Замислено другарче или ноќен терор?

Психолог, невролог, кај др гуднајт.. сите исто велат. Надпросечен развој.
Еег правевме иво сон и будна... се е ок.
И од градинка баравме совет од психолог... нема веќе кај не прашувам.
Сите само велат нормална фаза ама менене ми е нормално.
До толку ли може баш за се да се води инат и да има тантруми, ноќни терори инслично...
Ноќе и по неколку пати. Дење беше ок, па по еднаш, а сега нон стоп...
Инаку гуднајт е исто како психолог, мојата дека заспива на време, чаре нема... тоа за повеќе за деца што немаат ред во спиењето.

 

Епа мора да има чаре за тоа. Надпросечен развој (според некое мое лаичко размислување) би требало да се надминува со соодветни активности за степенот на возраста. Да може дете да го канализира целиот тој насобран набој, енергија, што и да е. Да може да се изрази некако на друг начин, преку игра и активност наместо со викање и тантруми.
Прво веројатно треба стручно лице да процени колкав и’ е степенот на развој, и да се изнајдат соодветни активности. Како инаку детето ќе се справи со ова само? Не може.
Е сега колку е некој стручен кај нас за ваква проблематика, не знам, не навлегувам, но мора да има некој. Можеби не сте наишле на правиот експерт. Не се откажувај, решение сигурно има

 

Тоа и јас викам... дајте кажете како со такво дете. Она е 2и4м, софијанов кажа ко за 4 години дека е.
Да носам дете дома и да уживам, сум имала здраво право дете...
Ајде може ќе прочита некој, па ќе даде совет за некој постручен.

 

Тогаш тоа е тоа. си добила совет од стручно лице. Такво е детето

 

Нормално е. Син ми имаше период каде што се будеше со вриштење и мораше да одиме да спиеме во дневна иначе не престануваше, после тоа продолжи и се будеше со вриштење и воопшто не ме слушаше. Пробував со зборење, гушкање и на крај со приказни или песни. Он вришти ја упорно збори од еднаш како switch ќе ме погледнеше дури тогаш ќе ме приметеше и ќе легнеше да спие ко ништо да не било

 

@Цвет88 не пишува за период, туку за постојано вакво будење.
Кога полошо кога подобро.
Дали си нервозна нешто ти?
Да не се карате со маж ти пред нејзе? Или со мајка ти?
Има ли барем со нешто да поврзеш кога е полоша ноќта, за да почнеш со нешто.
Макар и со елиминација.
Период е 2-3 недели, месец, па ај и 2 - 3 ама Цветче пишува веќе 1 година за ова.
Мојот совет е како на Секси, менувај психолози, ќе налеташ на вистинскиот.

 

2год. траеше кај големата. Фаза е, кај некои пократко трае, кај некои подолго. Навистина не може многу да направи, освен да прифати дека е така. Намалување активности пред спиење е нешто што може да ублажи. Тоа е. Има деца кои настаните во текот на денот ги преживуваат во текот на ноќта, многу поинтензивно од останатите и изгледа навистина страшно. Со тек на време го поминуваат тој развоен период и се смируваат. Ние не правевме ни еег, ни бајачки, ни крстени води, но бевме во очај сето тоа да го испробаме затоа што делуваше страшно тоа врискање на сред ноќ. Но, разговор со родители кои го поминале истото, стручни лица, и еден куп статии на интернет за ноќни терори ни укажаа дека треба да оставиме само на времето. И така и бидна. Секако може да си побара и друго мислење, ако ѝ помогнат, супер. Но да не се разочарува ако ѝ го кажат истото. Во една контактна емисија мислам беше, мајка го праша докторот што да дава на детето за смирување ради плачењето, овој ѝ рече дека родителите треба да земат нешто за смирување Сака да каже, нас потешко ни паѓа кога ги гледаме во таква состојба, него нив што им е.

 

cvet Meri Boskova Remedika

Mislam nema da zgresite ako se obratis kaj nea

 

Ауууу Џојке, јас кај неа не би однела дете никогаш. Сите ги прави аутистични и ги препраќа кај дефектолог со која имаат соработка. Ова од куп луѓе го слушнав, и на форумот истото го читам.

 

Во што е понапредна, моторички или когнитивен развој?Што ви кажаа?
И за едното и за другото треба да ви понудат решение.
Со кого спие малата навечер,сама или со вас?
Кога се буди,очите се отворени или затворени?
Ако се отворени,и се случуваат како ноќни напади пред влезе во РЕМ фазата, се поти,пробај да не палиш светло,или тоа да биде пригушено,не се работи ни за трауми ниту за она што е преживеано преку ден,туку кај некои деца центалниот нервен систем е престимулиран ноќе,често и наследно.Јас ова го знам.
Ќе помине,ти смири се.

 

Па во глобала, во се.. збори многу за своја возраст, односно говорот е целосно развиен.
Не знам како да ја опишам.
Едноставно брзо учи и брзон и здосадува.
Се сака да прави сама.
И реално успешна е во се.
Спие со нас, иако има кревет свој и го сака почна од прв ден во него да спие, ама почнаа терорите и смени.
Очите ретко и се отворени, претежно мижи и плаче.

Иначе, не се ни караме, не па пред неа.
И да сум лута зборам нормално.
Совет, исто, ние да се смириме, се е ок.
Помирни денови да има... да пробаме да нема премногу нови ситуации.
Демек многу повеќе учи од нејзини врсници.. па преживува ноќе.
Блокиран ми е мозоков више.

 

Во период е кога се развива стравот кај неа,ама и фантазијата.
Да ја потпрашуваш преку ден од што се плаши.
Градинка?
Одвојување од пелени?
Како сте со реакции тука.
Ако не,разгледај ги играчките кои ги има,тргни ги тие што изгледаат нереално.
Изберете заедничка супер јунак омилена играчка и нека ја чува со себе при спиење,за да ја чува додека спие.
Или као во шишето млеко стави волшебен прав за спиење без плачење или направи и игра магичен прст пред спиење,ќе излезеш малку надвор да собереш волшебна прашина во прстот,па ќе го стиснеш нејзиниот да и го предадеш кој ќе ја штити додека спие.
Многу е битно да се чувствува сигурна.
Штом се затворени очите тогаш се ноќни мори во прашање ,мислам.
Кај нас беше од чудовишта(мојата имаше ваква фаза на 3 и стануваше ноќе у полусон да го бара да го фати .

 

Не знам више, прашувам прашувам, кога нема тантрум е златна. Тогаш вика дека не се плаши. Еве ноќва ме мава, се соблече дури. Се со затворени очи.
Ако пробам да објаснам или да измислам приказна не ми успева. Она си врти пак она како сака.
Често тие терори се проследени со некоја негација од нејзина страна.
И пробувам убаво да објаснам дека мама е тука да и дека треба само да каже а не да плаче. Во цела драма се расплакав, пукнав, таа плаче ме мава и вика не ти да плачеш, јас сакам да плачам.
Ме чуди што цело време комуницира.
Глупо ми е некако само да ја оставам да плаче. Ќе ја гушнам и викам мама е тука кажи ми што е.
Плаче и вика не сакам спијам, еве 3 ноќи по ред се буди скроз и не спие после.
Искрено не знам, хорор е ова.

Не ми е верно дека е нормална фаза која ја поминиваат сите.
Не знам више кај да барам помош.
Улава ме прават.
Ми е страв за нејзината психа.

 

МОра да има нешто што ја мачи. Сте пробале со плеј терапија? Така најлесно кажуваат што ги мачи и саи преку игра се ослободуваат од тоа што ги мачи.
Пробај јави се во Психотерапика. Имаат неколку психолози кои мислам дека се изверзирани со плеј терапија.

 

Секако дека сигурно нешто ја мачи, ама како да откриеме.
Ќе пробам се што треба.

 

@Цвет88 Знаеш дека јас и ти исто се жалиме од раѓање што се вика само што ја немам време да пишувам.

Мојава стана нормална на 2 години и 8 месеци.

А твојата во градинка ок е, како нормално дете? Мојата е ок од сам почеток.

Прифати ја како таква и чекај.

Телефон немој ни една секунда. Цело време активности и ист дневен ред. Здрава храна. Никако благо. Чист и свеж воздух.

На се и сешто имам помислено не е ни за кажување дури ама сега еве е ок.

 

Се е ок во градинка освен што не сака да оди сега, ама кога ќе ја однесам се смирува и весела си е. Ја земам весела, викам ќе одиме пак, дааа..
Ај плис пиши ми пп кога ќе можеш, да ми кажеш како помина..

 

Тогаш почекај до 3 години и се ќе е ок.