Евтино приготвување на оброци (Low income meal)

Во лето кога тиквиците се евтини, можете да си правите плескавици од нив. Јас дури во нив и сусам си додавам, само треба да се пази, да не се препржат многу, па тој да изгори. Не сум пробала, но прават, ленти од тиквици, посолени, валкани во пченкарно брашно, малку масло и да се потпечат, а потоа одозгора се ставаат јајца.

 

Кога ќе кажам на некои дека дома најчесто јадеме таков вида храна, ми се чудат. Господата јадат скари и брза храна. Изгледа потценување им е да јадат манџи. Или ориз со копани

Јас многу сакам леќа. На моите дома не им е омилена. Боранија не сакаме. Си јадеме грашок, компир манџа, грав (поретко тавче), ориз со копани, мусака, турлитава.... Манџите ги правам со морков, ама без месо. Јадеме и друго, ама ова се поевтините јадења

Сакам и палента. Најевтина варијанта за доручек или вечера.

 

Јас ги игнорирам и не влегувам во никаква дискусија. Не се излегува на крај никако.

 

Нека јадат што сакаат, ама нека не потценуваат некој кој сака да помине поевтино. Тука би го додала и купувањето на храна. Истите тие господа купуваат од најскапото сирење и кашкавал. А ние сме сиротињи ако купуваме од поевтините

 

Ама не е само за евтино, не е здраво да се јадат сендвичи секој ден. Јади секој ден тостови, скари, ќе закачиш маснотии во крв, ризикот од дијабетес е поголем, а знаеме дијабетесот колку е штетен за сите органи. И подобро да купиш два килограми спанаќ, да испржиш со јајца, отколку да изедеш еден тост полн со калории.

 

Да се надоврзам на муабетот, со често одење по кафани, пекари, сендвичари и водење на тој начин на исхрана се добива гастритис, кила на желудник и плус болести. (Лично искуство)

 

Така. Не е само да се покажуваш пред народот дека одиш по ресторани. За килата не знам, ама од гастритис може да се добие и канцер на желудник и толку е од животот. Купувам стек од Стокомак, мислам 450 денари е или 480, го делам на три парчиња, сецкам ленти за да го пржам и јадам со зеленчук, а и од него сум правела и чорба со зеленчук, трипати од едно пакување. Мене леќата ми се допаѓа по вкус, а тоа што е евтина е плус. Во последно време се трудам наместо чипсови, да си купам леблебија за грицкање, кикиритки, тие барем се поздрави од грицките. И за спанаќот треба да знаат дека е многу поздрав од другото, затоа што тој не се прска, што не е исто со пиперки, домати, краставици, а боранијата исто ја прскаат, јас јадам моја, не ја прскам, но другите веројатно ја прскаат.

 

Малку сте tone-deaf, а цените се рипнати до таван.
Палентата е од брашно, не е баш здрава.
Евтина е ако ја купиш онаа од Кам или онаа од Стокомак. Инаку, најубава е кога се комбинира со кисело млеко или сирење. Ама и од овие по една евтина опција (сирењата со растителни масти што се 100 и нешто за кило) има само во тие два маркета.
Јајцата и спанаќот станаа луксуз.
Ако сакаш да јадеш евтино, не можеш да јадеш сè здраво.

 

Од каде сакаш купи ја зелката, од пазар или од продавница за 150-200 денари ќе имаш ручек за 4 члена. 3 лажици ајвар испржи ги со 2-3 јајца пак ќе поминеш поевтино за доручек...

 

Неколку врсти на јадење што не носат многу пари, а ми се на листата често се грав, леќа, грашок, ориз, компир, тестенини со сос.. ама реално одамна немам пазарено во Македонија и не знам како се цените таму, ама еве да направам овде пинџур пример ми се смета за скап ручек затоа што и патлиџаните и пиперките се изгор скапи.
Во грав манџа не додавам ништо, но со компир, грашок или ориз секогаш купувам и месо плус. Автоматски се зголемува трошокот.
И да не биде месо, да направам ориз со зеленчук исто испаѓа скапо ако купиш печурки или брокула.

Имам пресметано овде ако се хранам нездраво ми доаѓа многу поефтино за разлика од здравата храна. Месото е многу поефтино од овошјето, зеленчукот, рибата, здравите појадоци и слично.
Така да, гледам оброците да ни се балансирани, па некогаш и поскапо да платам во продавница.
Единствено ми е win кога си го правам неделното мени за храна според акциите во продавница па така да речеме заштедувам на нешто. Ако оваа недела се на акција зелките пример, купувам зелка за салата.

А надвор од темава што спомнавте дека е нездраво да се храниш по ресторанти, донекаде се сложувам ама можеш и во ресторант да јадеш здрава порција ручек или вечера. Не мора да порачаш пржено, поховано и мрсно. Или во пекара наместо бурек, купи си ѓеврек. Секогаш може да го избереш помалото зло.

Ако сакаш да јадеш поквалитетно и поздраво, веќе не знам дали постои ефтино за жал.
Ако сакаш да штедиш на храна, можеш да јадеш повеќе леб, паштети, туни, посни манџи или да си одгледуваш сам зеленчук и овошје.

 

Се сложувам мислењата погоре пишани и на претходната страница. Скоро сè од просечното мени е ниско буџетно, и според мене превкусно. Имам да додадам и:
- јуфки
-тарана
- макарони потпечени со јајца, сирење и павлака. Иако макарони беа набројани, ова јадење посебно не го прочитав.
- паштета, ајвар, путер, маргарин, џем, мармалад на леб, тоа исто е супер за доручек.
-и овошјата и зеленчуците кога се во сезона, кога не им е цената превисока, може да бидне и од нив оброк. Овошни салати ми се омилени во лето

 

Стекот што го купуваш е донесен од Бразил или од Тајланд и тоа е здраво? Многу пати замрзнат. Да не зборуваме колку се губи хранливата вредност на зеленчукот кога ќе се испржи или испече. Исто така зеленчукот и овошјето кој го купуваме е нездрав, прскан. Црвен домат во декември, а внатре пластика. Секој сака некогаш да јаде нездраво и да оди во ресторан. Ние мислиме ако готвиме дома тоа е здраво. Денес ништо не е здраво. Манџа со еден тон сончогледово рафинирано масло е здрава или со брашно внатре. Да не зборувам за пластиката која ја има во се. Вода пиеме од пластика, храната е во пластични амбалажи и од сето ова сакаме да сме здрави. Се што може да е домашно месо, млеко, зеленчук, овошје само така можеме да сме здрави.

 

Имам домашен зеленчук, овошје, месо. Стекот го купувам од маркет. Прскам колку што треба, не вишок. Имаме и наши дрвца ореви, бадеми, па дури и се случувало да имаме 9 вреќи ореви годишно кои се вишок и да ги продадеме. Имаме ниви од старите, ги работиме. Имаме и лозје. Тоа што е наше знаеме колку и дали сме прскале, затоа и посочив дека ако некој сака да биде сигурен дека нешто не е прскано, спанаќот не се прска, друго скоро се, дури и кромид и лук. Ама со овие примања, народот нема избор што би јадел, ќе јаде тоа за што стигнуваат парите.

 

Денес се што се купува е прскано не може човек само спанаќ да јаде што мислам дека и него го прскаат. Затоа пишав дека најдобро е да се јаде домашно.

 

Во суштина, се што е направено дома е поефтино. Посебно ако е сезонски. Доматен сос, јуфки, колбаси, паштета, зимница, мајонез, намази правам дома сама. Пробав и урда да правам ама некако купечката поефтина ми излегува.

За такви подготовки треба човек да има и доволно место во подрум, во замрзнувач, во кујна и секако време.

Пример за ефтин компот е тој од тие малите сливи (кај нас ги викаат џанки) што растат насекаде. Си ги береш, ги замрзнуваш и после зимата си ги вариш за компот.

 

И туршија, да. Омилено ми е сè што е зимница. Корнишони, кисела зелка, ко трудна жена сум со киселото

Во меѓувремено ми текна да додадам сарми и бабури, посебно ако се посни, нема што да е скапо у нив

Ориз потпечен со малку морковчиња, превкусен.

Исто и месени пити, буреци, пецива. Ама за тоа треба време и труд.

 

Што и да искомбинирам скапо ми искача, можда пошо сама живеам не знам али сите тие манџи што велите лоу буџет дека се и не се баш кога ќе израчунаш грав/грашак, месо да стаиш, леб, салата пак искача скапо

 

Ќе земеш помалку и ќе готвиш помалку т.е онолку колку што јадеш количински. Но тоа што си сама пак не значи дека не треба да готвиш. Малку знае да е фрустрирачки осмислувањето на готвење за сам човек.

 

Прво да разјасниме:
Палентата се прави од пченка (крупица). Качамакот се прави од пченкарно брашно.

Некој рече брашно не е здраво
Очигледно не сте добро информирани.

Освен ако немате алергија немате причина зошто понекогаш да не јадете пченкарно брашно и палента.
Некои јаглехидрати се подобар и поздрав избор од други јаглехидрати. Брашно е секогаш подобар избор на јх од шеќерот и неговите варијанти во процесираната храна.
Палентата содржи сложени јаглехидрати но и протеини и растителни влакна. Нискокалорична храна, а здрава. Јас ја сакам со малку путер што е далеку подобар избор на маснотија од зејтинот од сончоглед кога се работи за негово загревање и готвење со него.

Од здрава храна морам да ги спомнам соковите - почнав да не купувам готови сокови, купувам вреќа портокали, вреќа јаболки, морков и цвекло и лимони и цедиме се и сите пиеме. Поефтин и далеку поздрав сок е од тетрапак соковите кои стигнаа и до 100 денари за литар.

Инаку сите манџи се ефтина и здрава храна. Дури и со повеќе месо, се исплати.
Гледам да не пржам и никогаш не запржувам месо или зеленчук пред да ги варам. Зејтинот кај стана прескап, е многу штетен за да се загрева на високи температури. И без зејтин манџите се доволно мрсни особено ако се со месо. А ако ептен сакам да ставам го додавам на крајот на варењето кога ќе се спушти температурата на варењето и нема разлика во вкусот.
Никогаш запршка со брашно!
Густината ја постигнувам со зеленчук, најчесто со ситно рендана пола тиквица во манџата (и плус повкусна е со тиквица)
Инаку јас практикувам да купувам смрзнат зеленчук - грашак, боранија, брокула. Смрзнатите се секогаш свежи (зошто се моментално замрзнати) и млади, кревки и манџите се многу вкусни. А замрзнатата брокула е без стеблото. Свежата брокула е поскапа зошто е со стебло кое многу додава на тежината и со тоа на цената а никој не го сака.

Има и некои намирници кои се исплатат ако пресметаш колку добиваш...
На пр. сакам и лосос и понекогаш место оние прескапите парчиња што не се доволно за четворица и што се секогаш најлошиот дел од рибата како опашката, купувам цел смрзнат лосос - без глава и утроба е, тежи околу 800-900 грама и реално е за пет души да јадат и тоа обилно. Така да се исплати.

Избегнувам конзервирана храна ама туна салата од туна конзерва со марула и пченка ми е исто ефтина и здрава храна.

Прескапата чија која е меѓу 150-200 денари реално не чини повеќе од 50 денари дома да си направиш и тоа количина за три оброци. Еве и некој скап путер од кикирики или не знам какви скапи овошки да додадеш, нема од 100 денари да те чини повеќе таа количина за тројца.

Искрено и само парче месо со салата ми е доволно за еден ручек. Па и тоа ми е некако исплатливо, што знам.

Просо, булгур, киноа се ова е одличен оброк кој може да се комбинираат со разни додатоци, слатки или солени, а се многу здрави и ефтини. Подобар избор од макарони и други тестенини, во секој случај.

Супи правам од нула... Многу поздрави се и поефтини од ќесичка супа што е за двајца или тројца и која е само со тестенини во неа...
Водата од зеленчукот што се вари или компирот или пилешко месо, никогаш не ја фрлам. Во неа се сите хранливи состојки.
Додавам една рака фиде (кое и да го купите е џабе). Некогаш имам домашно фиде (кога правиме јуфки правиме и фиде) некогаш немам па ставам купечко. Ставам вегета без глутен, сол, секогаш имам смрзнати целер, брокула и карфиол и тоа ставам во супата и секако морков.

 

Не е за приготвување ама мене "поскапо" ми испаѓа секогаш кога ќе купиме големи количини на храна или ако зачекаме демек на акција, па да земеме повеќе.
Или побрзо ни се расипува и фрламе. Или сме купиле многу и не стасуваме да изедеме и пак фрламе.
Како совет плус, освен ако не е за замрзнување, да не се трупа со храна.
Знае кај мене маж ако зачека работи пред крај на рок и на акција, да купи повеќе што на крај секако ќе ги фрлиме и ни доаѓа и поскапо.