Зошто домашното е секогаш критикувано и помалку ценето од странското/туѓото?

Знаете зошто не не бива?

Затоа што македончето вака си вади очи за се и сешто...секаде. Со причина и без причина. Не бира место и време...

Наместо ние младите да работиме на тој "македонски/балкански менталитет", ние што правиме?
Чорба..

Не очекувајте да не биде кога плукаме по своето... многу подобро е кога нема нешто позитивно да каже човек - да си ќути.
Ама македонче де...

 

Колку што разбрав темата повеќе се однесува на претставниците на Олимпијадата отколку општо. Така е или грешам? Со оглед дека не е прецизирано ќе ги опфатам двата аспекти и ќе направам една компарација во повеќе области. Првин кога сме кај Олимпијадата, проблемот кај нас како народ е тоа што премногу очекуваме, затоа и подоцна се разочаруваме. Овде мислам на народот само, не на учесниците бидејќи тие се свесни колку вредат и колкав товар може да понесат. Истото беше и со фудбалската репрезентација на Европското. Целиот народ имаше преголеми очекувања, не велам дека не треба да си го почитувате националниот тим туку да имате само реални очекувања.

Гледам дека сте ги споменале и природните убавини на државата. Се согласувам дека има убави места кои треба да се посетат, ама тука се соочуваме со еден клучен и структурен проблем тоа е инфраструктурата. До некои потенцијални туристички места уште нема добра патна инфраструктура. Уште сме заостанати во тој поглед. Па дури и Охрид нема соодветна патна инфраструктура до некои делови од градот, каде се наоѓаат плажи кои се доста посетени. Што значи тоа, дека првин власта не го почитува она што го имаме како ресурс, кој може да го искористиме за развој на некоја гранка. Истото се случува и со езерото, каде што со години имаат проблеми со колекторскиот систем . Замислете само колкава количина на фекалии се испуштаат во него. Нормално дека јас како турист нема да отидам во Охрид за да се капам неколку дена во фекалии, туку ќе одберам друго туристичко место во странство. И после зборуваме за тоа дека не го почитуваме своето. Нормално дека ќе биде така кога и власта не го почитува. Развој на туризам не се прави на ваков начин со игнорантност. Туку со превземање на соодветни чекори.

Кога сме кај општиот поглед сметам дека треба да биде критикувано кога имаме соодветни аргументи. Затоа што ако не се критикува нема да се направи притисок да се променат некои работи. Секако овде мислам на работи кои не зависат лично од нас и на работи кои треба самата власт да ги реши. Во овој случај критикувањето на учесникот на Олимпијадата не беше потребно.

Кога сме кај тоа дека како поединци треба да се трудиме да промениме некои работи во општеството и тука грешите. Тоа е како борба со ветерници. Во оваа држава не може да се промени ништо додека некои работи не се исечат од корен и да се исчисти земјата од трулежот. За подоцна да може на чиста и здрава почва да се создаде она кон кое сме се стремеле. И тоа може само доколку се обедини народот. Ама овде луѓето не се навикнати на промени. Навикнати се да живеат и понатаму на ист начин. Ниту пак би се ангажирале да сторат нешто заеднички за општо добро на сите нас.

 

ako nesto ne e ubavo bez ogled nase ili tugo i treba da se kritikuva
realno nie sme zemja kade na sekoj cekor ima deponija i gubrre
a toa gubre nie go pravime, znaci i poveketo se/sme takvi
poglednete go samo forumot,nemoj slucajno da izrazis poinakvo milsenje , ne samo sto ke ti izvrtat mislnjto tuku i ke dodadat uste mnogu drugi raboti koi postojat samo vo nivniot um i ke te napravat nesto sto ne si (dobro toa e odlika na makeonceto , za tebe znae poveke od samiot/a ti
a potoa ke prasuvame zosto?
no tuka si ima i licno, ti se dopaga nesto ili ne
primer mene tie stari iskopini,naogalista ic ne me interesiraat , vo niv gledam samo kupista kamenja i nisto drugo,
dali ke e kaj nas il vo tuga zemja , isto mi e ,ne mi e ubavo no nekomu mu se ubavi , i vo red e toa
kako da recam primer ohrid more cela mk samo zatoa sto e nas/a poubav od dubai (dobro samo na sliki go imam videno) ili obratno,nekoe selo vo indija od nekoe vo mk
e ne mozam
ili ko ke pratat nekoj/a so nikakva pesna na evrovizija da velam najdobar e samo zosto e nas
isto i za lugeto , bez ogled od kade se

 

Убавите дестинации во Македонија можат на прсти да се избројат Охрид, Шара, Скопје центар, Маврово се друго е раскопани патишта и дупки и ѓубре.

 

Во склоп на темата е сето, и природа и култура и историја а особено спорт.
Дали има некој домашен спорт кој се практикува и надвор?
Освен крадење од политичарите и бизнис газдите, нормално...

 

Темата е за сето тоа кое е потценето само заради тоа што е македонско и е критикувано без друга вистинска причина.
Политичката сфера во Македонија е критикувана од секој, но тоа е оправдано. Затоа не влегува во склоп на темата.

Погледни ги овие:

 

Бидејќи не си го цениме.
Некој ако не понижи треба да бидеме сложни и да му покажеме дека не е како што мисли.
Не сме сложни.
Општо жена со жена не се поддржуваат, а не па сите да бидеме како едно.
Стока народ сме.
Многу работи фалат.

 

Во ред, иако проблемот е до нас....
Наместо квалитет сите гледаат да
забушат, зафркнат и покрадат.

 

https://www.kulturabeta.com/post/младите-и-срамот-од-македонското-зошто

Еве една колумна која сум ја сочувала и сега случајно ја најдов, токму за темава. Имам замерки, ама другпат за нив.

 

,,да се ослободиме од стегите на товарот кој зборот „македонско“ го носи. Да научиме да престанеме да го романтизираме и величиме туѓото, а мразиме своето, а сепак, да научиме дека љубовта кон своето не треба да значи негирање на туѓото. Едно со друго тие не се исклучуваат. Можеме да бидеме отворени кон светот, а сепак заинтересирани за нас."

Се' е кажано со овој дел.
Во главно ми се допаѓа текстот. Уште повеќе се воодушевив од авторката бидејќи ми е позната и како активистка и како личност. Секоја чест.

 

Македонецот ја има изгубено националната свест. Се мисли дека е срамота да си го сакаш и цениш своето. Голем дел од народов тука не е ни свесен што има и колку е богата Македонија, што со историја, спорт итн итн... Затоа сме и на ова дереџе.

 

Аутошовинизам.

Влезете во еден клас и погледнете ги имињата на децата, па ќе ви стане јасно што значи самоомраза.

 

Национална свест до минус бесконечност. Јас не спаѓам во таа група, и ме доживуваат како фанатик кога го бранам македонското. Мене ми се повраќа кога ќе чујам „абе ти имаш предрасуди за Грците, па оди ќе си се избањаш, па јас повеќе ги мразам охриѓаните од Грците“ ( а не мисли дека Грците извршиле геноцид врз Македонците, а не Охриѓаните, и Грците се тие кои во лице ќе ти кажат дека си од Скопје, а не од Македонија„, „Зошто да не земам бугарски пасош, не ми бара ни леб ни вода“. Ужас. Во библиотека ми се чудат кога зајмувам книги од македонски автори, ми велат „брееј, ги вадиш од нафталин“. Така мислат затоа што луѓето читаат странски автори. Секој Македонец наизуст треба да знае стихови од „Дениција“ на Петре М.Андреевски, затоа што тоа е наше национално богатство. Свесна сум дека 90% од Македонците не би ги ни препознале неговите стихови.

 

Дали тоа почитав споредба на Македонија и Швајцарија хаха нема збор дека кај нас има преубава и недопрена природа, ама патиштата ко да те водат до пеколот, турист да превезеш до таму срцев удар има да добие.
Само што прочитав во Германија монтираат уреди на патиштата кои зиме ќе го топат снегот а лето ќе го ладат, а ние секоја зима остануваме изненадени.
Ете тоа ме одвлекува и ме тера да плукам по се што е наше.

 

Или кога ќе кажат за геноцидот: ,,ее шо има врска тоа, било па поминало" или ,,ае остај тоа глупости од пред 100 години" или кога луѓето кои ги разбираат и ги поменат тие настани ги етикетираат како "вмровци" (се мисли на партијата дпмне, не на оригиналното ВМРО).
Косата ми се крева кога ќе слушнам било кој од изразиве.

Ама тоа не е објективно. Патиштата немаат врска со убавината на природата. И самата рече дека несомниво е убава, т.е. ти немаш реална причина за да ја критикуваш природата, бидејќи ти ги всушност ги критикуваш општините и управите за патишта, а не природата.
Btw, секаде во светот тие т.н. remote locations кои се најзначајни природни убавини.

 

За тоа не е крива Македонија, не е крива што на нејзина територија живее нај простиот народ и нај големите лопужи наречени политичари. Народот ја бира власта и народот да е малку повеќе свесен може да промени сѐ. Овој народ е угнетуван со години и векови, образованието на минимум... А необразован и прост народ многу лесно се манипулира, дур и со литар зејтин.
А Македонија може да биде 2 пати по богата од Швајцарија, а знаеш зошто?
Затоа што Македонија има 4 годишни времиња а тоа значи дека тука успева сѐ(мислам на овошје, зеленчук, житни култури...), Швајцарија мора да увезува.
И ај да не должам многу, има многу за зборење на темата што Македонија може да биде...

 

Геноцид е нешто што не е глупост и нема да биде ни по 1.000 години. Или изјави од типот „абе нема врска, тоа си е политика“. А кој ја креира политиката во Грција? Таа нивна политика нас ни скрати премногу. Почни од ембарго, до евроинтеграции, промена на нашето име, па до навреди на туристи кои таму оставаат пари и оштетување на таблици, гребење на автомобили. На една песна на јутјуб пишав поздрав од Македонија, и веднаш ми се јави Гркинка да ме исправа дека ние сме Скопје, а тие Македонија, и дека се појаки од нас и со народ, со армија, со историја, со убавини, мислиш копје ќе најде и ќе дојде да ме распарчи, небаре јас нешто сум и земала нејзе, а всушност обратно е. Тоа политика е? Не. Тоа е менталитет на народ, тоест уживаат да бидат иредентисти и на такви пари да им оставам, а да плукам по македонското? Неееее....Кој мрази Македонци, македонско, македонски јазик, нема што јас да одам таму и да разговарам со него. Пред да почне пандемијата сакав да одам во градовите во Бугарија каде има Македонци, ама откако почнаа со овие напади таа идеја останува за некои други времиња.

 

Би ви раскажала една проста случка.

Сношти се паркира кола каде што го блокира цел пат со тоа што друга кола може да помине меѓутоа автобус не. Така доаѓа автобус и не може да помине го заглавува цел пат, дека е една мала и еднонасочна улица. Се слушаат свирки, излегоа сите цели 20тинс минути го немаше човекот,колата заклучена пуштени 4 трепкачи. Се договараат сите што да прават дали назад да идат,малку да кружат, да прекршат некое правило,по некои 5мин го наоѓаат возачот. Тој доаѓа, ја поместува колата,сите поминуваат и толку. Никому ништо,ни тепачка ни кавга. Тоа се вика дисциплина. Е сега што возачот направил гужва со своето неискуство е друга работа.

Е сега ова да беше во Македонија ќе следуваа разни пцовки,па навреди,па боксови,па тепање… дур не дојде полиција и не завршат сите во станица.
Од недисциплина си патиме.
Од омраза.
Од несложност.
Од сѐ.

А кога се оди во странство се почитуваат сите прописи,не смеат да бекнат бе. Тука нема “на чичко ми братучед е полицаец ќе среди” тука одговараш пред законот.

Нажалост постојат многу работи кои треба да ги искорениме ако сакаме да не почитуваат,да не ценат.
Ние прво мора да се цениме, да го цениме нашето богатство и култура,нашата историја,нашиот јазик. Кога раскажуваме за Македонија да раскажуваме со восхит во гласот, а не со доза иронија и сарказам.

 

Да речеме дека сепак тоа се странски политичари и е поочекувано, но не е за оправдување како што го викаат тоа одредени Македонци. За жал и нашите политичари се од тој тип Македонци. Да отидеш да потпишеш договор дека забораваш за геноцидот, нивните имоти кои останале таму како и целиот егејски дел, и тоа токму на местото каде жртви од Грците бегале. Дно. Паметни и обрзаовани политичари во Македонија се бројат на прсти. 95% не се свесни што се случувало во историјата за да знаат како да постапуваат.

 

Грчки туристи доаѓаат ли во Македонија? Не зборувам за казина и коцкање.