Ова не е точно. Би било добро најпрвин подобро дасе запознаеш со учењето на духовната заедница Универзален живот во која дејствува пророчицата Габриеле, а потоа да коментираш. Не велам дека мораш да го прифатиш тоа учење, но барем коментарите да ти бидат поиздржани. @hermosa За да не бидам постојано офф топик разговорот и мојата реплика го пренасочувам во темата „Буквално се што сакате да знаете за религија„. Еве линк: http://forum.femina.mk/religija/bukvalno-se-sto-sakate-da-znaete-vo-vrska-so-religija-t6828/190.html
Оф топик Простете ми што се мешам, но само да дадам еден одговор. Беше поставено прашањето, зошто е забранет бракот во манастирите? Не е за парите, туку за нешто друго. Еден од најстрашните гревови е гревот на блудот. Сите монаси не се двественици, но има некои кои имале сопруга, има некои кои имале порано девојки... Односно во манастирите живеат монаси кои побегнале од светот за да живеат во пост и молитва. Ние, факт е дека сме во светот и можеби никогаш нема да ја дознаеме таа борба што ја имаат тие. Бидејќи на чинот на Светата Тајна венчавка сите жени нема да дојдат скромно облечени, туку нажалост морам да кажам нескромно. Ова го кажувам од најблизок извор на отец кој посакувал да не биде таму во оној миг кога некоја девојка во минич и длабоко деколте се наведне да земе од бонбончињата што ги фрлаат кумовите на младите . Можете да ја замислите таа слика. Ова е само една причина, но ги има и безброј други. Но првенствено тука е духовноста, зашто ние не знаеме што е тоа монаштво и можеби никогаш нема да дознаеме. Тие личности живеат за да се молат за нас и ние не треба многу да не им се мешаме во монашкиот живот и да не бидеме постојано во манастирите . Он топик Ако сопружниците живеат во целомудрие и во бракот ја чуваат брачната постела чиста, иако се случи тие да бидат сплотени телесно, што е волјата Божја тоа ќе биде. Ние и колку да посакуваме нешто, тоа нема да се случи додека Бог не го благослови доаѓањето на тој нов живот .
Едни мои пријатели се обидуваа да добијат дете долги години, но се ближеа постите. Разбовараа со нивниот отец, м рече дека можат да постат и да се обидуваат за бебе во тој период, и секако ги причести. Тој ги ослободил, или така некако беше изразот. претпоставувам дека може,но со благослов претходен. Инаку пријателите веднаш по постот, зачнаа и имаат две деца.
Јас воопшто не би ни прашувала дали смее ова. Годината има 365 дена, зарем за време на пост да зачнам? Кај мене тоа нема да може.
И јас знам од отец кажано дека за време на пост не е убаво да се зачни бидеќи заради тоа се раѓале деца со некоја аномалија Спрема месет кога сум родена јас сум зачната во пост па здрава жива а братми не е за време на пост па има проблем Господ да не чува сите не знам што да речам ама за да не ни биди шубе има и други денови и почекавне да не биди во пост
Лошо е да постиш и да правиш срамни работи. Кога постиш барем пости како што треба. Имаше едно линкче за воздржувањето. Ќе ви го пуштам ако најдам.
Водењето љубов со венчаниот маж/венчаната жена не е ни лошо, ни срамно, ни грешно, ни во пост, ни во мрс. Телесното општење надвор од бракот е грев и во мрс и во пост. Според свети апостол Павле - најголем грев. Од првото послание на светиот апостол Павле до Коринтјаните: „Сѐ ми е допуштено!“ Но не е сѐ полезно: „Сѐ ми е допуштено!“ Но ништо не сакам да завладее над мене. Храната е за стомакот, а стомакот за храната; но Бог и неа и него ќе ги уништи. Телото, пак, не е за блудство, а за Господ, а Господ – за телото. А Бог и Господа Го воскресна, и нас ќе нѐ воскресне со силата Своја. Зар не знаете дека телата ваши се делови од Христа? Ќе ги земам ли деловите од Христа и да ги направам делови на блудница? Тоа никако! Или, пак, не знаете дека оној, кој со блудница се соединува, станува едно тело со неа? Зашто е речено: „Обата ќе бидат едно тело.“ А кој се соединува со Господ, еден дух е со Него. Бегајте од блудството! Секој грев, што го прави човекот, е надвор од телото, а блудникот греши против своето тело. Или не знаете дека вашето тело е храм на Светиот Дух, Кој живее во вас и ни е даден од Бога и дека не припаѓате само на себе? Зашто скапо сте платени. Затоа прославете Го Бога во своите тела и во своите души, кои се Божји.
“Не лишувајте се еден од друг, освен по договор, за некое време, за да и се предадете на молитвата; потоа состанувајте се пак, за да не ве искушува сатаната, заради вашата невоздржаност.” 1 Коринќаните 7:1-5 MKB Мислам дека е објаснато во Библијата дека е добро на одреден период во пости да се воздржува човекот, по договор на двајцата сопружници, секако и двајцата треба да се сложат за тоа.
Да, но само ако двајцата се сложат. Ако едниот не сака да се сложи, другиот нема да има никаков “грев“. Бракот е чист и брачната постела е неосквернета.
Eве и јас да кажам за темава Јас лично прашав поп беше помлад и го прашав дали можам да имам полов однос со дечко пошто ми претставува проблем ако немам, еден друг поп пред тоа ми реча дека убво е ако се воздржиме, а тој помладиот поп дека ептен ако претставува проблем никако таа недела кога се причестува,мислам рече првата и последната посебно, и ми рече веќе ако сакаме може таа недела али да не се причестиш, и да не е среда и петок пошто е најпосноо. Така да горе долу сите сме грешни нема безгрешни.. А половиот однос не сметам дека е грев по мое.А дапрвиш лоши дела да.Башка што самосо него имам.И дома си правам молитви секој ден.
Многумина мои ФБ пријатели ги интересираше и имаа дилема околу интимниот живот на мажот и жената во благословениот брак и воздржувањето во текот на постот. Поконкретно, за нив е од пресудно значење за да одлучат дали ке живеат како вистински членови на Црквата, следново: Доколку верникот со претходно покајание, молитва, пост, борба со …страстите, редовна исповед , добие благослов за редовна причест секоја недела во текот на годината, ДАЛИ е дозволен нормален и редовен интимен контакт со брачниот другар без ограничување и ако НЕ, дали и колку денови пред неделниот ден и богослужбата би требало да се воздржуваат? Отец Ивица одговори вака: Коринтјаните. 7, 3 – 6 3 Мажот да ја извршува својата должност спрема жената, а исто така и жената – спрема мажот. 4 Жената не е господарка на телото свое, туку мажот; исто така и мажот не е господар на телото свое, туку жената. 5 Не лишувајте се еден од друг – освен по договор за некое време , за да ПОСТИТЕ и да Му се молите на Бога и пак да бидете заедно за да не ве напаствува сатаната, поради вашето невоздржување. 6. Ова, пак, ви го велам како допуштање, а не како заповед. Објаснување: Во период кога Црквата (црковната зедница) е во Пост, односно, кога духовниот раководител на сопружниците, од разни причини, ќе им определи Пост ( се мисли на телесниот Пост, на воздржување од некои видови на храна) тогаш сопружниците, преку взаемен договор, за некое време се воздржуваат од интимни односи. Ова воздржување има за цел сопружниците по активно и по задлабочено да го практикуваат подвижничкиот (аскетскиот) духовен живот за, преку истиот, да можат: 1. духовно да се воздигнат, за да надминат некои слабости или грешни настроенија, 2. личносно да созреат, за по спасоносно да чекорат по Патот на спасението 3. да се издигнат над секојдневните активности и обврски кои знаат да го затапат сопружничкото живеење и да го испразнат од љубов, нежност, душевен допир, взаемно воодушевување. 4. Особено е препорачливо во периодот (накаде околу три дена) пред пристапувањето да се Причестиме – да го засведочиме нашето единство со Христос, а и со неговата Црква – да го зајакнеме нашиот духовен подвиг. 5. Интимните односи, во рамките на благословениот брак, во животот на Црквата не се доживуваат како нешто грешно или неприфатливо, напротив, истите се битен фактор во љубовниот живот на сопружниците. Во периодот на Пост се советува сопружниците да се воздржуваат од интимните односи– не затоа што истите се грешни – тука затоа што во тој период сопружничкото живеење со воздигнува на еден повисок, духовен степен, односно, повеќе се преферира духовниот – личносниот контакт од телесниот. Искуството потврдува дека зајакнувањето на овој духовен контакт помеѓу сопружниците позитиво делува и на телесниот контакт. 6. Интимните односи, надвор од благословениот брак, во животот на Црквата се доживуваат како грев – љубовно промашување. Тоа е така, зато што надвор од благословениот брак, интимните односи знаат многу да му наштетат , како на духовниот, така и на телесниот живот на човекот. 7. За позадлабочено запознавање со оваа проблематика обратете се кај вашите духовни раководители/ парохиски свештеници. https://pokajanie.mk/2020/02/28/26805/
