Повторувај ги цели зборови откако ќе ги каже. Пример вика мо, кажуваш - да, морков. Сега ќе ти дадам... Раноее уште, ехее до точен збор имате време. После 3г кај нас нагло почна да кажува повеќе појасни зборови, а имаше грешки скоро до 5. Еве и сега некогаш ретко знае да смеша некоја буква пример тобра место торба
Не не не очекувам јас да каже краставица или морков, ама да не е со две букви ка и мо зошто така и не личи на збор, само ние си го разбираме, на тоа мислев. Некни се утепа викајки и на баба му во во во, јас бев далеку од нив, и морав да и кажам дека бара вода, не и текна. Иначе го правам тоа, кога ќе ги каже двете букви јас кажувам цел збор и го прашувам дали сака вода пример.
Здраво мајки, синко е 22 месеци и е тежок во однос на зборување, односно кажува кога тој сака, а не кога прашувам. Се друго разбира, извршува наредби и сл., што е за негова возраст. На преглед матичната ни даде омега 3 сируп германски, па сакам да прашам дали имате искуство со него?
Здраво мајки Син ми за 4 дена полни 15 месеци. Со говорот тешко ни оди, почнав да се загрижувам, мал е уште да ама за разликата од ќеркичката која на таа возраст кажуваше веќе многу зборчиња, тој освен таа(чао) друго ништо не кажува. Вака си кажува нешто како ба, ма, да, та, те ама јасно зборче не кажува. И кога му викаме да пукне со рачето пао тој вели та. Не планирам уште да одиме на логопед, се надевам до 18 месеци ке има некое подобрување. Доколку нема секако ке одиме. Да сподели некој мислење што имал искуство со овој проблем треба ли да се грижам
Моето е како папагал периодов. И се што ќе го прашаш одговара, дур не му здосади ако претераме со прашања Како се зовеш... Даи ( Давид ) ... А кога викам од друга соба по него тој повторува Давиде, и одма пак го прашувам како се викаш и тој Даи Упорно Даи се вика и крај а ваму изговара Давиде Кажува како се викаат татко му, баба му и дедо му, е мама како се вика тешко му иде дека в не ја кажува во секој збор. Како што не може да каже крава туку сеуше ја вика му му Туца (куца), маца, жаба, тоњ (коњ), сова(був на мк), зец, мамун (мајмун), овца, ивас (ирвас), меда, дино саурус оделно кажува Баш ги научи животните а не сум работела ништо посебо многу околу тоа зошто тој не седи повеќе од 5 мин. Му покажувам животно кажува кое е,како прави и одма кажува ако е куче ав ав итн. Врзува и повеќе зборчиња, сабајле ете татко му кога излезе од соба, ми вика тата кашље и поткашлува го имитира, или ќе рече тата посо одее На комшиското куче затко (златко) тишина и со прстето му покажува, или за другито куче што го обожава Дона лаје и ќе застане на прозор со нешто во рака Дона руча. Сака да и даде Кога му е убаво јадењето вика мммм лепо и се гали по мешето Возилата ги знае, ауто, бомби( комби), баге (багер), оз (воз), абус (автобус), мион (камион), џип, татор (трактор), мотол (мотор) Брои нула, један, ти, чети, пет два никаде го нема Се занесов, има уште многу за пишење доста е за вечерва И екстра задоволна сум како напредува во тој поглед
Слична ситуација беше и кај син ми. До негде 16-17 месеци беше ептен слаб со говорот и кажуваше само неколку слогчиња без значење. Имаше невербална комуникација, чао, бакнеж праќаше со рака, браво итн, ама говор нигде. Јас бев на идеја ако нешто не се смени после Нова Година да го носам кај логопед, ама нештата драстично се сменија негде околу 18 месеци и тоа некако преку ноќ. Сега има 21 месец и повеќе од 35 зборчиња. Секој ден имитира и пробува да каже нешто ново. Следи си го детето па одлучи што ќе правиш, ама да знаеш дека не е нешто нетипично. И најважно, не го споредувај со сестра му. Сите деца имаат свое темпо на развој.
Син ми е 20 месеци, пред една недела имавме систематски преглед, и имаше преглед и со логопед. Кога отидовме таму, докторката ми рече треба да има 15 зборчиња со значање на таа возраст и да извршува кратки наредби. Ама баш немаш простор за грижа. И не споредувај со другото дете. Секое дете своја приказна.
А спомна кога се очекува врзување на две зборчиња? Мојата сè уште има околу 50ина зборчиња ама не сврзува. И во тие 50ина и ги сметам и ономатопеите. И освен мама, тата, баба, дада, деде, тете, не и Биби, сè друго и е на пример папа за капа, нана за месечина, бам за паѓање или само по еден слог на пример пи за пиле. Нема многу 'чисти' зборови. Не ни пробува да рече го или гое за горе туку само ггг прави и покажува. Да не споредуваме ама кога ќе прочитам дека на 19 месеци некои дечиња пееле песни, не можам да не се запрашам дали е сè во ред и дали правам доволно или грешам нешто.
Супер сте. Значи имате фонд на зборчиња над тоа што се очекува нормала кај децата за логопедите. А тоа ние како родители сами си ствараме непотребни притисоци. Брат ми на 14-15 месеци зборувал како голем човек, ама и проодил на 7 месеци. Јас сум презборела така како он многу покасно. А верувај преку ноќ се менува состојбата. Ти кажувам по синко. Опушти се и гледај како одеднаш ќе почне секој ден се повеќе.
Син ми на 26 месеци прв пат сврза два збора и по 2 недели почна и 3 да сврзува. Ова се случи кога имаше околу 100 збора сигурни во изговор. Сега со скоро 28 месеци си кажува цела реченица од која не му се сите чисти зборови, пример ќе каже “мама ван (јован) сака ам ам” или “вонка тче ав ван сака виде”. Така да преку ноќ се случува ова. Кај нас најмногу резултат имаше од читањето книги, топол совет кој на сите го препорачувам. Не легнуваме без книга веќе и тој ми раскажува мене
Моето е 20месеци, имала околу 25-30 зборчиња и секој ден нешто ново ќе каже, не е баш разбирливо ама погодува интонација и јас си ја разбирам, па повторувам како треба правилно. Ете најново сабајле трча и ми вика вавнаа мо, прво не сватив додека не ме однесе кај нокширчето и тогаш сватив дека и треба влажна оти е мочана
Дали некоја има искуство со "шушкање" во говорот? Дали се надминува овај проблем? Се работи со логопед, но слабо гледам напредок па се плашам дека нема да се среди. Ве молам за искуства
@Bella_Stella , ќе те означам тебе ама и општо ќе пишам За говорот колку и да бев загрижена, на околу 22 месеци ќерка пушти многу, многу зборови ама најчесто одговори или разговор со 1-2 зборови. После тоа пред втор роденден од сликовници почна со повеќе зборови да раскажува што гледа на слики, без сврзници и чуда. Пример, Стела, Сани јаделе слатки. На прашања одговараше пак кратко. Денес, кратко после втор роденден добив целосен одговор. Јас: Како се викаат овие? Во рака држам фломастери. Таа: Овие се викаат мастеЛи... Сакам да кажам некаде од после 22 месеци барем кај моево се јави подобар говор.
@Miss_S дури сега го читам коментарот, сум ја пропуштила нотификацијата. Син ми за една недела ќе направи 22 месеци и деновиве ептен му се приметува напредок. Ќе ја тагнам пак @le.soleil Како изгледа таа експлозија од зборчиња? Денес пример кажа три нови збора, апче, нога и рака. Пиев пробиотик ме гледа и вика апче, викам што е ова, вика апче. Од некни го учев за рака и нога ама немаше кажано до сега. Денес си ја покажува прво ногата и вика ноога, а после некое време и раката и вика гака, рака. После го прашувавме што е ова, што е ова и кажуваше нога, рака. Офф се топам и неверно ми е дека почнува да зборува, мислев дека ќе имаме проблем. Едит: Вчера кажа ‘мама ајде’. Дали се рачуна ова за две споени зборчиња?
