Сакам да ве прашам дали се добри овие 3 диети и воедно здрави ? и дали има јо-јо ефект ?? Лимоните имаат неверојатен ефект врз нашата телесна тежина. Тие ги елиминираат токсините од телото и го подобруваат нашето здравје, а во истото време го намалуваат вишокот килограми. Лимонова диета Оваа седумдневна диета со лимон ќе ви помогнe да си ја вратите енергијата и телото во топ форма. Лимонот и лимонадата помагаат за намалување на телесната тежина. ПОНЕДЕЛНИК Првиот ден треба да го подготвите телото за диетата, така што ќе започнете да му помагате да ги исфрли непотребните токсини. Но, тоа не значи да гладувате. Јадете пресни плодови и зеленчуци. На крајот на првиот ден ќе се чувствувате полни со енергија и полесни за 500g-1kg (во зависност од вашата тежина). Започнете го утрото со чаша лимонада. 30 минути откако ќе се разбудите, време е за вашиот појадок. Појадок: овошна салата од боровинки, јаготки, капинки, цреши; јаболко и нискомаслен јогурт; една шака несолени пресни бадеми. Ужина: чаша лимонада; банана и една шака семки од сончоглед или тиква. Ручек: грашок или леќа зачинети со маслиново масло, оцет и лимон. Вечера: риба на скара со сок од лимон; зеленчуци приготвени на пареа. Пред спиење: една чаша млака или топла лимонада. ВТОРНИК Целта ви е да пиете колку што можете повеќе лимонада (на собна температура), во текот на целиот ден, од моментот кога ќе се разбудите. Веднаш откако ќе се разбудите, испијте една чаша пресно исцеден лимон и топла минерална вода. Појадок: овошна салата со овошје по избор; нискомаслен јогурт; 2 супени лажици овес; 300ml млеко од соја. Ужина: 8 несолени пресни бадеми; една чаша пресно исцеден овошен сок. Ручек: домашна зеленчукова супа; сендвич со црн леб и изрендано сирење. Ужина: 2 диетални овесни колачиња и 1 домат. Вечера: риба или пилешко на скара; сос од 3 супени лажици маслиново масло, една супена лажица сок од лимон и ½ лукче; листен зеленчук (спанаќ, зелка). Пред спиење: една чаша млака или топла лимонада. СРЕДА Насочете се кон храна богата со витамин Ц за согорување на масните наслаги. Веднаш откако ќе се разбудите испијте една чаша со сок од лимон со топла минерална вода. Појадок: 1 варено јајце; 2 парчиња интегрален леб намачкани со тенок слој путер; 1 домат; 1 јаболко; 300ml млеко од соја. Ужина: 2 пресни или сушени кајсии; неколку несолени кикиритки. Ручек: По 3 супени лажици грашок, грав, домати и зелени пиперки со сок од лимон; 1 парче интегрален леб; 1 чинија зелена салата, зачинета со лукче; 1 кива. Ужина: 1 диетално овесно колаче и јаготки. Вечера: зеленчуци (домати, спанаќ, компири, ориз) приготвени на пареа; банана со 2 коцки темно чоколадо. ЧЕТВРТОК Започнете го денот со чаша пресно исцеден сок од лимон, растворен во топла вода. Појадок: капинки и јаготки измешани со 2 супени лажици овес; 300ml млеко од соја. Ужина: овошна салата со сок од лимон; 30ml млеко од соја. Ручек: 1 парче интегрален леб премачкано со тенок слој путер; салата од грашок; јогурт. Ужина: 1 супена лажица семки од сончоглед и грозје. Вечера: риба печена во рерна со сок од лимон; различни зеленчуци; едно топче сладолед од чоколадо со исечкани лешници. ПЕТОК Намалете го количеството шеќер кое го внесувате. Стандардно започнете го денот со сок од лимон и топла минерална вода. Појадок: направете си милкшејк од банана - 300ml млеко, 2 мали банани; 1 супена лажица суво грозје; 2 парчиња интегрален леб премачкани со тенок слој путер. Ужина: сушено овошје. Ручек: салата од домати, грашок и изрендано сирење; 1 круша или праска. Ужина: неколку зеленчуци по избор. Вечера: полнети пиперки со 4 супени лажици ориз, домати и 60gr фета сирење; зеленчуци по избор приготвени на пареа. САБОТА Петокот е ден на мастите. Иако тие се богати со калории, потребно е да се внесуваат во умерена количина. Започнете го денот со чаша топла вода со сок од лимон. Појадок: 1 тврдо варено јајце; 1 домат; 1 парче интегрален леб; неколку капинки. Ужина: 1 шака јаткасти плодови (лешници, бадеми, ореви); 300ml млеко од соја. Ручек: риба на скара; 1 краставица; јогурт. Ужина: 1 праска; 1 шака суво грозје; 1 шака семки од сончоглед. Вечера: туна со зеленчуци приготвени на скара; суво овошје. НЕДЕЛА Како и секој ден и овој започнете го со една чаша со сок од лимон и топла минерална вода. Појадок: салата од пресно овошје; јогурт со 2 супени лажици овес; 300ml млеко од соја. Ужина: сок од пресно овошје; 1 шака јаткасти плодови. Ручек: мало авокадо со скариди; салата со лимон, маслиново масло и оцет; 1 јаболко. Ужина: 1 парче интегрален леб со изрендано сирење. Вечера: омлет со 2 јајца, исечкани печурки, 3 супени лажици изрендано сирење и маслиново масло; зеленчуци на скара; 1 мала банана; неколку јагоди. Дитета со сурова храна ШТО ПРЕТСТАВУВА ДИЕТАТА СО СУРОВА ХРАНА? Диетата со сурова храна се базира на консумирањето на непреработена и неготвена храна како: свежи зеленчуци и овошје, семиња, зрнести храни, плодови со јатка, сушени плодови и алги. Диетата со сурова храна се базира на консумирањето на непреработена и неготвена храна. Некои од приврзаниците на диетата со сурова храна се и вегани, т.е. воопшто не внесуваат храна од животинско потекло, но има и такви кои консумираат сурово месо и други продукти од животинско потекло. Најчесто, најмалку 75% од храната која се внесува треба да биде сурова. Скоро сите диети треба да се држат одреден период за да бидат ефективни. Тоа не е така со оваа диета. Нема препорачан период, затоа што диетата со сурова храна треба да се смета како начин на живот и да се практикува постојано. ЗОШТО ДИЕТА СО СУРОВА ХРАНА? Приврзаниците на оваа диета се стремат да јадат сурова храна, затоа што сметаат дека кога храната е готвена на температура повисока од 46°C таа ги губи ензимите, кои ѝ помагаат подобро да се вари и апсорбира од организмот. Храната со готвењето ги губи и повеќето хранливи материи и витамините. Затоа се смета дека суровата храна е поздрава. ПРЕДНОСТИ И НЕДОСТАТОЦИ И диетата со сурова храна, како и другите диети има свои позитивни и негативни страни. Предности: Многу подобар изглед на кожата; Повеќе енергија; Губење на телесна тежина; Одржување на телесна тежина; Намалување на нивото на лош холестерол, т.е. значително се намалува ризикот од срцеви и други кардиоваскуларни болести. Недостатоци: Потребна е добра организација; Потребно е да бидете многу мотивирани; Тешка е за држење, особено кога јадете во ресторан; Потребна е подготовка; Проблеми со варењето на храната. РЕЦЕПТИ Еве неколку рецепти кои ќе ви помогнат да вкусите како е да сте приврзаник на диетата со сурова храна. Сурово чили Состојки: 2 чаши вода 4 чаши домати 1 супена лажица зачин чили ½ супена лажица кумин морска сол по вкус 2 чаши исечкани зелени и црвени пиперчиња ½ чаша исечкан кромид ½ чаша исечкан целер Подготовка: Ставете ги доматите и зачините во блендер додека не се добие пире. Потоа додајте ги останатите состојки и мешајте додека не се соединат. Сервирајте го на собна температура или ладно. Салата со манго и авокадо Состојки: 2 манго плодови, излупени и исечкани 1 големо авокадо, излупено и исечкано 1 супена лажица сок од зелен лимон 1 супена лажица маслиново масло 1 супена лажица семе од сусам Подготовка: Во длабок сад смешајте ги сите состојки. Сервирајте веднаш по приготвувањето. Диета за љубителите на јаглехидрати Скоро секоја жена се обидува колку што е можно поретко да консумира леб или тестенини со цел да ја зачува својата витка линија. Тоа е така затоа што повеќето луѓе веруваат дека храната богата со јаглехидрати го помага трупањето на килограми. Но, многу експерти сметаат дека тоа е застарено мислење и дека ако се направи вистинскиот избор на корисни јаглехидрати, тогаш тие можат да бидат одличен сојузник во слабеењето. Со помош на многу истражувања научниците покажале дека одредена храна којашто содржи јаглехидрати ги намалува масните клетки, го зголемува согорувањето на масти, ја зголемува мускулната маса, го продолжува периодот кога лицето се чувствува сито, го контролира шеќерот во крвта и го намалува холестеролот. ШТО ПРЕТСТАВУВА ОВАА ДИЕТА? Диетата за љубителите на јаглехидрати не е диета којашто ќе ви дозволи да консумирате кифли и колачиња по цел ден. Тоа е диета којашто ќе ве поттикне да внесувате повеќе од т.н. отпорен скроб. Бананите се богат извор на отпорен скроб Истражувањата покажале дека ако за појадок консумирате храна богата со отпорен скроб, тогаш телото ќе започне да согорува масти, ќе согорите за 25% повеќе калории во текот на денот, но и ќе изедете 10% помалку калории затоа што ќе се чувствувате сити подолго време. Храната богата со отпорен скроб не е некоја специјална храна. Тоа е храна што ја среќаваме секојдневно – леб, житарици, компири и банани. Можете да консумирате овошје, брокули, краставици, мешунки, кикирики, стек, макарони, сирење. Во идеален случај оваа диета треба да ја практикувате 28 дена. Во првата седмица вкупниот број на внесени калории во текот на еден ден треба да биде 1200 (разделени во 4 мали оброци), а во наредните денови 1600 (разделени во 5 мали оброци). Создателите на оваа диета тврдат дека во текот на првите три седмици се губат 3 килограми. Основни правила на диетата се: Секој оброк треба да вклучува барем еден продукт што содржи отпорен скроб. Храната богата со отпорен скроб треба да биде 25% од целиот оброк. ОБРОЦИ ЗА ПРИМЕР Банана шејк Ставете во блендер банана, чаша и пол нискомаслено млеко, 2 чајни лажички мед и ½ чаша мраз. Банана и овесна каша ½ чаша овесни снегулки прелијте ги со 1 чаша вода и загрејте ги во микробранова печка 3 минути. Потоа одгоре ставете им сечена банана, 1 супена лажица исечкани ореви и 1 чајна лажичка цимет. Брз ручек 3 овесни крекери, 1 тврдо варено јајце, 30g чедар сирење, 1 јаболко. Ручек со туна или пилешко Една конзерва туна или пак 120g пилешко месо; една средна по големина круша. ХРАНА БОГАТА СО ОТПОРЕН СКРОБ Експертите препорачуваат дневно да се внесува до 10-15 грама отпорен скроб. Еве кои храни ќе ви помогнат да ја постигнете таа цел: Банана Количина: средно голема банана Отпорен скроб: 4,7 грама Кафеав ориз, варен Количина: ½ чаша Отпорен скроб: 1,7 грама Компир, варен Количина: 1 среден компир Отпорен скроб: 3,2 грама Леќа, варена Количина: ½ чаша Отпорен скроб: 3,4 грама Бел грав, варен Количина: ½ чаша Отпорен скроб: 3,8 грама Овесни снегулки, неварени Количина: ½ чаша Отпорен скроб: 4,6 грама ШТО ВЕЛАТ ЕКСПЕРТИТЕ ЗА ОВАА ДИЕТА? Оваа диета се базира на принципот на којшто се базираат многу други диети – намалување на бројот на внесени калории до 1200-1600 за да има брзи резултати и исфрлање на нездравата храна од секојдневната исхрана. Но, потврдуваат дека со оваа диета се поттикнува внесувањето на здрава храна и дека тоа е голем плус. Во текот на првата седмица лицата кои ја практикуваат оваа диета може да чувствуваат недостиг на енергија затоа што е мал бројот на дозволени калории. Експертите предупредуваат дека во такви услови е тешко да се практикува физичка активност и дека тоа е минус на оваа диета.
Едно прашање. Во мојата диета пиши овес со ниско мастен јогурт и ленено семе.. е сега јас купив овес во зрно. Дали можи да ми кажите како се приготвува сегде различно читам.. ?
