Затворање на обложувалниците и казината

Мојот став е дека треба значително да се намалат, по број на жители. Ова не е нормално колку има, на секој чекор.

 

Заради тие кладилници и тој комар дали знаете дека еден наш сосед е во бегство и дека станот му го запалија?
Јас не знам како се опседнати, буквално непотребна беља работа, мислат дека ќе се обогатат со тоа.

 

Кај мене преку улица се една до друга Моцарт, Спорт Лајф и Копачка, а до нив одма Астра значи ова во радиус од 300 метри, настрана од цела населба што има уште едно казино и сигурно 7-8 кладилници...од младо до старо се е навлечено на комар почнувајќи од тие што играат за "забава" до оние ептен навлечени што изгубиле куќи, коли и станови.
Дефинитивно треба да се ограничи бројот и да се едуцираат помладите околу оваа проблематика, зашто ова почнува уште во основно (поготово кај машките) иако не смеат да влезат во кладилница наоѓаат начини а и да се стави некој поголем минимален влог зашто со 20, 30 50 денари се почнува, после е касно...мислам дека ни дрога ни алкохол не растуриле толку животи и фамилии како коцката...

 

Кај нас што е уште полошо татковциве си одат таму со малите деца, еден го слушнав баш еднаш на син му 5-6 годинки имаше,земал го носи во кладилница и му вика-сега тато ќе те научи на добар живот, и ти вака ќе правиш а не да бидеш прост како другите
А сосед наш стан има сега запален и е во бегство заради тој комар.

 

Го поддржувам законот во Албанија. И тука има повеќе обложувалници од колку што треба. Не дека ми сметаат мене лично, но што е многу, многу е. Нема потреба од две обложувалници една спроти друга. Или на три метри раздалеченост.

 

Да се затворат.

 

Не сум за нивно затварање, држат многу работни места, и во држава како нашата, влијаат позитивно врз економијата. И да се донесе законов, нема да се затворат сите. Одбраните пак ќе постојат, а тој што се коцка пак ќе се коцка, макар на друг крај на градот било.
Едино според мене, не знам дали е регулирано со закон, треба да се обрне внимание на кои локации може да се постави објектот. Ептен е грда сликата, на пример до училиште да стои казино/обложувалница.

 

Не му го запалиле заради кладилниците и комарот, заради него му го запалиле.
Мислите коцкање и комар не постоело уште од среден век?
Да, премногу се, ама премногу се затоа што има кој да ги полни.
Не да се затворат, туку да се работи на закони за нивната работа.
Едукација од најмлада возраст дека коцката е зависност, или барем основна математика/статистика. Многумина очигледно освен коефициентите немаат појма за ништо повеќе од математика, чим зборат за начини на сигурна добивка, а не гледаат дека куќата си има осигурано статистички да не е никако во загуба.
Поголеми почетни влогови, за да не може секој да си дозволи да се коцка. Поголеми даноци за да не ти се исплати да добиеш.
Ако се затворат, со ангажираноста на нашите власти, знаете што ќе се случи? Ќе пркнат нелегални казина по подруми преку ноќ. Кој е зависник пак ќе најде како. Кој сака да се коцка ќе успее. Вака барем и оние што не се коцкаме да видиме аир од глупавоста на другите.
За растурени фамилии од коцка знам и јас, ама знам и за такви што коцка ги растурила уште од пред да има казина и кладилници на секој чекор.
Едукација, само тоа му е мајката.

 

Не сум за затворање , бидејки ни ја држат економијата
Кој им е крив на тие коцкари ?

 

Не сум ни јас да се затворат бидејќи никој со сила никого не тера да се коцка, а и ја држат економијата у државата. И јас знам понекогаш да пишам лифче у кладилница, знам да влезам и у казино ама на мали суми чисто од забава, некогаш таа забава те занесува и сум претерала малце не за цабе рекле коцката е курва, ќе фатиш еднаш и после цело време те лаже. Доколку секој си има ставено црвена линија до каде може да оди, колку му дозволува џебот мислам дека нема место за грижи, но за жал има доста хронично болни коцкари што од сабајле до вечер се у кладилница или казино ама за тоа мислам дека нема лек, и не е решение да се затворат обложувалниците зошто тој што е научен ќе најде начин и ќе почне да се шири тоа нелегално и ќе се кријат по некок дупки, подруми гаражи и пак ќе се коцкаат.

 

Ако се затворат казината и обложувалниците, луѓето пак ќе најдат начин да се коцкаат. Тоа е исто како дрогата - не е легална, па пак има еден куп наркомани.

 

Живеам во мал град и моментално има 3 казина и 3 или 4 обложувалници не знам баш точно.
Двете казина се ептен блиску само улица ги дели.
Според мене не би требало да има толку многу, доволно е по едно казино и обложувалница.

 

Што е премногу, премногу е. Јас сум за да се затворат. Или ептен да се ограничи бројот на казина/обложувалници и да биде поскапо така што да не може секој да си го дозволи тоа. Зависниците од ова, мислам на хардкор зависници а не некои што еднаш до двапати месечно одат, се паразити пред се за нивните семејства па потоа и за општеството.

Пример: друштво од мое место студираат во главниот град и сите пари што им ги даваат родителите ги трошат на коцка најчесто, па потоа немале за да запишат семестар или пријават испити. Епа ќе немаат. Родителите нивни за тоа ли рмбаат, кои со земјоделие кои со што ќе најдат, за на крај тие да им ги коцкаат парите? И не, не верувам дека од дома ги воспитувале да ги прокоцкуваат парите со пот заработени. Само толку имаат во главата.
Ако студенти вака прават, не можам да замислам за луѓе со створени фамилии како си ги уништуваат. И не само тие околу, најмногу себеси се уништуваат.

Не, ова едноставно не е во ред. Казина на 300 метри и обложувалници една до друга насекаде. Не ме интересира ни економија, ни бдп, едноставно не е во ред од секаков друг аспект. Ама тоа е, прост народ.

 

Колку потенцијални работници а ништо чудно и потенцијални иноватори заглавиле таму, охоо...

 

Сум против затворање, но исто така и не сакам да ги има на секој чекор, особено не покрај училишта, градинки и други места каде се движат деца. Не сакам да звучам сурово и навистина е жално што има случаи во кои луѓе губат поради тоа значајни и вредни работи но одлуката за тоа е нивна и ако биле совесни немале да отидат толку далеку туку ќе повлечеле граница. Јас на пример по казина не одам и нема ни да одам некогаш зошто тоа е моја одлука и сум доволно совесен. Други па размислуваат поинаку и треба да се почитува и нивното мислење и права. Тие што се загрижени и имаат деца треба да сфатат дека најважно е воспитувањето.

 

Да е ограничен бројот на кладилници и казина.. според број на жители.