Зборувањето кај децата

Мојава уште не сака да збори пред други, или ќе каже мама ти кажи.
Скоро 3 год е.
Има дури и што не ми веруваат дека збори.
Дали е срам, појма неам, едноставно ќути и гледа коа некој нешто ќе ја праша.
Во продавница гледа пример играчка и ќути стои ја гледа, а пред да влеземе се тегне вика, ја бара.
Кога проаѓа оваа фаза?

 

И мојот е таа возраст. Некои 15тина зборови знае. И мимики, звуци, имитирање животни такви работи.
Два збора уште не врзува.
А за разбирање, разбира многу. Да не речам се дека разбира пошто не е нормално да разбира се ама оние секојдневни муабети, работи што ги користиме, што ги правиме разбира се. И следи наредби.

 

И синко е 19 месеци, сега наеднаш пред некој ден се кажува, т.е се повторува по нас, секое зборче го кажува, можи да врзи само 2 зборчиња, повеќе не.

 

@kukla21 @Цвет88 и мојата беше иста. Дома уста не затвора, надвор уста не отвара. Пред еден месец почна да се пушта и надвор и со сите си врзува муабети. Си кажува и шо треба и шо не треба пред две недели наполни 3 .

 

Абе почна и оваа, ама не е тоа тоа ко шо она знае.
Чат пат да ќе и се испушти, ама пример цел ден ако е со некој па да се опушти да збори.
Е сеа со нас збори надвор, а порано надвор ни со мене не збореше.

 

Јас имам комшивче 3 години наполни скоро и ништо не зборува буквално, само со звукови некои на пример ав ав, нјам нјам ( за јадење..),ама мислам проблем е што мајка му е од Украина и му збори на тој јазик татко му на македонски и детево е збунка. Мене искрено ми е жал кога ќе поминам по улица и дете се радува сака да каже нешто а не може.. мислам дека на 3 годинки веќе треба зборови да кажува ама па која сум јас да им кажам, од кај знам како ќе сфатат

 

Нормално и очекувано е за билингвални семејства детето да почне подоцна да зборува, ама ќе зборува и на двата јазици и ќе знае со кого на кој јазик треба, и обично од старт чисто и јасно ќе зборува. Ако имало потреба од логопед, веројатно досега го однеле

 

Ај може ќе споделите некој совет. На другарка ќерката веќе 6 год има, од 3 год посетувано логопед и така и прозборе детето. Претходно ништо не збореше. Све имаат испитувано никој ништо конкретно нема кажано што му е на девојчето. Тоа вака све си е нормално ама слабо збори, на прашања треба неколку пати да повториш за да ти даде краток одговор. Ниту една песничка не знае а еве ја запишаа во школо прваче. Јас мислам дека има некоја форма на аутизам, ама другаркава се плаши како ќе се снајде во школо. Некој да не има некој совет, како девојчето да стане позаинтересирано да комуницира?

 

Ништо не им посочија. Они го носеа девојчето само на логопед сиве 3 год. Проверувано е слух и носена е на психолог ама ништо не им имаат кажано. А девојчево едвај збори,камоли да раскажува или прераскажува во исправна форма, што за 6 год сметам дека треба да се владее.
Исто што јас лично приметувам девојчето збори како на нос. Ни мајката не знае што да превзема, работат нон стоп со неа ама ова е махсимум што можат до сега да извадат.
Ја фаќаат и агресии па знае и да крши играчки. Како уште да не разбира што е добро што е лошо.

 

Уписот беше 3 прашања, колку годишни времиња има, ај изброј до 10, како ти е име и презиме и ај кажи ми ги животните на сликава. Толку. Кажале само дека детето е срамежливо и не многу говорливо, но демек сите деца не се исти. Фала во секој случај.

 

ЗдрВо

Здраво, знам дека зависи од детето, но би сакала да прашам за исход/прогноза за надминување на развојна дисфазија. Работиме 3 пати неделно со дефектолог, но сеуште имаме проблеми во делот на рзбирање, на пати има неразбирлив говор и граматички е неточен. Мојата има скоро 5 години и од 2 и пол посетува дефектолог, но таа е предвремено роденно дете со мала родилна тежина и имаше мн предизвици кои ги надмина. Ме интересира и како со овие деца во училиште ако некој има искуство.

 

Не знам дали имате слушнато за Бера тест, го прават во Систина. Се испитува патот на звукот до слушниот нерв. Се открива дали звукот задоцнето стига до слушнот нерв. Може и тоа да е една од причините за проблем со говорот. Говорот се развива до 8 годишна возраст, така што се што може да се превземе до тогаш ќе има бенефит. После 8г, се е за џабе. Не губете време

 

Развојна дисфазија како дијагноза е комплексна, опфаќа многу сегменти од психофизичкиот развој. Како дијагноза не може да се надмине, туку може многу солиден напредок да се постигне. Доколку има проблеми со говорот, мора логопед или пак дефектологот да се насочи малку повеќе кон развојот на говорот. Читајте приказни, раскажувајте, разговарајте, учете песнички на памет... Оваа деца вообичаено имаат и проблем со организација, ориентација во простор и време, координација, обрнете внимание на ова. Во училишна возраст имаат проблем т.е потешко го совладуваат пишувањето, читањето, математички операции.
Обрнете многу внимание, бара многу работа, многу труд. Во денови кога не работи со дефектолог, работете вие со неа. Секоја чест што уште од 2,5г возраст сте почнале со дефектолог. Се вложува многу труд, за да се постигне минимален успех ама кога ќе се постигне напредок чувството е бесценето

 

Токму тоа и го правиме секојдневно, читаме, раскажуваме, песнички многу знае и стихотворби, ги препознава сите букви и бројки од 3, 5 год. Одредени букви и ги пишува без проблем. Со дефектологогот работат на разбирањето и на говорот. Да напоменам дека оваа дијагноза и ја постави дефектологот со кој што работи сега, од процената од тимот од заводот Младост ја дадоа дијагнозата Специфични психомоторни нарушувања. Има мн напредок кај неа, особено последно време со говорот и разбирањето, она што ме плаши е школската средина, сега не оди ни во градинка ради ситуацијата. Се мислам искрено дали да и одложам прво одд за една година.

 

Имате уште една година време за тргнување на училиште, ако добро напредува нема зошто да се грижите. Ќе се консултирате со дефектологот со кој што работи. Ви посакувам успех и брзи резултати

 

Препорака за добар логопед во околина на Карпош?