Зошто домашното е секогаш критикувано и помалку ценето од странското/туѓото?

Едно е да те интересира од хоби, друго е да набадаш сите да читаме детали и ситници од непотребна област. Голема мана на школскиот систем во Македонија е замарање со теоретски глупости колку кенгури има во Австралија, каде акал Кемал Ататурк пред да стане познат и све остало заборавено до наредна учебна година. Никакви практични знаења и вештини потребни во животот не ни се пренесени.

 

???
Цела сум прашалници. Па поголемо замајување на својот народ од тоа да му кажеш "Македонија е Швајцарија на балканот" нема. Можеби да му кажеш дека се антички ниту едното нема смисла, а како е практична тоа не ми е јасно?

Македонија може е Швајцарија на балканот во некој паралелен универзум. Во овој универзум е кантата на Европа и Швајцарија, ама буквално.

Земјава има огромен потенцијал, вреден народ, но страда од корупција како метастазиран канцер во одмината фаза. Пијавици ненаситни на кои ќе чекаме крвта да им секне, па да нема од кај да цицаат веќе.

 

Карактерни разлики се во прашање. Некој се задоволува со малите работи, ја сака и бодри државата. Друг се стреми кон повеќе и таа го гуши. Ко некои шо ги фаќа носталгија и депресија во странство, други тука осеќаат негативен набој. Плус, да се има предвид дека не му одговара секому менталитетот и амбиентот. Не плива секоја риба во сите води.

Таа мисла му е во контекст дека како што Швајцарците се Германци, Французи и Италијанци, така Македонците се Бугари, Срби и Грци. Оттаму Македонија ја нарекувал Швајцарија на Балканот.

Иначе порано имам гледано едно видео со Ванчо Михајлов како се нервира и вика дека Македонците се стока, хахах
Се жалеше дека големи пакости му нанеле, нешто во тој стил.

 

Да, знам кое е вистинското значење. Реков практично го зимам за точно поради природните убавини. Швајцарија е симбол за убави планински места, а верувајте Македонија има многу такви.
За жал од "планински" места е најпознато Водно, кое е и доста урбанизирано и често се дава акцент заради милениумскиот крст, а всушност останатите планини ги поседуваат тие вистински планински убавини заради кои реков дека во тој контекст мислата би била коректна.

 

Па види, Ататурк и не е некоја личност од историјата што треба да е како податок што би се заборавил. Сепак станува збор за личноста која прави пресврт во турската историја, и мислам дека барем од општа култура треба да се знае за модернизацијата која ја спровел. Тоа е првата работа што ми текнува кога ќе се спомне. Втората е неговото потекло од Македонија. Самото тоа што има потекло од тука ја збогатува нашата историја и култура. Местата од кои потекнува може да се направат во сериозни туристички атракции. Модерните туристи се интересираат за историја, сакаат да учат патувајќи. А верувај ми денешните млади не ни знаат кој е Ататурк, заради недоволен поттик на љубопитство. Битно да се имало само 5ки...

 

Тежок е животот во Македонија, тука нема дилема, освен за оние малкуте. Никаде не е лесно, ама од во Македонија е полесно на запад, тие што одат ретко се враќаат. Но тоа што системот не функционира, не значи дека нема убави нешта, не значи дека треба да правиме copy paste на сѐ што прави Западот. Знаете што има Македонија, а заборави? Тоше Проески, светски уметник! Да, Тоше излезе од сиромашно македонско семејство, ама носеше вредности, вистински, човечки. Наместо да се угледаме на луѓето како него, ние сме запнале да е сѐ, само не наше. Намерно го земам за пример него, како професионалец, но и како промотор на највисоки духовни вредности.
Да, системот не чини, нема тука што, но ние како луѓе дополнително си ги вадиме очите. Да дојде странец, нозете ќе му ги измиеме. Не треба да се плука по никој, ни по Западот, ни по Истокот, треба да се ценат вистинските вредности од каде и да доаѓаат, па макар и од дома.

 

Мене природата во Македонија не ми е ништо посебно и не ме влече.... просек, на места и потпросек.... во глобала, надвор има многу убави нешта кои овде отсуствуваат. То е, не може секој да се чувствува патриотски.

 

Се сеќавам дека учевме по географија која земја колку пченица, јачмен, пченка произведува. Тоа ми е вишок. Тие податоци се менливи од година во година, и зошто сме ги учеле не знам. Оти морало. Не испрашуваа се и сешто. За Ататурк и треба да се знае. Тој не е анонимус. Ако народот знае кои се Цеца, Карлеуша и разни српски старлети, зошто да не знае за Ататурк? Неформалната химна на Палестина ја напишал Македонец, Панде Манојлов од Битола ( скоро почина). Зошто да не знаат таков податок Македонците пример? Тоа мислам дека и во топ 10 факти за Македонија се споменуваше некаде на интернет во видеа. Странците знаат, ние не знаеме. Неоцамна истражував за војната меѓу Чиле од една страна и Боливија и Перу од друга страна. Не дека некој ќе ме праша, ама ете ме интересираше како една сиромашна земја поразила други две кои исто така се сиромашни и отцепила територија на море.

 

Оти најлесно е да се критикува своето, одете критикувајте странско па да видите какви реакции има. Ние не знаеме да се гордееме со она што го поседуваме (буквално сè што имаме).

Најмногу страдаат луѓето кои се во спортот, уметноста, со што никој не ги става на ум. Секаде се инвестира во младите, услови им се обезбедуваат и тоа сè што им е потребно - затоа и земаат злато и сребро. Тука "инвестираат" во партиски послушници, "суптилен" криминал итн.

И да, ете тоа што ние сме го учеле (години наназад) многу се наоѓа. Верувајте дека луѓе од Кина не знаат ништо за својата земја. Само сега уште полошо ќе станува т.е нема да сме воопшто во предност.

Тие што најмногу плукаат, појма немаат какви таленти има во Македонија. И во глобала сите сами ќе се снајдат, оти државата ги заборава. Пример, детето од Штип за математиката.

 

И јас исто си помислив, од мали слушаме како имаме многу убави природни богатства, а нема врска, баш е просечно. И она што зависи од човечко одржување, не е убаво одржувано.

 

Убавината е во окото на тој што гледа @Аргентина * @Srckata28 тоа што за мене е убаво, за вас не е.
Се кладам дека пола од вас нема ни да знаат кај се сликани сликите во првиот спојлер..
А од друга страна и Швајцарија без филтер не е толку убава за да падне на гз човек..

Spoiler: ....

Spoiler: Швајцарија

 

Токму ова ми е поентата на темата. Повеќето одма тргнаат да коментираат за системот, политика, општество и сл. Напротив, сакав да поентирам дека настрана од тие нешта, имаме многу значајни потенцијали во делот на науката, економијата, природата, историјата, кулутрата, кои за жал се недоволно и неправилно искористени токму поради оние погорните кои ги набројав. Заради тоа и секогаш се настројуваме кон странските без да знаеме за сопствените и без да бидеме свесни колку странците би ги ценеле.

 

Зависи каде сте биле. А според ова што го напишавте, освен најпознатите места, не верувам дека сте посетиле други места кои изобилуваат со многу повеќе природни убавини.

 

Е тоа се вистински непотребни податоци а и се премногу (за жал ги има и во денешните учебници). Зошто да не се знаат овие податоци кои ти ги наброја подоле? Секој современ турист би се импресионирал.

Сосема точно. Кога веќе го спомна детето од Штип, баш погоре споделив дека пред некој ден освоило сребрен медал на светска олимпијада, а притоа и златен на балканска. Дали се даде известување/пофалба на некој медиум? Жално и срамно. Многу лесно се рашири веста за последно место пливање, лесно беше да се критикува, ама за успехов никаде не чув. Исто така сега друг олимпиец се пласирал во финале. Каде се пофалбите?

Па нема да е убаво кога не посетиле воопшто. Иначе, предобри слики.

 

Затоа што секој плука по своето.

 

Петар Глигоровски автор на првиот анимиран македонски филм "Ембрион" 1971г
Академски сликар, освојувач на сребрена мечка на Берлински филмски фестивал за најдобар анимиран филм, "Феникс" 1977г.
1ва награда за Најдобар анимиран филм на најголемиот фестивал за анимиран филм "Анеси" во светот, "Феникс"1977г.
Уметник и режисер.
Јас сум среќен што имам негово уметничко дело во мојата збирка.
Почина 90тите во длабока тага и сиромаштија, фрлајќи ги во реката Вардар сите негови освоени награди, во знак на непочитување на државата кон неговото дело во рамките на доприносот кон светската уметност.
Ја верувам дека 99% од луѓето денес во Македонија појма немаат кој е овој човек и колку многу тој ја сакаше Македонија.
Да, ја имаше судбината на Шишков, Анастасов и многу други македонски уметници кои ја сакаа Македонија повеќе од своите деца.
Светски признати и наградени, а дома непознати.
Жално

 

Само на Балканот.

Многу трагичен крај на животот. Колку мотивација би предизвикало да се знае за човеков, или било кој Македонец со вакви успеси. Влева надеж и докажува дека и покрај тоа што си од Македонија, можеш да поседуваш поголеми квалитети од странци од многу поразвиени држави. За жал, ретко кој верува во ова денес.

 

Се работи за личност кој сеуште живее во меморијата на постарите македонски уметници, кој во сликарството кој во филмската уметност. Можеби и во Вардар филм има сеуште некоја трага од него како некој кој дел од работниот век го поминал таму.
Незнам на факултетот за драмски уметности дали воопшто го учат ама на ФЛУ не само што не го знаат студентите и овие новиве млади професори појма немаат. Како се повлече генерацијата на постари професори на ФЛУ пред 10тина години така и многу македонски уметници наградувани низ светот ги снема во предавањата за нив и нивните дела. Евентуално може нешто да се предава за нив на Историја на уметност, но јас не би знаел. Ако има некој кој таму студира или студирал може да сподели

 

За жал со текот на времето скроз ќе исчезне, освен ако некој не се нафати да направи нешто во негова чест. Многу е несоодветно ако не е воопшто воведен за учење. Кога ќе отиде некој од оваа област на некоја конференција или сличен настан сигурно нема да предизвика воодушевување со некоја светско позната личносг, туку напротив со нешто домашно, не познато што ги импресионира странците.
Не може да не' почитуваат општо како земја, доколку ние самите не си ги цениме овие области.

 

Не проблемот ако е нешто конструктивно критикувано, најчесто не е, хејт е и тоа е всушност проблем а конструктивна критика е секогаш пожелна.