Нема потреба од вакви дезинформации. Земјотресите во Турција не се никакво изненадување, посебно не во овој реон каде што се случија што и јасно може да се види на мапата подолу. Токму таму три сеизмички плочи се судираат и со голема сигурност може да се очекува земјотрес од голем интензитет. Точно е дека земјотрес не може да се предвиди (иако и кон тоа има напредок (earthquake early warning systems, какви што веќе користат Мексико Сити, Кина, Јапонија, Калифорнија и се покажале ефикасни)), но може да се очекува, секако без прецизен датум, време и конкретна локација со координати, базирано на многу фактори. Тоа е така затоа што Турција лежи на 3 тектонски плочи, односно Анадолиската, Афричката и Арабиската и сите три се притискаат една со друга. Покрај тоа, регионот е опкружен од две главни раседни линии, северно- анадолиската и источно-анадолиската, кои постојано под притисок ја туркаат централна Турција западно кон Медитеранот. Оттука земјотреси во тој регион не се изненадување, исто како што не би биле ни кај нас, во Грција, Албанија, Хрватска или Италија. Затоа сеизмолозите предвидуваат дека во наредните 70 години веројатноста дека Истанбул ќе биде погоден од земјотрес со сличен интензитет од над 7 степени по Рихтер е 95%. Затоа и се апси толку многу таму моментално, Турција и Истанбул активно треба и се подготвуваат за таков катастрофален земјотрес. Со својата лоша инфраструктура и 15+ милиони жители, плус географската позиција, Истанбул е во голема опасност. Земјотреси имало и ќе има, само за да не бидат вака катастрофални треба да бидеме сериозно подготвени (како Јапонија).
Не знам што не им е јасно на луѓево, донација значи да донираш работи кој би биле корисни на тие на кој им се потребни, а не ѓубрето од дома да си го исчистиш. Луѓево не само овде туку и во другиве држави носеле буквално ѓубре, скинати, нечисти работи некој дури и свечени фустани, штикли и сандали. Побогу што ќе им е тоа?? Се донира храна конзервирана, памперси, ад млеко, марамици, влошки...средства за хигиена...облека пред се да биде чиста и здрава не скинато и нечисто, кебиња, вреќи за спиење, обувки за зима чизми, а не сандали...Вака личи како да сакале од дома да подзачистат па ајде тука ќе " донираме". Мене ова ми личи како потсмев непочит, а не донација. Ако немаш облека која би била корисна, може пари ако не си во состојба ни тоа не мора да донираш. Не им треба на тие луѓе ѓубрето од дома да им го носиме.
Јас исто така приметив луѓево по тв што апелираат за донација многу често изоставуваат да кажат за влошки кои се патем ПРЕпотребни.
И за Хрватска знам лани беше исто вака, читав им праќале бикини, сандалки и свечени фустани со шљокици навистина мизерно и само џабе трупање непотребни работи со кои се губи време за одделување, складирање и пакување за да се испратат таму каде што се потребни. Страшно е ова што се случува во Турција и Сирија, за Турција се сплоти речиси цел свет да и помогне, од сите страни стигаат донации како парични, така и потребни работи за скромно опстојување на преживеаните , стручни служби од секаде пристигнаа за да ги вадат луѓето од под урнатините, а во Сирија како да не се луѓе од крв и месо едвај на прсти се бројат тие што им помагаат, ама тоа се тие обединети светски вредности на дело. За жал бројот на жртвите е огромен, ама надеж дава дека и денес после 8 дена од земјотресот вадат живи луѓе од под урнатините. Гледам многу жални и страшни видеа од кои срце ми се стега, не можам ни да ја замислам агонијата низ која поминуваат луѓето и животните кои со денови стојат затрупани и чекаат да бидат извадени, некои излегуваат на површина живи и здрави, а многумина за жал ја немаат таа среќа. Многу од градежниците ги уапсија, некои на аеродром во бегство, а некои за жал веќе избегале во други држави, ама каде и да бегаат, еден ден ќе ги стигнат солзите на целиот напатен и невин народ кој остана без ништо материјално, народот кој купувал живеалиште со капки пот и истото тоа живеалиште да стане гробници на цели семејства. Мора да се понесе одговорност за сите нови градби кои паѓаа како кули од карти, а помеѓу нив други градби стоеја цврсто без пукнатина, една од таквите градби е и зградата на група градежници-газди кои ја имаат изградено по највисоки стандарди и така си стои без ниедна пукнатина насред сите тие разурнати згради. Арам да им се парите на таквите ѓубриња од луѓе, и ќе им бидат
Имаше некои претпоставки дека во Романија ќе има голем земјотрес. Се надевам ова е то и се надевам помина без поголеми штети. Аман, 2023та година на природни катастрофи ќе е изгледа.
Тој што го предвиде земјотресот во Турција, сега израчунал дека од 15 до 18 незнае точно кога, ќе има во Авганистан, Пакистан, Филипините тој дел. И предупредува луѓето што живеат таму да бидат внимателни. А интересно ми е тоа што земјотресите ги предвидува со помош на позицијата на планетите и звездите.
земјотрес не се предвидува може афтершоковите да се предвидат логично пошо тлото не е смирено No. Neither the USGS nor any other scientists have ever predicted a major earthquake. We do not know how, and we do not expect to know how any time in the foreseeable future.
Па знам, затоа и ми е чудно. Но оди на профилот на фб на тој типот, и ќе видиш дека има напишано пост дека ќе има земјотрес во Турција со точна магнитуда, ден или два пред земјотресот. Како е можно ова??
не читам искрено неќам да се трујам со глупости, ако пукне нека пукне кај сака мене ми е гајле за мајка ми и татко ми само за Турција, Филипини итн нека си мислат тие таму шо живеат
Колку деца сираци останаа, колку родители останаа без деца преку ноќ и без покрив на глава. НезнАм дали еден рамнодушен човек остана после сите случувања од таму . Преку ноќ човек од се остана без ништо
