Не е тоа врзано со картичка, туку со трансакциска сметка. За секоја може да се отвори. Така ти е полесно да следиш.
Колку што те разбрав сметката е на сопругот твој. Некој имаше порано кажано дека не го исплаќале затоа што не дал своја сметка. Ич не ми текнува која членка беше.
И јас знам дека мора сметката да е на име на подносителот на барање за рефундација. Проверка прават на се. Така да ако нема исплата причината е таа. Мене ниту еднаш не ми закасни исплатата на пари за клексани, точно еден месец исплаќаа по поднесено барање . Проверете си во фондот.
А дали тромбоцитите имаа врска со димерите? Досега немам ниту еднаш испитано димери,немало потреба. Тромбоцитите ми се во граница на нормалата.
Јас имав пишано за сметката . Во фондот убаво ми напоменаа дека мора лично твоја трансакциска сметка. Инаку @iki26 мене цело време тромбоцитите во нормала ми беа , матичната ми рече превентивно да испитаме д димери па испаднаа 3000.
Феминки денес бев на трансфузиологија испитував димери. Резултатот е 1800, јас сум 33 недела. Знае ли некој да ми каже во последно тромесечие колку беше нормална граница?
До 1700. Еве го линкот каде ги има референтните вредности по тромесечиа. http://perinatology.com/Reference/Reference Ranges/D-Dimer.htm
За втор скрининг случајно отидов на второ мислење и ми видоа лакуни на постелката. Сплет на околности и немање термин на трансфузиологија па почнав терапија дури 24та поради покачени д-димери. После примени 20 инекции се нормализираа до некаде, околу 1800. Протокот на папочна е цело време супер, бебето расте нормално. Но, поради скратен цервикс и принудно мирување пак ме испратија да испитам во 35та недела, пак покачени, околу 2600. Клексан еднаш на ден, 14 дена. Повторна контрола, еве 37ма недела, д-димерите и покрај терапијата се над 3300, препишана терапија 2 клексана на ден, 14 дена. Нели е опасно да примам терапија до самиот крај на бременоста, ова е сепак разредувач на крвта, што ако добијам болки и се породам, било природно или царски, нели има ризик од искрварување? Ве молам ако има некој искуство што се боцкал до сам крај на бременост да сподели
Ќе се консултираш со трансфузиологот и нормално ќе кажеш на породување. Сепак имаш помала штета отколку да не се боцкаш. И мене ми рекоа до крај на бременост ќе се боцкам и 2 недели потоа. Не се секирај слушај доктори.
Мене па ми ги прекинаа сега и ми рекоа доста е до 36 недела , а димерите со терапија под 1900 не ми паѓаат , примав терапија скоро 3 месеца.
Трансфузиологот уште ми вика у фаца ти уште си трудна??? Па ми закажа контрола у 40та недела, мислам со кој мозок, ама ајде. И матичен гинеколог и овој што треба да ме породи креваат раменици, затоа и се нервирам, никој не се замара со ништо, а тоа им е работа, јбг државно, ама па од нас плата земаат.
Не се секирај јас примав до породување клекасни по два дневно заради високи д-димери и скратени протромбински времиња. На трансфузиологија ми рекоа можеби ќе треба да ги прекинеш недела дена пред породување ако си со царски ама гинекологот рече терај до крај. Д-Димерите на крај ми беа 5800. Многу поголеми проблеми може да настанат ако не примаш клексано отколку ако примаш. Знам дека на ГАК ако има закажан царски го прекинуваат клексанот недела дена порано. Јас се породив во Ремедика и очигледно имаат поинаков протокол. Мене ми закажаа царски од денес за утре што значи требаше 24 часа да немам примено клексан. Сплет на околности ми пукна водењакот и се отворив вечерта и пак завршив на царски. Од последниот клексан до царскиот имаше некаде околу 18 саати поминато и немав никаков проблем. Ми ставија само едно тешко како песок на раната и толку. После 12 саати од породување посвторно продолжија со боцкање со клексани. Клексан примав до околу месец дена по породување додека дојдоа д-димерите во нормални граници.
Фала ти @JoyJoy на споделеното искуство. Јас не знам како ќе се пораѓам, дали природно или царски, нели додека не дојде моментот, едно планираме друго испаѓа. Сега одам на прегледи на државно, ама ниту споделија за протокол иако прашав конкретно дали ќе треба да ги прекинам евентуално. Не знам што да кажам, со Господ напред, убаво ми кажавте дека поголема белја ќе направам ако не се боцкам така да ќе продолжам со терапијата, па што е тука е...
Мешиња, бремена сум полни 28 недели и до сега матичната ми нема спомнато за ова испитување. Да си барам сама?
