Заменети при раѓање (Switched at Birth)

Заменети при раѓање зборува за две различни семејства во кои живее по една тинејџерка на иста возраст. Едното живее во богатство и изобилие, тоа е семејство од високата класа, семејство кое вози скапи автомобили, приредува добротворни забави и ги праќа своите деца во скапи приватни училишта. Другото семејство е сосема нормално, типичен претставник на работничката класа, составено од мајка која заработува како фризерка и нејзината ќерка тинејџерка, кои одамна се напуштени од непознатиот татко. Сè изгледа навистина нормално, освен што не е баш…


Приказна: Ќерката на Џорџи, Дафни е глува од малечка, кога нејзиниот слух настрадал како резултат на менингитис. Оттогаш нивниот живот претставува тешка борба за нормален живот, да се биде нормално прифатен од средината, додека истовремено средината треба да има разбирање за потребите кои ги наметнува таквата состојба. Сепак, и покрај слабата финансиска состојба, животот во периферијата и отсуството на машка фигура во семејството, изгледа како Џорџи и Дафни да се снаоѓаат сосема добро, па дури постои и некоја ведрина во нивните животи.
На другата страна е семејството Кениш, совршено и безгрижно, сè додека еден ден ќерката Беј случајно открива дека нејзината крвна група не се совпаѓа со онаа на нејзините родители. По обраќањето во болницата каде што Беј е родена, на виделина излегува вистината. При раѓањето Беј била заменета со друго бебе и семејството Кениш всушност си отишло дома со туѓо бебе. Заменетите бебиња се всушност Беј и Дафни
Болницата им овозможува да стапат во контакт. Иако двете семејства имаат различен пристап кон целата ситуација и различни очекувања во иднина, сепак се сложуваат да живеат без малку под ист покрив со цел сите подобро да се запознаат.
Тука настапуваат семејните драми, тинејџерските изливи на бес, кавгите помеѓу двете мајки на две ќерки, по една биолошка и по една која ја имаат одгледано, притисоците од таткото кој чувствува дека треба многу да надомести за пропуштеното и секако, љубовните авантури на двете девојки во главните улоги.
Порака: Заменети при раѓање сака да го прикаже проблемот со слухот и користењето знаковен јазик, како нешто нормално, како дел од животот со кој многумина се соочуваат. Згора на тоа, Кејти Леклерк, која ја толкува улогата на Дафни, има проблем со слушањето и во вистинскиот живот, како и луѓето од нејзината средина во серијата, што на приказната и дава автентичност, како резултат на одличната, природна глума.
Засега се прикажани 5 епизоди, па тек треба да чекаме да се развива дејството и да видиме што ќе понуди приказната. Во секој случај, замислата е интересна, оригинална и барем засега ветува добар развој во иднина.

 

Ова е филм кој ни го препорачуваш да го гледаме?
Содржината е добра ама дај повеќе податоци околу филмов,каде се емитува,или каде можеме да го купиме или симнеме ? - Го добивме само твоето мислење.
Инаку ова би требало да оди тука: film-i-tv/

 

Кај нас на телевизија не може да се гледа, но секако може да се симне од интернет или да се гледа онлајн.
http://www.tv-links.eu/tv-shows/Switche ... rth_25884/

 

јас ама баш и не сватив дека ни препорачува да го гледаме !
значи се работи за дискусија за филмов доколку го иамп гледано или ако не си го гледала да земеш да го гледаш !!

искрено филмов сум го гледала во една бедна ситуација.. онака цел свет ми се распаднал ... и го гледав во такви моменти.. и мхм добар е !

 

Океј,погрешно сум сватила.

 

Во тек е првата сезона на серијава. Почнав да ја гледам бидејќи повеќето од сериите кои ги следам ќе имаат нови сезони дури од септември. Барајќи некоја нова серија наидов на оваа. Не е ништо посебно, но вредна е пораката која што ја има серијата, а тоа е дека не треба да се запоставуваат лицата со оштетен слух, туку напротив треба да им се помогне да се вклопат во општеството такво какво што е денес без да се дискриминираат. Серијата не изобилува со некоја акција и затоа ја препорачувам на љубителите на сериите и филмови со семеен карактер.

 

стварно многу добра серија и обработува многу добра тематика, освен очигледната порака за помагање на лицата со оштетен слух тука и она What if? што би било кога би било, резултат на една ненамерна грешка
Интересен податок, глумците што глумат лица со оштетен слух, се глуви и во приватниот живот, вклучувајќи ја и Дафне.

 

Интересна е... Кога нема што друго да се гледа, баш е заразна...

 

Се повеќе и повеќе се заплеткува серијава. Секоја епизода нов заплет, со нетрпение ја чекам секоја нова епизода

 

Само 10 епизоди ќе има од сезонава? Штета

А торрент за 9 та најдовте?

 

Не, серијава ке продолжи да се емитува најверојатно од јануари со нови 22 епизоди.

 

Ја гледа ли некој серијава или само јас си ја гледам редовно?

 

И јас, и јас

 

Ти се допаѓаат ли настаниве што се случуваат? Мене ми е интересна серијава ја гледам редовно, онака релаксирачка драма ми е

 

Јас си ја гледам нон стоп, еве вечерва излегува нова епизода па после 4 сабајле ја има на интернет. Стално ја симнувам од extratorrent. Ако имате идеја + за teen серии како оваа, давајте!

Еве ви од мене неколку:
Pretty Little Liars
90210
Vampire Diaries
Once Upon a Time
Jane by Design
Greek
...

 

Серијава дури 32 епизоди ќе има во сезонава ехехе ќе се изнагледаме

Спојлер

Значи Емет испадна најголем фраер во серијава. Ќутенката и сите цури во серијава ги смота. Ми е жал за Беј али кој и е крив што сака толку да му помага.

 

Серијава ми делува како интересна, поготово бидејќи е вклучен и знаковниот јазик кој јас толку многу сакам да го научам.

Ќе можете да ми дадете торент од првите неколку епизоди, па да почнам да ја гледам?