Оваа тема ја отворам со цел да се запознаеме со симболите од другите религии и духовни движења. Многу пати среќаваме некои симболи што ни изгледаат мистично и не го знаеме нивното значење па на темата би можеле да ги откриеме сите тајни за истите. Ете на пример јас имам познавање од многу духовни симболи, но еден од најлесните ми е непознат односно што означува Месечината и Ѕвездата во исламот? Ќе започнам со три симболи, а потоа низ разговор ќе поврземе повеќе. (Свастика) - кога ќе слушнеме за истата се потсетуваме на морбидните настани од втората светска војна, но всушност свастиката е еден од најстарите духовни симболи која се појавува во Украина, но исто така и во Индија, Хиндусите ја поврзуваат со добрата среќа, Богот Сурја (Соларно божество) и Брама (Создателот на Универзумот). (Om) според Хиндуизмот Ом е звукот на Универзумот и ова е неговиот симбол на санскрит јазикот.Тој ги симболизира 5 те состојби на постоењето и истите ќе ги наведам во следната слика на англиски јазик. Инаку Maya - значи илузија. За зборот Ом се верува дека е звукот на креаторот Брама. Инаку скоро секоја мантра од Хинду ведите (списите) започнуваат со зборот Ом. (Хамса) сте забележале ли дека во многу култури очите се одбрана од уроци, лоши влијанија, пример муслиманите го корситат плавото око, го ставаат во своите продавници, автомобили домови, на ланчиња. Ова е Хамса, старо еврејски и арапски симбол за заштита од лоши влијанија, духови и се верува дека е раката на Бог која не штити од истите, а внатре има око. Таа исто така се верува дека носи добра среќа и просперитет.
