Еднодневно патување

Лесно ти е тебе
Убаво да си поминеш

 

Јас со кола до Лефкада стигнав за точно 6 часа од Скопје. Па ова твоето ми се виде многу време, па затоа те прашав со што превозоно средство сте биле. Со автобус ако е, логично е. Но со кола за многу побрзо се стигнува од Скопје.

 

Зависи од каде се тргнува, на пр., за во Грција од Скопје не се исплаќа толкав пат да се помине за еднодневно шетање, додека од Гевгелија, Дојран или Битола е многу блиску.

 

Здраво размислував да одам некаде еднодневно во соседството, па ме интересира искуства од некои што патувале така.

 

Не знам од каде во МК би тргнала.
На пример ако си од охридски регион, појди до Тушемиште и до Поградец во Албанија.
Веднаш после граница е Тушемиште и до него одма е националниот парк Дрилон. Исто убав како св. Наум, со патеки за прошетка, со прекрасни ресторани со тераси на вода во кој можеш за ефтино да јадеш специјалитети. На плажата во Поградец може да поминеш цел ден наредена е со барови, пицерии и ресторани.
Ако си во Скопје, еднодневна сме правеле и на Косово, претежно за шопинг. Одевме до Приштина мол, влегувавме и по попатни дуќани до таму, а на враќање на ручек во ресторан во Качаник.

А во МК имаш доста избор за еден ден, ама пиша дека сакаш вон МК.

 

Ако тргаш од Скопје, можеш во некој од јужниве градови во Србија. Зависи што ти е приоритет, ако ти е за шетање, пример Врање и Лесковац се мали и нема нешто посебно да се прошета и види, ама за кафана таму немаш промашај. Ниш ти е поголем и пожив град, таму имаш поголем избор и за шетање и за шопингување и исто добра храна.

Јас сум идела на еднодневни и до Грција. Солун, на плажите еднодневни капења и во Лутраки и Воден водопадите и беше многу убаво, само што и не е баш блиску и може да биде малку понапорно, поготово сеа со гужвиве со ЕЕС. Види тебе што ти одговара најмногу.

 

За еднодневните патувања во Грција, се двоумам помеѓу Пефкохори Ханиоти и Полихроно првпат идам не сум била кој од овие е најдобар за посета?

 

Зависи дали сакаш помирни и релаксирани места или пораздвижени. Морето и плажите на сите три места ти се убави и чисти, ама според мене Пефкохори е поживо и баш динамично место, со многу гужви поготово сега во шпицот. Јас сум била во јули и едвај празна лежалка се наоѓаше, буквално нема кај да се разминеш. Градската плажа е потесна, а лежалките се скапи ама генерално се со конзумација и јадење. Има долго шеталиште со многу ресторанчиња и барови, палми. Го препорачуваат за млади, ама јас кога бев имаше повеќе фамилии со мали деца отколку млади. Морето е убаво и доста плитко.

Ханиоти мислам дека плажата е доста поширока и подолга за разлика од Пефкохори, комбинација е од ситен песок и камчиња. Исто е средено местото, има доста таверни, продавнички и шеталиште.

Од овие три, Полихроно ти е според мене најмирно и најопуштено. Подолга плажа и генерално нема толкави гужви и раздвиженост или гласна музика како Пефкохори. Ако сакаш баш релаксиран ден да поминеш на плажа, тогаш јас би го избрала Полихроно. Ако не ти сметаат гужви, тогаш едно од другите две.