Јас имам ваков само поголем. Во врска со што не ти е јасно? За користење во внатрешноста имаш MAX и до таму можеш да ставаш течност. Црното копче на капакот треба да го подигнеш нагоре за да испадне воздухот па да го отвориш капакот.
Фала ти многу на одговорот. Ме интересира уште нешто, прочитав во упатството дека додека да зоврие, црното капаче треба да е подигнато, па потоа се спушта. Дали е така правилно? Поздрав
Мене од сам старт ми е спуштено. Од кога ќе зоврие почнува да испушта звук да свири/шушта тогаш ќе ја намалиш јачината на ринглата и од кога ќе почне да шушта ќе гледаш колку време треба да готвиш( јас вака правам- за пилешко 5мин, за свинско 20мин и за телешко-30мин). После тоа тргаш од рингла и чекаш уште некое време пример 20-30мин, ќе видиш се слуша дали уште вари внатре ако не вари го подигаш црното копче нагоре( доколку е сеуште под многу јак притисок ќе почне многу јако да го испушта, тогаш ќе го спуштиш пак и ќе пробаш пак по некое време) кога ќе го испушти убаво воздухот го отвараш капакот и толку.
Здраво Гледам темава одамна не е активна. Сакам да прашам дали некој го има експрес лонецот на Делимано? Доколку има таков нека ми пише сакам да го прашам нешто
Го купив, но моментално така ми стои. Го користев за варење на месо кога правев кашички за ќерка ми. Чудно ми е некако, или јас не знам како да го ракувам. Пена од месото не смее да има, зошто се затнува вентилот и прска од сите страни. Прво го ставав месото така да зоврие, па ја фрлав таа вода, па потоа го затварав. И временски не се вари колку што пишува на упатството, туку подолго. Не знам дали се исплати. Сигурно јас не знам да го ракувам, ама тоа со пената, баш ми е безвезе. Нека пише некој што знае убаво како се ракува со него, па да ме просветли.
Благословен да е тој што го измислил. Мајка ми сигурно едно 30 години користи. Јас како експрес домаќинка, која не сака многу да губи време во кујна, спас невиден ми е. Она што 2 часа треба да го правиш, во експрес лонец е за 30 - 40 мин. готово.
Сега имам некој германски, ама пред него сменив 2 турски (слаб квалитет имаа и тоа гумата кај капакот ми се скина).
Месото го ставам во лонецот, ставам малку масло и го запржувам од сите страни да фати браон коричка ( ова без капакот, се разбира ). Налевам вода, нешто над парчето месо, ставам целер, морков, пашканат, ловоров лист, зрна бибер, карафилче ( по избор, може и без ништо, само вода, јас ја користам водата од месото за ориз или нешто друго ). Затвораш капакот, пушташ на најсилно, чекаш да почне да пишти пареа кај вентилот, намалуваш температурата, да нѐ фиучи толку, нема потреба на јако, туку на умерена температура. За парче јунешки мускул на пример, потребно е околу 35 мин. варење.
Ти благодарам многу. Сега ми е јасно, треба месото прво да се запржи. Јас само го варев, дека за бебе за кашички ми беше, па ако не ја фрлав првата вода, од пената се затнуваше вентилот, и излегуваше од сите страни.
Јас никогаш не запржувам месо,и мене ми излегуваше пенадодека не ме просветлијаЗа телешко месо вода мин.или колку може помалку зошто пени и од тогаш не ми се десило тоа
Можеби од тоа што ставате многу вода и под јака температура, затоа ви пенело. Месо не мора да е запржува, јас така правам затоа што така ми е повкусно
Јас имам трауми од експрес лонецот. Прв ручек во новата кујна, не знам што се деси ама додека го отворав ми експлодираше. Пола ручек летна во сред соба мм во тој момент занесен на мобилен, шлог доживеа не знаеше што го снајде. Имаше ксмет што не го испогорев. Од тогаш и го дадов на Свекрвица малку и она да право манџа парти а јас се префрлив на мултикукер
Дами домаќици што имате Делимано експрес лонец, го користите и вреди ли? Сега е 6.400 се мислам да го земам ама дали вреди или да пробам со поефтина опција прво? Со две деца готвењето хорор ми стана, дур се успало бебе, па на бато му требам, па бебе станало, ручекот најчесто вечера ни е.. мислам дека експрес лонец ќе ме спаси за манџи, и мајка ми има 20 и кусур години - за јадења со месо знам дека многу го користи. Само ценава ме изненади, а не знам дали е добар
Јас два имам, види поназад имам споделено. Едниот го купив 1500, 7 литарски, па од што бев презадоволна зедов 5 литарски ист. Ене ги години ги имам, и да ми се расипат пак исти ќе купам. Не ми се дава толку искрено за експрес лонец кога и ефтините ја бркаат истата работа.
