Здрава сексуалност

Темава одамна умре ама то не значи дека нема уште простор за проширвање. Еве и линк за детално, јас тука ќе ископирам само неколку работи шо мислам дека треба да се знат во поглед на растење на дете и шо во кој развоен период го спознава. Или благо речено, лажење дете дека штркот го донесе е непотребно зошто можи да разбери дека бебето расти во стомакот.

Мало дете: 13- 24 месеци
Дете на оваа возраст треба да е способно да ги именува сите делови на телото, вклучително и гениталиите. Ова помага од повеќе аспекти, како на пример при повреди или злосторување, детето можи да искомуницира точно каде има болка. Спознавање на деловите на телото со име овозможува градење здрава слика за себе и своето тело водејќи до поголема самодоверба. Повеќето деца на две години се способни да се разликуваат себеси од другите и да разликуваат машко од женско.

Деца на претшколска возраст: 2- 4 години
Повеќето деца на претшколска возраст се способни да сфатат, тоа основното, како доаѓа бебе. А и во овој период изразуваат желба за знаење на темава. Можат да сфатат дека постои сперма и јајце клетка и дека нивното спојување резултира со бебе кое расти во „стомакот“ на мајката. Сепак, деца на оваа возраст не се заинтересирани за секс, мали деца најчесто се интересираат за бременост и бебиња. Тука можат да покажат интерес за тие кога биле бебиња и за бременоста со нив на мајката.
На оваа возраст треба да разберат дека телото е нивно и дека никој не може да ги допри без нивна дозвола. Треба да знае дека постојат прифатливи и неприфатливи начини на допирање, особено допири на гениталиите и ова ќе овозможи детето да кажи доколку е допирано несоодветно. Деца на оваа возраст прашуваат пред да допрат некој.

Деца на школска возраст: 5- 8 години
Деца на оваа возраст треба да знаат дека хетеросексуалноста не е норма и да е запознаено со другите сексуални ориентации. Ова е возраст кога децата си ги спознаваат телата и треба да им се објасни дека тоа е нормално, но и приватно.
Одреден број на деца пред десеттата година ќе доживеат промени поради пубертет и добро е да бидат запознаени со промените кои следуваат. Би било добро и момчиња и девојчиња да имаат часови заедно на оваа тема и заедно да учат за промените кои следуваат. Разговори за репродукција доаѓаат заедно со разговорите за пубертет.

Пред тинејџерска возраст: 9- 12 години
Се што е претходно научено тука веќе се случува и е доста важно да се повторува и постепено да се проширува. Се имаат тука основни информации за безбеден секс, контрацепција, основни информации за бременост и сексуално преносливи болести. Мора и да им се даде до знаење дека иако овие промени им се случуваат, тоа не значи дека мора да имаат секс, напротив.

Тинејџерска возраст: 13- 18 години
Тинејџерите мора да добијат подетални информации за менструација и влажни соништа и да знаат дека се нормални и здрави. Сите теми од претходната точка треба да ги проучат во длабочина - бременост и сексуално преносливи болести. Тука е и идеалното време тинејџерите да научат да разликуваат и градат здрави врски наспроти нездрави и токсични. Учење за здрав секс вклучува знаење како алкохолот и дрогата може да влијае на одлуките кои ги носиме. Тинејџерите мора да можат да кажат „не“ и да завршат врска.

Има и други измени и исправки ама мислам дека ова шо тука го копирав е баш она основното шо ни овозможва да дознајме можда и кога рано е доволно рано да се почни со сексуална едукација во училишта.

 

Прерано изложување на било што сексуално ( то вклучува гледање/ слушање родители да имаат секс, ама не инцидентно и/ ли гледање/ слушање порно) резултира со траума.
https://psychcentral.com/blog/growing-up-too-fast-early-exposure-to-sex/
https://www.practo.com/healthfeed/amp/6-effects-of-untimely-exposure-to-sex-on-a-child-10824/post

За другиот дел за кој си коментирала само ќе речам дека ако не си задоволен сексуално од партнер е само фер да се престане тоа со него и да се оди со друг. Не си валкана ако сакаш да најдиш сексуално компатибилен партнер со себе. И жал ми е дека некој ти го кажал спротивното.

 

Не мислам дека некој спомна дека тоа е лошо. Избор е. Ако некој сака да е неактивен сексуално ради какви било причини до 30 години - нека. Негово си е. Особено ако нема нагон за то, а ако има нагон и му оди спротивно, ќе се фрустрира. Ама, ако смета дека то е подобра опција за себе - you do you. Целта на се ова е да се прати телото, да се носат одлуки за себе безразлика дали тоа значи имање или немање секс, да не се форсира ни една страна во активности кои можи да бидат опасни или едноставно работи кои партнерот не сака да ги прави.

 

Жал ми е дека си имала такво искуство. Сепак, неактивност на сексуален план е тоа што е - избор. Нема зошто некој да ти речи шо било за тоа. Сепак, избираш за себе.