Затвор и затворски казни

И да продолжам.
Се дозна кое е кучето, кои се луѓето, се дозна дека истото куче е чувано во двор без ограда, во близина на школо. Се дозна и дека нападнало десетина пати при што страдале и други домашни кучиња и луѓе.
И многу ми се свиѓа како луѓево добија јавен линч на велико. И вака треба со сите. Па сега уште закони да функционираат и топ ќе биде.

Нема да ми излезе сликата од пред очи кога комшискава акита пред мене го зграби пудлето на другиов комшија за грб ама за мир у кучи, комшијава реши да не постапи правно. Пудлево се тресеше цело, среќа помина неповредено.
Барем од мене, овие со акитата добиваат игнор и трескање врата пред нос во влез

 

@Gosh Тие што имаат слободен викенд според закон се лица што направиле полесни кривични дела,изземени се за тешки како убиства,силовања и се е тоа во ред ,апсурдот е што пуштаат од калибар на дилери на дрога.
Скоро секаде во светот има корупција и се шверцаат телефони,дрога, ама кај нас е ужас.Гледај подкаст кај Ландов со Пандов,коса да ти се крене,затвореници од Диво насеље како во хотел уживаат привилегии.Значи биди најголем криминалец ако имаш пари затворот ќе ти биде одмор.

 

Прво нека си ја излежат казната ко казна у затвор, а не ко у хотел, па после нека се интегрираат каде сакаат.

Не се превоспитува со полн пансион и пензиско, туку со чмаење у четри зида, без излез, телевизија и мобилен,па да не му текне да се врати.

А за работа, слободно можат у затворот да им организираат да работат нешто, или по ниви нека ги носат, у рудници, а не у на другар му фирмата фиктивно да работи додека лежи дома.

 

Ама тоа не е баш така, не дека сите ги пуштаат да работат надвор од одма. Или е за полесни дела, помали казни или пример година две пред завршување на казната. Исто како на викенд што ги пуштаат (после одредени години лежење, можеби кога ќе им остане година или две, не знам точно).
А во нашиве затвори има се, само не можност за ресоцијализација. Прво да тргниме од тоа што вработените по затворите им продаваат дрога, друго, кантината во затворите е поскапа од било кој маркет во Македонија. Не се сите таму убијци или нз какви деликвенти

 

Па добро, може треба да имаш фактички познавања прво. Во Идризово на пример, не би рекла дека живеат "во хотел" или "полн пансион", можеш и да видиш дел кај Ландов од условите во кои живеат.

За жал, затворите се со премалку персонал кој се занимава со рехабилитација и ресоцијализација, па немаат баш услови во самиот затвор за работа (иако се согласувам, дури и на најстроги казни осудените треба да имаат работа ВО затворот).

Останатите кои се казнети за помали, ненасилни дела, не треба да ги направиме ѕверови, туку да ги превоспитаме. Ништо, буквално ништо, ни за затвореникот, ни за општеството, не се добива со седење и гледање во 4 ѕида. Тој еден ден ќе излезе, не ни е никако целта да продолжи полош отколку што влегол.

Ужасните услови никого не направиле помалку криминалец, ама работата со нив и нивната работа, направила многумина да научат нови однесувања.

Секако, не тука. Кај нас не постои ресоцијализација едноставно. И овие ситни обиди се само замачкувања, еве ако не те мрзи гуглни да не ја шириме овде, како по земјиве кои ги сметаме за земји со ниски стапки на криминал и генерално висока социјална заштита, како се однесуваат кон затвореници, во какви услови живеат, зошто така се однесуваат со истите.

Некогаш, криминалците, не станале од ќеиф криминалци. Не е толку "чисто". Многу често прво се деца од страшно дисфункционални семејства, малтретирани од најмали нозе, оставени на улица сами да се воспитуваат итн.
Ако ги малтретираме во затвор нема ништо ново да видат, малтретирање и изживување е единствено што знаат и од надвор.

Се прави евалуација кој што и како може, не е иста приказна секој, и ќе повторам, не може и не смее зависник кој завршил во затвор поради зависноста да се третира исто како некој кој направил насилен акт, убиство, силување итн.

 

Не ми се верува дека вака размислувате… какви ѕверови бре луѓе? Тој што е во затвор, без разлика на како дело сторил, имало причина. И не треба да се шета за викенд, или да оди на работа како сите останати што не сториле никакво кривично дело. Баш зашто затворите внатре се никакви, треба да се превоспитаат и да не им текне уште еднаш да го направат тоа дело, или па некое друго. Требал да мисли пред да прави глупости, а не да ги пазиме па уште и да се гостат и шетаат. Никаде во свет го нема ова. Пола од тие што шетаат се немаат вратено.
Прост пример: На другарка татко и ги уби мајка и и дедо и, значи убиство со умисла. Бидејќи немаме доживотна казна, извини имаме, 25 години е, го осудија 25 години. Ајде добро однесување му ја намалија на 13, од тие 13 господинот пола е надвор. Значи животот на женава и дедово не се битни, битно монструмов ќе пазиме ѕвер да не го направиме.. супер.

 

Шознам дали по свет го нема. Вистина, по развиен свет не ги јадат тафтабити... ама што знаат па Норвежаниве (на пример). Цела Европа гуглај затворски системи и спореди со нашиот, нашево е сè, само не е хуман затворски систем.

 

Самото шетање надвор не е реинтеграција. Тој и пред делото имал слобода надвор, не е дека живеел во дивина, го одгледале мајмуни па сега не знае мајке ми како да се снајде во општествово. Ене и политичариве ја имаат таа слобода, па гледам луѓе од нив станаа, нема грешка. Кражба е океј, ненасилно дело ама ај простете им на џаболебарине што краделе, кои дур си го држат ќе земат 3000 евра плата плус патни трошоци дур вие скенирате сметки. Оти јас не би. И не сакам утре ако ДАЈБОЖЕ бидат осудени они да се интегрирале со шетање надвор, со стаж со све. Пошто досега не знаеле како, нели.

Кој беше оној што во слободен викенд направи тешка сообраќајка? Не ми текнува стварно.

Дела во самоодбрана (за ова не ни треба да лежат као прво), мааали кражби океј. Другово све јок.

 

А дали е хумано некој да е ограбен, натепан , убиен силуван и слично?


Немам никаква жал за затвореници, нека осетат нешто тешко па да посакаат да се ресоцијализираат.

 

Lele ja sum protiv ovoj nacin na zatvorski sistem, bas mi e gajle za nivnata resocijalizacija. Ima da platat za delata!!!

 

Нема да ја продолжам дискусијата понатаму - не гледам смисла. Казната без да покажеш нов, правилен начин е бесмислена, еднакво како да казниш дете без да сфати зошто и како да прави нешто правилно.

 

За што хуман? Химан беше тој кога ги уби мајка и и дедо и?

 

Добро бе не се лути, само си прајме муабет. Емпатија повеќе би покажал ко жртва, а тие по го пра делото да се помачат малце.

 

Ednostavno smetam deka nekoi tipovi na licnosti se imuni na resocijalizacija.
Zemi gi za primer pedofilite, sociopatite (wired that way)...koi najcesto gi ima po zatvorite.
Sociopat ke iskoci od zatvor i pak ke napravi belja, isto i kaj pedofilite i hemiska kastracija e zaludna kamo li resocijalizacija.

 

Не се лутам, само не мислам дека вреди да објаснувам во СДК.

Темава ми е многу блиска и во голема мера проучувана, е нешто што ме интересира и нешто што би сакала да работам, затоа не гледам смисла да ја должам понатаму.

Ако некогаш се отвори конкретна тема, секако ќе дадам свој придонес.

Читај ми ги мислењата пред да ме цитираш, вака нема поента.

Исто и ти, читај пред да цитираш.

 

Те прочитав, и пак не ти го прифаќам мислењето како нормално.

 

Нема поента казна затвор ако не постои реинтеграција на таа личност во општеството. Дискусијава од погоре е на исто ниво како да кажете дека треба сите да добиваме максимални казни затвор, и за помала кражба и за силување.
Тоа што кај нас ништо не функционира ко што треба не значи дека моделот на ресоцијализација е погрешен и треба да се третираат сите затвореници како отпадоци.

 

Поентата на затворската казна не е ресоцијализација, туку ваквата казна е мерка на правниот систем која служи за справување со криминалот и одржување на општествениот ред.
Главната цел е да им се покаже на тие лица дека криминалното однесување не е во ред, а на жртвите и останатите слободни граѓани им се овозможува да добијат чувство на правда. Споредната цел е да се одвратат потенцијалните вршители од преземање на криминални дејства.
Ресоцијализацијата е само спореден ефект кој не секогаш се случува бидејќи слабостите на правниот систем овозможуваат многу криминалци да ги повторат делата наместо обратното кое се очекува.
А, за тоа кој затвореник е пуштен да работи или да излезе на викенд не одлучува само неговото дело, туку и парите кои има да ги понуди. И во затворите е доста висока корупцијата.

 

Еден поглед на затворот е казна и одвлекување од вршење кривични дела. Обично конзервативците во своите погледи го разбираат затворот како смисла за казна најчести се десните конзервативци во светот. Има и друг поглед тоа е либерално лев најчесто. Тие го гледаат затворот како мерка за превоспитување и ресоцијализација. Кај на според закон ги има и двата аспекти т.е. законот е централистички. Сите знаеме дека името е КПД казнено-поправен дом тој и тој. Значи има и казна но и поправка т.е. ресоцијализација итн.

 

Јас па не знам зошто се зема за пример норвешки затвор како да е добра идеја. Замислете да сте семејство на жртва на силување/убиство и убиецот го носат во "затвор" кој повеќе личи на бесплатен ол инклузив хотел да си живее мирно. Ко сега на пример некој ко Васо или убијците на Вања да ги однесат на такво место, бидејќи рЕсОцИјАлИзАцИјА. Многу ми е гајле за такви злосторници дали можеле да се реинтегрираат во општеството, побитно е правдата да е задоволена. Казна не значи некој да го однесеш на место на кое може да ужива, или заборавивте што е концептот на казна? Какви слободни викенди, работи? Па и за тие што не се убијци, силувачи, иако казните се помали, не треба да имаат такви привилегии. Прво одлежи си ја казната, после интегрирај се. Ама кај нас се знае како сѐ функционира, па и ова.