Кој повеќе период во годината го сакате во однос на гардаробата? Зимски или летен? Некои едноставно уживаат во летни фустанчиња, сукњички, белата боја, цветни дезени, откриени нозе, раце, кратки панталончиња, светли бои, сандали, римјанки, очила за сонце, сламести шапки и одвај чекаат пролетно време за да ја извадат и испеглаат летната гардароба. А останатите па уживаат во капутчиња, кожни јакни, марами, шалчиња, ракавици, качкети, потемни бои, џемперчиња, волнени и плетени парчиња гардароба, чизми, чадори .... Која гардароба повеќе ја сакате? Која повеќе сакате да ја купувате? Вашиот орман има повеќе летни или зимски парчиња? Која гардароба дозволува повеќе комбинирање? Која е попријатна? Зимската или летната гардароба повеќе ја сакате?
ЗИМСКА VS ЛЕТНА гардароба Зимскиот период ми е некако по омилен во поглед на гардеробата.. Капутчиња,чизмички, џемперчиња шалчиња..Мислам и летната ми е ок..И таа и таа можам да ја искомбинирам,Но мене повеќе ми лежи зимската на срце..А во однос на тоа која гардероба преовладува,можам да кажам дека ја имам скоро исто
ЗИМСКА VS ЛЕТНА гардароба Лето и само лето! И во однос на гардероба и на се, обожавам лето и летна гардероба и многу повеќе ја имам во споредба со зимската. Уживам да носам лесна летна облека, а не во зима кога сум натрупана со милион парталишта и пак ми студи
ЗИМСКА VS ЛЕТНА гардароба Летната! Не затоа што сакам лето, туку затоа што можностите ми се неограничени. Куси, долги ракави, бретели, шорцеви, панталони, фармери, сукњички, сандали, отворени и затворени штикли. Има многу модели бои за комбинирање, да се заборавиш... Во зима пак мора повеќе слојно да се облекувам, мразам дебели џемперишта и капути. Од друга страна па сакам чизми , слатки капчиња и баретки. Ама реално, во зима неможе и не оди да се облечам во шорц и некоја секси отворена маичка. Затоа повеќе купувам летна гардероба, особено маички. А другиве работи ги купувам по потреба, не се може без нив. Јас лично едвај чекам да запролети...да облечам балетанки, сандалки, римјанки....и да се печам на сонце! А , и морам да го спомнам битниот факт, заради кој не сакам зимска облека- мразам да носам чорапи!
ЗИМСКА VS ЛЕТНА гардароба Дефинитивно летната! Таа и повеќе ја купувам,и имам поголем шивоњер со маички по кратки, по прерамки, отколку некои маички по долги ракави. Полесна и ми е за носење.. Подобро би носела 1,2 маички на мене,отколку дуксери, јакни, чемпери. На мене се збиено. Добро сега , во зима,може подобро да искомбинирам парчиња... Но како и да е , дефинитивно Летната гардароба ми е попријатна!
ЗИМСКА VS ЛЕТНА гардароба Дефинитивно летото го сакам повеќе и летна гардероба сакам повеќе да си купувам.
ЗИМСКА VS ЛЕТНА гардароба Дефинитивно летна гардероба! Ем имам за комбинирање колку сакам, ем некои работи си ги комбинирам и преку зима
ЗИМСКА VS ЛЕТНА гардароба Повеќе ми одговара летната гардероба од проста причина што ми е многу попријатна и полесна исто ко да не носам облека во лето. Од друга страна пак и зимската гардероба не е лоша, само сум зиморлија и треба повеќеслојно да се облекувам , а и мразам ролки (ме дават во врат) затоа само полуролки си носам. И немаш голема комоција во зима си постегнат, боди, ролки, џемпери, елечиња, шалови, марами, ама сепак ако е искомбинирано тоа убаво може да изгледа поубаво од некои летни парчња облека. Сепак кога би бирала би ја одбрала летната гардероба. Фармерките се неутрали (тие се носат во сите сезони ) така да се прават комбинации.
ЗИМСКА VS ЛЕТНА гардароба Обожавам нозете да ми се голи. Не ја сакам зимната облека посебно поради делот - хулахопка уф колку одвратно нешто, неможам да носам ич, а во зима морам, нема каде. Исто така ролки ме гушат, коа ќе натрупам облека на мене на крај не се осеќам, нема комоција, коа е ептен ладно не мрдам од страв да не ми излезе некаде гола кожа брррр. Друг минус за зима ми се темните бои, црно, сиво, кафеаво....аман Лето и онака си обожавам, а па облеката плус, летни фустанчиња, маички, шорцеви, се шарено, еден куп бои и комбинации, очила за сонце....Се на се, колку помалку облека иам на мене, толку подобро се чувствувам
ЗИМСКА VS ЛЕТНА гардароба Повеќе пари трошам за летна гардероба затоа што никогаш не ми е доста од сандали, шорцеви, шешири, фустанчиња, маички и слично. Иако и зимската гардероба може многу убаво да се искомбинира, ама ја одбирам летната затоа што повеќе уживам со малку облека на себе
ЗИМСКА VS ЛЕТНА гардароба Лето, златно лето.. Ја мразам зимата поради тоа што морам да се наоблечам џемпери, хеланки па фармерки па капути па шалови па ладно се тоа ме нервира... Уживам во летото, сонцето, кратки панталончиња, сукнички, маички, летни фустанчиња што прават да се чувствувам удобно и лесно.. Едвај чекам да дојде летооо!!!
ЗИМСКА VS ЛЕТНА гардароба Дефинитивно ЛЕТНА гардероба бидејќи Летото ми е најомилениот период од годината!
ЗИМСКА VS ЛЕТНА гардароба Повеќе ја сакам летната облека. Убаво и комотно се чувствувам кога сум лесно облечена. Маичка, пантолона и шибај. Фустани... ах, милина бе. На зима ме мрзи треба толку работи да облекувам, и на крај само ќе изгледам подебело. Ајде уште малку пролет, ќе се фрцкаат газиња и голи ци*иња на сите страни, оу јеа.
ЗИМСКА VS ЛЕТНА гардароба Летооо!! Ах едвај чекам Најубаво ми е кога носам нешто лесно на себе, една маичка панталонки и сум готова. Го мразам сето ова наоблекување со 100 алишта на мене. Ги сакам летните фустанчиња и си го чекам летото!
ЗИМСКА VS ЛЕТНА гардароба Повеќе ја сакам летната гардероба. Ги обожавам летните (тенки) матријали, разиграните дезени и колорични и свежи бои....
ЗИМСКА VS ЛЕТНА гардароба Дефинитивно летна. Поудобна за носење и одма се суши. Зимскава ајт што џемперите што ги носам тежат повеќе од мене кога ќе ги перам по 4 дена чекам да се исушат. И поинтересни комбинации се прават со летна гардероба.
ЗИМСКА VS ЛЕТНА гардароба И двете Ја обожавам летната гардероба поради прекрасните бои, разиграноста, шарените дезени, интересни маички, сукњички, фустанчиња (не викам дека не се носат и во зима!) и моето омилено сандали .... Едноставно кога ќе го погледнам плакарот преполн со бои сум срекна и секој ден ми е интересно да правам нови комбинации. Во однос на летната гардероба секоја година одново и одново купувам безброј маички! А зимската гардероба е сосем друга приказна, иако боите на мојата зимска гардероба не се толку разнолики (најмногу црно, кафеаво, сиво...) сепак ја сакам модата во зима заради можноста за слоевито облекување. Толку многу комбинации, па дури и некои основни летни парчиња можат да се искористат. Со кардиган, некое слатко џемперче или болеро, со чизмички, дебели хулахопки. Можностите за комбинирање се безбројни! Па тука се и капутчињата, јакничките, капи, шалеви, ракавици.... Ја обожавам зимата
