Како до чисто лице? На кутијата од пакувањето пишува така како што пренесов, мислам. Во секој случај ова е многу подобро решение
Вчера си ставив од глинава на лицето, прв и последен пат ми е! Ми се појави црвенило на лицето и покрај тоа што откако ја измив со млака вода, ставив хидратантен крем. Мислев ќе помине, ама еве се уште не е исчезнато црвенилото, а вчера малку ме чешаше лицето... ете најверојатно кај мене има лоша реакција. Не ја користам веќе, можеби онаа што е за орална употреба е подобра, ама не би сакала повеќе да ризикувам.
Феминки денеска прочитав на фејзбук (Биокулт) за Бентониг глини сакам да ве прашам дали некој го употребувал, и колку кошта? БЕНТОНИТ ГЛИНА Бентонит глината доаѓа од земјата и може да се помеша со вода за да се формира паста. Таа може да се примени како обвивка околу состојби на кожата како осипи од отровен бршлен и да го исфрли отровот надвор од телото. Под нормални околности глината се користи како маска за лице и маска за чистење на порите. Бентонит глината внатрешно е природен чистач на дебелото црево. Со своите негативни јони ги привлекува тешките метали, токсини, штетни бактерии и пестициде кои потоа безбедно ги исфрла од телото.
И мене кога ќе ја измијам глината ми останува црвенило на лицето, ама за петнаесетина минути само си поминува Најверојатно на твојата кожа не и одговара глината
и кај една дугарка моја се појавува ова ама најчесто се јавува кога стоиш на висока собна температура инаку глината треба да стои 5-6 мин и ако имате црвенило ставајте облоги од камилица и за кратко време нема да имате ништоо позз
Здраво јас ја имам користено зелената глина како маска за лице и мене одлично ми одговара. Еве еден предлог за природна маска за лице против акни и митесери која е одлична за масна кожа (веќе го постирав истово во темата маски за кожа ама ајде и тука со оглед на тоа што станува збор за глината). За ова потребни ви се зелена глина. зелен чај и мед. 1 лажица зелена глина се меша со една лажица чај и на таа смеса се додава една лажица мед. Ако е прегуста смесата ставете уште малку чај ако е течна ставете уште малку глина додека да добиете убава смеса која лесно се нанесува на лицето. Се нанесува на чисто лице и се држи 10 мин. Јас имам комбинирана кожа и освен овие состојки додавам и малку масло на пример маслиново или кокос или бадемово и две капки етерично масло од лаванда (ако немате немора). Маскава е навистина одлична убаво ја затегнува и чисти кожата. Важно нешто е да не ја земаш зелената глина со метална лажица затоа што реагира во допир со метал. Може да се користи пластична или дрвена лажица. Исто така и садот во кој ја мешате не треба да биде метален. Поздрав
Здраво на сите, еве ви неколку идеи каконајдобро да ја употребувате зелената глина за одредена проблематика и на кои начини. Поздрав За што сѐ може да ја употребуваме зелената глина Зелената глина претставува едно од најдобрите природни средства не само за нега на кожата и косата, туку и за оддржување на целокупната добросостојба на организмот. Благодарение на присуството на голем број на минерали во својот состав, таа има огромно регенерирачко дејство. Секој дел од нашето тело е во состојба да извлече многубројни бенефиции од употребата на зелената глина: го прочистува организмот, ги исфрла токсините, ја подобрува работата на цревата, одлична е во случај на анемија, ја намалува болката во мускулите, го забавува стареењето на кожата.... Ова се само дел од својствата која зелената глина ги има врз нашиот организам и тело, а во продолжение ќе ви кажам на кои сѐ начини може да ја употребувате и што се може да направите со неа. Маска за лице: Зелената глина е одлична како маска за подобрување на состојбата на масната кожа и во третманите на акни. Рецептот е следниов: се мешаат една лажичка зелена глина, една лажичка мед, малку зелен чај и, доколку имате, една капка етерично масло од чајно дрво. Се нанесува на убаво исчистено лице, се држи 10 мин. и се измива со млака вода. Антицелулитен третман Зелената глина е одлична и во ублажувањето на целулитот. Во комбинација со какаото дава одлични резултати кај оваа неестетска појава, а одлични ефекти дава и во намалувањето на стриите. Во едно пластично кутивче или тегличка, помешајте 4 лажици зелена глина, 4 лажици какао и 2 до 3 лажици сол. Додадете 12 капки етерично масло во самата смеса по ваш избор (лаванда, рузмарин, лимон, портокал). Убаво промешајте и ова е базата за вашиот антицелулитен третман. Секогаш кога ќе посакате да го направите, земете неколку лажици од смесава (во зависност од тоа кој дел сакате да го третирате) и помешајте го со малку деминерализирана вода или зелен чај, се додека да добиете убава смеса. Еве како јас обично ја правам оваа маска http://biodevojka.blogspot.mk/2015/07/blog-post_7.html Маска за болки во мускулите или реуматски болки Зелената глина одлично ги ублажува болките во мускулите и реуматските болки и многу често се користи во професионалните центри за терапија низ целиот свет. Маската која помага се состои од следниве состојки: зелена глина, маслиново масло и топла деминерализирана вода или зелен чај. Помешајте ги овие три состојки (густината на смесата одредете ја сами додавајќи една или повеќе од состојките) и нанесете ја на болното место од 30 до 40 мин. Важно е маската да биде топла, меѓутоа не премногу, за да не се изгорете. Третманите правете ги месец дена секој втор ден. Облоги за воспалени очи Во еден чаша со вода ставете една лажица зелена глина и оставете да стои 15 мин. Префрлете ја во еден сад и додадете малку чај од камилица. Во таа смеса потопете две стерилни гази и ставете ги врз очите во случај на воспаление. Облоги за главоболка Зелената глина е одлично средство за ублажување на главоболката. Се што треба да направите е следново: во една чаша млака вода растворете две лажици зелена глина и додадете од 5 до 10 капки етерично масло од лаванда. Потопете една газа во оваа течност и ставете ја врз главата околу 5 до 10 мин. Овој вид на облоги навистина се доста ефикасни и помагаат во ублажувањето на главоболката. Маска за масна коса Доколку имате проблем со масна коса, направете ја следнава маска: помешајте 2 лажици зелена глина со чај од коприва и (доколку имате) малку алое вера гел или пак мед. Нанесете ја на мокра коса на коренот, масирајте две минути и оставете да делува 30 мин. Потоа измијте ја убаво косата со квалитетен шампон и нанесете добар регенератор по должината и врвовите на косата (избегнувајќи го коренот секако). Нега на нокти Зелената глина е одлична и за омекнување на заноктиците. Во едно мало легенче или сад со топла вода ставете 2 лажици зелена глина. Потопете ги рацете околу 5/10 мин. и продолжете со маникирот како што обично правите. Прочистување на организмот За оваа намена (за внатрешна употреба) постои посебен вид на зелена глина која е прочистена и сигурна за конзумирање по внатрешен пат. Се прави на тој начин што во една чаша млака вода се става една кафена лажичка глина, се остава да отстои околу 10 мин. и се пие наутро на гладно срце. секако за внатрешна употреба консултирајте се најнапред со вашите матични лекари, кои во зависност од вашата здравствена состојба и потребите на вашето тело ќе ви го одредат вистинскиот третман и времетраење. ВАЖНО: веќе имам напоменато, но не е на одмет да повторам дека зелената глина треба секогаш да се зема со пластична или дрвена лажица (никако метална). Зелената глина реагира во допир со метал и доаѓа до алтерација на составот. Исто така и садовите кои се користат за да се приготват третманите не треба да бидат метални. Поздрав Вики
Мајка ми ја користи и многу е задоволна, а и јас ќе ја пробам, поради црнкиве. Сакам ќе ми го светни лицето, ни мозолче ниту црнка да немам.
Ја користам веќе една недела ја земав за тоа што имам мрсна кожа на лицето и црнки на носот и забележувам некои промени на лицето и црнките на носот како да се губат ја користам 2-3 пати на ден денес заблежав кога ја ставив на лицето и после 5-10 минути лицето почна да ме пецка,што мислите треба да пецка или ?
Извини само едно нешто пиша 2-3 пати на ден??? Да не мислиш во неделата? Затоа што дневно е премногу 2/3 пати додека 2 пати неделно е сосема ок. Сепак не претерувај премногу често може да добиеш обратен ефект.
Јас ја користам два пати неденелно и е сосема доволно. На опаковката пишува еднаш неделно, така што не треба да се претерува. Потоа може да има обратен ефект и кожата уште повеќе да лачи мрсно.
Точно е дека зелената глина ја суши кожата. Затоа прво треба да знаете каква кожа имате на лицето: масна, сува, неутрална или комбинирана. За сува кожа не е препорачлива. Јас сум задоволна, меѓутоа мојата кожа на лицето е масна ☺
Јас мислам дека е корисна за секаква кожа, длабоко ги чисти порите, нечистотијаta и ги одстранува мртвите клетки на кожата. Во зависност од типот на кожата може и да се додадат некои работи (но и не мора), пр. tee tree oil за мрсна кожа, мед за сува и сл. Исто така и на самата опаковка пишува по отстранувањето да се хидрира кожата, без разлика на типот.
Да , така пишува, ама кај сите со сува кожа предизвикува перутање, пукање на кожата и брчки. Тоа се несаканите дејства, и нив ги пишува ама со помали букви
Јас користам маска од зелена глина и многу сум задоволна Ја собира вишокот маснотија од лицето и го прави мазно. Незнам дали сте читале дека маската од зелена глина содржи корисни состојки, како што се калиум, калциум, бакар... Некогаш за промена , во домашни услови ако си ја употребувате, можете да додадете мед и две капку маслиниво масло, па ефектот ќе биде уште подобар
