Зошто во помалите градови културното однесување се сфаќа како иронија?

Ова доаѓа како „Тие од селото излегле, но не и селото од нив“.


Да, јас сум од мал град, но студирав и ете ми излетуваат такви некои реченици,изрази,зборови. И право коментари од типот ,,многу учената ти“, шо сум се праела паметна или ќе го повторуваат тој израз и ќе ме исмејуваат. Проста работа, некултура. Џабе е се.

Не им паѓам не нивното ниво + сум сум си воспитана и културна,а тие -што сакаат нека прават. Барем вака нема да ме заборават хаха

 

Мал или голем град, ние имаме еден грст културен народ, на прсти се бројат. Има многу образовани луѓе кои глумат култура, но културата за мене не е арогантно да се каже „ те молам“... или едно „повели“...Во мојот град јас на келнерите им велам благодарам иако тие само ја донесуваат пијачката и не викаат ништо. Баш ништо. Некултурен народ сме генерално.

 

Нема некое значење големината на населеното место.
Основните начела на однесување и анти-културата на живот се слични, да не кажам исти горе долу секаде, Новаци помножено со 50 прави една Битола. Битола помножена 10 пати прави едно Скопје.

 

Како прво да се разбереме. Помалите градови значи сите останати освен Скопје? Пошо скопје има 20 милиони, сите останати заедно немаат толку. И кога веќе правиме споредба како се однесуваат оние од помалите градови, да се земе во предвид дека поголем дел од тие истите се во Скопје, како наш главен град и главен индустриски центар и лулка на цивилизацијата, па кога некој периферец ќе донесе нешто од културата од таму, ќе ми пренесе мене, ваму, тааму и така тоа се шири и шири. Додуша ние утепаните од помалите градови немаме модни недели па да збориме за колку сме возбудени што гледаме модели од агенцијата на Мики Црнокрак. На крај се се сведува што човек си, а не од каде си. И колку човек има во главата.

 

Убава тема ама бучкуруш направивте со одговорите.

Прво, не мешајте литературен јазик со културно оснесување. Некој може да биде културен зборувајки и на дијалект како што може да биде и некултурен на чист македонски. Јас имам забележано ете баш за Скопје, соработувам со многу луѓе, магационерка некоја никој и ништо и си мисли дека таа ако збори на скопски што е далеку од македонски стандарден јазик а јас на дијалект дека таа е над мене и јас треба нејзе да и се поклонувам . Ако на истата личност на нареден повик и се обратам со 100% стандарден македонски јазик одма е таа подруга. Значи има антипатија спрема дијалектите а и самата збори на скопски дијалект. Кај битолчани, прилепчани, велешани тоа го нема.

Второ, по муабетиве многу малку го познавате типичниот македонец од рурална средина. Типичен македонец од рурална средина не му се обраќа секој ден некој со госпоѓо/господине и затоа кога некој така ке му се обрати тој е уште покултурен. Е може нема да ви каже госпого туку ке ви каже госпоџа (со акцент на а) но тоа не е иронија туку негов збор за госпоѓа . Може ке збори на дијалект, ке пробува и литературно, но во никој случај нема да наидете на иронија, потсмев или некултура. Тие што се иронични и некултурни најчесто се полуписмена популација , тоа е најопасната група учена недоучена, што ги има секаде, и во Скопје и во другите градови и во некои села . Разграничете неук човек од некултурен. Можеш да живееш во сред Париз да имаш милјони и диплома од Сорбона и пак да си некултурен и на разликите да гледаш со иронија.

Трето, истово може и ние да го кажеме за скопјани. Му врие говорот со србизми а кажи ти еден збор на дијалект веднаш или се потсмева или се чуди , што мене ми е исто така многу просто и сељачко.

Четврто и најважно. Зависи со која цел сте збореле со соговорникот. Ако сте се јавиле за анкета, или да му нудите промоција, и слични глупости тогаш секако дека ке добиете иронични одговори па ако сакате зборете и британски.

Иронија има само во следната ситуација. Имате на пример струмичко село, во кое од цела генерација деца од 15 само една се запишала и завршила факултет. Другиве во мегувреме може и 20 пати за швајцарија и германија да биле да виделе свет ама џабе тоа не важи бидејки кога ке дојде коконата со факултет она се знае, се има видено, само она е писмена една и единствена и сите неа мора да ја слушаат. Не иронија, не потсмев , цел роман смешки може да изнапишат за неа после, ама заслужено и е

 

Можам да бидам културен и отворен према луѓе кои ми се симпатични на прв поглед. Ако не ми се симпатични претежно сум ладен и незаинтересиран. Мразам и тој претеран бон тон и глумење сталежи.

 

Одамна барав некоја ваква тема за да се изјаснам. Живеам во Прилеп, го почитувам дијалектот на градот, но ме нервираат некои зборови кои звучат премногу грубо. Моите од мала ме учеа да зборувам литературно а и јас се трудев и сега веќе не ми ни доаѓа да користам некои изрази од прилепскиот говор. Но главното нешто што сакам да кажам е дека луѓето поради оваа причина ме гледаат со потсмев. И ова го имам забележано милион пати. И замислете, според едно девојче кое учеше со мене во основно, тоа што јас сум зборувала литературно, значело дека сакам да бидам скопска шмизла. Не ја обвинувам неа, бевме мали деца, но родителите воопшто не се обидуваат да ги научат децата на културно однесување, правилен говор и манири.

 

Се сложувам дека во помалите места постои ваков синдром, или уште може да се нарече и комплекс на ниска вредност. Мислам дека истото е резултат на отсуство на култура и еманципација, отсуство на способност за унапредување и промени, прифаќање единствено на шабланското (провинцијалистичко) однесување и манири,
страв од прогрес, поради неспособност за прилагодување, луѓето несвесно градат имагинарен штит, ги исмејуваат индивидуите кои се стремат кон културен напредок, за да превенираат нивна доминација, а тоа доведува до искривени и нереални сфаќања и толкувања на одредени обиди за кршење на стереотипите и шаблонското однесување, па и говорење и начин на изразување.
Се разбира дека ова не важи генерално за секој граѓанин од одредено помало место.

 

Или како иронија, или ќе го земат низ нозе човекот. Некој да е културен спрема грубијаниве, зад грб ќе го прогласат за глупав или за ментално болен. Од тој недоделкан народ во Мк, ништо не бидува.

Мене лично ме нервира кога вработени во институции цепаат на дијалекти, без да размислат ( ) дека понекогаш имаат работа со луѓе од други градови или со странци кои го разбираат литературниот јазик, ама не и секој локален говор. Јас што сум родена во тој град, постојат зборови кои не им ги разбирам и ми звучат затуцано. Имаше еден професор во средно, по учениците викаше муфЉуСи и ете, на училиште научив таков велелепен, милозвучен израз. Кога спомнав дома, татко ми во неверување рече дека простаци ги учат и воспитуваат децата.

Не се бара никаква припадност на сталеж за да покажеш култура.
Добри манири и бон-тон се одраз на човечност кон оној кој стои спроти тебе. Да направиш да се почувствува пријатно, наместо да му го уништуваш денот. Вие имате кисело грозје комплекс дека не припаѓате на "високата класа", оттаму сите фрустрации.

 

Тешки комплекси имате бе скопјанчиња. Ама културни сте ептен, дури толку далеку сте од нас селаните што просто мора на форум да се дискутира и анализира нашето сељачко однесување.

Инаку, забавна тема, глупост до глупост.

 

Културното однесување секаде се сфаќа како иронија. Ако човек се однесува според некои универзални правила и запазува детали, секогаш ќе се најдат "паметни" кои ќе сакаат по секоја цена да омаловажат.

Во последно мешам доста дијалекти, некои луѓе имаат разбирање, некои не. Често знае само по себе да ми излета некој збор и да се секирам дали некој/а мисли дека тоа е просто. Ама па, изгубив желба да си кажувам оти е тоа така. На крај краева секој/а се бори за подобро утре, така да од старт сами по себе се елиминираат луѓето.

Ни литературно им се погодува, ни дијалект(и).

 

И ние "скопјанишчата" имаме свој дијалект. Кој мисли дека скопскиот изговор/дијалект е литературен и побогу зошто? Било тоа можеби пред триесетина годинки, сега потешко. Јазикот е флуиден, жива материја и подложна е на промени во зависност од околностите. Дијалектот или чистотата на јазикот не нѐ прават (не)културни. Други се критериумите за култура.