ИТ дружина - IT Crowd

Од роднини имам чуено дека со завршени студии математика и некакви обуки лесно се наоѓа работа во секторов. Наводно многу било важно знаењето математика и било предност при вработување. Точно ли е?

 

Зависи што имаш учено. Ако седнеш и научиш технологии тогаш можеш да се запослиш, ама математиката нема да ти биде предност при вработување. Предност може да имаш ако знаеш статистика и линеарна алгебра и бараш позиција за Data Scientist, ама и тука ќе треба да вложиш труд за да се запознаеш со трендовите на невронски мрежи, временски серии итн.

 

И тука да ве замолам за препорака за лаптоп со SSD, OLED (заштита на очи) и солидна меморија. Ми треба за работа, по нормална цена

 

Можеби кориснички искуства, дизајн на страни, патерни. Разгледај убаво се што вклучува UX дизајнот, тоа ти е такаречено позадинската “психологија” на сајтот.

Јас се имав пријавено пред некоја година за бесплатните обуки од Семос за програмирање. Прашањата не беа поврзани со тоа, повеќе беа логички математички задачи. Кој број недостасува во низа бројки, што е следно итн..

 

Која академија би ми ја препорачале за онлајн учење?
Почетник,без никакво знаење, со желба за изучување.
Дали имате искуства со некоја?

 

Udemy, Youtube

 

Колку време курсевите на Udemy се задржуваат на профилот?

 

Има заинтетесирани?

 

Засекогаш

 

Сакам да сменам професија и да почнам со нешто од ИТ секторот, што би препорачале за почетник ?

 

Колку што знам јас, најголем дел од новите во ИТ кои тек започнуваат кариера и кои немаат познавање од програмирање или имаат малце, започнуваат со тестинг или евентуално фронт енд. Што и да одбереш треба да вложиш доста труд и да не се откажуваш.

 

Здраво Феминки, дали имате предлог фирми кај што би можело да се пушти CV за пракса, за некој што има завршено на едногодишниве академии, кој претходно работел/студирал од друга област.
Негде кај што почетник добро би се вклопил. Сакам да се бавам со фронт енд, евентуално UX дизајн.
Било какви предлози, препораки, совети, доколку имате искуство со интервјуа да споделите како сте прошле.
И дали почетник е препорачливо да се посвети за почеток на основите добро да ги совлада, HTML, CSS, JavaScript, па после тоа да тргне со изучување на библиотеки или работа со CMS.
Конкретно за мене, некој што сака да се бави со фронт енд, дали би ми било паметно да упишам 3-годишен факс за да навлезам во областа, или би било губење на време, да се обидам првин со ова да најдам некоја пракса па понатака да видам...
Било какво мислење е добредојдено.

 

Не ти е неопходен факултет за да почнеш да работиш. Подобро парите/времето што би ги вложила во тоа искористи ги на учење конкретно на тоа што те интересира.
Јас би ти препорачала да си платиш неколку месеци членарина на Pluralsight (првиот месец е бесплатен) и да почнеш најпрво со курсеви за HTML, CSS, JS. Таму има таканаречени патеки (paths), што се групи од курсеви за дадена област, што опфаќаат различни нивоа (beginner, intermediate, expert).
За почеток фина патека е "Building Websites with HTML, CSS and JavaScript", за да си го зацврстиш знаењето, а и да поднаучиш нешто ново. Дури откако добро ќе совладаш JavaScript, префрли се на некој фрејмворк (Angular/React/Vue), па помини и за тој патека. Ова би ти одзело максимум месец-два, а и те како е корисно, бидејќи паралелно со курсот можеш да кодираш.
Откако ќе го совладаш тој дел, следно е спремање за интервјуа. Гуглај frontend development / javascript / angular / react / што-и-да-е interview questions и одговарај ги, читај, истражувај. Ем ќе добиеш идеја што би можело да те прашаат, ем ќе научиш и теоретски како функционираат технологиите, ем ќе стекнеш самодоверба.
Дури потоа почни да аплицираш во фирми. Следи огласи на групите на фејсбук, среди си го линкедин профилот (направи ако немаш) и сетирај open to work, распрашај се кај роднини/пријатели/познаници во индустријата дали може да те препорачаат, праќај CV и кај фирми што во моментот можеби и не бараат почетници. На интервјуата секогаш биди искрена и не пробувај да „продадеш“ повеќе знаење отколку што имаш (верувај, од километар се познаваат таквите). Не се разочарувај и ако те одбијат на едно-две-пет места. Тоа не мора да значи дека тебе не те бива, туку може едноставно не се вклопуваш таму или некој друг поминал подобро на интервју. Со секое наредно интервју, се' повеќе ќе учиш и се' подобро ќе поминуваш.
Со среќа!

 

Истото важи и за Дата Анализа? И која е таа група? Дали Upwork е добра за почеток?

 

Фала ти, баш од темава имав исконтактирано феминка истава ми ја препорача, па ќе се претпчатам и кога сум веќе слободна интензивно два три месеца ќе утврдам знаење, па ќе почнам со аплицирање.
Дека вака иако бев добра за време на студирањето, самодоверба сеуште ми фали и осеќам дека ми треба утврдување. Вака супер е што имаш roadmap да те води, да не луташ и не се вртиш во круг.

 

Важи Јуле. Pluralsight, Udemy и Coursera се ризница на знаење за буквално секоја област во рамки на ИТ, само треба желба и посветеност. Има курсеви за секое ниво, од буквален почетник до експерт.
На ФБ имам наидено повеќе групи, во моментов ми текнува на „Работа и вработување во ИТ сектор“, ама мислам вие веќе не сте во Мк.
За Upwork, што знам, немам некое искуство. Како тинејџер пробав таму (тогаш се викаше Odesk, ама истата платформа е), ама многу тешко е дур да фатиш 1-2 проекти, па се откажав. Знам луѓе што беа упорни, па веќе со години работат и прават фини пари. Проблемот е дур да се пробиеш кај првите неколку клиенти, после тоа е полесно.

 

Не сме. Добро он слуша курс во Семос, плус нешто и од Udemy има, после не знаеме како би било.

 

Знаете нешто за ScaleFocus бугарска компанија, гледам многу таму отидоа да работат, а ме интересира за ScaleFocus Academy како е? Дали е нешто како graduate program ?

 

што подразбираш под нормална цена? цените се тие олед си кошта.

 

Има некој искуство со Data Agency?