Зрели мажи во врска со тинејџерки

Почнаа девојки од моја генерација да постираат како се вериле. Затоа што се трудни. Од нивните 30 годишни дечковци. Ми се плаче. Само што завршив средно. Не можам да замислам како им е. Цел живот уништен заради нечии предаторски тенденции и заради општество кое го нормализира тоа, а не го нормализира абортусот како валидна опција во ваква ситуација.

Предатори. Манипулатори. Одвратни и гадни. А не можеш ништо да направиш за да помогнеш. Срцето ме боли некако.

Модератор: Дискусија одделена од темата СДК

 

Можеби девојките сакале да се мажат. Не можеш така да осудуваш.

Да, постојат многу случаи каде
што се приморани да се омажат ама исто така постојат доста случаи каде што желбата за брак е обострана.

 

Малку се пронајдов во твоето мислење.
Бев 3та година средно кога една другарка забремени и се омажи, имаше многу пари и голем потенцијал за учење, но не ги искористи.Тогаш кога дознав дека ќе се мажи и дека е бремена на 16години мислев дека си го уништила животот и ја осудував, неколку години подоцна гледам дека таа е среќна во нејзиниот избор и ужива во животот чекајќи го второто дете.
Уште неколку мои 20годишни другарки се мажени или ќе се мажат за брзо(бремени), иако не ги подржувам, немам право да ги осудувам бидејќи не знам што точно мислат и сакаат.Секој си одлучува како му одговара.Некој е подготвен за брак на 18години, некој не е подготвен ни на 28години.

Сакав само да ти кажам дека постојат големи разлики во приоритетите на луѓето и колку побрзо го сфатиш тоа подобро.Не е се како што изгледа.

 

Цел живот уништен заради тоа што ќе родат бебе? Поим немаш што збориш. Гледај си раабота и не си го пикај носот кај што не ти е место.
Какви предаторски тенденции бре, какви манипулатори, најнормални дечковци фатиле, какви монструми ги направи, леле што прочитав

 

Најдобрата ми другарка е бремена.
Млада е многу, 19 години.
Ќе бев покрај неа што и да одлучеше.
Одлучи да го роди.
Посреќна ја немам видено во животот.

 

Јас имав познајничка која едвај чекаше да се омажи за дечко и и да роди, а девојкава во рани 20ти.
Лани водов дека се омажи за тотален анонимус од странство, така да желбата да се омажи и роди од било кого била огромна. Разочарувачки е кога ова ти е единствена амбиција во животот, ама според мене, неа животот и се смени во насока за која мечтаела откако станала свесна за себе и својата женскост. Наравоучение нема што да им судиме, или прифаќаме дека тоа е нечиј личен избор и најголемо животно достигнување или не прифаќаме се чудиме, разочаруваме ама па што е битно како ние се чувствуваме во врска со тоа?
Нивни живот, нивна среќа, како се задоволни така нека чинат.

 

Ни мене не ми е во ред 30 годишни мажи да бркаат тинејџерки, средношколки. Очигледно ни една на нивна возраст не би им ги трпела глупостите.

Нема никаков проблем млади да се венчаат и да остане бремена. И двајцата ако се на приближно истата возраст, заедно ќе созреваат.
Овде станува збор на зрели (барем би требало да бидат) мажи со формирани ставови и искуство, кои одат со средношколки. Девојчиња кои допрва треба да се пронаоѓаат.

За да стигне до венчавка, да претпоставиме оделе барем една година. Средно завршуваат на 18 години. 29 годишни мажи кои одат со 17 годишни, малолетни девојчиња, мене никако не ми е нормално.

 

Поентата не ми беше за младо мажење, поентата ми беше за мажите кои трчаат по тинејџерки и ги манипулираат за да тие дојдат до ваква ситуација.

Ако на вас ви е мило да браните такви ненормални предатори слободно, јас веќе кажав колку е нормализирано ова.

 

Само на овој ЖЕНСКИ форум како млада девојка можам да кажам нешто за заштитување на други млади девојки кои се манипулирани од постари мажи, а дружина домаќинки! ни 3 секунди не почекаа да одбранат како секој има различни амбиции што никогаш не ми беше ни поентата.

 

ти не звучиш ко да ги заштитуваш туку како "кутрите мали душички некој ги лаже, а јас најпаметна, никој не ме излажа".
уживај, секој за себе си носи одлуки. и да не и одговара на некоја фала богу може да ја смени таа одлука.
позанимавај се со себе, у животот ќе носиш и добри и лоши одлуки. исто и тие.

 

Не е дека на 18 години сите се глупи и наивни, колку паметни и манипулаторки знаат да бидат и млади девојки.
Се согласувам, некои се излажани, заљубени и не се свесни во што влегуваат, ама има и такви кои сами си ги местат работите и не би рекла дека се жртви на предатори.

 

Моја врсничка на 18 години беше условувана од нејзините или факс или брак.
Се знае што избра,со врсник се разбира.
Што беше понатака не знам.

 

А да читавте до крај пред да напаѓате? Никој не ви го чепка пресветиот статус на мајки и домаќинки, чил. Девојката спомна значително постари дечковци, околу 30 годишни. Сериозно ви е сосема океј едвај полнолетни девојки само што излезени од клупи у задолжително образование, да затруднуваат и да се мажат со толку постари мажи? Сериозно не го гледате проблемот и ви е исто empowering избор како учење и надоградување?
Па јас барем не можам да се препознаам од крај на средно до сега, којзнае како би можел тогаш да ме измоделира по негова мерка и затупи толку постар човек што трча по тинејџерки, скраја да е.
Озбилно почнувам да го преиспитувам тој мејнстрим концепт на изедначување на секакви „избори“ кај жената без ни да се погледне подлабоко во тоа колку се навистина добри за неа...

 

Никој не е ретардиран за некој да го манипулира туку едноставно може си го сакале тоа и заедно си ја донеле одлуката. Не знам дали ќе дојде ден кога ќе прекинете да се мешате таму кај што не ви е место

 

18 години имаат, доколку не се присилени на брак и деца -ок е. Изманипулирани или понесени од моментална желба и идеја? Врло веројатно. Ама нема да е прва претстава за живот која се изјаловила некаде попат, впрочем како и со многу желби и планови, често не излегуваат по замисла. Со тек на време, растеш, созреваш, можеш да смениш насока ако не ти одговара, не значи дека нечиј живот завршил со мажачка и раѓање. До 35 детето ќе и порасне а таа има време за нов почеток, нов маж, нова работа, усовршување, образование, место на живеење...нов живот. Ако сака.

 

Еве јас ке ти кажам од примеров на познајничкава. Од 16 години беше во врска со 4 години постар дечко и планот и беше кога ќе дипломира на 22 да се омажи со него и да роди одма, а он и викал дека сака да се жени по 28-30 години, значи она 22 тој 26 и таа би требала да го чека едно 2-4 години за брак.
Неа и беше сон и најголема амбиција да е млада мајка. Со дечкото ништо не бидна и се омажи со тотален анонимус од странство едно 12-13 години минимум постар од неа.
Така да во ситуацијава колку и да не ги оправдувам тие предатори мора да истакнам дека поред категоријата предатори имаш и категорија жени со амбиција рано од дома да излезат и влезат во ''своја дома'' и родат на млади години.
Ај сега што со таквите кои намерно не сакаат да се потрудат да створат нешто свое и се пробаат на пазарот на трудот да видат како оди сама да заработуваш за себе, се прахрануваш и плаќаш сметки?

 

Факт е дека има група на мажи што начукале по 30 години и бараат жена. Ги има и по Пазар3 како бараат невести, и да стварно да ви се верува има такви, ништо лошо со тоа. Ама, ти свесно да изманипулираш 17 годишно девојче, да спие со тебе, да ја забремениш и да и уништиш живот е нешто друго!

Од друга страна имаш такви девојки што бегаат од нивните домашни проблеми и си создаваат свои семејства. Тие си имаат своја желба да станат мајки на млади години, едноставно мерак им е!

 

@Srckata28 главен проблем во твојот првичен пост е тоа што сите ги сведуваш на исто рамниште. Не можеш за сите истото да го мислиш. Едноставно реалноста е таа, постојат девојчиња кои се приморани на брак, НО постојат и доста девојчиња кои сами го избрале тоа.

Јас не спомнав дека ги поддржувам тие 30 годишните кои средношколките ги прават робинки. Ти употреби доста погрдни зборови за сите нив, ги стави во исто ќоше, но главната поента е дека постојат исклучоци. Не сите бракови се такви какви што ти ги опиша.