Тргувањето задолжително се одвива преку брокер, односно сите деловни банки и инвестициски куќи кај нас. Најдуваш контакт од брокерската служба на веб, ги контактираш, потпишуваш договор и можеш да си праќаш куповни налози за акциите што ги сакаш. Повеќето брокери работат преку онлајн платформата, односно ти од дома си тргуваш не одиш физички до банката за секој налог. Накратко тоа е, подетално прашај слободно.
ЈАс би за подетално, но ако те мрзи те молам препорачај ми литература, да почнам од негде да читам за да знам како да влезам во шемата.
Ова со кликањето иде некако вака: Легални бизниси плаќаат грдни пари за онлајн рекламирање на компании како Гугл и слични. Тие им нудат рекламирање од типот ppc - pay per click или ppv - pay per view. Тие компании се надеваат да допрат до вистински муштерии. Но, што прават хакерите? Регистрираат сајтови без везе, објавуваат некои содржини од некоја проблематика, се регистрираат на Гугл content network и после бараат "кликачи на реклами". Им требаат многу различни ИП адреси за да имаат шанси да го смотаат Гугл дека станува збор за автентични корисници. Па дел од парите што компаниите ги плаќаат за реклами да завршат на нивна сметка. Целиот систем е смислен за изигрување на Гугл и компаниите што сакаат реално да се рекламираат. Но, не се будали тие, имаат 300 алгоритми за откривање кликачи. И во најмала рака, целиот концепт е неморален. И да заработите нешто, се е тоа со задна намера некој да биде изигран.
Прашај не е проблем, од компјутер ќе ти одговорам подетално. Литература, зависи што точно бараш. Ако мислиш на литература за тоа како практично се одвива тргувањето на берза кај нас, со такво нешто се немам сретнато. Единствено да расчепкаш низ сајтовите на НБРМ и на берзата па да видиш дали ќе најдеш нешто. А, теоретски тоа би требало да го има во скоро секој учебник по финансии, libgen тука ќе ти заврши работа. Би ти препорачал ако досега се немаш сретнато со финансии, најпрво баш од учебници да прочиташ, а дури потоа евентуално да земеш некоја книга од некое „гуру“ како Ворен Бафет пример, и сето тоа да го земеш со мала доза на резерва пошто сепак се тоа ограничени и one-sided гледишта за тоа како треба да се тргува.
Која е најпогодна сума за влегување во овие води? Пошто се иде преку брокер, како би контролирала што точно се случува? Дали е тоа нешто слично како берза за криптовалути? Како оди тоа купување и продавање акции? Патем фала ти многу, немам скоро никакви познавања од финансии па ке земам некои основни книги за да видам што како и да почнам од некаде.
Правилото е, нели, дека треба да вложиш онолку колку што си спремна и да изгубиш. За среќа, ова повеќе важи за обложување отколку за акции, но и акциите се еден вид коцка. Никој не може да ти гарантира дека акциите што ги поседуваш нема десеткратно да изгубат на својата вредност или пак дека нема компанијата одненадеж да банкротира, но тоа се случува премногу ретко. Сепак, парите што ќе ги вложиш ти се на некој начин „заробени“, за разлика од штеден влог кој во секој момент можеш да го разрочиш. Капиталот од акции не можеш по своја волја да си го добиеш назад, туку треба да најдеш и купувач кој е спремен да ти исплати одредена сума. Не можеш со сигурност да планираш дека за 2 години ќе имаш 10% пораст и 2 дивиденди, во споредба со штедниот влог за кој знаеш кога и колку пари ќе земеш назад. Додади на тоа дека си и почетник во сето ова. Првата берзанска авантура всушност ќе ти биде само лекција за сите понатамошни вложувања. Евентуално ако имаш среќа и ќе заработиш нешто, ако не ќе добиеш школо (бесплатно или не зависи од пазарот). Зборував и со друга членка за ова во порака, треба да ја имаш предвид и моменталната ситуација. Ќе ти го кажам и тебе истото: никој не знае во која точка моментално е пазарот и никој не може да предвиди како ќе се движи во идните 2-3 години. Можеби ова е животна шанса за купување акции по ултра ниски цени, но можеби ова е само почеток на една тешка криза која ќе трае подолго и од таа во 2008, па акциите допрва вртоглаво ќе паѓаат. Да ги изгубиш сите пари што ќе ги вложиш единствено можеш ако удри метеор, но биди спремна дека во најлошата варијанта можеби ќе изгубиш и половина од вложеното. Се разбира, тоа не значи дека и навистина ќе изгубиш половина од кешот. Можеш да ги чуваш кај себе тие акции и 20 години, па тогаш тие да ја достигнат старата цена и да ги продадеш со некој профит. Сега за точна сума мислам дека нема логика да дискутираме, бидејќи се работи за лични финансии. Некој можеби има само 100 евра со кои може да си игра, но некој можеби има и 5000 евра со кои не знае што да прави, па е спремен да ги вложи. Воглавно, за почеток вложи онолку без колку што можеш да преживееш во наредните неколку години. Покасно, кога ќе имаш некое искуство и ќе можеш отприлика да предвидиш како ќе се движи пазарот можеш да вложиш и посериозна сума. Ти контролираш 100% од тоа што се случува. Тргувањето оди преку онлајн платформа преку која тргуваат сите во државава во реално време. Во реално време ги следиш сите трансакции и сите промени на цени за купопродажба. Брокерот ќе ти даде акаунт и пасворд и во било кој момент можеш да си се логираш и да тргуваш. На платформата во секој момент можеш да видиш која е најниската продажна цена и која е највисоката понудена куповна цена за една акција. Доколку сметаш дека моментално најниската продажна цена ти одговара тогаш пушташ куповен налог со таа цена, трансакцијата веднаш се процесира и ти си веќе сопственичка на акции. Доколку сметаш дека е висока, тогаш треба да се ценкаш, односно да понудиш куповен налог со пониска цена па да чекаш некој заинтересиран за продажба да го примети тоа и да пушти продажен налог по твојата цена. Исто и за кога ќе продаваш. Можеш да ја впишеш моментално највисоката куповна цена и автоматски веднаш да ги продадеш или можеш да впишеш поголема сума па да чекаш некој купец да се реши да купи од таа акција по таа цена. Еве и видео како сето тоа се одвива. Дали е слично како криптоберзата не знам, не сум си играл со крипто досега. Инаку на Кајгана имаш доста активна тема, Македонска берза се вика, секојдневно се пишуваат мислења таму. Се разбира, take everything with a grain of salt. Колку сопственици на акции толку различни мислења и стратегии и ретко кој е 100% во право
Девојки имам прашање, можеби не е за оваа тема но се надевам ако грешам ќе ме насочите каде да се обратам. Вака сега, работам за онлајн апликација, не сум пријавена и се водам како невработена. Имам дебитна картичка Мастеркард топси (за невработени лица до 28 год). Сега прашањето ми е, дали кога ке ми стигнуваат пари од апликацијата тоа ќе и биде сомнително на банката (ќе пишува име на фирмата и се) и дали ќе треба да плаќам данок за тие пари? Бидејки ќе бидат околу 18-20.000 ден месечно а можеби и помалку. Ве молам ако некој знае нека ми се обрати или тука или во приватна порака, не сакам да направам проблем со затајување данок.
Извини може да посочиш за која платформа зборуваш кога велиш дека сите во државава тргуваат на истата? Бидејќи тргување преку платформа би требало да значи CFD trading, односно contract for diferences, односно не стануваш сопственик на акциите или производите со кои тргуваш, туку заработуваш од промената на нивната цена. Отвараш позиции, кои ако имаш малку пари (а под малку подразбирам 500-1000 евра) мораш релативно брзо и да ги затвориш.
Се' што ти легнува на трансакциска мора да го пријавиш во УЈП ко прилив и да платиш данок. Ако имаш познат сметководител најубаво може да ти објасни.
Па немам затоа ме интересираше но сепак благодарам. Мислев подетално дали тие ќе ми земаат процент за данок пример од банката, или ќе треба посебно да плаќам на друго место?
Каква врска има CFD со акции? Платформа како Инстаграм и Бет365. https://broker.nlb.mk/eTrader https://www.mse.mk/mk/content/15/2/2018/eTrader
Би сакала да почнам да работам преку интернет, со минимално искуство и ми треба флексибилна работа бидејќи сум студентка... предлози некои или пак некој поискусен повеќе да ме упати во ова поле?
Да, има цела тема а богами и гугл знае Никој нема да ти сподели што работи и да те обучи на истото ако сама не засукаш ракави. Пазарот за фриленсинг е преполн и конкуренцијата е немилосрдна. За се што знаеш ти да сработиш знае и некој индиец за 3$. Твое е да копаш со нокти за да си осигуриш клиенти што ќе те ценат. Што имаш да понудиш, според тоа ќе се пробуваш на Upwork, Fiver итн.
Здраво дали има некој искуство со vrabotuvanje com mk дали се преваранти,некако платите ми се гледаат доста големи и примамливи...
Девојче, и погоре ти кажаа дека vrabotuvanje не се фирма, и не вработуваат. Тоа е само сајт на којшто фирмите си објавуваат огласи за вработување.