Неодамна, актуелена беше иницијативата на професорите по предметот Етика на религиите за воведување на овој предмет во образованието, како задолжителен. Сега е изборен, се изучува во 6 одделение. Од здружението изјавиле: Целта на постоењето на ова здружение е предметот Етика во религиите, кој сега, всушност, е изборен предмет во VI одделение, да стане задолжителен наставен предмет во образованието. Исто така, здружението ќе се стреми и кон создавање на услови за поорганизирано работење и соработување меѓу професорите по предметот Етика во религиите, ќе работи кон организирање на семинари, симпозиуми и конференции, потоа изготвување и реализација на проекти кои ќе придонесат да се збогати наставата по предметот Етика во религиите, ќе се труди во промоцијата на етичките, едукативните, хуманитарните и граѓанските вредности во Република Македонија и надвор од неа. Ваше мислење за оваа иницијатива? Дали треба да биде задолжителен предмет или не, зошто?
Мислам дека треба да си остане изборен, само да се помести во некое повисоко одделение, барем осмо, за децата да можат суштински да го разберат тоа што се учи. Ја немам погледнато програмата, баш ме интересира што се изучува и на кој начин.
Истото мислење над мене, изборен во 7мо,8мо кога се веќе делумно зерли да си одлучат сами. Инаку баш би сакала да се реализира ова.
Изборен дефинитивно, и тоа барем во 7-8 одделение. И многу е важна програмата и концептот на учебниците – на кој начин се претставуваат религиите, да има информации за сите религии и да се извлече на правилен начин од тие учења контекстот на она етичкото во нив.
