Живот на висока нога

luge ve citam za nekoi zivot na visoka noga e da si imaat lepce doma sekoj den,greenje i zdravje

 

Познавам неколку млади луѓе во 30тите години кои живеат на висока нога за наши стандарди а да ги гледаш од страна не би приметил дека се парајлии. Не сум ги чула да се фалат со кешот во паричник,не сум чула да зборат дека кошулите им се од некој познат бренд ниту сум ги видела секој ден да јадат по ресторани и да нарачуваат се живо и диво од пусти стрв. Работат секој ден од 8-4 некои од нив во сопствени фирми кои сами ги створиле некој од нив за туѓ газда.

Од друга страна ги гледам останативе смртници како се понашаат у занес кога ке дојдат до малце париче. Одма филозофија и морал на сите страни ,занес дека у дворец се родени а не дека до вчера јогурт и геврек јаделе за доручек. Па тоа нарачување по ресторани морски плодови,ручање само на елитни места во градов пошо 10ка со кромид за нив е аут,па тоа купувања Масимо Дути и Ла Коста а до вчера не знаеле подалеку од Певекс да отидат и така... Не за џабе рекле нема полошо од покондурен опинок. Господин не те прави парата ,господин те прават манирите.

За мене живот на висока нога би бил
1.Патувања каде сакам и кога сакам без да се мислам во авион багажот колку ми тежи и дали ке треба да доплаќам за него пошо на таа пара нема да ми биде битно
2. Посетување спортски натпревари (тенис на пример) ,уметнички изложби, културни настани на кои не може секој да присуствува и да си ги дозволи
3. Искусување храна во познати ресторани ширум светот и пиење квалитетно вино од лимитед едишн
4. Можност секој викенд наместо да се гушам во магливе тука да можам да си идам негде на планина на скијање или и да не скијам барем да уживам на чист воздух
5.Можност да ги истрсажам најскриените места на планетава Земја а не само да се квакнам у хотел со 5 звезди и да не видам подалеку од хотелскиот базен
6. Да си ја приуштам облеката која ја сакам без да се мислам дали ако ги купам тие штикли после до крај на месец ќе треба да се стискам
7. Да сум доволно паметна да си вложувам во недвижности што тука што низ светот
8.Да го живеам секој ден без да се мислам дали сметките ми се подмирени,дали кредитот е подмирен,дали фрижидерот е полн,дали ке стигне платата од први до први

 

Кога го пишував постот претходно баш на водителката помислив. Нон стоп шета, се фотографира, средена е нон стоп.

 

Нaјбеднo е штo нa сред емисијa ќе кaже: Тaкa е, не ви требaaт пaри зa дa живеете живoт сo стил.

 

Не ги гледам емисиите туку на фб ми е пријателка. Таа е од просечно семејство ама благодарение на работата доста прошета. Сигурно и добро заработува, но сепак фалбаџиски делува секој ден да се чекира каде е, каде пие кафе и со кого, се слика постојано, нашминкана, средена.

 

За мене жена која живее живот на висока нога, е една моја школска, со која не сум блиска после средно, различни патишта. А не бевме ни во средно особено блсики, освен на часови, ништо друго немавме заедничко. Девојата потекнува од богато семејство, кое има своја фирма, во која и таа работи, па имаат пари на претек. Информациите за неа ми се од нејзини блиски и Инстаграм. А богами и многу се зборува за неа, оти ретки се таквите ко неа во градот.

Она има свој стан, огромен и нареден лусузно, модерно. Барем по тоа што гледам на инстаграм.
Средена е топ, преубава, совршена коса и шминка, секогаш во последна мода. Секој викенд е во Солун, секоја зима е на Алпите, секое лето на некое егзотично место. Во последниов период гледам слики од Дубаи, мислам дека беше на пролет и на есен на одмор таму. Во зима е неколку пати на скијање. Децата и се секогаш дотерани, скоцкани.
Има стан во Скопје и Белград, за журки со другарките надвор од градот. За НГ беше во Париз, а фустан за свадба била да си купи во Њујорк. Исто како и за девериците на свадбата, подарок од неа фустани од таму, некоја марка, заборавив која

Вози џип некој, и една помала спортска кола. Има жена која и чисти и готви по дома, која купува место неа. Друга жена која и ги чува децата, некоја професорка.

Секој ден е на различно место за разубавување, еден ден на масажа, еден ден на маникир, еден ден на фризер, па на шминкер, па на спа.

Особено ми е интересно што е културна и фина, и покрај сите работи што ги има, делува многу приземно. Магистрираше во Солун, поим неам на што. Се појавува на сите хуманитарни настани, не дава кузнае колку, ама секогаш ја има. По една книга, по една кеса алишта, по една кутија хигиенски средства. Не нешто масивно, ама никогаш не се случило да не даде нешто.

 

Нека шета и нека се средува колку сака, тоа не значи дека има стил или дека може да зборува за него. Искрено, не мислам дека има добар стил за облекување и средување на коса, а уште момалку мислам дека има стил на однесување. Вика фаци како Парни Ваљак да и бидат гости во емисија, а кутрото нема поима која величина ја носат тие луѓе и дека пред емисија треба да седне и школски да се спреми за интервју со нив. Штета.

 

Машките се палат на неа и викаат дека е многу згодна. За мене не е згодна, ниту е убава, туку се средува . Неа без шминка не можеш да ја видиш.

 

Не е тама на муабет дали е згодна или не. Не знае да живее со стил, ниту да го промовира тој живот со стил. Има многу жени кои пленат со харизма, со шарм, а не се совршени убавици. Пример - Слаѓана Тасева која е секогаш перфектно средена, знае да наметне став а да не е агресивна, знае како да го држи и телото и пенкалото. Тоа е.

 

Јас живо машко не сум чула да каже дека е убава и згодна А имам слушнато луѓе што се чудат зошто е на телевизија Мислам нема врска убавината, си треба харизма за на телевизија,држење,однесување,речник...

Башка насловот на емисијата ми доаѓа како пародија на тоа она како се "средува".Гранд не и е рамен во кичот. Од друга страна пак секоја чест на девојката што сама си овозможила и да заработува и да патува, тоа не и го оспорувам, само мое субјективно мислење е дека нема телевизиска харизма, ниту е појава за таков тип на емисија.

 

Ако таа пластична восочна фигура е згодна и убава тогаш Македонија навистина има огромен недостаток на женска убавина.

 

Тој што има покрив над глава и не го дели истиот со многучлено семејство и тој што има со што да се нахрани е тој е богат.

А кога збориме за висока нога тоа е претеризам од познатите и Холивуд.
Во таа категорија за мене спаѓа приватни летови, плакар-соба полна со Лоубутин штикли, куќа со внатрешен базент итд...
Како и да е тешко кој може да си дозволи се ова.
Луксузот е различен за секого зависно од примањата.

 

Незнам што за висока нога стандард ги спомнувате холивуд и тамошните брендови?

Висока нога има и во Мк и те како.Сега во новата колекција на макс мара викенд во Рамсторе има парчиња облека од 60000 ден.Паметам 2 сини будни имаа донесено.Дур појдов јас да пробам да видам се продале и двете.Што значи има луге со длабок џеб и овде.
-Има прошетани наши луге.Прошетани не мислам на Солун,туку идат на Куба,Малдиви,Тајланд.Имам познаничка која постојано уплаќа одмори на такви места.
-Имаме жени кои од салон не излегуваат.Посредени се и од холивудските кои ги спомнувате.
Со скапи парфеми,со ташни колку една просечна мак плата
-Сити мол денес беше преполн со нови модели на џипови,мерцедеси и тако даље

Ехее има во Мак живот на висока нога и тоа мн

 

@joy1 Токму така. Холивуд е едно, таму професиите им налагаат таков луксузен живот и тоа е приказна сама за себе. Живот на висока нога во Македонија да се рече дека нема, ќе кажам дека се живее во голема заблуда Од најобичен шопинг за храна со направена сметка од 40.000 денари до самиот факт кога ќе се погледне возниот парк и распордадените парчиња во бутиците како Макс Мара, сепак сами за себе говорат дали има или нема живот на висока нога.

 

Такозваниот живот на висока нога во Скопје е воден најчесто од новопечени богаташи што прв пат пара држат во рака па да се испофатат кај можат и не можат, чест на исклучоци. Повеќето од таквите лечат комплекси од тешко детство проживеано во внатрешноста кога немало за леб со тоа што глумат господа а немаат манири за такво нешто. Тајкун не се станува со продавање нива како трампа за вила на Водно. Жениве друга прича, ако не е забележлива марката од 2 километра, пропала инвестиција. Поштувам богат човек што заработил сам и постигнал нешто, дури и човек што наследил богатство без некој посебен труд. Ама никако пијаница што труе на кромид додека се слика во ленд роверче со пура.
Битно никој нема пари во државава.

 

Абе денеспари ќе немаш за леб, најаќи цигари ќе пушиш да видат сите, сметки неплатени, гардероба марки а у..Никогаш не сум сакала да живеам на таков стил и да имам, фала богу и доволно ама секогаш скромно.Како има една стара : до кај ти е чергичето до таму истегни си ги нозете.А баш тие од тој нели висок стил тип на луѓе ми се мизерни

 

немам висока нога,ниско чоече си сум јас

 

Ако сакате живот на висока нога- купете си штикли
Него како една членка погоре и јас мислам, дома немаат пари за леб,ама битно имаат најубав мобилен,најскапи цигари пушат
Ги жалам тие размазени дечишта

 

Јас живеам на висока нога,живеам на 10ти кат и сите ги гледам од високо

 

Во Македонија не можеш да познаеш дали некој навистина има финансии и живее живот на висока нога или глуми лудило со кредити. Се' повеќе се оние кои се позајмуваат или земаат кредити за да возат нова кола, одат на одмор или имаат нов Ајфон. Познавам неколку такви кои влегуваат во минус само за да купат патики од 15 000 и да имаат телефон од 1000 евра. Земаат кредит од 10 000 евра за да купат кола, а ќе го отплаќаат кредитот 10 години. Да отплаќам кола 10 години со плата од 250 евра треба да не си добар со паметот. Тие што не ги познаваат, гледано вака од страна ќе речеш луѓево спијат на пари, секој ден по кафиња, секој ден по ресторани, клучеви на маса од аудито, ајфонот во рака, цели во бренд облечени, а не дај Боже дома да им влезеш и да видиш кај живеат. Во еднособен стан сите се туткаат. Нема да ви се верува ако пишам детално колку луѓето се спремни да направат само за да се покажат. Плус сега па и со социјалниве мрежи, сите се најубави, сите се најбогати, сите се најпрошетани, сите најпаметни. Реалноста е сосема друга.