Една вера - различни ритуали

Доволно е да воочиме дека во нашава земја, која е мала во споредба со другите. Еден празник на 100 различни начини се слави во различни краеви (од црква до црква се разликува а не ап пошироко). А тек другите земји... Што мислите, која е последицата за тоа да се имаат различни ритуали/адети а иста вера сме, исто славиме. И доколку имате некој пример кажете го.

Ете пример, во Србија не палат огин за коледе. Они немаат коледари, туку Polaznik - кој прв во куќата ќе им влезел сабајлето на Божиќ се дарувал и се верувало дека тој среќата ќе им ја донесе. Ако им тргне годината, догодина пак истиот човек си го викаат.

 

Една вера а различни ритуали/адети

Баш прегеска кога го гледам филмот со Исус христијаните клекнати на земја се молат И ми кажаа дека пред 10 години и овде во Македонија почнале така да се молат

 

Баш на телевизија денеска гледав....Во некои градови за Божиќ се седи дома со најблиските...во некои градови имаат маскенбал...
Стварно е чудно..иста вера а толку различни обичаи

 

Па мислам дека нема некоја врска со верата, таква е традицијата во тој дел од државата/светот. Нема врска со библијата на пример, само таков обичај се развил во тој дел.

 

Зошто е погрешно ставањето на паричка за Бадник!

Ние дома немаме обичај да бараме паричка за Бадник туку за Св. Василиј, откако знам за себе. Иако многумина околу нас го прават тоа за Бадник нели, мајка ми во повеќе наврати ми зборувала дека исправно било на Св. Василиј но не ми објаснила зошто.

Наидов на еден текст кој објаснува зошто е погрешно ставањето паричка за Бадник и зошто тоа треба да се прави на Св. Василиј.

Спојлер

ЗОШТО НА ПРАЗНИКОТ НА СВ. ВАСИЛИЈ СЕ СТАВА ЗЛАТНИК ИЛИ ПАРИЧКА, А НЕ НА БАДНИК
Историјата на «василопитата» е еден настан, кој се случи во IV век во градот Кесарија Кападокиска, во Мала Азија. Во тоа време, свети Василиј Велики беше епископ на Кесарија и живееше во единство со неговите сограѓани, со љубов, разбирање и помагање еден на друг.
Еден ден, кога Јулијан Отстапникот, нечесен цар и гонител на Христијаните, сакаше да оди за Персија и да војува со Сасанидите, тој помина близу Кесарија. Тогаш св. Василиј, кој добро го познаваше, бидејќи беа соученици во Атина, излезе заедно со народот да го пречека и почести. Јулијан побара дарови, очекувајќи злато и скапоцености. Но, светиот немаше ништо друго, освен три леба од јачмен, кои му ги принесе на злобниот цар. Треба да се знае дека тој не принесе скапоцености, бидејќи не сакаше да даде нешто повредно, туку бидејќи мнозинството на жители во Кесарија беше навистина сиромашно. Кога го виде тоа, Јулијан им нареди на своите слуги да соберат трева од ливадата и да му ја дадат на епископот за возврат. Тогаш светиот праведно му одговори на Јулијан: „Ние, цару, откако ни побара, ти принесовме од нашата храна, па и ти, очигледно, ни возврати од тоа што и самиот го јадеш.“ Кога ги слушна овие зборови, Јулијан многу се налути и вети дека кога ќе извојува победа во Персија, ќе се врати во Кесарија, ќе го запали градот и ќе ги пороби неговите жители, а Василиј ќе го награди со иста мера.
Поради тоа, св. Василиј побара од народот да го соберат сето злато што го имаат и да го зачуваат некаде, за да му го дадат на среброљубивиот Јулијан кога ќе се врати, па така, можеби, да го намалат неговиот гнев. Исто така, епископот им наложи на Христијаните да постат и да се молат, додека не се врати Јулијан.
За време на богослужбата, светиот имаше небесно видение: Пресветата Мајка Божја, носена на ангелски престоли, нареди да го повикаат маченикот Меркуриј и го испрати со војска од ангели против Јулијан, непријателот на нејзиниот Син. Тогаш го виде и св. Меркуриј, вооружен и јавнат на коњ, како заедно со ангелските војски, тргна против безумниот цар и го уби со своето копје. Освестувајќи се од ова видение, св. Василиј, во придружба на неколку клирици, побрза во храмот на свети Меркуриј, кој сто години пред тоа имаше пострадано во Кападокија и видоа дека од храмот беа исчезнати неговите мошти и копјето, кои таму се чуваа. Подоцна дојдоа во градот вести дека Јулијан е убиен. Всушност, тоа што го виде великиот Василиј, беше токму тоа, што во истиот миг, навистина се случи на едно место недалеку од Кесарија.
Така се спаси градот Кесарија. Но, тогаш свети Василиј се најде во многу тешка положба. Требаше да го подели златото, кое граѓаните го собраа за да се избават од гневот на Јулијан, но таа поделба да е праведна, односно, секој да си го добие своето. Се помоли светителот и Бог го просвети што да направи. Тој ги повика своите ѓакони и помошници и им рече да замесат лебови и во секој леб да стават по малку од златните предмети. Кога лебовите беа готови, епископот ги подели како благослов на сите жители на градот Кесарија. Во почетокот сите се зачудија, а потоа нивното изненадување стана уште поголемо: кога секое семејство го пресече лебот, во него најде злато, но не било кое, туку токму она што му го имаше дадено на својот епископ.
Така значи, со тогашната «василопита», св. Василиј им донесе и благослов на луѓето и радост заради избавувањето. Оттогаш и ние, на денот на свети Василиј, 1ви јануари, месиме василопита и внатре ставаме златник, во спомен на чудото, кое се случи во Кесарија.

Прочитајте, интересен текст. И ме интересира, што мислите, од каде е кај нас адетот да се бара паричката на Бадник?

Извор http://preminportal.com.mk/content/view/11326/54/

 

Зошто е погрешно ставањето на паричка за Бадник!

^Познавам и јас една другарка, што тоа го прават на Св.Василиј. Но ние тоа го правиме на Бадник

Инаку текстот што си го нашла е интересен.

 

Зошто е погрешно ставањето на паричка за Бадник!

^ Колку што имам прочитано, тоа што голем дел ја бараат паричката на Бадник било превземено од србите

 

Зошто е погрешно ставањето на паричка за Бадник!

А србите тоа го прават на Божиќ, не на Бадник. Во Охрид и Охридско, од каде што сум јас, се прави на Василица или Стара Нова Година. Тогаш е правилно, според погоре напишаната приказна. Инаку, сум слушнала дека само во Скопје и во Струмица се врти леб со паричка на Бадник, во останатите делови на Македонија се прави на Василица. Поправете ме ако грешам.

 

Зошто е погрешно ставањето на паричка за Бадник!

Паричка на Василица е во Охрид и Битола како што знам . А останатиот дел од Македонија на Бадник , . Традиција е останата на Бадник се крши лебче со паричка дали е правилно искрено не знам .

 

Зошто е погрешно ставањето на паричка за Бадник!

Ние стружани ја вртиме и на бадник и на василица.
Шоубо, имаш шанса два пати да ти падне паричката.

 

Зошто е погрешно ставањето на паричка за Бадник!

Јас сум од Битола и кај нас за Василица се врти мазник со паре, не за Бадник. Во мојата фамилија правиме питулици со лук и оревчиња со паре, тоа ни е стара традиција инаку главното вртење е за Василица. Единствено не ми се бендисва обичајот на коцкање за Василица и што се врти мазник и на работните места и со друштво и по културно уметнички друштва и невладини организации. Треба да се врти мазник само дома,спрема обичајот и досадни се децата со спиљоните тие се само за Коледе ,бидејќи ги сметаат како гласници на Христовото раѓање. Интересно е што се пали оган и што се јадат колбаси, иако нема некоја врска со горенапишаната приказна. Ова за на Бадник е некоја нова мода на скопјанишчана хахахаха ова чисто за мајтап до охриѓаните инаку немам ништо против скопјаните едни од најзначајните личности во мојот живот се скопјани.

 

Зошто е погрешно ставањето на паричка за Бадник!

Не е само во Скопје за бадник и во Струмица , Штип , Велес , Берово , Делчево, Кочани цел источниот дел на Македонија . Во западниот дел се практикува на Василица , а и не ни толку битно , адет си е адет не може од денес за утре да се смени како правеле порано се прави и сега .

 

Зошто е погрешно ставањето на паричка за Бадник!

Интересен е текстот.
Ние отсекогаш сме делеле лебче (кравајче) и на Бадник и на Василица.
Кај моите тоа делиме за Василица, свекрва ми го немаат тој обичај. Тие само за Бадник.
Така да за Бадник делиме на две места.

 

Зошто е погрешно ставањето на паричка за Бадник!

И во Велес на Бадник, а имам другарка од Скопје и ми има кажано дека они дома вртат леб со паричка на Стара Нова Година.

 

Бадникари, кај кого падна паричката?

ЗОШТО НА ПРАЗНИКОТ НА СВ. ВАСИЛИЈ СЕ СТАВА ЗЛАТНИК ИЛИ ПАРИЧКА, А НЕ НА БАДНИК

http://www.bigorski.org.mk/index.php?co ... cord_id=53

 

Пошто темата е за обичаи, а нема општа тема за Велигден, да си прашам.
Ланското велигденско јајце, она што се вапца прво и што се чува.
Знам нешто имаше обичај со него на Велики Четврток...

 

~ На велики четврток пред изгрејсонце се бои црвено јајце (во непарен број 1 или 3 или 5...), а ланското се чува за украс појма немам за ланското. Знам дека на сусетка внука го скрши јајцето кое го чувала неколку год и внатре немаше ништо (испарило се)

 

Знам некои го закопуваат во нива демек да биде плодна годината (ама ја немам нива ... дури ни туѓа во близина ), други пак ми викаат да го фрлиш во истечна вода-река, демек да ги однесе сите лоши работи од лани....ама не знам колку се` тоа е правилно и дали треба на Велики Четврток истото да се направи или кога. Знам викаа за некој ден ама да ме утепаш не се сеќавам.

 

На Велик четврток, утрото пред изгрејсонце домаќинката на куќата вапцува 3 јајца, едно за Исус, едно за домаќинот на куќата (најстариот) и едно за бериќетот-работата. Пред да ги вапца домаќинката не треба да е гладна, треба да има изедено барем едно залче леб, за да не ја распукне моќта на јајцето, да не стане несреќна. Тоа јајце има лековита моќ, штити од болести, пожар и сл. и се остава во црвена марама (крпа) во сито во двор за да го осветлат првите сончеви зраци и потоа со него се врти по образите на децата и се кажува црвено, бело, дебело (здраво). А за претходните јајца и јас имам слушнато дека се закопуваат во нива, ама зошто незнам.

 

Секоја црква буквално приказна за себе, ете ние со дечко ми, а и брат му сме кумови годинава. Мене ми рекоа кумата треба да фрла бонбончиња во црква, а на снаата и рекле не треба