мк како и да е ке одам д се распрашам подетално за се
Јас имам македонско државјанство. Можам да имам и српско државјанство, ама за тоа треба да го ангажирам татко ми. Прво тој да извади српско државјанство, па после јас.
Доколку баба ти или дедо ти биле некогаш српски државјани (или државјани на некогашната СР Србија во Југославија) можеш и без татко ти да извадиш српско. Потребно е меѓу другото да извадиш нивни изводи од мат.кн.на родени во Србија но да не се постари од 6 месеци кога ќе ги подаваш во амбасадата. (повеќе информации на линкот од претходната стр.) И после ќе можеш како турист да патуваш низ Руската федерација без виза.
Баба ми и дедо ми не се српски државјани. Татко ми е роден во Србија, ама нема српско државјанство. Има само извод од матичната книга на родените.
