После вечерашната победа на Италија со Zitti e Buoni изведена од Måneskin, Евровизија следната година ќе биде во Италија!!! This is a developing story, more details to come soon Победничката песна дами и господа:
Муабетов е начнат во другата тема ама јас овде ќе пишам оти станува збор за Евровизија 2022. Ми се чини пак ќе учествува Македонија, не се откажуваат никако. Дури и Ѓоко Таневски го пратија. Со сценските настапи лошо стоиме. Јана Бурческа имаше убава песна, се надевав на неа, ама млитав настап, никаква енергија не покажа. Еye cue исто, слабо, па дури и Next time кога беа, рокери, требаше да грми тоа сцената, ама не. Тамара ајде имаше моќна балада па стоењето во место беше оправдано. Џабе, немаме доволно квалитетен изведувач што може да се покаже во топ светло на евровизиската сцена. Изведувач кој ќе освои, не само песната да е добра, туку добро да се презентира. Не само од Македонија, имаше и од други држави убави песни уништени со лош настап. Белорусија од 2018 година беше топ песна ама на сцена катастрофа испадна. И мислам нема пак да победи рок песна, не се сеќавам да победиле рок песни две години по ред. Не дека има правило тука, што знам, ама се менуваат, може балада да е, може некоја певлива поп песна или сосема поинакво нешто, џез ако пратат. xD Најозбилно, поарно некој бенд да пратиме од овие помалку познативе по клубови што прават свирки отколку Роберт Билбилов или Днк што беа спомнати во другата тема.
Белорусија нема да учествува на ESC 2022. Односно, веќе нема право да се натпреварува на Евровизија. Белорускиот радиодифузер е исклучен од EBU (European Broadcasting Union) и со тоа, отпаѓа можноста држава да се натпреварува на Евровизија. Според EBU, ова се должи на сузбивање на слободата на медиумите во Белорусија
Кој од овие 17 градови ги исполнува критериумите за одржување на Евровизија 2022? Ваше мислење? Кој е вашиот идеален град? https://eurovision.tv/eurovision-news-summer-2021/snippet/seventeen-to-one-italy
Официјално: Во Торино ќе се одржува Евровизија 2022. https://eurovoix.com/2021/10/08/turin-to-host-eurovision-2022/
Очекувам следната Евровизија да има доста рок песни, што не ми пречи воопшто Оваа од Бугарија ми е океј после прво слушање, ништо впечатливо... ќе видиме каква конкуренција ќе има.
Ајдее, зарем уште од сега почнаа со песниве. Штом ништо од Бугарскава не ми остана во памет по слушањето, значи не ја бива. xD
Не е ништо посебно песнава, но не е ни многу лоша, вторпат кога ја ислушав. Ќе биде добра Евровизија ако годинава има повеќе рок песни.
Македонската Радио Телевизија објавува Конкурс за прием на нови, оригинални, необјавени, современи авторски композиции, од кои по пат на натпревар, ќе биде избран претставникот и композицијата со која Република Северна Македонија ќе се претстави на Изборот за Песна на Евровизија 2022 во Торино, Италија, во организација на Националниот сервис на Италија (RAI) и Европската Rадиодифузна Унија (EBU). Се покануваат авторско-изведувачките тимови да ги достават своите финални музички предлози (комплетна аудиоснимка) и со својот креативен труд да учествуваат на конкурсот/натпреварот, за да се избере најдобрата песна-претставничка за Торино 2022. Од сите пристигнати композиции на конкурсот, МРТ ќе ги избере најдобрите, но не повеќе од шест композиции. Избраните композиции ќе ѝ бидат јавно презентирани на публиката, која по пат на транспарентно гласање ќе учествува во изборот на нашиот претставник за Евросонг 2022. Резултатот од гласањето на публиката ќе обезбеди 50% од вкупните гласови, а преостанатите 50% ќе бидат обезбедени од меѓународно стручно жири. Право на учество на конкурсот имаат сите изведувачи и автори-државјани на Република Северна Македонија. Во авторско-изведувачкиот тим, право на учество имаат и автори вон нашата држава, додека изведувачите подлежат на обврската задолжително да се државјани на Република Северна Македонија. Предлог-композициите се доставуваат на следната eлектронска адреса: eurosong.macedonia@gmail.com или на адреса: Македонска Радио Телевизија, бул.Гоце Делчев бр.18, 1000 Скопје, Р. Северна Македонија, со назнака „ЗА ЕВРОСОНГ 2022“. Конкурсот за учество е отворен до 16.01.2022 година. http://mrt.com.mk/node/68453
И се и не се Ако бидат сите правилно избрани, без врски, мислам дека имаме добар потенцијал. Особено очекувам Лара Иванова да се пробие, па и Александра Јанева. Роберт Билбилов исто можe да изненади после песнава за JESC.
Најдобро нека направат Мини Евровизија како национален избор, па така и ќе се развиваме на музички план. Се надевам дека следната година ќе не претстави во најдобро светло некој искусен пејач или бенд, за да не бидат за џабе потрошените пари за проектот. Но, сепак е многу важно МРТ да инвестира во сценскиот настап (ефекти, пиротехника, пратечки вокали...)
Певлива е, влегува во уво, но сепак не е нешто премногу посебно. Ама убави песни годинава, ќе биде интересно за гледање.