Жени против феминизмот

Mногу погрешни факти се изнесени во постов, заклучно прикажаните фотографии кои следуваат во продолжение а ги замаглуваат основните принципи на феминизмот како идеологија. Значи како прво, ''првобитната'' идеја за феминизмот воопшто не била изложена во вака груба форма како оваа денес која ја фураат жентуришта кои првенствно ни самите тие не знаат за какви права се борат, и како резултат на тоа плукаат на сешто е машки род. Не знам колку сте информирани, но тие во почетокот се обединувале со цел да ги поборат стереотипните видувања дека улогата на жената не треба да се сведува исклучиво во домот, и нејзина основна задача не е да биде потчинета домаќинка која слепо ќе слуша и врши наредби. Всушност, преку таквите феминистички движења се обидувале да укажат дека имаат право на поседување на истите права на живот како и мажите. Единствената разлика е во тоа што тогаш сето тоа се одвивало на еден многу по суптилен начин, главно преку мирни, но интензивни протести. Каде излегле со неколку побарувања кои ги вклучуваат правото на глас, учество во политичките сфери, промена на социјалната положба, економската културната итн. Имено, овој бран на движења, зема замав 60-тите години чинам, (но не ме фаќајте за збор), па така постепено почнуваат да се рушат догмите кои ја отсликувале тешката социо-економска и културна положба на жената како дел од општеството, која со векови наназад била туркана под тепих или одзимана. Најверојатно истата влече корени уште од каменото доба. Дури и самата историја во повеќе наврати сведочи дека улогата на жената се сведувала исклучиво на извршување на обврските во местото на живеење, а тоа за жал била и нејзината примарна цел. Сепак, мој личен став околу темава е дека колку и да се обидувале жените низ вековите наназад да направат некои промени по ова прашање, на Балканот сепак во многу рурални средини состојбата воопшто не е променета и се затајуваат. Затоа се почесто се водат кампањи, за да се подигне свеста на жените. Алармот за дејствување на С.О.С. Службите е одамна вклучен, иако не знам колку е реално помогнато. Како и да е, во Европа се веќе срушени овие предрасуди па како резултат на тоа жените во потполност ги уживаат истите права како и мажите.
Патем, сакам да додадам, дека ако во иднина отварате нови теми, бар обидете се на истите да им ја опфатите целината, за да не дојде до недоразбирање.

 

Точно, сепак тоа не ја менува поентата на тоа што го пишав. Да не бил феминизмот, којзнае дали до компјутерот ќе дојделе, а не пак јавно да искажуваат ставови. Се знае какви состојби го поттикнале феминизмот и во каква положба била жената, ко шо пиша една членка погоре, не многу одамна, доволно е еден век да се вратиме назад.

Значи сум против некои екстремни и тотално непродуктивни димензии на ова движење денес, една од нив беше и постирана погоре, феминизам не значи да не се биде женствен и да не се биде жена за да се биде еднаков со мажот. Треба да го негуваме и да уживаме во она што сме, маж или жена. Зборуваме за некои основни права коишто во не така мал дел од светот жените не ги уживаат само поради тоа што се жени. Кога анти-феминистките би искусиле барем еден месец таков живот, баш ќе ги видам каков став ќе имаат за феминизмот.

Финтата е да се има исти права, а не да бидеме исти. Оти не сме. Затоа што светот не би функционирал без да постојат различности во него.

 

Денешниот феминизам треба да биде исклучиво насочен кон дискриминација на жените кои се бремени и кои подлегнуваат на психички притисок околку фактот „кога треба да родат“, меѓутоа во пракса за жал феминизмот претставува само фурање без никаква основа и во принцип е поставен како “ти ќе готвиш и чистиш исто како јас“, а кога ќе биде ред за плаќање на сметка во кафулиња или ресторани често се очекува сметката да биде подмирена од машката страна.
Значи, не сакам да ме цитирате со мислења како Вие тоа никогаш не сте го дозволиле ниту во иднина ќе го дозволите. Апсолутно верувам дека е така, а и да лажете искрено не ми е гајле. Поентата на постот е дека често се користат двојни аршини околу фактот дека жената треба да биде изедначена онолку колку и мажот што дефакто е така во развиените капиталистички земји. Се случува да зачестат и огласи каде е потенцирано дека се бара исклучиво женска личност за изршување на одредена работа и тука мажите не се бунат ниту пак коментираат јавно, освен можеби меѓусебно негде на кафе.

Феминизмот треба да се насочи кон арапските земји, кон земјите во Африка каде наголемо се практикува обрежување на жените уште од мала возраст со единствена цел, а тоа е да не чувствуваат задоволство при сексуален однос. Треба да се насочи и кон згрижување и помагање на бремените жени, на самохраните мајки особено во ситуации каде што другиот родител е починат или не исполнува одговорност за обврските што следуваат околу сопственото дете. Во склоп на ова исто така мора да се потенцира дека жените сеуште се дискриминирани во одредени околности: ако имаат дете, ако се постари од 35 години, ако се набрзо мажени итн. Така, денешниот феминизам би имал смисла и поддршка од мене.

 

feministi se najcesto zeni so mrazat mazi
sakaat da dominiraat mazi
sakaat da nanesuvaat psiholoska bolka i se nevrzlivi
i nemaat sposobnost za samokriticnost (sekogas nekoj drug e kriv)
--------------
i bez seto ova dokolku e normalen mazot
i dokolku i veruva na zenata so koja zbori u momentot
ke se pogrizi da ne bide povredena na nikakov nacin
----------------
@Igrata moze ke se vidime u polska

 

da potrolamo malo

 

Да не биле феминистките, никогаш не би биле она што сме денес.Наместо да изиграваме девојки против фенинизмот, да пробаме да си ја цениме слободата, за која пред 50тина години девојките сонувале.

 

Пред да се осудите нешто да коментирате подобро е првин да ја проучите женската природа и начин на функционирање. Жените и мажите никогаш нема да бидат еднакви ни под разно. Биолошките и психолошките разлики се очигледни и евидентни на секое ниво. Не е точно тоа дека жените биле мачени, убивани, силувани или како што вие ги прикажувате, туку тогаш жената ја имала вистинската природна работа. Зарем денес нема психичко и физичко малтретирање, силување, убивање? Го има и во најразвиените држави, а можеби и многу повеќе отколку во традиционалните општества.

Треба да се гордеете поради вашата женска природа, да уживате во вашата убавина и да престанете да бидете мажи. Тоа е најголемата дискриминација спрема вас. Мене многу ме нервира тоа што традиционалната жена денес се претставува како глупа, заостаната, роб. Традиционална жена не значи ниту проста, ниту ограничена, ниту роб, а ниту необразована.

Денес многу од тие таканаречени феминистички организации се дувло и збиралиште на лезбејки коишти сеат страв, паника, аверзија спрема мажите, ја обезвреднуваат улогата на бракот, создавање потомство, затоа што истите не можат да го имаат истото.

Мажите и жените никогаш не можат да бидат непријатели, ривали, затоа што едни на други очајно сме си потребни. Живот на еден маж без жена е незамислив)

 

Да, се случуваат и денес некои од тие работи. Само што тогаш, доволно било оправдувањето „па, жена е“ за таквиот третман.

И ова денес е благодарение на нечии напори тогаш.

За квази-феминизмов не коментирам и јас сум против него.

 

Секако дека се случуваат и силувања, и тепање на една жена од страна на маж, али сеа жената ако се обрати во било која установа ќе и биди дадена помош, без некои сељачки осудувања.
Порано изговор бил, ако жена е.Ќе трпи ќотек, маж може да сака и да тепа.А за силување, добро и се направи, таа провоцираше.Бог да чува.

 

Многу повеќе мажи умираат на годишно ниво отколку жени.

 

Порано изговор бил „жена е = вештерка, провокаторка, поттикнувач на грев.“ и сл.

 

Не ги читав мислењата, друг пат. Само да се искажам.
Јас не се пронаоѓам во феминизмот затоа што никогаш не сум почувствувала дискриминација или ограничувања на таа основа. Што не значи дека истите не се застапени таму некаде, вон моја близина... Или дека некој не смее да има поинакви убедувања од моите па сега феминизмот не треба да постои и треба да се укине.

Ова терминолошки му доаѓа нешто како со Исламот и радикалниот ислам, само што тука не дошло до степен на масовен тероризам, ама дошло до отворено изразување лудило - класичен пример се ФЕМЕН (за кои инаку мислам дека местото им е во некоја установа). Во контекст на кампањава, изгледа учесничките, што од неинформираност, што под влијание на искривената слика не прават дистинкција. Кога би го замениле feminism co radical feminism би било друго. Вака и самите си навлекоа критики и етикети. Всушност верувам дека некои од нив и не ги интересира толку, целта им е само да се умилкуваат на машката популација ако се има предвид дека и мажите многу-многу не обичаат феминистки (исто така резултат на искривената слика).

 

Секогаш кога ќе се спомне поимов феминистка, ми текнува на оваа налудничавава музара што во секоја ситница наоѓаше провокација кон неа како жена, а се смееше на тип што пробал да се самоубие пошто као бил слабак и не знам што...

Да фатиш да зашамараш, па да не знае како се вика.

Од борба против угнетеност, преку борба за рамноправност, се дојде претежно до феми-наци караконџули, фрустрирани од себе и од животот, кои не навикнале на социјална интеракција, па секој најобичен муабет го перципираат како повик за плоџење, иако ретко кој и би ги пипнал такви.

Ќе шетале без влошка...кој болен Тасе?! Шетај бе сестро, тебе ќе ти е мокро на газот и ќе ти се валкаат алиштата. Ајде да покренеме иницијатива бебињата да не се повиваат пошто така е природно и да какаат по улица. Ајде и сите да извршуваме нужда во гаќи или во јавност кај ќе ни текне.
Или па ќе шетала недепилирана и со небричена мишка...мислим, безвезни каприци што никаква поента не доловуваат. Мажи се депилираат што ради спорт, што за изглед, па ништо. Ете им еднаквост.
Па некапење и не знам што, демек маживе во кал се прпелаат и спијаат во кочини, па они еднакви да се.
Ќе се понашаат ко живчани чуми без грам култура и ќе лечат комплекси на кого стигнат, па после тие биле угнетените. Нека го кажат тоа на жени ко Опра, Елен ДеЏенерис, Џоли и остали што го дрмаат светот, иначе вака многу е лесно сопствената неспособност да ја префрлиш на туѓа вина.

 

nekade procitav deka u amerika ima 7milioni lazni obvinuvanja za siluvanje godisno, makedonija se stremi da stane kako amerika pa mozebi e krajno vreme da se spremime za ovoj fenomen
http://www.avoiceformen.com/miscellaneous/how-to-avoid-a-false-rape-claim/
(nebese od ovoj sajt - nemozam da go najdam sajtot kaj so originalno go procitav podatokot,pretpostavuvam deka e slicen sajt)

nahh kolku so procitav nekade zenite so imale poveke partneri gi vikale vesterki
samo imperatorot so imal harem imal pravo da ima poveke partneri
a site drugi bile prisileni na monogamija i bile egzekutirani ako kjarat poveke od eden covek (ako nekoj maz kjari zena od haremot mu ja ubivale cela familija, zatoa na cuvarite na haremot im go secele stojko/bile evnuci-cuvari bile obicno luge so veke napraile familija a za vozvrat za zrtvata caro mu ja stitel celata familija na evnuko osven ako ne go zaebe neso)

ako feminizmot vlece koreni od toa vreme togas mazite treba da protestiraat za padnatite kurci na evnucite





postojat poveke od edno dvizenja na mazi kako odgovor na glupostite napraveni od feminizmot licno mislam deka vakvata turlitava ke naprai uste poloso (sekoe dvizenje si ima svoj veruvanja)

maskite dvizenja seuste ne se celosno dojdeni u MK ama kako so kazav prethodno MK saka da bide US taka da samo prasanje e na vreme


http://en.wikipedia.org/wiki/Histrionic_personality_disorder

 

И јас мислам дека денес сме си таман, и измислување на глупости за еднаквост нема потреба, затоа што никогаш нема да сме еднакви. Феминизмот нека си ја заврши својата работа во арапските земји, каде што жените се сеуште само билки кои служат само за задоволување потреби и раѓање. Исто може кај нас и за некои закони, како на пример плаќањето/неплаќањето на породилно, мада тука би се побуниле и мажите, не само жените, затоа што и жената рамноправно носи пари дома, па и на мажот ќе му фалат парички дома

Ќе имам подолг пост, затоа простете.

Спомнав не сме еднакви. Па не сме, ако сме, зошто не одиме да работиме ние жените градежни работнички, молерки, да местиме ролетни, да бидеме гробарки итн. Женското си сака фина работа, нели, каде што нема сила (со исклучоци). Оти не се буниме за тоа, или ни одговара? Огласите вријат со: барам девојка за работа, се бара медицинска сестра, барам презентерКИ, продавачКИ, куварКИ итн. А нели за доктори, инжињери, биолози, фармацевти, наставници, директори, најнормално си аплицираат и мажи и жени. И тоа ни одговара, па не се жалиме. А нели ако побарате огласи за стан под кирија, вие што сте биле студенти особено, Се издава стан исклучиво на девојки.... или издавам стан за студентки. Нормално со предрасуда дека машките ќе бидат несредени, ќе го руинираат станот итн. Тука нели треба мажите да се борат за права, затоа што сум видела средени станови каде што живееле машки, и несредени каде што живееле женски.

Многу се вреѓаат на ставот: Жената е дома за да готви, чисти, пере итн. Прво, готвам оти сакам да готвам, и ми е убаво, а ако ме МРЗИ некои денови, знаеме да порачаме пица или да одиме да јадееме некаде. Не осеќам дека сум дискриминирана оти готвам дома. За перењето... епа затоа што мислеле на доброто на жените, направиле машини за перење, па 5 минути ми требаат само да ставам алишта внатре и да ја пуштам. Исто сметам дека мажите многу повеќе помагаат дома, и за чистење. А мажите се разбира се тука да ги влечкаат тешките торби од пазар/супермаркет/подрум, да чепка во струја ако нешто не е во ред, да поправа расипани работи итн. Не сме еднакви, ама сме си ги распределиле обврските.

И последно, што со обесправените мажи. Ние како жени ако сме навредувани, тепани, обесправени, силувани итн, имаме каде да се обратиме. Има закони, телефони за помош и сл. Дали знаете дека познавам БАРЕМ двајца мажи што се малтретирани од своите сопруги и вербално и физички. Дали тој маж може некаде да се пожали. Што би се случило ако оди маж во полиција и каже, ме тепа жената. Ќе му се изнасмеат, ама нели овој ако и врати на жената, одма реакции, казни, затвори. Исто познавам една жена која вели, платата на мажот ми е за дома, за нас, за ќерката, за јадење, сметки, облека итн, а мојата плата е исклучиво за да одам на козметичар, во спа центар, на фризер, оти таа не можела а да не оди на третмани барем 3 пати неделно. Ебати еднаквоста

Значи, не за денешниот феминизам, туку за човекови права. Секој човек да биде почитуван, да има право на образование, работа, глас, без разлика на ПОЛ, вера и националност. А разликите секогаш ќе постојат, така не дала природата, тоа го има и кај животните. Само меѓусебна почит и разбирање, и светот ќе оди во позитивна насока

 

Колку само не сме денес таман и не знам како може некоја девојка да напише дека

Извини вака, меѓутоа и твоето размислување дека домашните обврски не се дискриминација е дел од тој глобален проблем. Викаш дека готвиш бидејќи сакаш да готвиш, а оние денови кога те мрзи, порачувате пица-епа зошто сопругот не засука ракава и не направи ручек? Викаш дека машините за перење алишта се направени за да на жените им се олесни работата, тогаш зошто и мажите не ги користат? Јас најискрено се надевам дека си во право кога велиш дека денешните мажи помагаат по дома, бидејќи судејќи по искуството на моите другарки кои се или мажени или живеат со дечковците, фраерите не сакаат пешкирите со кои се избришале после туширање да ги стават на жица а не па да поминат со правосмукалка додека пуштањето на машината за алишта е научна фанстастика.

Не можеме да правиме споредба кога станува збор за професии кои подразбираат физичка работа зошто машките се физички појаки од нас и нормално дека нема да се бунам и да паѓам во несвест кога другар ми ќе биде вработен на таква позиција а не јас, основна биологија И нема зошто да се бунам ако се вработам на позиција за која сум се школувала. Сум учела, сум се мачела, сум дала и пари и нерви и труд (гооолем труд) за да стигнам до таму, никој мене не ми ја понудил таа позиција само зошто сум жена. Исто така, не знам дали си свесна дека кај нас има фирми што едноставно не вработуваат жени, за да не им се наруши комодитетот? Божем ако вработеле девојки ќе морале да пазат што зборуваат, немало да може да пијат пиво на работа, да прдат плус девојките ќе оделе на работа со пмс па ќе им го загорчувале животот на колегите. Не бе, еднакви сме ние во Мк, се ни е супер.

Не сме еднакви додека мајка си ја учи ќерката да батали образование а место тоа да се насочи да се мажи што помлада, не сме еднакви додека постојат средини каде немажена 25 годишна девојка веќе се смета за `стара мома` и каде на разводот се гледа како на најголемиот срам што една жена може да му го приреди на семејството. Не сме еднакви кога девојката која што има активен сексуален живот се нарекува курва додека машкото е фраер и се гордее со тоа колку девојки свртел. Не сме еднакви кога вол од 150 кила и се дере на педесетгодишна службеничка на шалтер (а притоа се покакува во гаќи кога ќе излезе шефот.) Не сме еднакви додека од сестрата се бара да се откаже од својот дел од наследството во полза на братот, во спротивно е себична, неблагодарна и нечовек и не сме еднакви кога не замолчуваат со зборовите `Абе женско, остај ја, хистерична е`.

 

Прличко, со оглед на тоа дека си експерт по прашањето за женската природа вклучително нејзиниот начин на функционирање (мада овие две се толку дискутабилни и општи што никако не може да бидат подведени под една дефиниција), те молам објасни што е со жените кои ете по некоја случајност од разно разни причини, немаат намера да остават потомство зад себе? Без оглед дали станува збор за некакви минорни разлози, или самата природа им поставила ќор сокак со тоа што не им оставила можност за репродукција?
Као, неморални се бидејќи не соодветстуваат на типичниот традиционален модел, а?

Следно, дефинирај ми го поимот ,,традиционално'' кое го споменуваш речиси во секој свој пост, или бар го застапуваш таквото гледиште. Стварно не знам колку си запознаен со Македонската Историја, но ако беше навистина така добро упознаен, ќе увидеше дека работите во тој период биле далеку од бајни и повеќе ја застапуваат темната страна, настрана од сите филмови и драми каде е се толку замаглено што делува невино а е далеку од вистината. Еве, земи пример со тоа што ќе се вратиш бар 50 години наназад, период во кој акцентот бил ставан на патријахалните семејства, и заповедот кој најчесто доаѓал од најстариот машки член на семејството кој ги диктирал дневните распореди. Сакаш докази? Океј, еве ти. Појди слободно во некое селце, Источна Западна Македонија сеедно, и седни, поразговарај со некоја женичка во години која била токму одгледувана во т.н. ,,традиционално'' семејство, и прашај каква била нејзината позиција тој период, ама притоа биди исто толку фер па спореди ја со оваа која ја имаме денес, и веројатно ќе сознаеш колкава е разликата, и е до некој степен рамноправна, изедначена во поглед на егзистенцијата како есенцијален неизоставен дел од животот. Патем, ќе сфатиш дека во најголем број случаи жената била третирана како стока, и тоа во буквална смисла на зборот, во сите можни пори. Ма не стопанство, земјоделие, распределба на имот, се скупа у во вреќа со останатите стереотипни гледишта кои ставале капчиња и ја угнетувале нејзината пложба.

Бар од денешен гледан аспект не можеш да негираш дека правата на слобода на говор, движење и образование се издвојуваат за разлика од овие претходните кои се начнати на не толку голема временска дистанца. Второ, какви се тие очигледни и евидентни разлики кои ги посочуваш во својот пост? И како воопшто можеш да ствараш ваков јаз, зборувајќи за психолошките разлики кога се впрочем толку индивидуални, инфериорни и што важат за секој човек поединечно, па со тоа ни најмалку не може да бидат разгледувани по полов основ?
Исто така си многу нејасен кога зборуваш за ,,природната'' функција на жената. Ајде објасни, каква е таа, бидејќи искрено јас првпат слушам за истата. И на што конкретно реферираш? Перење алишта, слугување за домаќински цели и потреби ли? Бидејќи токму тие биле одликите на ,,нежната'' навидум традиционална жена која ти толку ја фураш а датира од минатото.
И што ако жената сака да пркоси на шаблонот со тоа што према бракот како институција ќе гледа со доза на резерва и неповерение?

Башка, морам да ти ја споменам и оваа фраза која според мене ти е тотално апсурдна како и целиот твој пост всушност. ''Денес многу од тие таканаречени феминистички организации се дувло и збиралиште на лезбејки коишти сеат страв, паника, аверзија спрема мажите, ја обезвреднуваат улогата на бракот, создавање потомство, затоа што истите не можат да го имаат истото''. Истата, само дополнително фрла сенка на вложениот обид да се разбере вистинска примена на феминизмот како движечка идеологија како подем кој има за задача да направи промени. Така да водејќи се според твојот пост сите заложби од страна на жената и нејзиното општествено издигање паѓа во вода. И за крај, ако веќе реално вагаме, може само да се дојде до заклучок дека колку мажите имаат прокламирано насилие врз жените, што ниту една квази-феминистичка организација (која се чини дека да ја тагрирате како потенцијална опасност), не може да ги опере тие гревови кои се нанесени ни од денешна, а уште помалку од историска гледна точка.

Споменатото ,,лезбејство'' у феминизмот од твоја страна, повлекува уште низа недоследности кои апсолутно си немаат везе со темата, мешаш баби и жаби, часописи и вести ама нема везе нека ти биде. Од мене во постов толку.

 

Не знам јас во која средина живееш, ама во мојата средина девојка на 25 години не е стара мома, ниту пак разводот, уште од дамнешни времиња не е срам, затоа што и моите родители биле разведени, и овој им е втор брак, па се доста почитувани луѓе, и никој не им се смее. Не знам ниту еден случај каде што мајки на мои другарки ги тераат да баталат образование за да се мажат, напротив, викотници е ако батали школо заради брак. Така да, не знам во кое време живееш. А ако има таков случај што познаваш, тогаш тоа си е до нивниот менталитет домашен, а не дека жените се обесправени.

За професиите, ќе извиниш, ама напротив жени бараат, заради што ги сметаат поодговорни. Во мојата фирма, која е за компјутерски софтвер, вработуваат и мажи и жени, а посебно сакаат жени заради тоа што се поодговорни и поуспешни. Сум одела на милион интервјуа, и никогаш не ме дискриминирале заради тоа што сум жена, туку напротив, вработувале други ЖЕНИ, наместо мене. Оди, те молам прошетај по администрација, банки, оди во клиниките, училиштата, бутиците, супермаркетите и кажи ми дали некаде фалат жени. А тоа со ПМС, прв пат го слушам. Епа сега, ако аплицираш за камионџија, сигурно ќе примат маж наместо жена, ама не гледам тука никаков проблем.

За готвењето по дома, мажот ми е слаб во тоа, не е дека не се потрудил, едноставно не му оди готвењето, и не го бива. Зарем сите за се треба да не бива? Затоа пак знам еден куп другари кои сакаат да готват. И, btw, се знае кој што работи во кујна, кога се сечат тикви, лубеници, зелки.... кога се кршат и мелат ореви, тука мажот си настапува, затоа што е посилен. Ете на пример, татко ми е експерт во мачкање торти. И за чистење, помагаат, ако си поставиш правила. Значи, се е до договор. А не ти ми кажуваш за некои невоспитани и егоистични свињи кои не правеле ништо, па жениве биле за грев. Ако не знае да си се постави, ОК, тоа нема врска со феминизмот, не морала најголемиот мачо да го зема за маж. САМИ СИ ГИ БИРАМЕ МАЖИТЕ!!! Тоа е нели денешната еднаквост и слобода. Сигурно со стројници не ги мажеле. Ако жената е глупа, и не си постави правила дома, туку само ќе плачи и ќе лигави кога ќе се осети обесправена, наместо цврсто да се постави, тука, драга, ништо не помага. Тоа си е до човекот.

Значи пак ќе речам, не каков е човекот како индивидуа, туку какво е општеството. Општеството се стреми кон полова еднаквост, дури и малку кон страна на жените. А ако има некој маж кој го разгалила мајка му, и се однесува како идиот, тоа нема врска со феминизмот, едноствано жената требало да размисли пред да го земе за маж. А ако збораме за индивидуи, тогаш има и жени никакви, ама нели тоа да го занемариме.

За крај, жал ми е што се осеќаш занемарено, и обесправено, јас не се осеќам така. Имам работа, образована сум, сум шетала и во странство, и по одмори, сум гласала, се мажив по своја желба, на онаа возраст која ми беше ОК за мене за мажење, мажот сама си го одбрав, не бев девица кога се мажев, си работам по дома, си готвам си средувам, ама не мислам дека со тоа сум обесправена, или за жалење, едноставно си ја сакам чистотата и организираноста. Ништо поинаку или помалку од она што мажот го прави. Ако карактерно било која жена е слаба, тука феминизмот не и помага за жал, затоа што ако и мажот е карактерно слаб, тогаш ќе биде прегазен од жената.

Сепак ми е жал за оние жени од истокот кои се крајно обесправени. Тие навистина треба да се изборат за своите права.

П.С редактирам и додавам, ако сте толку обесправени како жени кажете ми зошто: јас имам на работа шефИЦА, мажот ми има шефИЦА и деректорКА, мајка ми има деиректорКА, братучед ми има и шеф и шефИЦА (зависност од смената) ????

 

Значи @jacqueline.s, да сумирам- бидејќи тебе ти е добро и никогаш не си се нашла во ситуација на своја кожа да почувствуваш дискриминација, таа не постои ( поточно, постои ама на исток)? Ти мила моја си имала среќа да живееш во модерно семејство, во модерна средина и не си имала пречки на патот но тоа не значи дека, бидејќи ти лично не си се соочила со тие двојни аршини, дека се е супер кај нас. Или работава е сит на гладен не верува?