Зошто кај нас се промовираат луѓе без таленти?

Во последно време по медиумите гледам личност која е актуелна, а при тоа воопшто нема дарба за тоа што го промовира. Уметност која не е уметност. Пишување на некој дијалект, со србизми внатре, и на секои 2 збора кои се литературни има уште 12 нелитературни. И тоа се претставува како уметност. Едноставно на такви работи не треба да се придава значење, а не па да се фали такво нешто и да се споделува. Зошто кај нас се форсираат работи кои се неквалитетни, па дури и смешни?Значи ли тоа дека сме генерално неписмена раја која не знае да оцени што вреди, а што не?

 

Да се работеше за една таква личност, добро ќе беше. „Писателите“ се дно на дното, ама, за среќа, најмалку налетувам на нив. Што правиме со пејачи кои не се никакви музичари, не компонирале ниту една своја песна, уште помалку добра; актери со ужасна, одвратна дикција и кривоговор... Убавина слабо, манири нула, харизмата кај сите под нула, појава која служи да те онерасположи наместо да те забавува, што би требало да и биде намената. По ѓаволите.

 

По кој пат ќе се докажуваме, па и со истата особа дури, дека пишување и говорење на дијалект не е неписменост?

Неписменост е на пример започнување на реченица со мала буква, која нејверојатно е прашална, али не знам оти нема прашалник на крај, а и истата гласи цитирам ,, што кај нас се промовираат луѓе со квази таленти ,,.

А па да не зборам за воведот на темата без вовед, главен дел и заклучок, без пасуси, па и со користење на србизми и странски зборови.

Можеби и треба некој да прочита нешто од првите Македонски творители, кои пишувале на дијалект, па да се лупа у гради со писменост, по којзнае кој пат...

А за темава, немам што да прокоментирам, оти не знам за која особа се работи, и за кое дело, оти нема пример за да проценам, а и онака сум неписмена оти зборам на Скопски дијалект, бе брат.

Ае поздрав и се глеаме, иам нешо работа сеа.

Фмп.

 

@Gosh

 

Не дека не постојат многу такви квази таленти, ги има како печурки после дожд - ама си ја утнала ептен поентата со тоа што акцент ставаш на дијалектот и го изедначуваш со неквалитет.
Нелитературни (скопски жаргонски) зборови користи и една моја универзитетска професорка во своите раскази кои имаат и тоа како општествена поента, дијалект (обично прилепски) има и во песните и Ана Бунтеска... иии со скопски жаргонизми (а ла шмизла стајл) „цепа“ и Лајла Грејс. Е, ама меѓу овие три има огромна разлика, т.е. првите две би било богохулие да ги споредиш со Лајлица.
Дијалектите и жаргонот се сосема океј кога се користат умерено и во склоп на добар стил од други аспекти бе луѓе, аман, токму без нив т.е. со стриктно литературен јазик би изгледало многу неприродно пренесувањето на секојдневни дијалози. Не е само во Македонија, и во британски книжевни дела/филмови/серии имате cockney дијалект на пример, и во американските - афро-американски говор итн. Само што не го приметувате дека не ви е мајчин јазик
Други фактори се тие што ги прават новокомпонираниве фб/блог-писател(к)и неталентирани и неквалитетни од литературен критички аспект.
Инаку, наслов се почнува со голема буква, треба да биде оформена реченица и на крај да се стави прашалник ако е истата прашална

 

Не го разбирам насловот на темата. И добра формулација на реченица е дел од писменост.

 

Ако се употребуваат зборови кои во македонски јазик не постојат, тогаш тоа за мене е неписменост. Ако вртиш пет збора пример во секоја втора реченица значи неначитан си. Ете по тие критериуми ценам. Плус има луѓе кои пцујат во поезија па името им стана звучно, мислиш Нобелова награда ќе и донесат на Македонија.

 

Некои луѓе знаат да те отераат "у пичку матер" на таков начин што одвај чекаш да почне патувањето.
Други пак, се занимаваат со самоубедување на анонимен форум дека тие се најдобри, а целото општество околу нив е труло.

 

Aaa за насловот сега гледам ми се испуштиле букви. Ок. прифаќам грешка, но сепак ова е форум, не е книга што ќе оди на печатење. Инаку во Македонија најдобриот автор никој на тв на интеврју не го викнал, ама за квази уметници има простор секаде. Имаме уметник кој ја промовира Македонија во светот, ама овде ретко кој го знае. Лајлица, Ана, ги имам читано. Тоа се дела кои онака за релаксација се добри за читање, но не се врвни уметнички дела кои ќе се сметаат за ГОЛЕМА придобивка за нацијата, државата, за книжевноста. И Коста Петров е продаван, и ок е, интересно е за читање, но тоа не е одраз на некој талент, тоа е комерцијално и поминува на пазар. За ценење според мене е „Тело во кое треба да се живее“ од Петар Андоновски. Не знам дали сте го читале, но прекрасно е, а го напишал млад автор.

 

Што ти значи ова?Што сакаш да кажеш?Труло е да.

 

Точно така. МНогу работи кај нас се купуваат со пари, па и угледот и имиџот се прави со пари.

 

Тоа правило важи изгледа само кај нас, талент да се купува со пари. Затоа се ни оди наопаку во државама. Почнувајки од образоване, култура, здравство, спорт и т.н. Ние Македонците имаме таква звезда некој друг да не откријат како таленти. Има безброј случаи каде наши деца таленти потребно е да отидат во Београд во ѕвездите на Гранд или на пинкови ѕвезди и тамо да ги покажуваат нивните таленти. Млади таленти на пр. лекари који не можеле да дојдат до израз во нашето труло општество, заминале во странство и тамо системот ги прифатил и го цени нивниот талент и значење. Млади спортисти, уметници, инжинери и т.н. треба некој друг да ни ги открие. Е затоа вака ни оди.

 

А која е личноста?

 

Кое тешење, вау. Не е битно шо сум неписменa, на форум сум. Не дека ќе ме прочитаат повеќе луѓе него ли што ќе ја прочитаат книгата на дотичниот.

Али битно анонимна сум, па ќе се спасам.

Епа мало morgen.
Поздрав.

 

Оти оние што треба да одлучуваат и поставуваат критериуми се просек или под просек, и што да очекуваш понатаму? Колку генерации треба да поминат, свест да се смени, па да се види мала промена. После треба народот да е задоволен од многу работи па на уметноста или шоубизнисот да гледа озбилно а не само како можност за добра заработка а тука првенствено мислам на мито и корупција. На кој да му текне дека од вистински квалитети може да се дојде и до поголем профит ама кој ќе мисли и вложува време и пари кога може инстант под маса да добиеш. И кога ќе ги искомбинираш овие две работи, алчност и простотилок, добиваш тоа што добиваш.

 

Ја сфаќам смислата на темата, ама не разбирам од каде употребата на дијалект е неписменост?
И тоа во темава баш нагласен е дијалектот како главна неписменост.

Едно од основните уметнички права за уметникот е слобода на изразување.
Како сака може да се изразува, а тоа не значи дека мора да му го читаш делото.
Има милиони и милиони дела на литературен јазик (македонски, англиски, руски, германски).

Значи заклучивме дека тие што пишуваат на дијалект се неписмени.
А тие што сликаат цртежи со голи луѓе се манијаци?
Или тие што создаваат скулптури со голи гради или гол маж, се безобразни и неписмени?

Во сите учебници по македонски јазик има приказни напишани на дијалект. Зошто ги вметнале во програма? За учениците да станат неписмени?

Поголема неписменост е да мислиш дека употреба на дијалект е неписменост.

И секако дека имало и ќе има луѓе што мислат дека ако имаат пари за се ги бива.
Нека создаваат дела, сепак на крај се гледа кој ги чита тие дела и кој го прогласува за уметник човекот што ги пишува.

 

Зошто??
Па имаат пари, дебели врски..и ќеиф да станат познати, да бидат видени....и оти се шупливи во главите, ете затоа.

 

Сите се фативте за дијалектот. Ок, само пример наведов. Ако се пишува на дијалект, ок, ама да не биде два збора на дијалект, па три литературни, па два жаргони, и уште два србизми. Тоа на што личи? Сакав да кажам дека многу неквалитет ни се сервира како нешто што е одлично, а вистинските таленти во земјава се некаде во позадина, и ќе се чека или да остарат или да починат за да им се даде заслуженото место во општеството. Кај нас многу често и квалитетни луѓе се деградирани. Мое мислење е дека неквалитетот го угушува квалитетот.