Кога еднаш завршиш со погрешен маж е игра на случајноста,вторпат е навика а третпат е веќе проблем на психата. Се е тоа избор и како ги наредиме работата во својата глава.
Се согласувам дека ако завршиш еднаш со погрешен маж е игра на случајност но доколку лошиот избор се повторува неколкупати тогаш веќе станува збор за нешто многу подлабоко. Знам девојки кои се чувствуваат живи само кога се со некој што не ги заслужува. Зависни се од тоа тој упорно да не им обрнува внимание или да се однесува лошо а тие упорно трчаат по него и да му се потчинуваат. Според мене овде голема улога играат околината, начинот на воспитување и комплексите на истата таа жена. Свесни сме дека доколку некој ме воспитува од дете дека јас треба да бидам жена која што ќе му слугинува на мажот и покорно ќе го слуша тогаш големи се шансите да направам погрешен избор и притоа таквиот однос да ми биде нормален. Е сега тука има и еден друг фактор а тоа е општеството. Живееме во време каде што материјалното е на пиедестал и е пред се останато така да другите морални вредности се занемаруваат со што сме подложни повторно да направиме погрешен избор. На крајот на краиштата ништо од ова немора да биде причина туку едноставно сите сме живи луѓе кои што е логично еднаш или повеќепати да згрешат и да бидат со некој кој што не ги заслужува, да не е така веројатно тогаш не би учеле на сопствените грешки, воопшто не би можеле да ја споредиме таа врска со некоја друга и да сфатиме дека сепак може да биде подобро, се додека свесно си одиме од тие погрешни мажи и застануваме на нозе, се до тогаш ситуацијата не е алармантна.
Затоа што нив ѓи има многу повеќе од оние квалитетните, кои знаат да ценат и почитуваат девојка. Но вие жените имате и една вродена мана, секогаш повеќе ве привлекуваат оние кои си играат со вас и вашите чувства, отколку оние искрените. Но никогаш заради некој кретен не ставајте ги сите мажи во ист кош, како што ни сите жени не се ку*ви ако некој имал среќа баш да налета на таква.
Па затоа што ќе го видите еј згоден е , сигурно е добар , еј лош бил , ај за мене ќе се смени , јас ќе го сменам , и така циклусот си врти и врти
Одговор на прашањето:Оној што упорно запаѓа на погрешни личности не знае да процени карактер,не знае што сака и не знае што заслужува.
Normalno e da zapagate na pogresni mazi. Poveketo od mazite se pogresni, i statisticki se podrazbira deka vo najgolem del dobrite devojki ke dobijat pogresni mazi. Dobrite mazi se retki, i se raboti za srekna okolnost ako nekoja devojka dobie dobar maz. Taka sto toa e zakonomernost i nemoze da se izbega od toa. Treba zenite da bidat poobuceni kako da se spravat so pogresnite mazi za da go izvlecat najdobroto od takvata tragedija.
и тие добри девојки стануваат лоши, не верувваат во машките затоа што некој ги изневерил или не се однесувал соодветно или едноставно ја искористил.. тоа е тоаа
Еднаш да згрешиш разбирам, секој греши, вториот пат е веќе сопствен избор. Но мислам и дека се е до очекувањата што ги има секој. Не треба да се лета во воздух, туку треба да се стои на земја. Колку помалку очекувања толку помали шансите да се разочараш
Не знам дали е разгледуван овој аспект од темава, ако сум меѓу првите што го начнува, супер. Ако не, пак супер де. Некои карактеристики остануваат, тоа е факт, но некои искуства знаат и те како да не` дообликуваат во некои не толку ситни и споредни аспекти. Зарем немате слушнато приказни за тоа како некој маж со едната бил еден (ја нервирал, и` праел сцени, ја зафркавал) , а со другата бил како сосема друг човек (ја гледал како капка вода на дланка) ? Па трачот продолжува со чудење како тоа било возможно. Па да. Не остануваме сосема исти по една врска, тоа е факт. Kaко ниту по кое и да е друго емотивно посилно искуство. Ниту пак може да останеме. Партнерот не` учи, без разлика дали сме мажи или жени. Ова немојте да си го сфатите во стил „ќе затруднам од него/ќе ја затруднам, ќе се регистрираме и он/а ќе се смени.“ Не. Тој процес на дообликување на една личност е многу поспонтан и поподмолен процес. А има многу влијание и како партнерот ќе се постави. Како некој ќе знае да те почитува ако не се поставиш како личност којашто заслужува почит? Зошто постојат закони воопшто? Затоа што, колку повеќе работи му се дозволени на човек, толку пострашен станува. Така функционираме. Ретки се оние неверојатно доблесни луѓе (и мажи и жени) на коишто не им е дадено до знаење дека треба да се однесуваат со почит кон партнерот и сепак го прават тоа. Намерно правам муабет за почит и грижа, затоа што, кога правиме муабет на темава, кога ги нема овие две и љубовта е речиси залудна.
Темава е дискутабилна, а впрочем и многу фактори зависат од изборот. Нема да должам многу, само ќе кажам дека за воља на вистината, сакате лутетете се` сакате не, мое мислење е дека има многу незрели луѓе кои не знаат што е тоа вистинска љубов. Во потрага се само по авантура, забава, и ете ќе се најде некој партнер/партнерка која ќе им се допадне малку повеќе и мислат дека е тоа љубов, а истата е еднаква на добар секс провод на одмор или во диско неколку дена и толку. Да, факт е дека моментите си го прават своето, јас тоа него одрекувам тоа, меѓутоа за една личност да знаеш дали ти е компатибилна потребно е многу повеќе од добар помин. Мислам до некаде дека и заедничките интереси се во прашање, начинот на размислување и изнаоѓањето компромиси. Но, со оглед на динамичното темпо на живот кое го водиме се` помалку е возможно да се дојде до еднакво задоволување на потребите на двајцата партнери. Како и да е, жените на тоа поле ми се чини се малку позрели од мажите па затоа на крај и остануваат незадоволени. Ретко кој маж може да ги исполнува основните критериуми на вистински џентлмен, кој својата девојка ќе ја третира како што заслужува без притоа да очекува некаков орден за возврат во вид на трампа. Башка, се повеќе ќе сретнете и онакви ,,фраери'' кои само глумат, додека нивните манири се сведуваат на отварање врата од автомобил, собелкување на палтото на девојката, потргнување на столчето за да седне и толку. Тоа секако останува само за пред народ, и се случува само во почетокот на врската, дур по извесно време не си го покажат вистинското лице, па се во стање столот од глава да и го акнат на партнерката што се вели. Секако, секоја чест на исклучоците кои за жал ги има во се помал број (иако јас не сум чула за ниту еден), бидејќи сите мои пријателки се жалат. И да, заборавив да одговорам на прашањето на темата..Причината поради која се почесто жените налетуваат на ,,погрешни'' мажи е еднакво пропорционална со нивното постоење.
И мене ме занима зашто толку многу жени западнале со погрешни мажи. Не сакам да мислам дека се мазохисти, па ајде да речеме дека има некој друг одговор. Јас не запаѓам на такви, може се десило некогаш случајно ама затоа коа ќе видиш со каков суртук си имаш работа, фаќаш патот под нозе и што подалеку. Ова жениве камикази малку чудни ми се...
Мене па ме интересира кои се погрешни мажи? Која е дефиницијата за погрешен маж? Може грешам, ама по моите дефиниции нема погрешен маж или погрешна жена, има само ваков или таков карактер кој е или не е компатибилен со мојот или твојот. Оној маж кој за една жена ќе биде погрешен (како што јас сум бил за некои девојки), за друга ќе биде совршен и една жена која за мене била (погрешна), за некој мој другар ќе биде совршена. Чувството дека константно налетувате на погрешни мажи го имате зашто само еден од стотина различни карактери ќе одговара со вашиот. Кога на тоа ќе додадете колку мажи во соодветна возрасна граница имате, соодветен социјален статус со вас е, изгледа доволно привлечно да го погледнете, соодветен етникум и религија е и уште неколку други без врска критериуми кои си ги поставувате... излегува дека математички гледано, само еден во 10 илјади може биде добар партнер. Затоа и толку многу се погрешни.
Веројатно се мисли на мажи кои не соодветни/компатибилни со нашиот карактер како што кажа ти. Дека постојат жени што постојано наоѓаат мажи што се крајност од нивната крајност постојат, меѓутоа одговорот лежи во психологијата дека тоа што ние го сметаме како непродуктивно и разочарувачки во нашите особини НЕ го бараме во друга индивидуа од спротивниот пол. Јас би препорачала само да се бараат истите мизерни и лоши особини што ги поседувате кај друга личност. Дозволете да излезат на виделина наместо да се потиснуваат затоа што изреката „слично со слично се радува“ не е наменета само за вашите добри карактеристики и предности. Само така ќе можете да остварите среќа и баланс на долг временски период. Секое надополнување како што се прикажува во книгите и филмовите е чиста фикција, односно фантазии кај поединечно други лица на глобално ниво.
Ја колку идиоти у животот и да сум имала никад не сум го ни викала ни помислувала ова ептен глупо ми е. Не е работа еден да најдеш и цел живот да тераш со него,тоа скоро никад не се дешава,ако се деси супер,али сакаме или нејќеме пак ќе налетаме на личност со која не се совпаѓаме. Па боже мој живот иде даље. И ќе сретнеме различни морони,и ќе испаднеме морон ние,па пак све си иде понатака.... Нормално си е тоа у животот.
Мислам дека не е проблемот во жените туку во мажите, денес не остана маж кој е добар, грижлив, и стабилен... Сите се направени женкаришта кои гледаат само да ги искористат девојките а другио ден ги заболе за нив.. Таков е менталитетот денес, мажите размислуваат само како да си ја направат секоја вечер по забавна, како да имаат повеќе девојки на листата и тоа е тоа.. тие ќе бидат најјаки, најголеми фраери во друштвото.. мислат дека постигнале се а уствари не постигнале ништо. Не е до девојките. Девојка како девојка, колку брзо се заљубува толку брзо и се одљубува, ќе и го привлечи некој вниманието.. ќе се прави внимателен ќе и симнува ѕвезди и доволно е таа да се залета, после што испаднал гојдо не е нејзина вина.. Не можеш денес да препознаеш кој е лажго а кој ја кажува вистината, се е испомешано.. За жал не останаа добри мажи, но добри девојки има и тоа многу, а тие малкуте добри мажи или се заглавени со некоја лоша девојка, или пак им е страв да пријдат па си седат во комфорт зоун со надеж дека ќе им падни добра девојка од небо..
Секој маж ќе биде погрешен, се додека не го најдеш оној вистинскиот за тебе. Твојот погрешен маж, ќе биде вистинскиот маж за некоја друга....