Духовна (православна) литература - дали, колку, што читате?

Најдобро да ја побарате по оние кои продаваат книги на старо или по скопските цркви: свети Димитрија, свети Георгиј во Чаир... Постаро издание е.

 

Каде има да се купи Православна литература? Дали ја има во библиотеки? И ако да, во кои?

Кои книги би ми ги препорачале да ги читам?

 

Јас обично од саеми на книга имам купувано, но имаш и добар избор во книготека Икона, во Рамстор (https://ikona.mk/), а има и во Литература, Сакам Книги, Три и по храмовите. Ти ја препорачувам "Несвети, а свети" https://ikona.mk/product/несвети-а-свети-и-друге-приче/, Зрнца од Синап од Еромонах Филип од Зрзе (https://preminportal.com.mk/duhovnost/manastiri-i-crkvi/13982-bigor), Запечатениот ангел од Николај Лесков, Животот и словата на старец Порфириј Кавсокаливит, Совети за спасение во денешниот свет од Старец Пајсиј https://sakamknigi.mk/product/совети-за-спасение-во-денешниот-свет/.

 

Јас би ги препорачал:
1. Точно изложување на Православната вера од Свети Јован Дамаскин, Икона
2. Господовите празници од митр. Јеротеј Влахос
3. Толкување на светите евангелија според Марко и Јован, приредил архм. Иринеј Стефановски (храм ,,Свети три светители'' спроти автобуска станица Скопје).
4. Водич низ светите тајни - Преспанско-пелагониска Епархија.

Овие книги се учебници за нашата вера и ни помагаат да научиме во Кој Бог веруваме. Книгите на разни старци се убави и душекорисни, но најбитно е да научиме за нашиот Бог.

 

Дали во црквата св. Димитриј, Скопје има продавница за купувања православна литературата, Библија, Псалтир и акатисти?

 

Псалтир и Библија се купува од Библиско Здружение. Позади Соборната црква, во зградата на Архиепископијата. Кога одиш од Партизанска има скалички и по нив горе е библиското здружение, таму се најевтини.

 

Имам тоа купив прееска, Акатисти ми требаат сега...

 

Јас од Православна литература само Библијата ја читам.

Да бидам искрена имам пробано и други православни книги да читам ама не ми се допаѓаат иако сум верник. Како прво во некои користат некој чуден вокабулар, некои долги зборови и термини што никогаш ги немам слушнато и никој не ги ни користи..

Покрај тоа, кога ги читам тие книги, се чувствувам како да сум под постојан суд. Содржината е некако напишана како да те критикува. Без разлика дали е молитва или некој текст, постојано мора да те потсетува дека си голем грешник и да те критикува. Јас знам дека сите сме грешници, но ако некој постојано ти го става тоа пред очи, како очекуваш да се развие доброто во тебе?

Верувам дека верата и духовниот раст не треба да се базираат само на тоа да се потсетуваме на сопствените гревови. Не велам дека треба да ги заборавиме или да правиме што сакаме, но начинот на кој учиме и растеме во верата треба да нѐ мотивира, да ни дава инспирација и да нѐ прави подобри луѓе.

Јаков 3:12 – Од еден ист извор не може да тече солена и слатка вода.

За мене, тоа е суштината на духовниот раст: да се полниме со добри мисли, зборови и намери, кои нѐ водат кон правење на добри дела и станување подобри личности.

 

Барајќи, нешто интересно најдов..
https://pravoslavenistocnik.mk/index.php/pravoslavie

 

Еве уште нешто.

https://poukinasvetitestarci.blogsp...JtbjHeiivkNVEyJpOB_aem_lF40ZCkxVC6eQKZ7OdwaUQ