Женски парфеми

Јас денес го видов во космо гтц и мислам дека беше околу 870 ден,така нешто

 

препорака за некој свеж парфем од Сантини , нешто како Еклат од Рефан што беше , го немаат повеќе за жал
јас еве ви го препорачувам Pure woman од B.Bannani исто од Сантини го земав
за Фрејата од Орифлејм и јас сеуште жалам vitamina

 

за мене дфинитивно DIVINE....преубав е...незаменлив

 

Јас сега си го нарачав овој парфем....го чекав во авон на попуст да биде и го дочекав...преубав е...малку е потежок, баш ко за во зима.....

 

Препорачајте ми некој многу нежен парфем ама впечатлив и траен, од прилика до кај 400 ден.Барав денеска ама некако сите ко да ми беа пренападни

 

Моментално ги користам Love Addict Victoria Secret и Christina Aguilera Unforgettable

 

Ги има ли некој користено овие парфеми? Мислам дека во Рефан ги има.
Кој е најдолготраен со поинтензивен мирис?

 

Овој во дм е 369 денари мислам дека, така нешто беше. Ако поминуваш некогаш можеш да го мириснеш бидејќи сите имаме различен вкус не знам дали ќе ти се свиѓа, го пишав заради цената.

 

@Lavinija

Спојлер: Прв дел

Прв дел:
1. Amarige Givenchy- Луксузен и богат, со печат на белиот цвет на што асоцира и самото капаче, ама има микс и од цветни и дрвенести ноти. На некој од прва му делува прејак, но потоа нотите се смируваат. Или го сакаш или го мразиш.
2. Angel Mugler- Eден од моите омилени што и денес го користам. За мене, предобар. Елегантен, благ, класика. Има една поексцентрична црта кога го прснеш, но потоа прекрасно легнува на кожата.
3. 188 Ceruti- Мене ми мириса на чај. Некој микс од камилица и нане.
4. Dolce Gabbana D&G- Го зазема местото бр.1 во мојата колекција. Синоним за совршенство. Но, можеби затоа што си него ми се поврзани и многу спомени. За некој можеби малку повеќе сапунест, да не речам. За некој преблаг, но откако го нанесеш започнува да делува свежо и преубаво.
5. Jean Paul Gaultier J.P- Самото шишенце одава каков е парфемот. Скулптурата од голото женско тело зборува за еден секси, заводлив женски парфем. Во него има ванила и бел цвет мислам дека имаше, но мислам дека не е парфем за секој.
6. Kenzo Kenzo- Повторно мирис на бел цвет, но овој пат тие благи ноти делуваат топло и помалку зачинето. Мислам дека парфемот е малку постар како Dune oд Диор или Poeme Lancome.
7. L'eau d'Issu Miyaki- Прв пат слушам за овој.
8. Nina- Ricci- Уште еден чиј дизајн упатува и како тоа ќе мириса парфемот. Баш како јаболко, свежо, слатко, лесно, уште да го изедеш.
9. Opium YSL- Има повеќе варианти од Opium (Black Opium, Belle Opium, Opium Vapeurs). Aко станува збор за класичниот, само Опиум (т.е кафеавиот), тогаш тој мислам дека е малку за постари дами, бидејќи е доста остар и дури ги има тие маженствени ноти и дефинитивно не се сечиј вкус. Не би ти го препорачала ако на помлада возраст.
10. 5th Avenue Еlizabeth Arden- Мислам дека тој беше понежен и дамски.
11. Organza Givenchy- Како што името е звучно секси, така е и парфемот. Но, не нападен, туку префинето секси. Мислам дека во него варираше нешто слатко како ванила.
12. CH.5 (Chanel no.5)- Дефинитивно парфем не за секој. Иако повеќето ќе го земат само да речат дека се прскаат со Шанел, сепак Шанел бр. 5 е култен парфем. Повеќе за постарите дами бидејќи, но секоја чест на секоја што добро може да го изнесе. Коко го креирала баш за успешните жени како неа. Дефинитивно не е нежен и сладок туку сосема спортивното.
13. Roma Lara Biagiotti- Еве уште еден што ме потсеќа на детството. Eдноставен, смирувачки и нежен, делува релаксирачки. Суптилен пар на дрвенести и помалку цветни ноти. Шишенцето е дизајнирано според Колосеумот и навистина е 2-во-1, и естетика и мирис.
14. Venezia Lara Biagiotti- Не сум го мириснала.
15. Tresor Lancome- Oтсекогаш дизајнот на шишенцето ми изгледал толку луксузен и богат. Мириса елегантно, јак и долготраен. Остар но истовремено сензуален.
16. Poeme Lancome- Уште еден на листата омилени парфеми. Класика! Се запознав со него уште како мала, знам баба ми го користеше. Или го сакаш или не. Мене веднаш ме привлече и до скоро го користев. Јак и благ. Јас го израмнувам со Dior Midnight Poison. Тие двата ми се како во сестринска врска. Моќни, богати, луксузни, елегантни, дамски.
17. Еmporio Aramni G. Armani- Ми се заредија омилените Eдноставно не можеш, а да не го сакаш. Не е нападен, туку модерен и кул. Нежно, женствено и пред се чисто. Супер!
18. Rocco Barocco Silver- Го немам мириснато.
19. Jungle Kenzo- /
20. Dolce Vita Dior- Се што е Диор, ќе прифатам Mислам дека е сличен на Тresor Lancome, но сепак различен. Слатко силен и женствен, не е нападен.
21. Lacoste Lacoste- Не знам за кој конкретно станува збор.
22. Cool Water Davidoff- Нема кој го нема мириснато и нема таков што не го сака Свеж, мириса на чисто, на лето, на море. Едно големо да! Мислам дека одговара на секој
23. Hugo Hugo Boss- Баш микс и од нежно и од женствено и заводливно и супер секси. Ванила, слатко и дрвенесто.
24. Ј'adore Dior (And who doesn't )- Moментално го користи сестра ми, омилен и е! За мене никогаш доволно, едноставно парфемот е зараза! Предобар! Класичен, а модерен. Софистициран, тренди,
женствено и моќно. Нежен, а силен. Дефинитивно би ти го препорачала! 10 од 10!
25. Маgie Noir (не magic) Lancome- E постар парфем. Ако си љубител на работата на Lancome, еден парфем ако ти се допаѓа сите ќе ти се допаѓаат. Па така и овој е силен, моќен, некоја vintage класика.
26. Noa Cacharel- Aх вистински бисер! Едноставно зрачи со женственост и софистициран. Доказ дека и нежното може да биде многу моќно. Парфем во кој може човек да се заљуби. Навистина преубав и те опушта.
27. Eden Cacharel- Уште еден што ме враќа во детството. Имам и претходно пишувано овде за него и стојам на мислењето: Многу уникатен, посебен и не можам да го поврзам со некој друг парфем. Суптилен и пренежен.
29. Hypnotic Poison Dior- Уште еден што го користеше сестра ми. Не хипнотизира до толку, но навистина е преубав. Женствен, заведува на некој специфичен и елегантен начин. Не може а да не ти се допаден. Модерно дамски.
30. Gucci Rush- Аххх како сега ме потсети на овој! На листата на омилени! Урбан, тренди шик! Баш за современата девојка која постојано некаде брза, се забавува, работи. Прејак, кул, ненападен, нежен, но не дотолку, синоним за супер интересен парфем!
31. Boss Woman- Колку што ме држи меморијата, мислам дека беше исто женствен, нежен, ненападен, така по смирен парфем.
32. Cerruti Image- /
33. Chasmir Chopard- Нешто цветно слатко, слично можби на Dolce Gabbana D&G.
34. Moschus- /
35. Burberry London Burberry- Елегантен, ненападен и софистициран. Навистина убаво и нежно.
36. Мoschus Exotic-/
37. Ultra Violet Paco Rabanne- Најпрво ме потсеќа дизајнот на Дона Каран. Мириса интересно, малку поразлично, слатко со некоја пудреста и топло зачинета нота. Различно за секој, на некој нежен, на некој појак. Има разлика и од кожа до кожа.
38. Naomi Campbell NC- Замисли си ја Најоми. Таа не може да дизајнира нешто што не наликува на неа. Парфемот е помалку ексцентричен, микс од повеќе ноти, од кои се издвојува карамелата, но не нападно, туку баш елегантно. Слатко, заводливо, зачинето женствено.
39. Gucci Rush 2- Најпрво се разликува од оригналниот по шишенцето кое е розево но транспарентно. Не е како првиот, но пак е кул и свежо, но јас сум сепак за првиот оригиналниот.
40. Miracle Lancome- За разлика од неговите прејаки и потешки мириси, овој е спротивност. Свеж, нежен и женствен.
41. Light Blue D&G- E омилениот парфем на мајка ми. Нежно, женествено и пред се свежо со акцент на сицилијанскиот лимон. Класика која ја поместува монотонијата. Едноставен и ептен свеж.
42. BU-/
43. Nao Magic N. Campbell- Луксузно, но на некој понежен начин. Полу слатко полу горчливо.
44. Emporio White G.Armani- Навистина убав парфем. Ништо пренападно, нежно и женствено.
45. Sun Flower E.Arden- Свежо и интересно убаво. Не е нешто посебно заводлив, ама не мириса лошо.
46. Lolita Lempicka- Дизајнот на шишето е навистина магичен, како од неко Хари Потер филм. Мириса слатко и благо.
47. DKNY Donna Karan- Не знам за кој конкретно.
48. Bolero Sabatini-/
49. Grean Tea-/
50. Summer Sabatini-/
51. Joop Joop-/
52. Romance Ralph Lauren- Класичен, повеќе за летото. Слатко, цветно и доста женствено.
53. Kenzo Tiger- /



[/USER]

 

@Lavinija

Спојлер: Втор дел

1. Deep Red H.Boss- Нежно, ама секси зачинето! Малку повеќе овошно, мислам дека беше цитрус, но варира и ванилата и дрвенестото.
2. Laguna S Daly- Иако шишенцето е права лагуна и асоцира на вода, море, свеж воздух и нормално очекуваш и таков парфем, всушност е сосема спротивното. Парфемот е свеж, ама некако тежок, како да нема воздух. Но, тоа не значи дека лошо мириса, туку повеќе делува како микс од овошја, како кокос, ананас, лимон, ванила и други дрвенести ноти, па не е за сечиј вкус.
3. Аddict Dior- И горе напишав, се што е Диор, никогаш не одбивам Eдноставно убаво! Слатко, со ноти на роза, суптилно овошно, но дефинитивно убаво освежувачки, тренди и модерно. Навистина убав!
4. Sensi (не sense) Armani- Со ноти на бел цвет и бадем, парфемот е навистина елегантен и повеќе за во зимно време. Класичен и софистициран, како самиот Армани, многу уникатен парфем, бидејќи е заводлив, а не нападно секси.
5. Sicily D&G- Лесен, но свежо зачинето. Има микс од дрвенести ноти, овошја и варираат повеќе цветни ноти. Mириса нешто слично како банана
6. Moschus Wild Love-/
7. Moschus Clara-
8. White-/ Не знам за кој точно станува збор.
9. Casmir Black Chopard- Луксузен и специфичен. Карактеристичен по циметот и ванилата. Баш слатко и гурмански да не речам
10. Jennifer Lopez J.Lo- Не знам за кој нејзин парфем станува збор бидејќи ги има повеќе: Мiami Glow, Deseo, Still мислам дека имаше еден итн.
11. Bruno Banani BB- Не сум сигурна, ама мислам дека беше нешто овошен, ако станува збор за тој розевиот.
12. Fidji e oд Гај Ларош, не од Армани- Повеќе е зелено цветен, но има и некоја топлина измешано со тој пудрест мирис. Елегантен и шармантен.
13. Burberry Brit Burberry- Eдноставен, некако ванилест со проткаен лимон во него. Баш некомплициран и лесен за носење. Значи сладок, но воопшто да не ти се смачи од него
14. Pure Poison Dior- Целата линија на Poison парфемите од Диор ја обожавам. Како што самото име ти кажува, ова е најчистиот и најневиниот отров од сите, а сепак отров. Има ноти на мандарина и јасмин, ама задржани назад од сандаловото дрво, што повторно го прави парфемот не толку лесен. Нешто, како слатко и наивно, ама опасно
15.CO M.CH - Сигурно се мисли на Coco Mademoiselle oд Шанел. Навистина прекрасен. Едноставен, женствен, соврешен за една млада дама. Сладок со умерена доза на јачина. Воопшто не е нападен.
16. Touch of Pink Lacoste- Ми е баш розев свет. Повеќе тинејџерски парфем, онака слатко, спортски. тренди, супер за преку ден.
17. Cavalli Roberto Cavalli- Moќен и луксузен, баш раскошен, како и самиот бренд. Малку појак, со ноти на ванила, доста интересен и провокативен.
18. Omnia Bvlagri- Најпрво, лајк за дизајнот. Модерен со некој архитектонски шарм. Во однос на мирисот, сладникав, може ноти на цреша, но и доста делува зачинето, но мислам дека би се вклопил на секој и секаде.
19. Аmor Amor Cacharel- Флертувачки и сладок, ама не пренападен. Баш Amor Amor, романтичен и потсеќа на љубов.
20. Еuphoria Calvin Klein- Убав и елегантен, повеќе ми е како унисекс парфем. Секси и повеќе вечерен парфем.
21. Signature Escada- Тука мислам дека варираа повеќе зелените ноти и мирисот на краставица.
22. Island Kiss Escada- Ти е баш тропски бакнеж. Сладок, разигран, летен, забавен, флертувачки парфем со цветни и слатки ноти.
23. Envy me Gucci- Не од најновите парфеми, туку back во 2000-та кога мода им беше од глава до пети се во Гучи принт Затоа и шишенцето е такво Повеќе овошен отколку цветен и го бидува за летен мирис.
24. Inspiration Lacoste- Не го паметам најдобро, но мислам дека беше онака баш некако природен, но со повеќе пудрести ноти.
25. Аnge ou Demon Givenchy- Now we're talking Заљубена сум уште од првиот пат кога го мириснав. Баш совршниот баланс на ангелот и ѓаволот. Топол, зачинет, некоја суптилна шеќерна нота, баш секси. Не нападен, баш префинет.
26. Envy 2 Gucci- Лесен и освежителен, баш некако убаво склопени нотите, фино.
27. Nina 2 Nina Ricci- Не знам на кој мислат.
28. Very Givenchy- Најверојатно мислат на Very Irresistible. И баш е неодолив. Заводлив, сензуален, сладок со главна нота на роза.
29. Тhe One D&G- Од неодамна повторно го користеше сестра ми. За мене баш единствен. Веднаш препознатлив. Едноставен е и елегантен, но таа некоја негова специфична слатка нота што го прави свеж и чисто малку зачинет го прави доста забавен, софистициран и модерен. Сличен, а различен, би ти ja препорачала Desire варијантата на Тhe One oд D&G.
30. Femme Hugo Boss- Ми е навистина пријатен мирис. Има бел цвет, роза и сладникави ноти. Летен и романтичен.
31. Blossom Euphoria CC- За разлика од оригиналниот, овде преовладува цветното, што може малку и понападно да ти делува, иако не мора да значи.
32. Bright Crystal Versace- Jасен, свеж, баш лесен. Со мирисни ноти на сочен цитрус, мирисот е ненападен, повеќе како цветно воден.
33. Mania Armani- Ништо посебно според мене, но тоа не значи дека мириса лошо. Напротив, лесен, едноставен, женствен и нежен. За кежуал денски мислам дека е добар.
34. Liberte Cacharel- Иако на прво прскање делува прејак, мислам дека понатаму повеќе на површина излегуваат кремастите и шеќерни ноти.
35. Chance Chanel- Не би го вброила во омилените. Дрвенести ноти со испомешан лимон, зеленило и чисто.
36. Тоuch of Spring Lacoste- Доминира воденото и цветното. Тревно, зелено и свежо. Мислам дека за помладите би бил покул.
37. Black XS Paco Rabanne- Најверојатно најкул парфемот што некогаш сум го мириснала. Го вметнувам во унисекс парфемите, т.е и машки и женски. Баш е како некој топол зачин, што иако од прва може да ти делува нападно, отпосле благо си легнува на кожата.
38. Crystal Noir Versace- Луксузен, моќен, класичен, богат и елегантен. Повеќе егзотичен отколку тропски, но не за секој. Нешто слично како Шанел 5, но со додаден кокос би рекла.
39. The Beat Burberry- Повеќе свеж со некоја зачинета линија и мислам дека е долготраен. За пролет е океј.
40. Ultra Red Paco Rabanne- Понежен цветен. Мислам дека би бил идеален за тинејџерка, бидејќи не е толку нападен, а содржи ванила и јасмин.
41. Strip Agent Provocateur- Kaко бренд за секси долна облека, мислам дека токму кон тоа се стремеле и да дизајнираат во однос на парфемот. Со главна нота на килибар, сладок и женствен, но сепак не е најсекси.
42. Armani Code G.Armani- Не сум некој голем фан. Има некој карактеристичен мирис што одава на секси, баланс на дрвенестите ноти и тука некаде некоја слаткост.
43. Armani Diamonds- Најпрво дизајнот е вистински дијамант, делува хипнотизирачко. А што се однесува до самиот парфем, јак, доста забележителен и елегантно вкусен.
44. Jasmin Noir Bvlgari- И овде ми се допаѓа шишето. Моќна црна елеганција. Нежно зачинет, бадемови ноти и мислам дека имаше бел цвет. Прејак, што дури може да ти делува мажествен, но тоа е бидејќи е доста моќен и луксузен.
45. Omnia Crystalline Bvlgari- Eлегантен, женствен, ненападен, релаксирачки. Чисто и убаво.
46. Hypnose Lancome- Moже да ти делува пресладок, доминира ванилата и белиот цвет.
47. I love love Moschino- Свежо и чисто, мислам дека мирисаше повеќе на лимон.
48. Max Mara- Не е нешто wow, но е добар. Ненападен со убави мирисни ноти.
49. Cat deluxe Naomi Campbell- Прејако ми е шишенцето. Баш во стилот на Најоми. Заводливо мачкесто. Слатко и баш интересен избор за младите девојки.
50. Cat deluxe at night NC- Ноќната варијанта е вистинска бомба. Заводливо и секси. Делува помистериозно и по за постарите. Има микс од цветно и овошно.
51. Million Paco Rabanne- Мислам дека овде превише го форсираат, иако мене не ми е нешто посебен. Инаку, доминира циметот и има некоја сладникавост од која лесно може да ти се смачи.
52. Gucci Guilty- Исто не ми спаѓа во омилените. Мене ми е презадушлив. Не ме привлекува. Некако топло зачинето.
53. Carolina Herrera- Не знам за кој точно
54. Givenchy Play Intensе- Убав и јак парфем. Секси и слатко.
55. Hugo Boss Orange- Не е нешто уникатно, но добар парфем за секојдневието. Нежно и скромно, може малку да лични на Red Jeans oд Versace.
56. VIP Carolina Herrera- Како некоја комбинација од рум и ванила. Слатко и секси. Јак и долготраен.

 

Се заљубив !
Не сум некој голем љубител на P.R. парфемите, али овој дефинитивно ми се издвојува

Само се прснав со парфемот, и не ни видов цена. Да не знае некој случајно како се движат цените на милитражите?

 

Нина Ричи е убав ,Ескада незнам дали го има, Наоми Кембел,Кашмирот е убав,Мошусот,Долче Габана,Габриела Сабатини,Кензо,Уан Милион,ама Џингалот е најмногу јак.Не секој може да го поднесе.Некој Сигначр да го користел да не е како оној од Авон ?

 

5600 денари, со лосион за тело.

 

Овие ги користам највеќе

 

Јас го имам користено Signature,меѓутоа не од овие на Рефан,туку од тие Flert што се во шишенце како економичните. Не сум го имала од Avon оригиналот,не можам да споредам,искрено не бев ни сигурна дека е од него испириран,но овој мене ми се допаѓа. Не е највоодушевувачки но пак свеж е,не е тежок парфем,а пак има позагасити основни ноти,не е до толку едноличен. Би го препорачала повеќе за потопло време,не ми е баш зимски.

 

@referentka Порвери по Еликсир, може по DM
Провери за Nike Casual, мислам дека тој мирисаше баш цветно и свежо.
Инаку, зирни ги C-thru и BU парфемите, сигурно ќе си најдеш некој.

 

Само да ве известам, во Еликсир, Опиумот од 3.040 денари е намален на 2.130 денари, што според мене и не е малку.

 

Го купив пред една недела и се заљубивв......

 

Преубаво нешто