Етичноста на зоолошките, аквариумите и циркусите

Дискусија во 'Општи дискусии' започната од Briar Rose, 17 јули 2020.

?

Дали сметате дека зоолошките, аквариумите и циркусите се етички?

  1. Да

    1 глас(а)
    1,2%
  2. Не

    43 глас(а)
    51,8%
  3. Само под определени услови и стандарди

    36 глас(а)
    43,4%
  4. Не знам

    3 глас(а)
    3,6%
  5. Не ми е грижа

    0 глас(а)
    0,0%
  1. Briar Rose

    Briar Rose Популарен член

    Се зачлени на:
    1 октомври 2016
    Пораки:
    2.241
    Допаѓања:
    13.506
    Пол:
    Женски
    Луѓето со векови ја злоупотребуваат добросостојбата и ги кршат правата на животните со нивното експлоатирање во зоолошки градини, аквариуми и циркуси, особено кога истите ги третираат на нехуман начин, односно ги сместуваат во тесни и валкани простории, без соодветна исхрана или ветеринарна помош, тренирани се под притисок да изведуваат разни трикови и се често малтретирани преку камшикување или шокирани од електрични производи. Дополнително, ваквото однесување има потенцијал да ја загрози јавната безбедност, бидејќи животните се третираат лошо, тие почнуваат да стануваат агресивни и да ги напаѓаат луѓето во нивната непосредна близина.

    Секако, ваквото однесување е генерализирано бидејќи не се применува насекаде и постојат одредени зоолошки градини, аквариуми и циркуси кои ги третираат животните со почит, но и се верува дека истите се заштитени бидејќи додека животните во дивината се загрозени од човечки предатори и живеат краток живот исполнет со опасност, животните во зоолошките редовно добиваат храна засолниште и ветеринарна нега. Со други зборови, животните во зоолошките и аквариумите можат да бидат среќни доколку се соодветно третирани и заштитени.

    Меѓутоа, сепак постои дилемата дали е воопшто етички и морално да се чуваат животните во зоолошките градини и аквариумите (надвор од нивните природни живеалишта), како и да се експлоатираат животните во циркусите поради човечка забава и правење профит, по цената на нивната слобода.
    Исто така, се смета дека етичноста на зоолошките и аквариумите зависи од развиеноста на државата и нејзините услови, капацитети и третман за чувањето на животните. Според Dr. Hutchins, еден од проблемите со кои се соочуваат реномираните зоолошки градини и аквариуми е вина по здружение и објаснува дека во реалноста постојат двa вида на зоолошки градини:
    • Зоолошки градини кои се акредитирани и ги исполнуваат стандардите на Association of Zoos and Aquariums (AZA)
    • Зоолошките градини кои кои не ги исполнуваат стандардите на AZA.
    Така, заинтересирана сум да го слушнам вашето мислење поврзано со оваа тема, односно дали сметате дека зоолошките градини, аквариумите и циркусите се етички и морални во однос на добросостојбата и правата на животните и/или во кои случаи би било тоа така?
     
    На ku4ence, candy.cane, Amellie13 и 6 други им се допаѓа ова.
  2. f.girl

    f.girl Популарен член

    Се зачлени на:
    7 октомври 2015
    Пораки:
    912
    Допаѓања:
    14.997
    Пол:
    Женски
    Не сум била во зоолошка уште од мала, не сакам да ги гледам затворени животните.
    Зоолошките во Македонија дефинитивно не се етички и мислам дека не се среќни таму животните. Прво живеалиштата им се премали, не може во мал кафез да чуваат птици, исто мали се и живеалиштата на лавовите. За храна и хигиена верувам дека се грижат, но тоа не е доволно. Можеби е подобро да не се чуваат тропски животни, мајмуни, пингвини и сл. бидејќи климава не им одговара. Оние животни што се карактеристични за Балканот и Европа може да се чуваат. Иако јас сум против зоолошки, посебно против оние кои не ги исполнуваат стандардите на AZA.

    Во странство сигурно има зоолошки и аквариуми кои се според сите стандарди. Дискутабилно е дали тоа е добро за животните. Тргнувајќи од нас, луѓето, ние сигурно не би сакале да сме затворени засекогаш и покрај совршените услови кои би ги имале, па тоа сигурно важи и за животните.

    @Briar Rose дали имаш некои сознанија за Скопската зоолошка? Дали ги исполнува стандардите? И секако посочи некои зоолошки кои припаѓаат на двете категории.
     
    На темјанушка, candy.cane, marija305 и 3 други им се допаѓа ова.
  3. Lella

    Lella a blasphemous bitch Член на тимот

    Се зачлени на:
    2 јануари 2013
    Пораки:
    4.699
    Допаѓања:
    25.320
    Пол:
    Женски
    Дури и да исполнуваат стандарди, дури и да постојат само за да спречат изумирање на некој вид, зоолошките како концепт не се етички.

    За изложување животни за наша забава не мора ни муабет да правиме. Замислете некој нас да нè фатеше, да ни ја ограничеше слободата и да собираше пари од тоа. Без разлика колку е живеалиштето коректно, не треба да имаме право да ги експлоатираме животните само затоа што можеме.

    Што се однесува до специјалните зоолошки за заштита на загрозени видови, сметам дека бидејќи животните не можат да се изјаснат дали попрво би сакале видот да им изумре или тие како единка да си живеат слободно, ние не треба да ја правиме таа одлука за нив.
     
    На темјанушка, RainbowButterfly, Amellie13 и 11 други им се допаѓа ова.
  4. Briar Rose

    Briar Rose Популарен член

    Се зачлени на:
    1 октомври 2016
    Пораки:
    2.241
    Допаѓања:
    13.506
    Пол:
    Женски
    Како странец во МК, немам никакви сознанија за Скопската зоолошка градина бидејќи никогаш не сум ја посетила. Така, не би можела да кажам дали истата ги исполнува AZA стандардите или не.

    Меѓутоа, имам лично искуство и сознанија за зоолошките и аквариумите во Канада бидејќи истите се акредитирани според Canada's Accredited Zoos and Aquariums (CAZA). На пример, уште од рана возраст често сум го посетувала MarineLand Park, Niagara Falls кој претставува еден од најпознатите Канадски аквариуми и истиот е многу често критикуван на национално и на интернационално ниво поради ниските стандарди и квалитетот на третманот кон животните, со посебен акцент ставен на Kiska the killer whale, која била фатена во дивината на Исланд како бебе. Таа надживеала 17 други орка и живее сама во нејзиниот тенк, каде е комплетно изолирана.

    Ова значи дека не претставува само проблем етичноста и моралноста на зоолошките, аквариумите и циркусите, туку и начинот на фаќањето на животните, кој има трагични последици. Оваа нехумана практика е особено истакната од страна на Humane Society International каде вели дека нехуманите заробувања на китови и делфини се одвиваат рутински низ целиот свет, што резултира во многу смртни случаи. Морските животни заробени на овој начин се соочуват со прерана смрт, а за тоа придонесува фактот дека местата каде истите се заробени не можат да ја симулираат комплексноста на океанот и крајбрежјето;

    Би рекла дека ситуација со MarineLand Park е контроверзна бидејќи од една страна таа претставува акредитиран член на CAZA која добила голем број на пожалби и протестирања и откако CAZA извршила истражување, изјавила дека "the marine mammals were in overall good health and there was no evidence of animal abuse, that water quality in all the pools was very good, and it appeared that staffing levels were adequate" и покрај тоа што одредени записи и интервјуа со вработените го докажувале спротивното.

    Од друга страна, Zoocheck Canada ги критикуваше наодите на CAZA, изјавувајќи дека тие покажале неефективна организација и екстремно ниски стандарди со тоа што целосно го игнорирале случајот на Kiska the killer whale, отсуство на збогатување, неконтролирано јавно хранење итн. Дополнително, тие ја наведоа критиката кон CAZA за прикривањето на фактот дека MarineLand Park има абсурдна бројка на белуга китови од кои повеќето се фатени во дивината и дека ниту еден објект не треба да чува толку голем број на животни.

    Минатата година во Канада беше донесен Bill S-203 кој забранува да се чуваат китови и делфини во заробеништво, го ограничува увозот и извозот на овие животни, како и истите да бидат употребувани за забава. Меѓутоа, MarineLand Park строго се спротиставува на нацрт-законот со изговорот дека тоа би ја уништила посетеноста на паркот и дека го загрозува сезонското вработување на стотици локални жители во текот на летните месеци. Уште позагрижувачки е фактот дека MarineLand Park јасно изјави дека Bill S-203 нема да може да го наруши нејзиното работење и дека ќе продолжи да обезбедува "грижа од светска класа за сите нејзини животни“, што беше докажано како неточно според претходни истражувања и луѓето сеуште протестираат против паркот за правата и добросостојбата на животните.
     
    На SummerGirl, theowndemon и f.girl им се допаѓа ова.
  5. theowndemon

    theowndemon Форумски идол

    Се зачлени на:
    17 септември 2013
    Пораки:
    6.715
    Допаѓања:
    110.077
    Ех кој ќеф ми напрај темата само дремав дур решив мислење да напишам. :D Како и да е ќе почнам со ред со зоолошките.

    Не мислам дека зоолошките се етички, напротив. Земаш животно од својата природна околина, буквално го ставаш во затвор за забава на луѓе. Понеетички од ова - амин. Како и да е, ја сфаќам потребата да сакаме да гледаме животни и дека има разлика меѓу во живо и на слика ама поробување на животни не е решението. Сфаќам поголеми золошки каде буквално со „вовче“ се движиш и уствари животните се на еден начин во природа, ама сепак се дел од зоолошка и да имаат многу, многу, многу поќе простор за живот. Шо не го прај ова помалку етички, ама ете попристапно кон пошироката маса на луѓе. Идеално би било со „вовче“ да одиш дирек во дивина и да гледаш, без да се доближваш и да ги вознемирваш животните. Ова го гледам како един начин ова да се исполни. Е сега едно нешто шо сфаќам, а е последица на неетичноста на зоолошките е шо многу животни се родени во робија. Немаат видено како е да не си во робија. Не можат да се снајдат ако не се во робија. И то е тажно. Вистина дека баш нив не можиме да ги пуштиме кај шо треба, ама тие постојат само зошто првично постојат зоолошки.

    Е сега, одам да прокоментирам за локалната зоолошка. Битола, шо ти е? Особено на лето. Исполегнати животни во метро на метро, без вода. Па сте земале и кенгур и му дадовте куќаре кај шо едвај го бери меѓу кокошките. Мечката да лежи на ѕид за да се лади пошто не можите да му наполните базенчето и водата да му ја полните почесто оти празна барут му е? Ве молам, шо не е во ред со вас? Имаше неодамна петиција за да се затвори и се да се премести Скопје пошто колку- толку имаат подобри услови ама џабе. Не дека Скопје е подобро. Зоолошка е. Во секој случај не е добро и не е етички али немаме ние услов за оние огромни зоолошки за кои пишав погоре, па до крајот на природниот живот на животните кои не виделе живот во дивина, бар океј услови да имаат за живот, не како тука.

    Битолска зоолошка, имам бизнис идеја за вас. Етно куќата која сте ставиле на сред зоолошка, прекрасно место. Долу има многу простор, направете како ресторанче, подолу малку кафич. Блиску е и Хераклеа, местото е убо и со животни од околу. Нека има малку поскапо кафе и храна зошто сепак добиваш екстра животни, без влезница за во зоолошка и вишокот нека оди за животните. Ако долниот спрат од етно куќата е ресторан, долу има видик кон гуските и лебедите во вирчето и потака ако не се лажам можи да се види и нојот, или два беа? И вака постојано ќе влегуваат луѓе, можи да ставите и водичи за одредена цена кои ќе кажуваат некој факт за животните и полека, полека да имаат барем похумани услови животните кога веќе се во робија, а не да бидат како шо се сега. Тажно.

    За аквариумите сум поделена. Не можиш да затвориш било каква риба во помал простор и да очекувај да преживееш па колку- толку условите се похумани од некои зоолошки. То во секој случај не го заменва природното нели.

    Пред да зборам за циркузите, ќе прокоментирам за зоолошки за заштита на загрозени видови, баш скролнав нагоре, сакам од после да читам другите мислења ама видов ова на @Lella и морам да се согласам. Природно е видовите да исчезнуваат, да се спојуваат со други и да се раѓаат нови ( пример, како шо сакам да се смеам, дека поларната мечка ќе се „изеби“ до исчезнување -- ѝ се поместува живеалиштето неа како и на гризлито, па сега се во „иста“ територија -- пошто се пари со гризли и излегва нанулак). И сфаќам да сакаме нели да ја заштитиме поларната мечка, ама шо прај нештото да е поќе хумано ако последните 10 ги затвориме во робија? Помалку тешко ќе им биди зошто се загрозен вид? Има многу видови кои имаат изумрено, видови кои би сакала да можев некогаш да ги видам оти се фасцинантни ама то е дел од природата и како врти кругот. Не можиме против природата, шо можиме е да пробаме да не сме ние причината за исчезнување на одредени видови и да пробаме да компензираме со то шо ќе ги затвораме во затвори за да ги зачуваме последните неколку единки. Видови исчезнувале и ќе исчезнуваат, стремежот треба да биди ние да не сме причината за то и уз процес вештачки да не ги задржваме во робија само за да ги гледаме и да се тапшаме по рамо дека сме ги спасиле.

    Е сега за циркузите. Од кај да почнам за циркузите. Ајде исто како и претходно накратко, не мислам дека циркузите се етички, напротив. Ама тука не е само делот дека животните се во робија, туку насилството шо се носи врз нив, дресурата, целосно пренасочување и искористување и изживување. Зошто се циркузите легални? Сериозно ме интересира.

    upload_2020-7-17_21-29-43.png
    upload_2020-7-17_21-29-56.png
    upload_2020-7-17_21-30-14.png
    upload_2020-7-17_21-30-29.png
    upload_2020-7-17_21-30-46.png
    upload_2020-7-17_21-31-5.png
    upload_2020-7-17_21-31-21.png
    upload_2020-7-17_21-31-33.png
    upload_2020-7-17_21-31-51.png
    upload_2020-7-17_21-32-18.png
    mediapeta.com/peta/PDF/Animal_Free_Circus_Factsheet.pdf

    Буквално, подобро животните од циркузите кои немаат видено слободен ден во животот, бар во зоолошка ќе бидат посреќни. Поголемо зло од циркуз за животни нема.
     
    На темјанушка, candy.cane, sweet-cherry и 7 други им се допаѓа ова.
  6. Briar Rose

    Briar Rose Популарен член

    Се зачлени на:
    1 октомври 2016
    Пораки:
    2.241
    Допаѓања:
    13.506
    Пол:
    Женски
    Концептот за зоолошките градини еволуирал низ историјата, меѓутоа тој од секогаш поседувал примитивни, нехумани па дури и расистички карактеристики и покрај тоа што првите официјални зоолошки градини биле создаден во доцниот 18-ти век за строго научни цели и проучувања во Версај и Лондон.

    Причината поради која споменав дека зоолошките во минатото имале расистички карактеристики е поради тоа што во минатото и луѓето биле прикажувани во кафез заедно со животните со цел за да се илустрираат разликите помеѓу луѓето од европско и неевропско потекло. Сепак, би рекла дека најпознат е случајот на Ота Бенга, Конгонска пигмија, кој бил прикажуван во кафези со шимпанза, орангутан и папагал во 1906 година, со цел да се илустрира пример за т.н. "missing link" меѓу орангутанот и белиот човек.

    Инаку, сметам дека најраните почетоци за концептот на зоолошките градини потекнуваат со појавата на Pax Romana и Светото Римско Царство, каде било навика да се подаруваат разни егзотични животни од страна на дипломатските претставници за да бидат сочинуваат една империјална колекција.

    @theowndemon навистина се шокирав и изреволтирав кога го прочитав делот каде ја опишуваш зоолошка градина во Битола и мизерните услови со која истата располага и сметам дека такви ниски стандарди практично манифестираат animal abuse и мора да се преземе нешто посериозно. Исто така, не го разбрав добро делот со петицијата која истовремено ја спомена. Дали истата успеала да постигне одредени резултати или не?
    Мое мислење е дека е неопходно зоолошка градина во Битола да се затвори при такви бедни услови, а животните да не бидат преместени во Скопската зоолошка градина, туку да бидат вратени назад во нивните природни живеалишта, како што заслужуваат.
     
    На candy.cane, Lella, SummerGirl и 2 други им се допаѓа ова.
  7. theowndemon

    theowndemon Форумски идол

    Се зачлени на:
    17 септември 2013
    Пораки:
    6.715
    Допаѓања:
    110.077
    Не, реално не беше ни нешто особено распространета ми се чини само одреден круг на луѓе шо беа заинтересирани знаеја за ова. И толку.
     
    На candy.cane му/ѝ се допаѓа ова.
  8. f.girl

    f.girl Популарен член

    Се зачлени на:
    7 октомври 2015
    Пораки:
    912
    Допаѓања:
    14.997
    Пол:
    Женски
    @theowndemon не знаев дека постои хибрид помеѓу гризли и поларна мечка, и тоа со многу интересно име :D Во потполност се согласувам за ендемичните видови. Со промена на климата и условите за живот на Земјата, сосема природно е животните да се приспособуваат и дел од нив, оние послабите, да исчезнат.

    Ме интересира вашето мислење за овој дел од постот на Briar
    Дали животните кои биле цел живот во заробеништво би опстоиле во дивината?
    Јас мислам дека не, навикнати се да добиваат храна, а не да ја ловат, природните инстинкти им се потиснуваат со тепање и малтретирање, едноставно не знаат како да живеат слободно. Ќе дадам пример со мачка која цел живот е чувана внатре. При секое излегување е преплашена, бега дури и од бубачки, не се двои од сопственикот и не сака други мачки. Мислам дека таа не би преживеала доколку ја пуштат да живее надвор, бидејќи ги нема карактеристиките на мачките кои им овозможуваат да преживеат и да се независни од луѓето. Многу веројатно е истото да се случи и со другите животни кои се заробени.
     
    На candy.cane, sweet-cherry, Bezimenka90 и 1 друга личност им се допаѓа ова.
  9. Ahoy

    Ahoy Истакнат член

    Се зачлени на:
    8 јануари 2020
    Пораки:
    2.991
    Допаѓања:
    10.244
    Пол:
    Машки
    За мене зоолошката градина за животните представува исто што и за нас затворот. Дали има хуман затвор? Нема. Така да, не го поддржувам нејзиниот концепт, а уште помалку нејзината реализација.
     
    На Briar Rose, Bezimenka90 и SummerGirl им се допаѓа ова.
  10. theowndemon

    theowndemon Форумски идол

    Се зачлени на:
    17 септември 2013
    Пораки:
    6.715
    Допаѓања:
    110.077
    upload_2020-7-17_23-4-53.png
    Нормално ќе се менва, ама како и да е ќе имаме ново мече ( нели сега се парат, па излегват колку толку различни, па нанулак со нанулак дур се добие „стабилен“ вид Нанулак шо ќе продолжи да се пари со Нанулак). Не е ни финално име Нанулак али од сите „прекари“ јас тој го користам оти најјак ми е. :D

    Инаку за следниот дел шо пишеше, се согласувам. Не мислам дека животни кои со гоооодини биле во заробеништво или уште полошо - тие кои се родиле во заробеништво, можат да се вратат назад во природата и да преживеат. Зато и реков тие кои се во нехумани услови да се пренесат во зоолошки со похумани услови до крајот на нивниот природен век, послободно од тоа шо имаат во секој случај оти ако се пуштат во дивина се осудени на смрт. Алтернатива е да се тренираат да се посамостојни за да би преживеале, ама не знам колку е то возможно.
    И со смртта на последното животно во заробеништво да се затворат зоолошките оти ако немаше зоолошки немаше да има потреба за ваков третман. Ама многу барам, знам. 8-|

    И одличен пример за ова ти е со мачка. Мачката на другарка ми од бебе е дома. Ни до тераса не излегва и пробва таа полека полека да ја изнесва да се навикни зошто има голем двор, а мачката се плаши. Кај мене од друга страна мачките ми се предатори пошто имам ливада во близина и се од таму ловат и ми носат.
     
    На candy.cane, Bezimenka90 и f.girl им се допаѓа ова.
  11. Briar Rose

    Briar Rose Популарен член

    Се зачлени на:
    1 октомври 2016
    Пораки:
    2.241
    Допаѓања:
    13.506
    Пол:
    Женски
    Тоа е навистина разочарувачки и за срам, особено од страната на народот кој воопшто не е заинтересиран за добросостојбата на животните кои се приморани да живеат во мизерни услови. Во тој случај, сметам дека петиција не претставува доволно силна мерка за да им се помогне на животните. Не знам како се воспоставени и манифестирани националните закони во МК за заштитата на животните, но зарем не постои одреден закон или член кој ги уредува попрецизно условите за чување на животните во зоолошките градини? Бидејќи во случај зоолошката градина во Битола да прекршува таков закон, односно член, сметам дека би било возможно да се поднесе соодветна жалба за истото.
     
    На Bezimenka90 и theowndemon им се допаѓа ова.
  12. martiiinna

    martiiinna Истакнат член

    Се зачлени на:
    23 јануари 2016
    Пораки:
    718
    Допаѓања:
    3.321
    Пол:
    Женски
    Еве јас ќе одговорам според моите познавања околу темава.
    Чувам голем папагал што по природа треба да биде во тропските краишта од светот. И нели, тие се прилагодени на топли температури и на тој начин фукционираат.
    Еве мојов кога и да го изнесам на топлина не може да издржи и почнува да бара внимание за да го внесеме внатре. Го отвара клунот и дише потешко, крилјата му се раширени итн.
    Така да, доколу се прилагодени на нашата клима, тогаш само нашата клима им одговара, и да бидат вратени онаму од каде што потекнуваат ќе биде само казна за нив и нема да преживеат долго.
     
    На Bezimenka90 и f.girl им се допаѓа ова.
  13. Briar Rose

    Briar Rose Популарен член

    Се зачлени на:
    1 октомври 2016
    Пораки:
    2.241
    Допаѓања:
    13.506
    Пол:
    Женски
    Една од негативните ефекти на зоолошките за животните е тоа што поради фактот што истите никогаш не биле загрозени или во непосредна опасност од страна на предатори, тие не се подготвени за да живеат во нивните природни живеалишта во природата.

    Со други зборови, нивното преживување зависи од луѓето бидејќи не ги научиле и развиле во пракса нивните вештини за одбрана, ловење, прехранување и преживување. Скоро е невозможно да се ослободи животно одгледувано во заробеништво, вклучувајќи ги и загрозените видови како слонови, поларни мечки, горили, тигри и шимпанзови во дивината.

    Меѓутоа, сметам дека во случајот на животните кои биле земени од дивината, постои одредена разлика, односно можеби нивните вештини за преживување би "отапеле" со текот на годините, но тоа сепак не го побива фактот дека тие вештини веќе ги имале научено и применувано во нивната природна средина.
    Така, доколку тие евентуално бидат вратени во нивните природни живеалишта, можеби ќе имаат подобра шанса за преживување, но најверојатно нема да се истакнуваат најдобро во споредба со другите во групата.
     
    На Bezimenka90 и f.girl им се допаѓа ова.
  14. Mantub

    Mantub Популарен член

    Се зачлени на:
    23 ноември 2017
    Пораки:
    4.049
    Допаѓања:
    30.775
    Пол:
    Женски
    Не се етички. Под никакви услови.
    Не посетувам зоолошки, не давам пари на вакви идиотски идеи.
    За циркуси па да не зборувам.
    Секој човек треба малку да вклучи малку мозок и да не дава пари за пола саат да се прошета низ зоолошка и да си замине во својот удобен дом, а животните остануваат заробени цел живот заради нивното шетање од 30 минути. Игнорантно скрос.
    Нема услови што можат да им ги пружат.
    Не е само фрли му јадење. Самиот лов на пленот им е дел од животот. Репродукцијата им е дел од животот. Диви животни се, што значи дека живеат подалеку од луѓе и не им е интересно да ги посетуваат луѓе секој ден. До утре може да се набројува.
    Кај ја отворивте темава, ќе се нервирам кога некој паметен ќе се избаци со некој игнорантски коментар.
     
    Последна измена: 18 јули 2020
    На темјанушка и Briar Rose им се допаѓа ова.
  15. doubleg

    doubleg Популарен член

    Се зачлени на:
    2 февруари 2011
    Пораки:
    263
    Допаѓања:
    4.375
    Не се етични. Претпоставувам дека се наследство од минатото кога многу не се есапеле правата на животните.

    Пред неколку месеци го даваа на една национална тв филмот "Снеговите на Килиманџаро" со Грегори Пек. Култен филм од средината на 20 век. Баш си помислив дека крш ги направија животните на сафари. И едно чудо слуги околу главните ликови, заљубен пар. Очигледно тогаш ништо од тоа не било проблем.

    Мене искрено ми смета и масовната кастрација на кучињата. Нели, од хумани побуди. Ама уплав не фаќа дека некој сакал да не чипира преку вакцини.
     
    На candy.cane му/ѝ се допаѓа ова.
  16. Briar Rose

    Briar Rose Популарен член

    Се зачлени на:
    1 октомври 2016
    Пораки:
    2.241
    Допаѓања:
    13.506
    Пол:
    Женски
    Концептите за animal rights и animal welfare датираат уште од античките времиња, каде се забележуваат одредени разлики во Античка Грција и Антички Рим. Во Античка Грција постоеле четири главни школи: animism, vitalism, mechanism и anthropocentrism, каде Питагора се залагал за animism и барал животните да бидат третирани со почит, и покрај тоа што неговите верувања имале религиска и натприродна позадина.
    Од друга страна, Аристотел велел дека животните немаат сопствени интереси и ги категоризирал на многу пониско ниво од луѓето според scala naturae врз основа на нивната наводна "ирационалност".

    Во Антички Рим, правата и добросостојбата на животните воопшто не била вклучена во моралната сфера, како што се организирале борби меѓу животните за човечка забава и секако се применувала санкција damnatio ad bestias што означувала смрт од диви животни. Статусот на животните бил дополнително поддржуван според одредбите во правото. На пример, како што во Римското Право постоела класификација на стварите на res in patrimonio или res privatae (ствари способни за приватно посвојување), дивите животни, птиците и рибите влегувале во групата res in patrimonio, што значи дека истите биле погодни предмети за посвојување, но сеуште не биле во ничија сопственост.

    Со други зборови, животните биле перцепирани како предмети кои можеле да се присвојуваат и имале идентична положба како човечките робовите кои буквално биле опишувани како "орудија кои зборуваат". Сепак, постоела одредена разлика меѓу добиток (припитомени животни) и дивите животни, кои повеќе имале одредена симболика и истата се согледувала во примерот кој го наведов дека животните често биле подарувани од страна на дипломатитите за да го искажат нивното мислење. На пример, лавовите и мечките претставувале симбол за моќ, слоновите и коњите преставувале симбол за сила, додека егзотичните птици претставувале симбол за убавина.
     
  17. Bitter-Sweet

    Bitter-Sweet Форумски идол

    Се зачлени на:
    31 мај 2010
    Пораки:
    8.643
    Допаѓања:
    49.279
    Пол:
    Женски
    Кој талент гласал ДА во анкетава. :drunk:

    Ние луѓево се однесуваме како планетава да е само наша и ние како човечко битие да сме на врвот и најважни, се' останато под нас. Се сеќавам дека некаде се дискутираше за важноста на еден човечки живот и на животно и имаше такви коментари дека животот на животните помалку вреди. Не.
    Зошто го спомнав ова? Затоа што животни во циркус и животни во зоолошка градина е токму изживување со нив. На животните не им е местото таму.
    Зоолошки градини што се обидуваат да ги доловат природните услови за животните, за нив имам ронка подобро мислење отколку за нашиве примитивни зоолошки. Ама само ронка. Оти животното треба да лови, да биде опкружено и со други видови, да живее. Буквално е осакатено вака заробено.
    Имаше луѓе што се радуваа за новите видови што ги донесоа пред некое време во Скопје. Децата им се радуваат на животните, сакаат да ги видат, интересни им се, тоа им е најважно на вработените и на посетителите. Едните си тераат бизнис, другите си направиле добра прошетка и разонода. Пошто нели, најчести посетители се токму родители со деца.
    Змија бе, или гуштер, цело време може само да се врти околу едно ,,гранче". Не е греота? Орел, кај ќе лета? Ај да не продолжувам да набројувам, ќе ме фати нервоза.
    И во циркус треба да се забрани учество на животни. Бујрум, правете финти на трапез или не знам што, ама животно со тепање и малтретирање да го учите на нешто нетипично за него... :shake:

    Не се етички, во никој случај.
     
    На mssuniquee, темјанушка, theowndemon и 3 други им се допаѓа ова.
  18. Briar Rose

    Briar Rose Популарен член

    Се зачлени на:
    1 октомври 2016
    Пораки:
    2.241
    Допаѓања:
    13.506
    Пол:
    Женски
    Можеби ќе бидам off topic со мислењево, но мене ми претставува "a thorn in my side" фактот што некој на анкетата гласал со "Да"...
     
    На Mantub му/ѝ се допаѓа ова.
  19. Mantub

    Mantub Популарен член

    Се зачлени на:
    23 ноември 2017
    Пораки:
    4.049
    Допаѓања:
    30.775
    Пол:
    Женски
    И мене, игнорантност се вика тоа, народски кажано, да не можеш да си видиш подалеку од носот, тоа е.
     
    На Briar Rose му/ѝ се допаѓа ова.
  20. Zavisnaodblago

    Zavisnaodblago Истакнат член

    Се зачлени на:
    6 август 2016
    Пораки:
    79
    Допаѓања:
    163
    Пол:
    Женски
    Зоолошките во светот, од една страна се ок, а од друга страна сепак е ропство за животното. Зошто сметам дека не се толку лоши зоолошките:
    -Зачувување на загрозените видови
    -Редовни ветеринарни контроли, кои во дивината не се баш возможни
    - Подолг животен век на животното
    Сепак не е секое животно за во зоолошка. Какви сакаш услови овозможи им, нема да им биде исто како во природното живеалиште. Некои и немаат потреба од толку голем простор и не им е толку лошо во зоолошка каде сите услови им се исполнети, дури сметам дека им е поубаво отколку во дивината, дека се заштитени. Но орел на пример дефинитивно не е животно за во зоолошка.
    Што се однесува до нашите зоолошки, дали 5 вида имаат нормални услови за живот. Мечката на пример, катастрофа. Сама се шета во дупка тројно помала и од просечен стан. Доколку не можат соодветно да ги третираат воопшто нека не земаат такви животни. Нив им треба шума, слобода, а не тесна дупка. Големи тикви ако немало мечка во зоолошка. За во Битола не знам,не коментирам.
    Циркусите се ок, се додека нема животни во нив. Секое вклучување на животни во изведбата ги прави неетички. Не е ниедно животно создадено да прави акробации и чуда. Тие не се наша сопственост за забава. Додека луѓето сами одлучуваат дека сакаат да настапуваат во циркус.