Задолжителна психолошка проценка пред оформување потомство

Не е секој за родител.Форумов е добар показател.
Ама...
Ова ем би било кршење на човеково право,ем несигурно.
Луѓето се менуваат,кои на полошо,кои на подобро.
Потребни се промени во образовниот процес,а и во законите за да се искорени насилството кое родителите го применуваат врз децата.

 

Нек се најде јунакот кој ќе врши проценка кој е подобен а кој не да биде родител?
Се читате ли бре??!!!

 

Патот до пеколот е поплочен со добри намери

На кој му се чита https://www.bbc.co.uk/news/resources/idt-sh/norways_hidden_scandal

На кој не, видео
https://www.google.com/url?sa=t&source=web&rct=j&url=https://www.youtube.com/watch?v=C-PzrwliUk4&ved=2ahUKEwjE84Oo6tzrAhUC36QKHZdwD24QwqsBMAB6BAgLEAg&usg=AOvVaw0AFPIvuuEG4PObgIaqmIMD

Не им прават проценка па стерилизација, им прават проценка откако ќе имаат деца. Звучи како добар систем? Звучи, ама малку е поинаку во пракса. Критериумот да се биде родител може да биде многу висок, а децата загреота

 

Не знам дали Ан мислеше на една конечна проценка или повеќе пати со советување и едуцирање на идните родители за правилна комуникација со детето, давање на хипотетички ситуации и прашање како би постапиле и кои се позитивни/негативни страни на нивната претпоставена реакција.
Па потоа може уште неколку пати да се спорведе истата проценка.
Сметам дека второво е некоја прилично разумна опција.

А задолжителна стерилизација се согласувам дека би била кршење на основни човекови права, но тоа мислам дека не беше ниту споменато во воведот.
Е сега за понатака откако би се родило детето, повторно нема некаква гаранција.
Тука функционален државен апарат ни треба.

 

Уште кога го видов насловот на темата тешко ми падна. Мислењата не ни имам стомак да ги читам.
@Biljarkata долови што ми падна на памет од прилика.

Хитлер имал такви идеи, преку контрола на кој смее да има деца, а кој не смее да доведе до оддржување на „совршените“ гени
Америка имала такви идеи во 70-тите и 80-тите. Правеле контрола на популацијата во Азија. Од таквите Американски политики најголема загуба имале жените. Кој го мрзи да чита, а очигледно не сте читале штом такви идеи ви паѓаат на памет - има и dw документарец за „изгубените жени на Азија“, може да видите до што доведува ваква сулуда контрола на популацијата.
Не сте нормални, мајке ми...

 

Па незнам колку е изводливо и релевантно вакво нешто.

Секој човек може од х причини, во било кој дел од животот да „откачи“. За да биде успешно во пракса, би требало сите да не тестираат барем на 6 месеци. Што ми се гледа како невозможно.

Подобра опција би била социјалните служби да си ја работат поажурно работата, исто како и психолог/педагог низ училиштата. Не сум чула за училиште каде пример има вработено и социјален работник, и психолог, кои нашле начин да ги анализираат учениците. Некако ми е тој процес вака: Ученикот е немирен или се степал - Го праќаат на разговор - Можеби ќе пратат писмо до родителите кое најверојатно и нема да го даде/Можеби и нема да ги викнат воопшто - Толку. Овде завршува цела приказна. Или пример соседите слушат дека децата се малтретираат во станот до нив, или куќата до нив, но велат дека не е нивна работа и се’ завршува овде.

Би требало да има построги закони, и мерки, и инсистуции, и опции. Но, за жал, далеку сме од таму.

 

Па и во Индија не стерилизирале од фашизам...
Горе - долу периодот на стерилизација во Индија и политиките за едно дете во Кина се подудараат временски со борбата за контрацептивна слобода во Америка.
Да, политизирање на размножувањето не е добро, и никако не е добро некој друг да одлучува за дали смееш да имаш дете или не. Пак на крај жените ќе бидат најголеми жртви од такви политики. Колку самохрани мајки и лезбејски парови ќе бидат отценети како психички неподобни да имаат деца?
Проблем е системот и општеството кое не адресира насилство. Нема да биде оштетена и репресирана од родителите, ќе биде оштетена и репресирана од партнер, од баба, од поблиска и подалечна фамилија. Знаеш колку блиски личности знам што се првично оштетени од други личности во околината? Цело семејство на психолошка проценка, ако не. Штом се најде некој непогоден во семејството, наместо да се адресираат околностите кои го направиле таков - да се таргетира коренот на проблемот, одма да се забрани на тоа семејство да се размножува.
Воопшто не драматизирам, глупи ви се размислувањата и очигледно никогаш не сте погледнале подалеку од носот. Ако вам би ви се решеле сите проблеми ако едноставно не ве роделе, има еден куп семејства кои не би добиле шанса за дете заради расипаноста на системот кој необјективно оценува едни единки спрема други.
Сакаш да кажеш дека систем во кој социјален работник упорно се бори да додели старателство на маж осуден за семејно насилтво затоа што „им треба татко на тие деца“ објективно ќе одреди кој е погоден, а кој е непогоден да биде родител?
Ќе видиш тогаш забрани да се има деца затоа што „имале слики од паради на гордоста, а какви вредности ќе го научат тоа дете“ ако психологот е наклонет кон традиционални вредности
или „како може дете во религиозна средина да расте, не може такви луѓе деца да имаат“

 

Многу убава тема, браво.
Ама тука владее некоја хаварија па секоја тема е трн во око и се мора да се уништи.
Не, секој не може да е родител.
Искрено добра замисла е ова.
Живееме во свет во кој мора да се биде родител по секоја цена.
Родителството иако навидум изгледа дека е лесна и природна работа, не секој го доживува тоа така.
Само запрашајте се колку деца имаат трауматично детство ради родителите.
Многу родители немаат трпение и живци за деца.
Некои луѓе го имаат оној родителски инстинкт, други не. Често слушам „кога ќе го земеш детето свое во свои раци ќе осетиш дека тоа е тоа“. Ама, некои мајки не го осеќаат тоа чувство. Го немаат тој инстинкт и цел живот приредуваат тортури во животот на детето пошто немаат емпатија и осет за несебичност.
Најчесто при несакани бремености мајките ретко размислуваат на тоа колку се спремни психички за тоа дете.
Баш убаво кажа Специ. Тешко е ова во пракса, но многу би помогнало едукација и разни обуки пред да се стане родител.

 

Не е ни едукацијата решение.
Ќе кажам пример на пријателка: Растена во примерно семејство, без семејно насилство, секогаш била добра со туѓи деца и ги гледала како свои децата на нејзините блиски. Кога остана бремена беше пресреќна и се беше супер до дента кога се породи. Не сакаше да го види бебето, сите се чудевме за нејзината промена преку ноќ. Дури и сопругот плачеше и не веруваше дека баш таа личност нема да си го сака детето. Но ете со редовна посета на психолог, се среди. Па сега од вид не го испушта се врати старата личност што сака деца.

Единствено може да помогне редовна посета на психолог. Кога би се откорнало мислењето дека посетувањето на психолог е срамно и кога сите би посетувале психолог барем еднаш во 3 месеци, би било многу подобро.
Ама ете, живееме во таква држава каде што е срам да си помогнеш на себе. А се повеќе се зголемува бројот на анкциозни и лица со депресија.

 

Апсолутно против.

Не се чепка во работи кои навлегуваат во приватноста.
Како бе да и' дадам на државата, да одлучува за моето тело?
Исто како да се забрани абортусот е ова.

 

Многу луѓе се нафаќаат на таков чекор затоа што општеството очекува дека треба еден пар да формира потомство. Дека после потпишување во матично, по дифолт треба да се создаде семејство. Јас сметам дека прво треба да си максимално спремен да бидеш родител, второ да имаш алтруистичка желба према истото. Не сакам да формирам семејство, само затоа што некој ќе рече...-што чекате, тоа е следен чекор. Доколу го правиш тоа само затоа што мислиш дека така е нормално и треба, можеби е подобро да не се размислува на таа тема. И покрај благодетите на имање потомство, сепак децата се обрвска, го менуваат животот, го афектираат џебот во голема мера, трошат енергија. Треба секој да е свесен и за последиците. Ќе има и добри, но ќе има и лоши денови. Всушност децата се правилна или неправилна одлука на родителите. Сведок сум на бројни ситуации, невино битие да ги конзумира комплексите, јадежот, недостатоците, стресот и интолеранцијата на самите родители.
Иако ова е комплексна тема и хипотетичка ситуација, сметам дека би било одлично решение за идните родители. Јас би сакала да знам дали сум спремна да бидам родител и дали можам воопшто да бидам родител.
Има безброј вистинити приказни, за деца од дисфункционални семејства. Ќе го земам примерот од нашата земја, кое беше во медиумите. Се работеше за детенце со ментални пречки, оставено само на себе, напуштено од родителите. Душата ми плачеше.
Инаку погоре беа наведени ситуации, каде мајката не си го сакала своето чедо после пораѓај. Се работи за исклучително тешка состојба, таканаречена постпородилна депресија. Тука не е моментот дека мајката не била спремна или не сакала деца од старт, туку е руски рулет со хормони. Навистина сочуствувам со овие жени, кои не верувам дека сакаат да бидат во таа исклучително лоша состојба.
Исто така паметно решение е и да се прави генетска анализа. Некогаш родителите се носители на мутирани гени и истите и те како можат да го афектираат плодот. Имаше случај во Америка, каде им беше укажано на родителите дека плодот е екстремно деформиран и дека не се очекува дека ќе живее долго. Родителите се нафатија да го донесат на свет. Нема да навлегувам експлицитно во детали за неговите деформации, но беше ужасно. Прво, зошто мачиш невино битие, не си херој за мене. Тоа детенце и да живее, што со такви конгенитални деформации, веројатноста е непостоечка, каков квалитет на живот ќе има. Родителите некогаш ќе заминат од овој свет, на кого ќе биде препуштено, а е зависно од 24 часовна нега. Многу се потресувам за вакви случки и строго ги осудувам родителите кои сметаат дека тоа е правилна одлука. Не говорам за синдроми, туку тешки деформации.
Секогаш сум на страната на децата, тие се огледало на родителите, и воопшто не се виновни што дошле на овој свет. Некој свесно или несвесно, сакал или не сакал да има деца.
Затоа сметам дека за да имаш дете, прво треба длабоко да се размисли, не во афект, туку размислена одлука подолг временски период, а потоа да се одлучиш на таков чекор. Што има поубаво од љубов во семејството и безгрижно детство?!

 

Јас сум за да мора родителите заедно со децата да одат на контрола на 6 месеци.

 

Воопшто не е лесно да се видат κρајните ρезултати од тестиρањто и да се ρаκоводи споρед нив. Психолошκо и медицинсκо советувалиште да опρавдувам. Сепаκ мислам деκа отсеκогаш постоеле.

 

Против. Од проста причина затоа што луѓето се менуваат. Животот што го живееме не тера да се менуваме. И да, кои сме ние да ускратуваме нечие право на биолошката потреба за репродукција!? Навистина само човекот е способен на вакво нешто да му текне, и на крај се буниме кога дел по дел ни ги ускратуваат правата за живот.

И кај животните нема совршено родителство, едни ги напуштаат после раѓање, други си ги јадат новородените, трети ги препуштаат на предаторот за да тие спасат жива глава. Инстинктот е многу јака особина, па како што имаме инстинкт за преживувае, така имаме и родителски инстинкт за гледање на потомците. Биологијата е една природна ствар па ај да не чепкаме онаму каде што не треба.

 

Против. Ќе кажам само една причина покрај сите горенаведени од другите членки, а се однесува на нашата држава и на тоа како нашето општество фукционира. Аууу моето дете го прогласија неподобно за родител па сега јас да ја прогласам за подобна ќерката на “Петра“.

 

Проценка како дијагноза, која ќе служи пред законот како причина за некакви прекршоци против основните човекови права- не, ама евалуација, или консултација, да.
Само таа посета кај психологот, кога би била условна пред да се продолжи потомството, не би имала никаква важност сама по себе ако единката не размисли за сопствента компетентност во тој момент, колку реално самата е (не)спремна за таков чекор. Како и за се друго, секој носи (не)одговорност за себе.
Наредно, треба да се инволвираат социјалните служби.

 

Муабетов е рамен на она што го правеа нацистите.
Евреите не беа 'подобни', хомосексуалците не беа 'подобни', словените не беа 'подобни'...

Како воопшто можи да има ваква тема, не ми е јасно.

 

Муабетов е уште еден во низата на апсурди на регулација- демек државата, системот, Петко/Станко треба нешто да регулира. Еволуција на човештвото во 21-ви век.
Едукација- да, регулација-не. Не дека со инка памет се тура ама ајде. Почнете прво со сексуална едукација, за да знаат како се прават деца. Кому би правеле едукација за имање деца, кога штркот ги носи.