Среќа може не, ама задоволство и релаксираност може да се приметат кај луѓе, посебно ако долго си бил опкружен со незадоволни и напнати лица. Не се кафиќите мерило, имаш луѓе кои имаат нерви да стојат во ред и да не експлодираат, продавачки кои со насмевка ќе те пречекаат и испратат, луѓе кои те отпоздравуваат со насмевка иако не те ни познаваат...сите овие работи и многу повеќе не ги прават луѓе угушени во незадоволство. Не дека нема и такви насекаде ама штом атмосферата е релакс, значи мнозинството се ок.
Среќата на глобално ниво се мери според социјалната рамноправност, високите стандарди, демократијата, кога народот не бистри политка туку тоа го прават стручњаци и си ја знаат својата работа... Друга е енергијата кај луѓето, насмеани се, културни, да помогнат, тука во продавница ни добар ден не ти велат, вративме паричник предходната недела сопственикот се удри по глава како бил целиот заборавен ни едно фала не рече ниту се насмевна... за разлика од тука не китки туку цели букети цветаат
Ама имам дојави за луѓе кои не се така расположени по странцките земји.Затоа велам дека среќата е индивидуална, а да, дека влијае опкружувањето, јасно. Јас ве разбирам, знам и вие мене. Освен ако не сакате да си пишеме долги постчиња
Џинџер, делумно и си и не си во право. Најбитно за тоа дали ќе ја почуствуваш среќата и релаксираната атмосфера е дали некој заминал сам/сама или со семејство/пријатели. Доколку заминеш сам, на почеток е многу тешко. Се враќаат некои чувства за носталгија, преувеличани поради осаменоста таму. Затоа нашите кога идат за Германија, одат во големи друштва. На тој начин, полесно е за плаќање кирија, а има и некоја компензација. Тие што заминале сами, успеале да се изборат со предизвиците, имам забележано дека изгубиле секаква врска со матичната земја. Зборувам за долг период 4, 8 или повеќе години.
Познавам семејства кои заминале сите само со македонски пасоши, врз основа на деловната виза но и високите примања на вработените членови на семејтсвата таму во Шведска (мислам банкарство беше нешто). Со бугарски или некој друг пасош на ЕУ или ЕЕА земја, сè додека и Шведска и Бугарија се членки на ЕУ (и додека истата постои) тоа би било полесно во поглед на тие дозволи за престој. Па полесно е да се научи шведски отколку германски доколку претходно веќе зборуваш дански или норвешки - разликата меѓу нив е отприлика нешто како српски и македонски. А шведски и германски му доаѓа повеќе нешто како словенечки и македонски. А имаш и исландски и фарски во однос на шведски ќе му дојде нешто како полски и македонски. Во спротивно, ако не знаеш дански или норвешки отприлика исто се фаќа. Читањето во германскиот е полесно бидејќи воглавно се чита исто како и што се пишува со некои мали исклучоци, а во шведскиот е повеќе како со англискиот: пишуваш патлиџан читаш домат. А тоа дека таму знаеле англиски, не е пожелно премногу да се ослонувате, затоа што секојдневната комуникација и прифатеноста од луѓето при работата и дружењето ќе биде поголема и полесна доколку знаете и шведски. На пр. ве поканат на пијачка после работа или сл. и нема да зборуваат постојано англиски само за вие да ги разберете. Некои вицеви имаат смисла само на шведски на пр. па ако не ги разбирате, вклопувањето можно е да оди побавно. Убавото со шведскиот јазик е дека ќе можат да те разберат и во Финска. Финскиот нема ама баш никаква врска со шведски (финскиот имено има врска со естонски, унгарски и лапонски) меѓутоа работата е во тоа што финците се угледале до некаде на македонскиот модел : Цела земја втор јазик официјален јазик е шведски (во училиштата задолжителен) бидејќи биле под нивна власт во минатото и имаат големо шведско малцинство.
Па и не баш. Германскиот јазик има четири падежи. Шведскиот нема, со исклучок на генитив, и тоа саксонски генитив а тој го имаат исто така и Германците. Друго, во шведскиот немаш менување на глаголите според лице, во германскиот да. Трето, глаголот во доста случаеви во германскиот јазик оди секогаш на крајот од реченицата, и тоа особено кај споредните реченици, а во шведскиот не, ама ајде... ова не е темата додуша за тоа. Само да ја појаснам разликава меѓу германскиот и шведскиот зошто почна да се разговара за тоа кој е полесен јазик. Јас би рекол дефинитивно е шведскиот. Но, секој јазик е убаво да се знае. Тука само човек може да се збогати.
Никогаш не сум слушнал некој од МК да живее на Исланд. Тоа би било интересно да се чуе такво искуство од прва рака. Многу интересна земја.
Ле ле, па колку ти си се возбудила, џинџер!!! Полека... Инаку, да! Луѓето во Гетеборг беа СРЕЌНИ и јас за ПРВПАТ видов среќна нација, смирена, културна, насмевната, растеретена од мизерни работи какви што имаме ние, тука. И ако треба пак ќе ти реплицирам. А ако имаш информации за луѓе кои биле несреќни, не е дека не ти верувам ))))) Меѓутоа, ја не реков дека кај нив нема здравствени проблеми, разводи, изневерувања, кражби, убиства... Таман работа. Тоа го има секаде. Убаво ти објаснија неколку членови, а јас морав да ти реплицирам затоа што ти индиректно мене ме посочи као „Па какви сте вие, па како тоа вие знаете кој дали е среќен, па на аџилак одите, па не знам што...“. Колм даун! Ете доказ дека ние во МК ич не сме релаксирани )))))))))))))))))))))
Dali ima nekoj/a , sto moze da mi pomogne okolu prijavuvanje na nasilstvo vo svedska , bi sakal da mi pise privatno , blagodarime odnapred
Нема никој на форумот што живее во Шведска? И мене ме интересира каков е животот таму, бидејќи нордиските земји ги сметам за земји со најдобар систем...
Како што пишале погоре,опуштено,средено,се функционира беспрекорно. Љубезни луѓе,возвраќаат на англиски,имаат смисла за хумор,не се замараат со политика,се дружат и уживаат. За работа со мк пасош се наоѓа малку потешко или на црно,а со бг многу полесно,зависи и каква работа. Климата им е супер,денот голем на лето имаш време за се'. Не е воопшто скапо за тамошни примања.
Лепотицата моја што ја следам на Youtube прикачила ново видео од вчера и баш коментира за животот во Шведска.
Дали можеби некој има информации во однос на нострифицирање на диплома за доктор по општа медицина во Шведска? Како да чув дека имало таква можност.
Дали лесно се наоѓа стан? Како е со градинки, породилно ? Која е минимална плата, цена низ маркети,сообраќај? Фалаа
Pozdrav za site ! Imam nekolku prasanja za onie koi ziveat vo Svedska ili se zapoznaeni so zivotot tamu. Maz mi momentalno e Svedska . Raboti kaj nas covek koj ima firma tamu i sekako e prijaven tamu so penzisko i sekakvo osiguruvanje. I ceka da mu izlezat brojki Me interesira dali posle nekoe izvesno vreme od koga ke gi dobie tie brojki ke moze i nas da ne povlece i dali jas i decata treba da imame Bg pasos za da otideme tamu posto on ima . I kakov e voopsto zivotot tamu. Mnogu citav okolu toa i Svedska e preporacana kako edna od najubavite i najdobrite drzavi za edno semejstvo . Ako moze nekoj poopsirno da mi pise okolu procedurata za povlekuvanje familija . Blagodaram odnapred.
не треба бугарски да имате ако он има бугарски. Автоматски важат истите правила како за ЕУ граѓани и за вас.
