Екстерно тестирање на студентите

јас сум ЗА промена,ама не на ваков начин. И да има екстерно,пак ќе се провлечат тие што треба да се провлечат, и ќе го јадат стапот студентите што со учење положуваат.
Знаете колку е тешко на запад да се запишеш на факултет? Кај нас да речиш не се запишав на факултет си пропалица. Нека се дигне малце критериумот за упис на факултет, и да не можи да се запиши секој.
Не отидов на маршот, заради ставови што ги слушнав од луѓе што беа и што не знаат оти се таму. 70% се таму оти слушнале нешто по вести и по фб ќе ни додадат уште еден испит па ајде ќе се буниме не ни се учи. Стварно жалосно. Чест на исклучоците.

 

Strasno me iritira, koa ti treses gluposti zgora na toa se falis kao demek tesko bilo na knizevnost kaj tebe da se zeme , 6 ka hahaaa kakov apsurd, pa veruvala ili ne ja sum na opsta medicina koa vise ideme da se falime so fakulteti i fakti , a ako te interesira , use poise iam prosek i nad devet, taka da do sea neam takva 6 ka zemeno ko tebe a i nema ni da zeam, a toa deka me zgazi medicinava i potrosiv solidno vreme na faxot, ako pocnam da ti raskazuvam, ke iskocime nadvor od temava, nego cisto praam komparativa poso vise pocna so falenje za tvojava knizevnost, use neso dobro poznato e deka nasiov fakultet e ustvari eden od najteskite ako ne i vrvot, u ucenje, realno imalo i denovi da cepam do 16 casa ucenje i drvenje nad kniga, makotrpni polaganja i sto uste ne, i ako tebe ti e cudno , ja ipak sum kategoricno ZA drzaven ispit, zaso da ne ,veruvam u moe znaenje, iam cvrsti temeli, nema od sto da se plasam i stravuvam poso do sea sekoe knigiste go iam topeno i da napomenam bez nikakva pomos nitu vrska nekoj da mi fati,i sea zaso da protestiram??? Da im praam merak na maminite i tatinite kerkicki i sinovi , zgora na toa da gi sitam sorosoidite koi bas sigurno se zamesani u ova.... sakam na cisto da se sporedam so onie vrskadziite, i tatinite sincinja i kerki , da vidam kolku znaat , te kolku neznaat, e toa mi e i osnovnata poenta zaso i ne go podrzuvam ovoj protest nema ni da go podrzuvam .... Ajt tolku od mene

 

Medicina i elektro se najteski spored mene i prirodnive nauki do nekade..

 

Брат, со ваква писменоЌа, синтакса и структура на реченици, мхм, верувам во тебе.
Безброј пати спомна фалење за 6-ка, а да посветеше малку повеќе внимание на мојот пост, ќе увидеше дека не кажав за мене дека имам 6-ка, уште помалку дека се фалам со 6-ка. Ама, пошто вие од партија сте сите исти калап извајани, ова е поседно што ти "обраќам" внимание и ти се "правдам". Не се плашиш ти од државен испит, нормално.
Ќе ти ги дадат тебе од партија прашањата.
И ајде оди фати книга, не нè гледај нас на Книжевност лесно ни е.

 

HAHHAHAHAHAHA ne e bolest se sto boli .....vo nedostatok na komentar i zavzemanje stav trgnuvame so onoj drugiot jazik a toa e navreda i red drugi raboti..
Fala ti za komentov nema so se glea mnogu si ''ucena'' ti dur i predvreme spremna za polaganje si fakam ja knigata na vreme ne mi ja misli ti ...

 

Против.
Абе само македончево е најпаметно абе изуми Ајнштајн не ни рамен затоа во тешка депресија сме не ревија туку депресија.
Второ не разбирам што толку скаат контрола на се да воведат ? Мислат дека ќе се подобри нешто ??? Гледам колку учеле на факултет истите тие и каде се имаат завршено. Гледам колку учеле на темите : ВРАБОТЕНОСТ, ИСЕЛЕНИШТВО, ПРАВО, ПОТРОШУВАЧКА КОШНИЧКА И сл. Всушност тие на сите овие теми се паднати тогаш како ќе спроведуваат екстерно мислам ????

 

Зошто е потребен дополнителен тест за студентите? Од кои причини државниот испит треба да биде воведен во нашиот образовенс ситем?

-Државниот испит, или како и да се нарекува е начин на проверка на знаењата стекнати за време на студирањето и е корисно и за студентите – како идни стручњаци во разни домени, но и за државата – да се увери во квалитетот на својот високообразовен систем! Кај нас, сакаат да зборуваат дека квалитетот на знаењата потфрлува, а истите тие не ја прифаќаат идејата и легитимното право на државата да воведе евалуација – која несомнено, ќе резултира со подобрување на квалитетот – во смисла на поголеми знаења; секако, на овoj испит гледам како на една од можните реформски мерки кои треба да придонесат кон унапредувањето на квалитетот во високото образованието. Реформите во која било општествена сфера, па и во образованието, не се статична работа! Се работи за континуиран процес што трае, што треба да оди во чекор со современите трендови во образованието и науката во светот – вели професорката.

Бајрактарова вели дека државниот испит како форма на проверка на знаењето не е ниту нова, ниту непозната работа во високото образование во Република Македонија. Државен испит во областа на медицината и стоматологијата се полага повеќе од четири децении. Се полага на материјал од стручните предмети положени во текот на студирањето од прва до петта/шеста година, а вклучува и прашања од доменот на здравствената легислатива.

-Кај медицинарите, според мене е направена корисна модификација – државниот испит да се изведува на две нивоа, во втора и шеста година. Овој, да го наречам двофазен начин на полагање на државниот испит секако е попогоден (и поефикасен) за студентите, затоа што знаењето е посвежо во годината кога е полаган некој испит, или само година-две потоа! И, она што треба да се нагласи е тоа – дека без положен државен испит медицинарите и стоматолозите не можат да добијат лиценца за работа, иако ги положиле сите испити предвидени со студиската програма – односно, дипломирале! Значи, државниот испит (положен) заедно со обавениот постдипломски/лекарски стаж е неприкосновен услов за практикување на професијата! Четирите децении искуство со државниот испит во овој домен покажа дека истиот претставува корисна форма на проверка на стекнатото знаење во текот на студиите, и на некој начин, потврда за спремноста на кандидатот за практикување на професијата. И, тука секако се наметнува прашањето – зошто некој би бил против воведувањето на државен испит и на другите факултети, кога ваквата верификација на стекнатите знаења ја зголемува пред сè самодовербата на стручњаците, но и довербата кај работодавачите; овој испит не треба да биде реален проблем за студентите, зашто веќе наученото, барем за оние кои добро учеле, само треба да се освежи! – коментира проф. д-р Бајрактарова.

Се наметнува прашањето каде се сега професорите? Зошто тие молчат? На ова професорката одговара:

Повеќето професори се свесни за состојбите, барем десетина години наназад. Верувам, дека повеќето од нив, барем оние кои звањето го носат со дигнитет (таквите се помногубројни!), преќутно се согласуваат со воведувањето на државниот испит, за чија концепција како крајна варијанта, како што е најавено, сериозно ќе се дебатира – за истиот да ги даде очекуваните ефекти. Инаку, лично се согласувам, а верувам и добар дел од професорите, со ставот на колега – професор (Плусинфо, 17 Ноември 2014), кој покрај другото, според мене, изнесе еден крајно искрен и реален став – дека проблемот е кај (нас) професорите, а не кај студентите! Тој тоа добро го елаборира во објавениот текст, а е тема од ВО-систем на која треба да и се обрне посебно внимание! Покрај другото, сметам дека е во прашање и критериумот/објективноста при оценувањето, но во овој контекст неопходна е сериозна евлуација и на (Е)КТС (2004?) – детектирање на слабостите (ги има!) и нивно отстранување.

Има и професори кои се појавија со толпата студенти како поддршка на протестот против испитот. Ја запрашавме професорката како таа го коментира појавувањето на поедини професори на протестите? Зошто тие се плашат од овој испит?

-Па не знам дали се плашат од воведувањето на овој испит – или е нешто друго во прашање. Меѓутоа, факт е, дека спроведувањето на државниот испит и анализата на резултатите од него ќе покаже колку реално било оценувањето на знаењето на студентите од страна на нивните професори. Некоректното оценување, нискиот критериум – ја зголемува проодноста на студентите од една во друга година на студиите, но е проблем кој резултира со помал квантум/квалитет на знаење,што пак може да се манифестира со потфрлување при државниот испит, доколку со соодветна подготовка за истиот/освежување на знаењето не се надомести недостатокот. Инаку, се разбира, државниот испит нема да биде никаков проблем за оние студенти, кои студирањето го сфатиле сериозно.

Инаку, толку колку што ги пратам случувањата околу протестите организирани од т.н. Студентски пленум, од јавните ставови на поедини професори во насока на поддршка на негативниот став на студентите за воведувањето на државниот испит, освен оние кои покрај професурата имаат и нагласен политички ангажман, до сега не видовме поддршка од професори, научници кои сесериозно препознатливи во академската јавност!

Во својата колумна таа вели дека студентите не смеат да се претворат во (ничија) монета за политички поткусурувања, за поддршка на чии било политички амбиции. Но сепак овој протест доби политилка димензија. На прашањето: Дали сметате дека непотребно се исполитизира целиот случај со протестот на студентите? проф. д-р Бајрактарова вели:

-Следејки ги медиумите, интернет-порталите, изјавите на поединци од академската средина, поддржувачите, како и оние на студентите- организатори на протестите – што немаат ништо заедничко со реални причини за протести, впечатокот е дека политиката, за жал, на перфиден начин се инволвира во истите. Тој е впечатокот, според мене, зашто студентите не протестираат за слабости во образовниот процес кои се пречка за нивната солидна едукација, туку ултимативно протестираат против правото и должноста на државата да (до)знае – со каков капацитет/квалитет на знаење располагаат нејзините идни стручњаци, оние, на кои таа во иднина ќе треба да се потпре!

Проф. д-р Бајрак

 

Студентите имаат легитимно право да протестираат за она што нив ги засегнува. Екстерно тестирање, државен испит, високи партиципации – изборот е нивни, се согласуваат или не се согласуваат. Демократско и уставно право е да го искажат својот револт, онака, како што тоа го направија пред некоја недела кога со индекс в рака стоеа пред Влада и искажаа револт од идејата да им се воведе дополнителен испит. Имаат право или не е друга тема на која би можела да се води долга дебата. Но, како и да е, никој ниту смее, ниту треба да се вмеша во она што тие го прават, со цел да искористи нешто за себе, да собере некој поен за свои интереси.



„Република“ по првиот протест објави информација – излегоа неколку илјади студенти за да го искажат своето незадоволство од воведувањето на државен испит. И воопшто немаме право, ниту намера да им судиме зошто тоа го сториле. Можеме да се согласуваме или да не се согласуваме со нив, но не и да ги прекоруваме што се против промени во студиите.



Но протестот, за жал, доби друга димензија. Студентите не смеат да се претворат во (ничија) монета за политички поткусурувања, за поддршка на чии било политички амбиции. Но некој се осуди тоа да го стори. Впечатокот што се доби по првиот протест, а и за време на вториот протест е дека политиката, за жал, на перфиден начин се инволвира во истите.



Кој протестира и за чии права се борат? Студентите против испитот, средношколците за своето идно образование, пензионерите за нивната желба за студирање или СДСМ и нивната ергела за нови политички поени и вулгарно користење на студентите за наводно уривање на власта?



Иако во неколку наврти студентите побараа политиката да се држи настрана од нив и нивниот протест, никој не ги послуша. Се осмелија да ги пребојат студентите со туѓи, нестудентски бои! Иронично е некој од студентите да бара да повикуваат на оставки и да се обидат да ја рушат власта.



Секоја чест за студентите кои застанаа јавно да се борат за она од кое се засегнати. Но што е со политичарите кои застанаа за да соберат некој поен, што е со пензионерите симпатизери на опозицијата? Зарем и тие се против државен испит за студентите? Побогу, голем дел од оние што протестираа не знат зошто протестираат.



Голем дел застанаа под партиска директива. Проопозициските портали финансирани од СОРОС секојдневно повикуваа на марш. Високи функционери на СДСМ бараа да се излезе на протест, а таквите апели ги упатуваа дури и на партиски трибини – излезете да не се посрамиме…



И каква порака испраќаат студентите со ваков протест со партиски бои? Сигурно не е вистинската порака што тие сакаат да ја упатат. Сигурно, барем не оние што излегле само затоа што тие лично се засегнати и револтирани од нов испит на нивните студии, не сакаат да испратат партиска порака скроена од желбите и потребите на СДСМ и нивните аналитичари.



Извор: http://republika.mk/?p=357671

 

@Петре Прличко освен што постираше статии од професори кои не изнесоа никаков аргументиран одговор и цврсто „бранење“ на тезата ЗА државен испит, друго паметно не видов. Искрено не се ни потруди да објасниш како ти сметаш дека еден доктор на науки треба да одговора прашања на тест. Во прилог еве едно убаво аргументирано писмо од професор Малчески до Адеми.

ОТВОРЕНО ПИСМО ОД ПРОФ. Д-Р РИСТО МАЛЧЕСКИ ДО Г-НОТ АБДУЛАКИМ АДЕМИ, МИНИСТЕР ЗА ОБРАЗОВАНИЕ И НАУКА ВО ВЛАДАТА НА Р. МАКЕДОНИЈА

Г-не Адеми, непосреден повод за ова мое јавно обраќање до Вас е содржината на дописот до Интеруниверзитетската конференција кои го доставивте на 05.12.2014 година и кој во МОН е заведен под деловоден број 13-17423/2. Се со цел јавноста, а и Вие и Вашиот заменик Спиро Ристевски да разберете за што станува збор ќе се обидам дел по дел да го анализирам овој документ.

Изминативе четириесетина денови, најпрво јавноста ја убедувавте во неопходноста од воведување на екстерно тестирање, кое после бројните реакции беше преименувано во државен испит. На почетокот тоа за Вас беше завршена работа, за да потоа соопштивте дека концептот не е изграден и дека ќе има јавна расправа, па потоа ќе се донесе одлука. Споменатиот допис ги демантира изнесените тврдења, бидејќи од истиот може да се види дека документот за оваа авантура бил готов на 31.10.2014 година и истиот бил заведен под деловоден број 13-17423/1, што значи дека скоро 40 дена Вие и Вашиот заменик Ристовски ги манипулирате граѓаните на Македонија.

Понатаму, во споменатиот допис наведувате дека, цитирам: “Досегашната практика покажала дека во одредени високообразовни установи во државата, со оценувањето не се врши реална проценка на знаењето …”. Со оглед на тоа дека ова е сериозно тврдење, кое барем според моето скромно знаење може да се донесе врз основа на сеопфатно истражување, претпоставувам дека такво истражување е реализирано, па затоа како граѓанин на оваа држава барам јавно да го објавите истражувањето, при што за да истото биде споредливо и подложно на проверка е неопходно јавноста да ја информирате за следниве работи:

- Кој е нарачател на истражувањето?

- Кој го спровел истражувањето?

- Во кој период и врз која популација е реализирано истражувањето?

- Како е извршен изборот на примерокот?

- Кои методи и техники се користени за прибирање на податоците?

- Кои научни методи се користени за изведување на заклучокот кој го наведувате?

Г-не Адеми, споменатите податоци се неопходни се со цел да го докажете Вашето тврдење, бидејќи во спротивно истото не може да се земе за валидно, а со самото тоа претставува клевета и навреда на севкупната академска јавност. Оттука, доколку вакво истражување не постои, односно истото не биде објавено во следните неколку дена, најмалку што можете да направите е да и се извините на академската заедница за изнесените клевети и навреди. Последното е неопходно, бидејќи јас како нејзин член, а мислам и многу други ќе бидеме принудени соодветна сатисфакција да побараме пред надлежните судски органи, без разлика на мислењето на Европската комисија за состојбите во македонското судство.

Во споменатиот допис се задржувате на дипломите издадени од македонските високообразовни институции, па затоа барам да одговорите што е со странските дипломи. Дали овие дипломи се квалитетни само затоа што се увезени од Грција, Бугарија, Албанија, Србија, Косово итн? Дали сте слушнале за еднаквоста на граѓаните пред Уставот и законите, што по автоматизам значи дека при нострификацијата на дипломите нивните иматели ќе мора да полагаат државен испит? Како ќе ја реализирате оваа ”генијална” идеја за овие граѓани?

Во Вашиот допис наведувате дека концептот, кој очигледно бил готов поодамна, се базира на модели и искуства од повеќе странски држави. Оттука, барам јавноста да ја информирате за тоа од кои држави се користени вакви модели и на сајтот на МОН да ги објавите линковите на документите кои сте ги користеле. Последното е од особена важност, бидејќи се повикувате на Болоњскиот процес, кој ама баш никаде не предвидува ваква постапка, што може да се види од водичот за ЕКТС, кој е основен оперативен документ за спорведување на Болоњскиот процес и е издаден од Директоратот за образование на Европската комисија.

Понатаму, од Вашиот допис произлегува дека студентите ќе полагаат државен испит и на втор и на трет циклус студии, што покажува дека во целиот овој период сте ја манипулирале јавноста тврдејќи дека истиот ќе се полага после втора и четврта година. Во интерес на просторот и времето нема посебно да се задржувам на ова прашање, но не ми е јасно како тоа ќе полагаат студентите на втор и трет циклус. Ова посебно нема да го коментирам, но само да забележам дека ова е обид за подметнување кукавичко јајце. Имено, после реакциите во јавноста беше кажано дека испитот нема да важи за затекнатите студенти, што не е точно. Така, студентите кои оваа академска година завршуваат прв циклус, при нивното продолжување на студиите на втор циклус вршат нов упис на нов конкурс, па оттука произлегува дека само за оние кои следната година ќе запишат втор циклус нема да има државен испит, а за сите останати истиот ќе важи. Затоа Ве прашувам, од каде Вие храброста граѓаните кои Ве избрале да ги сметате недоветни и на истите да им пласирате толку ефтини манипулации?

Но, да се навратиме на структурата на испитот. Наведувате дека, цитирам: “Државниот испит ќе содржи по пет прашања од секој предмет поединечно, од секоја наставна година, со четири понудени решенија со различна тежина, од кои едното решение е точен одговор на понуденото прашање.” Е ова е веќе “новина” во науката, па затоа Ве молам да ми посочите литература од која ќе научам дека на дадено прашање постојат четири решенија со различна тежниа, од кои едно е точно. Пардон, не е новина, туку е показател колку Вие лично и Вашите соработници не знаете, но за тоа подетално во друга прилика. Во следните пасоси од Вашиот допис стои дека петте прашања ќе бидат со различно ниво на сложеност две прашања со највисоко ниво на сложеност, а трите прашања ќе бидат составени со пониски нивоа на сложеност. Види богати, а одговарањето ќе биде со заокружување. Колку покажано незнаење во само една решеница? Па г-не Адеми, ако Вие и Вашиот заменик не знаете, тогаш требало некој да Ви каже дека на прашања со понудени одговори може да се оценуваат само запомнувањето, репродуцирањето и разбирањето, нешто што ги опфаќа само првите две нивоа на постигања, а додека примената, анализата, синтезата и вреднувањето на оправданоста и научноста на некое тврдење или дело со вакви прашања не може да се оценува. Ситуацијата е толку смешна и трагикомична, што замислете ни малку ни многу, туку испит на докторски студии ќе оценувате со пет прашања со заокружување, а замислете проверката во основно и средно образование се реализира со 30 прашања по предмет. Та зарем не знаете дека универзитетските курсеви се далеку посложени и со повисоки брања, па затоа ако нешто се проверува тоа треба да биде подетално и поцелосно отколку во основното и средното образование. Уште посмешно е тврдењето дека испитот ќе биде положен ако се одговори на три од петте прашања, од што произлегува дека сите прашања ќе бидат исто вреднувани. Или можда станува збор за ново откритие во методиката, според кое четирите нивоа на Блумовата таксономија имаат исто значење. Ако е така, тогаш Ве молам Вие или Вашите умни советници да ми ја посочите литературата во која ова сте го видел, се со цел да ги надоградам своите знаења и да научам да оценувам според овие нови стандарди. Јасно, ваква литература не постои, туку претходното покажува колку предлагачите на оваа авантура не знаат, но и наведува на помислата дека ваквиот државен испит нема никаква врска со квалитетот во високото образование, туку има за цел создавање апарат за партиско-политичка контрола на овој потсистем од општественото живеење, која веќе подолго време владеачката структура се обидува да ја воспостави, слично како во средното и основното образование со таканареченото екстерно тестирање.

Г-не Адеми, имајќи го предвид претходно кажаното, доколку чувствувате и малку одговорност за штетите кои како дел од владеачката структра ги направивте во образовниот систем, но и како непосреден предлагач на оваа политички мотивирана манипулација и тортура врз образовниот систем, а со цел да го задржите она малку достоинство што Ви остана, најдобронамерно Ви предлагам да размилите Вие и Вашиот заменик Ристовски, кој сесрдно и манипулативно ја протажираше Вашата замисла, да си поднесете оставки од функциите кои моментално ги извршувате.

 

@SexiLy

 

Јас мислам дека дечкото намерно го изоставил „Р“ - то ... Веројатно алудира на пастирот.

 

Јас мислам дека граѓаните кои се ПРОТИВ екстерното тестирање да му дадат предлог на МОН или на Владата првите 2-3 години на тестирање да одат ДОБРОВОЛНО и студенти кои се ЗА екстерното тестирање и другите граѓани кои се доволно храбри и уверени во своето знаење кои ќе можат да бидат ретроактивно тестирани.Еве @Cka, @Петре Прличко , @Aleksandarreal ,верувам дека меѓу првите доброволно би полагале

 

Јас да одма одам, за да им покажам на студентите кои не запаметила што научиле, дека знаењето од факс треба да е трајно, а не додека им ја купи тато дипломата. Кој сака со мене да докаже дека не му завршил друг факултет туку сам си учел?

 

@Cka од каде си сигурна дека нема да биде целиот тест наместен за ти да паднеш и да треба да платиш за повторно да полагаш?

 

Оти у животов секогаш кога сум научила, не сум паднала Никогаш не бев од плачките во стилот - професорот е лош или тестот е наместен. Кој знае, знае и не се плаши. И факултет и постдипломски и курсеви и обуки и не знам колку тестирање (меѓу кои електронски) кои сум ги учела, не сум ги паднала. Нека се плашат оние кои не учат. Мене може у секое време да ме тестираат за наученото. Немав пари јас по 2000 евра година за факултет. Учев.

 

Како не сфаќаш НЕЈЗЕ прашаата од партија ќе и ги дадат иии само како фигура ќе се појави на испитот и ќе помине. Вмроска работа, сестроооо. Умрела циганката па сама ќе се фали. Да ти пукин мочниот меур, ама од смеа.

 

Да, и кај Фрчковски кога полагав, писмено па усмено, од партија ми го дадоа прашањата. И кај Павлова Данева исто. Затоа иам 9ки кај двајцата

 

А јас никогаш нема да го заборавам моментот кога ја седнавме асистентката по применета економика да го полага испитот и падна Зашто нели, ние студентите бевме тие што не научиле ништо, па затоа сите извадивме слаби резултати, а пола генерација не го положи. Ама наместо да се повлечеме и да се помириме со резултатите, на глава им се качивме, па седна асистентката да го реши испитот. И она сигурно не се спремила доволно, па затоа падна Грешка во системот де, ништо страшно. Некој што ги внесувал точните одговори утнал малку.

Тој што не полагал електронски, нема поим какви далавери се прават. Никогаш увид не ми дозволиле да направам кога сум побарала, а сум била 100% сигурна дека имам повеќе поени.
За испитот за државни службеници па да не почнувам... Тој што го полагал, си знае што зборам.

 

Толку многу ``интелектуалци`` и професори кои го бранат тестирањето а кои не покажаа ниту еден единствен пример од светот каде тоа и кога тоа вакви испити го оправиле образованието. Еден значи, не два не дваесет и седум, еден.
Теоретизирање и тупење до неверојатни размери без никаков пример од реалноста.
Но ако знаат нешто тоа е што знаат која рака ги храни и дека по примерот на верните кучиња и тие не ја касаат раката на господарот.

 

Мојот вереник полагаше правосуден и за жал не работи по струка. Штом вели дека се заборава нешто доколку не го работиш во пракса значи навистина се заборава. Дали сега ќе ми елаборираш дека ја купил дипломата на УКИМ, магистерската и сите судии кај кои се полага правосуден само да си ја одбраниш тезата?
Државниот испит нема да помине бидејќи е лоша реформа. Сите студенти се ЗА реформи, но едногласно се ПРОТИВ лоши реформи.
Стандардизацијата остави ја за во штаб, а од таму дајте истражувања околу тоа каде се купувале дипломи, кога, од кого? Врз кои луѓе е вршено истражувањето, со кои научни методи или си играме рекла - казала?